رواية ^^ أحبك ^^ - ارشيف منتديات عالم حواء
ارشيف منتديات عالم حواءارشيف منتديات عالم حواء

العودة   ارشيف منتديات عالم حواء > واحات المنتدى > الواحة الأدبية > واحــــة الأدب الشعبــي
المنتدى البحث المشاركات الجديدة التأشير على جميع الاقسام بالمشاهدة

إضافة رد
 
أدوات الموضوع البحث في هذا الموضوع طريقة عرض الموضوع
قديم 09-07-2006, 18:57   1
{" خوخة "}
عضوة جديدة
 
الصورة الرمزية الخاصة بـ {" خوخة "}
التسجيل 03-05-2006
البلد : الكويت
المشاركات 10

تنويه :
هذه الرواية وصلتني من احدى الصديقات يعني مو انا اللي الفتها بس حبيت اشارك فيها لانها واااااايد حلوة و رومانسية و أحداثها من واقعنا الخليجي و العربي
أتمنى تعجبكم و سوري طولت عليكم
(أحــــــــبــــــــــــــــك)

قبل القصه راح اكتب تعريف بسيط جدا لشخصيات ..

(عايلة ابو سعود)عياله سعود عمره30 متزوج بنت عمه ناصر وعنده ولد واحد عمره سنه ونص تقريبا(سالم )

بدر عمره 28 توه راجع من برا وحاصل على الماجستير في ادارة الاعمال

نواف عمره24 يدرس برا وبيرجع على نهاية السنه

نوف ..اختهم الكبيره من البنات تعرف اخوانها من غير مايتكلمون متزوجه وعندها ولد واحد( احمد)

ريوف..عمرها21 بالسنه الثالثه من الجامعه

ريم عمرها 19 اول سنه بالجامعه )

(عايلة ابو خالد)..عياله
خالد عمره 28 وانسان مختلف والكل يعرف هالشئ دائما قوي بأفكاره واختياراته وصريح ومحبوب
يشتغل بشركتهم والاهم انه حنون على اهله وهذي ميزه فيه

أمل..زوجة سعود )

(عايلة بو سلطان)
..سلطان ..عمره 27 يحب ريوف بنت عمه وتقريبا الكل يعرف انها له يشتغل بالشركه وهو انسان مثقف وواعي وطيب

رغد..عمرها 22 تدرس مع ريوف وهي توأمها وكاتمة اسرارها

عبدالله ..عمره 24 وهو شاعر مبدع واغلب الوقت بعالم ثاني قليل مايطلع مع اهله )

وشخصيات نتعرف عليها من خلا ل القصه




البدايه.......


14 / 12 / 1423 هـ يوم له ذكرى جميلة عند عائلة بو سعود ففي هذا اليوم قام كل البيت على صوت سعود وهو ياصارخ بأعلى صوته ينادي امه ..الي جت مسكينه تسرع من الخوف لحد ماوصلت غرفته وحصلته عند باب

سعود ...يمه لحقي علي امل تعبانه شكلها بتولد الحين شسوي

الام قرب السياره وخلي خواتك يساعدونك ونزلوها تحت وانا بجيب عباتي يالله بسرعه
وراحت ام سعود لغرفتها تاخذ عباتها ..

وسعود ينادي خواته ..ريوف ..ريم تعالوا بسرعه

وطلعوا خواته من غرافهم وراحوا صوب غرفة سعود وساعدوه ونزلوا امل الي مسكينه كان حيل تعبانه
ركبت امل وام سعود مع سعود وراحوا للمستشفى وسعود ماعاد يشوف دربه مع كل صرخه لحبيبة قلبه امل يحس وده يطير

حتى يوصل للمستشفى ..والحمد لله

الله سهل عليهم وصلوا للمستشفى ودخلت امل غرفة الولاده وتم سعود رايح راد وامه تحاول تهديه

وبعد ثلاث ساعة ..طلعت الممرضه وبشرت سعود انه جاه ولد وسعود من غير تفكير صار يقول .. صرت ابو سالم ..سالم الصغير شرف

وراح وحضن امه وبعدها بنص ساعه حضن سعود ولده الي من غير شعوره بمجرد ماحضنه نزلت دموعه ..

سعود ..آه يابدر لو احكي لك من اليوم لبكرا عن احساسي ذاك اليوم وفرحتي مااقدر لكن هذا اليوم له اهميه عند امنا وابونا وكل العايله
وعقبالك بدر ان شاء الله قريب نشيل ولدك

بدر ..لا وين عقبالك انا توني راد من برا ومحتاج وقت وبعدين الزواج يبي له استعداد وتهيئ وانا توني ماتهياءت

سعود ..اي استعداد ياشيخ عمرك 28 سنه استح على وجهك واخذت الماجستير ووظيفه وتوظفت وشتبي بعد

بدر ..الموضوع التهيئ النفسي لزواج

سعود ..بدر لاتطبق دراستك علي.. ابوك محضر لك مفاجأه الليله وياخوفي من الليله وش بيكون فيها

بدر ..سعود خير لاتقول الوالد بيخطب لي

سعود ..بدر انت عارف ان الوالد مابيخطب لك لان خطيبتك معروفه وهي تنتظرك

بدر ..خطيبتي ..معروفه ..منهي ..؟؟

وقبل مايرد سعود دخل ابو سعود وقاموا العيال لابوهم الي توهم كانوا معه بالشركه وجلس وتموا يسولفون لحد ماقال ابو سعود ..

هايابدر متى بتحدد اليوم الي يكون كل شئ رسمي بينك وبين بنت عمك

بدر من قوة الصدمه صار يناظر ابوه واخوه

ابو سعود ..وراء ماترد يابدر

بدر ..اي بنت عم يابه طال عمرك

ابو سعود ..وشهالحكي يابدر ..رغد بنت عمك الي الكل يعرف انها لك من سنين

بدر ..بس يايبه انا رغد عمري ماشفتها الا يوم كانت صغيره

ابو سعود ..بدر اشوفك جبت مع شهادتك طبايع الغرب ومن متى بناتنا يكشفن على عيال عمهم

بدر ..لا طال عمرك ماهو هذا القصد انا اقصد رغد صغيره ولافكرت فيها زوجه

ابو سعود ..اسمعني وانا ابوك انت رجال وماعليك قصور وبنت عمك شيخة الحريم وتقدم لها رجال ماينردون
لكن بو نواف ردهم عشان يشري قرب ولد اخوه ورضى اخوه العود بنت عمك القريب والبعيد يعرف انها لك لاتهدم
مابنيت بسنين عشان كلام الكتب الي قريته باامريكا
ياابوك انا علمتك وانت قرر واذا تبي رضى ابوك اشر بنت عمك
وقام بو سعود وراح لغرفته ..ولقى ام سعود توها مخلصه من صلاة الوتر وجلس عندها

ابو سعود ..ياام سعود بدر شكله بيسود وجهي قدام اخوي

ام سعود..افا والله ليه خير ان شاء الله

ابو سعود..شكله ماهو رايد بنت عمه

ام سعود..رغد كامله والكامل وجه الله وين بيلاقي مثلها وبعدين مافيه مكان ماقلت فيه انها مرت ولدي خل عنك انابفهم بدر وان شاء الله مابيكون الا الخير قم نم يابو سعود ومالك الا العلم الطيب

ابو سعود ..ان شاء الله ..ربك كريم

وبمكان ثاني من بيت بو سعود كان سعود وبدر سعود ..بدر ليه ساكت

بدر ..افكر بهالمصيبه

سعود ..لاحول ولاقوة الا بالله صارت مصيبه يابدر انا اخوك قولي ليه ماتبي رغد فيه احد ثاني ببالك ..؟؟

بدر ..لا مافيه لكن من رغد الله يخليك من اكثر من تسع سنين ماسمعت الظاهر صوتها وشلون اتزوجها

سعود ..والله صدق ابوي يوم قال جبت طبايع الغرب اعنبوك من متى انا نكلم بنات عمنا

بدر ..ياسعود افهمني انا عمري ماسمعت شئ عن رغد حتى مااعرف هي كم عمره وايش تدرس

سعود ..ماهي مشكله ناد ريم او ريوف ويقولون لك

بدر ..يعني حليتها يالفالح سعود كل انسان له وجهة نظر يعني عالاقل يمكن انا ابي اتزوج وحده بيضاء وهي سمراء

سعود ..ياتفهك ياشيخ

بدر ..انا اقول مثال لكن ليه تحرموني من اختيار او حتى التفكير بصفات زوجتي ويختارونها لي

سعود ..بدر كلامك منطقي لكن هذي عاداتنا انا عندك اخذت امل بنت عمي ناصر وشوفنا عايشين ومبسوطين

بدر ..الله يهنيكم لكن نجاح زواجك مايعني ان زواجي ينجح لازم يكون فيه اختيار مني وبعدين قبول حتى على الاقل
احس بهذا الزواج

سعود ..بدر لاتطولها وهي قصيره فكر زين وتذكر ان بنت عمك ردت رجال كثير لان عمي كان واثق ان رغد لبدر
ولاتنسى ان سلطان خاطب ريوف وان فيه اعمال وشراكه بين عماني كلهم لاتهدم كل شئ

بدر ..سعود قصدك ان رفضي ممكن يسبب مشاكل بين الاخوان لا عماني فاهمين ولا بيصير شئ

سعود ..اذا انت متعلم وانا وعيال عمك عمانك الكبار مثل ابوك عايشين على العادات والتقاليد والكلمه الي يقولها الرجال يعتبرونها
عهد عليه واعلان برسمية هالزواج وابوك قالها كثير اما مزح او جد ..

بدر ..خير ان شاء الله انا بروح انام والله يكتب الي فيه الخير

سعود ..وين مابعد سهرنا مع سالم الصغير

بدر ..والله ماني رايق له اسهر معه لحالك هههههههههههه

سعود ..بكرا تتمنى ولدي يسليك
بدر ..اشبع فيه ..تصبح على خير

سعود ..وانت من اهله ..

راح سعود لبيته الي بنفس سور اهله وهي مجمع سكني بناه ابوه فيه ثلاث فلل من غير البيت العود لسعود وبدر وسلطان الي بعده يدرس باامريكا ..

دخل سعود وحصل امل وولدها سالم بحضنها تغني له ..

سعود ..الله لايحرمني من هالصوت وصاحبه ان شاء الله

استحت امل ..ولامنك يابو سالم

وراح سعود وشال ولده الي بدا يرفع يدينه من شاف ابوه


وتم سعود سهران مع زوجته لحد الساعه ثلاث بعدها راحوا ينامون عشان بكرا الجمعه وراهم صلاة ..وبعالم ثاني كان بدر يفكر بالموضوع الي غير كل مخططاته كان مقرر يتم سنه او اكثر وبعدها يقرر يتزوج لكن ابو سعود
خلى بدر يعيد حساباته ..وظل بدر يفكر لحد ماقرر انه يروح يسولف مع خواته ويعرف منهم بعض صفات رغد

بغرفة ريم كانت ريوف وريم سهرانات ويا بعض وسمعوا احد يطق الباب ..

ريم ..مين

بدر ..انا بدر اقدر ادخل

ريم قامت وفتحت الباب ..ياحيا الله اخوي نورت غرفتي

بدر ..الله وشحلاة كلامك يابخته ..

ريوف ..منهو الي يابخته

بدر ..يابخت سلطان بريوف والله

استحت ريوف ونزلت راسها

ريم ..ياحبي لاختي تستحي ..ادخل بدر تفضل

تم بدر عند خواته ويسولفون وفجأه رن تيلفون ريوف ..

ريوف ..هلا والله بام احمد عاش من سمع صوتك

ام احمد ..عاشت ايامك يالغاليه ..شلونكم وشلون امي وابوي

ريوف بالف خير ..

ام احمد ..وسلطان شلونه

ريوف ..عندي بدر وريم بحط عالسبيكر وكلميهم

ام احمد ..ياحيا الله اخواني والله جمعتكم حلوه تعال بدر خذني

بدر...ههههههه لاماني ناقص ابو احمد بشري يالغاليه شلونك وشلون احمد وابوه

ام بدر ..بخير ياوجه الخير ..اجل وين سعود عنكم
ريم ..سعود نايم بالعسل هههههههههه

ريوف وام احمد ...هههههههههههههههههه

بدر رفع عينه على اخته وصار يناظر فيها ..

ريم ..شفيك عادي هو دايم يقول هالكلمه ونقولها له

ابتسم بدر ..لا بس استغربت الكلمه

ام احمد ..بدر متى نبدأ نستعد ان شاء الله

ريم وريوف ..ايه صدق متى بدر بتقرر زواجك

بدر ..اذا الله اراد ان شاء الله ..نوف بكرا بتصل عليك ابيك بسالفه

نوف ..ان شاء الله اتصل بي الصبح يكون احمد نايم

بدر ان شاء الله ..تصبحين على خير
الكل ..وانت من اهل الخير

طلع بدر وراح لغرفته وهو يقول بينه وبين نفسه الظاهر العروس بعد مجهزه ماناقص الا المعرس وصك على نفسه ودخل ينام

والساعه عشر الصبح صحى بدر واخذ له دش ولبس وقبل مايطلع قال خليني اتصل بنوف اكيد صاحيه وفعلا ردت عليه

نوف ..هلا والله بدر شلونك

بدر ..بخير الحمد لله انتم شلونكم

نوف بخير ونعمه ولله الحمد ..

بدر ..نوف انا مابلف ولاادور انا بقول لك الموضوع مباشره

نوف ..سم يااخوي تفضل

بدر ..نوف انتي اقرب خواتي لنا كلنا تعرفينا اكثر من غيرنا نوف انا ماابي اتزوج رغد

نوف ..ساكته ..وبعدين قالت ..ليه يابدر ..؟؟

بدر..اعرف قصدك مافيه احد في بالي لكن رغد لا ماابي اتزوج بهالطريقه ليه يختارون عني

نوف ..طيب يابدر انت شلون تبي تختار زوجتك

بدر ..مو هذا موضوعنا

نوف ..لا يابدر او اقول يااستاذ بدر ..اذا انت شايف ان بنت عمك الي حتى ماسألت هي فيها من صفاتك الي تطلبها ماتناسبك فكر كثير ..وراح تتوصل لنتيجه وحده مجتمعنا هذي طريقة الزواج الاهل الي يخطبون لعيالهم صح بعض الناس الصدف تلعب دور وتخلي الولد يختار زوجته لكن هذا استثناء ماهو قاعده

بدر..نوف طيب انا راح اعمل الي انتم تبون

نوف ..لا يابدر لاتغالط نفسك بيدك ترفض لكن فكر بتبعات الرفض

بدر..خلاص نوف توقعت انك تفهميني

نوف ..بدر انا فاهمتك زين لكن رفضك راح يجرح ناس كثير اولهم ابوك الي ماراح يكون قد كلمته

بدر ..خير ان شاء الله مع السلامه نوف

نوف ..مع السلامه

نزل بدر تحت وسلم على امه وبوه الي كانوا يفطرون بالصاله ..

ام سعود ..افطر يابدر بعد الفطور ابيك بسالفه

بدر..يمه مستعجل ونأجل السالفه لليل

بدر ..تأمرون بشئ

ام سعود و ابو سعود..سلامتك يالغالي

طلع بدر من البيت وتم طول الوقت يفكر بكلام ابوه وسعود ونوف ..ولارجع للبيت الا الساعه تسع بالليل

بدر ..السلام عليكم

كل العايله ..وعليكم السلام

سعود..بدر ليه قافل جوالك تعبت اتصل فيك

بدر ..انتهت البطاريه

ام سعود ..بدر تعال ابيك بسالفه

بدر ..مايحتاج الغاليه انا موافق واليوم الي تامرون فيه انا جاهز بس بشرط

سعود عرف ان بدر وافق من غير قناعه لخاطر ابوه وامه

ابو سعود ..خير ياولدي سمعنا شرطك

بدر ..اشوفها قبل الملكه

ابو سعود ..وليه تشوفها عشان عقب تقول ماتبيها وتفشلني عند الله وخلقه

ام سعود..ياولدي بنت عمك كامله والكامل الله

بدر ..هذا حقي والدين عطاني اياه

ابو سعود ..ان شاء الله واخوي مابيرد لي طلب وانا اخوه الكبير

بدر..تصبحون على خير

الكل ..وانت من اهله

قام سعود مع بدر ..؟؟؟



بغرفة بدر..
سعود..مقتنع يابدر بقرارك ..؟؟

بدر ..ماهو مهم على قولة نوف اذا ماتزوجت رغد بتزوج بغيرها بنفس الطريقه خلينا نخلص ونفتك

سعود..بدر بنت عمك ماهي رخيصه حتى تقول هالكلام

بدر..وانا ماقلت شئ كل حقوقها تاخذها وغير كذا ماعندي

سعود..وشتقصد يابدر ؟؟

بدر ..ولاشئ لو سمحت سعود خليني لحالي برتاح ..

سعود ..ولايهمك ارتاح يالمعرس هههههههههههه

بدر ..بايخه مره اطلع وسكر الباب بعدك

سعود ..ايه طيب بايخه ..

طلع سعود وترك بدر مع نفسه وللاسف توصل بدر لقناعه انه بيعطي بنت عمه كل حقوقها الا الحب مستحيل يحبها مستحيل تكون ترجمة حلمه لواقع عن طريق رغد ماهي الانسانه الي تمناها زوجه ابدا ..
وبدر انسان طيب وحبوب لكنه يكابر بمشاعره ولاهو بسهوله يبين حبه او يبين انه ضعيف ,,نام بدر وهالقناعه مسيطره عليه

وبغرفة ريوف كانت ريم تسمع كلام خواتها الي من قال بدر قراره راحت ريوف تكلم نوف وتقول لها لان نوف خبرتها عن
الكلام الي قاله بدر ..وحطت ريوف السبيكر وتموا يسولفون مع بعض

ريم ..والله اخوك هذا مايقدر النعمه والا رغد وش ناقصها زين وخفة دم وعلم

نوف ..انا اعرف رغد لكذا ماكان ودي تروح بعيد ابيها لبدر وربي بتعجبه الله يهديه

ريوف ..والله لو انكم جاهلين ببدر بدر حجر مايلين ولايهمه لاخفت دم ولا حب ياعيني يارغدكل هالدلال والرومانسيه بتكون بالهواء

ريم وبوجه حزين ..بتنصدم بااخونا الاستاذ بدر

نوف ..بس انتي وياها والله بدر رجال مافيه مثله مع انه احيانا ينرفز

ريم ..نوف ..انتي وين رجلك جالسه تهذرين هههههههههه

ريوف ...هههههههههههههههههه عيب ريم

نوف ..الشرهه على الي جالسه وتاركه رجلها وتسولف معكم يالله مع السلامه

ريم ..نوف خلاص نمزح تعالي بكرا اشتقنا لحمود

نوف ..ايه انعدلي ههههههههه ان شاء الله مع السلامه ..

البنات ..مع السلامه

ريم وبأبتسامه خبيثه ..ريوف مااشتقتي لسلطان ..؟؟

ريوف والصدمه على وجهها من السؤال المفاجئ ..اعنبوك انتي ماتستحين هو انا شفته عشان اشتاق له

ريم..علي هالكلام ريوف اعرف انك تموتين عليه ههههههه

ريوف ..طيب امووت عليه واشتقت له موووت وشعندك
ريم .. هههههههههه ماعندي شئ خلينا نكلم رغوده شرأيك..؟؟

ريوف ..الحين ..؟؟

ريم ..ايه بكرا عندكم اف واكيد هي صاحيه الحين

ريوف طيب ندق عالجوال وبعدين اذا صاحيه ننزل تحت اوكي(تخاف يرد سلطان ولايتركها بعدين لانه جريئ ويحب يسولف مع بنات عمه اذا صادف ورد عليهم )

ريم ..طيب يالله اتصلي

وتتصل ريوف ويدق جوال رغد ولا احد شاله وتنزل ريم وريوف عند التلفزيون ويخلون جوالاتهم بالغرفه

ويحصلون بدر طالع من المطبخ معه كاس عصير ..

ريم من الخوف ..بدر مانمت ؟؟

بدروبأبتسامه ..لانايم بس اشرب عصير ..وش السؤال الغبي

ريوف ..ههههههههههههههه مسكينه

ويرن التيلفون وترتفع عين بدر تلقائيا عالساعه ويروح ويشوف الرقم ماعرفه
بدر ...الووو

المتصل ..لحظة صمت ..السلام عليكم

بدر ..وعليكم السلام والرحمه

المتصل ..عفوا اقدر اكلم ريوف

بدر ..لحظه

ويناظر بدر ريوف ويعطيها السماعه وشكله واضح انه ماهو راضي عن المكالمه لان الساعه كانت عالواحده

ريوف ..مين .؟؟

بدر ..مااعرف كلمي وقولي لي ..!!

ريوف ..شافت الرقم وقالت هلا والله رغوده

بدر عرف منو رغوده اكيد بنت عمه لكن استغرب من اتصالها بهالوقت وتم واقف عند الباب بمكانه ومع كأس العصير وسمع اخته

ريوف ..اتصلت على جوالك مارديتي لاني ماتوقعتك نايمه قلت اسألك عن الاختبار (تكذب عشلن بدر واقف والا هي بتسولف )

رغد..لا عيوني مانمت بس كنت عند عبدالله ورجعت وشفت رقمك اكثر من مره واتصلت مارديتي قلت اتصل عى البيت بس من الي رد علي سعود عندكم للحين (هي شاكه انه بدر بس تتأكد)

ريوف وهي تحاول تخفي ابتسامتها ..لا هذا بدر مو سعود

رغد سكتت ..وضحكت ريوف ماقدرت.. بدر على باله قالت رغد شئ عنه وضحكت ريوف
وقال .. تصبحون على خير ..
طلع بدر وظلوا البنات يسولفون شوي وعقب سكروا وراحوا ينامون

الساعه وحده الظهر في بيت ابو سعود ..دخل سعود وزوجته وولده الي اخذته ريم وجلست تلعب معه ودخل ابو سعود وبدر وسلم بدر على
امل زوجة سعود ..

بدر ..هلا ام سالم شلونك

امل ..بخير الله يسلمك شلونك انت

بدر ..الحمد لله بخير ..ولف بدر على سالم واخذه بحضنه الا امه داخله لصاله وشافته

ام سعود ..عقبالك ماتشيل ولدك يمه

الكل ..امين ..وبدر يحاول ان يتصنع ابتسامه

ابو سعود ..هايابدر يوم الاربعاء نروح لبيت عمك كلمته ووافق انك تشوف رغد

بدر ..الي تامر فيه يصير يبه

ابو سعود ..كفوا اولدي اجل نتكل على الله يوم الاربعاء تجهزي ياام سعود انتي والبنات وقولي لنوف بعد

بدر ..ليه يبه نروح كلنا انا وانت نشوف البنت ونرجع

ابو سعود وبدأ يعصب ..يوم الاربعاء بنخطب رسمي بوجود كل عمانك والا ناوي تشوف البنت وتهون

بدر ..لا مابهون وبصوت واطي لو تكون شمال والي ابي يمين ب

ابو سعود ..شقلت ؟؟

بدر..سلامتك صار الي تامر به طال عمرك

وفي بيت ابو سلطان الكل مجتمع بعد الغداء ابو سلطان وام سلطان ورغد وسلطان وعبدالله كان طالع معزوم على الغداء

ابو سلطان ..يوم الاربعاء كل اخواني بيجون عندنا

ام سلطان ..حياهم الله البيت بيتهم

ابو سلطان ..رغد ابوي عمك سالم بيجي يخطب رسمي وشقلتي

رغد ..استحت وهي تموت على بدر قالت الشور لك يبه

سلطان ..رغد هالموضوع مافيه مستحى اذا موافقه قولي

ابو سلطان ..موافقه رغد من غير ماتقول بس الله هديه بدر طالب يشوفها قبل

ام سلطان ماعجبها الكلام ..افا والله ليه بيشوفها وعقب يتركها

خافت رغد معقوله يعملها بدر ويفضحها ويقولون شافها ولد عمها وتركها وقطع تفكيرها سلطان

سلطان ..حقه يمه مانقدر نمنعه

ام سلطان ..وليه ماشفت اخته انت مادامه حق

سلطان ..يمه الله يطول بعمرك انا ريوف اعرفها زين مايحتاج اشوفها

سلطان كان جريئ واذا اتصل يسلم على بنات عمه وشاف ريوف بالصدفه اكثر من مره

ابو سلطان ..تجهزي يابوي يوم الاربعاء ولانبي لبس هالايام فاهمتني ابوي

رغد ..ان شاء الله يبه

وقام ابو سلطان يرتاح وراحت معه ام سلطان وظل سلطان ورغد بالصاله ورغد متعوده تسولف مع سلطان
لانه طيب ويسمع لاخته حس سلطان ان رغد خافت من طلب بدر

سلطان ..رغودده لو لف الدنيا مابيحصل مثلك صدقيني

رغد.بأبتسامه باهته ...عشاني اختك تقول كذا

سلطان ..لا لانك اجمل بنات العايله زين وعقل وعلم يحمد ربه ..ان الله رزقه برغوده

تطمنت رغد من كلام اخوها ..وطلعت غرفتها وكل تفكيرها بيوم الاربعاء اليوم الي تشوف فيه حبيب عمرها بدر

وبسرعه جاء يوم الاربعاء وفي بيت ابو سلطان الكل مشغول ومرتبك الدخون والقهوه والشاي والحلويات ورغد بحاله ثانيه
لانها مو بس خطبتها لا هي غير عن كل بنات العايله هي الوحيده الي طلب خطيبها يشوفها..

وفي بيت ابو سعود الكل كان جاهز وبدر ولا هامه ولا كأنه رايح يخطب لانه اعتبر زواجه واجب مجبر ينفذه ولا اعطى نفسه فرصه يحس
بالفرحه او حتى الخوف ..وصل عمهم ابو خالد وراحوا كلهم لبيت ابو سلطان ..
وبعد مادخلوا الحريم والرجال راحوا للمجلس وقام سلطان واخوه بواجب ضيوفهم دخل سلطان واشر لبدر بعد ماطلب منه ابوه انه يطلع معه عشان يشوف اخته ..

سلطان..تفضل بدر للمجلس الثاني ودقيقه وتجي رغد

بدر.وتوه يحس بالارتباك والخجل من سلطان ...اسف ياسلطان لكن انت انسان متعلم و...

سلطان يقاطع بدر: يااخوي حقك ولافيها شئ تفضل ارتاح

ودخل بدر وطلع سلطان ونادى رغد الي كانت بتموت من الخوف ومعها البنات كانوا يحاولون يهدونها وصلت عند الباب وقالت لها ريم

ريم ..اقري المعوذات لا يعطيك عين اخوي ههههههه

رغد ماتدري تضحك على ريم والا تصيح من الخوف توكلت على الله ودخلت

رغد ..السلام عليكم


لما سمع بدر صوتها رفع راسه ووقف ..وعليكم السلام والرحمه

جلست رغد مقابل بدر مثل ماقال لها سلطان لان سلطان يعرف اخته مابتعرفع رأسها

بدروبكل برود ..كيفك رغد ..؟؟

رغد وبصوت واطي وهي بتموت من سمعت صوته ..تمام

بدر ..يكلمها عشان ترفع راسها لكن مافيه امل ..بخاطره والله مشكله

سلطان ..رغوده ارفعي راسك خلي الرجال يشوفك ههههه

بدر وبعين قويه ولاحتى ابتسامه ..كيف الدراسه رغد ؟؟

رغد وبتموت من الحياء ..ماشي الحال ورفعت راسها ثانيه بعدين قامت واستأذنت وطلعت

واول ماطلعت لقت البنات مجتمعين عند الباب وارتمت بحضن ريوف وبدت تصيح

ريوف وهي تضحك ..رغد منتي صاحيه اجل يوم زواجك بتموتين هههههههههههههههههه

وكل البنات يضحكون عليها وطلعت غرفتها هي وريوف بس

بغرفة رغد كانت بتطير من الفرح شافت بدر اخيرا ثلاث سنوات ماتشوفه يرجع بأجازه اسبوع ولاتشوفه اخيرا اخيرا

ريوف وحاسه بفرحة رغد وقلبها يتقطع عليها ..رغوده هاشرايك بأخوي ..؟؟

رغد ساكته ومبتسمه ..بدنيا ثانيه مافيه غير بدر والكلمات القليله الي قالها والنظرات الجامده الي ناظرها فيها

ريوف بأبتسامه ..تخبين عني اصلا عيونك فاضحتك مهما حاولت

رغد وكأنها صحت من حلم: انتي الوحيده الي تعرف اني امووت فيه وتساليني وشرايي فيه انا اليوم اسعد انسانه بالدنيا
اليوم ياريوف ابدأ ابني حلمي طول هالسنوات بالواقع يالله ياريوف تتذكرين لما اقولك بعمل اذا تزوجت وبعمل وبحول حياة بدر
لجنه اليوم انا حسيت بالسعاده وصدقيني كل الحب الي بداخلي بهديه لبدر ..الانسان الي حبيته وحلمت فيه

ريوف ..الله الله وين بدر يسمع


ريوف..وبخاطرها تقول لو تدرين انه رافض الله يعينك يارغد على اخوي

وتمت ريوف ورغد بالغرفه تحكي لها عن فرحتها وريوف تتألم على حال بنت عمها

وبمكان ثاني من البيت الكل كان يهني بدر وهو وكأنهم يهنونه على اي شئ تافه مايعني له ..

سعود والابتسامه على وجهه ..هايالمعرس تغير رايك بعد ماشفتها ..؟؟

رغم ان رغد كانت اجمل بمليون مره مما تصورها بدر لكنه مااعترف بهالشئ وقال

بدر وكل البرود على وجهه مستحيل تقدر تحدد موقفه من تعابير وجهه: ..حبيت اسوي شئ يبين اني ساهمت بااختياري والا شفتها او لا ماتفرق عندي

سعودوبكل خيبة أمل ..اقول مالت عليك ياشيخ والله انا فرحان اكثر منك ابتسم مره وحده الواحد يعرس

بدر ..بس الشرع حلل له اربع ..!!!!!

سعود وعيونه تتلفت خاف احد سمعه ..عنبوك توك مااعرست اسكت لايسمعك عمي والله يطردك

بدر ...ياشيخ روح انت ربي راحمني لانه حلل اربع على الاقل يختار الواحده له زوجه منهم

سعود ..من جدك تحكي بدر ..

بدر ..بنت عمك حقوقها كامله بتاخذه وبتعيش مكرمه في بيتي

سعود ..وبيتها ..

بدر..طيب في بيتها المهم فكونا يالله نمشي مليت من كثر مايباركون لي

سعود..اقول مالت عليك ياشيخ ماانت كفوا احد يعبرك خلني اروح لخالد ابرك ..وقام عنه

رجع الكل بعد ماتقرر ان الملكه تكون بعد ماتنتهي رغد اختباراتها بعد شهرين ويكون بدر جهز البيت وبعد الملكه بثلاث اسابيع يكون الزواج
وبكذا يكون بدر مايقدر يشوف رغد ولا يكلمها الا بعد الاختبارات يعني بعد الملكه ..

واول مادخلوا البيت الا التيلفون يرن ..ويشيلها بدر

بدروعرف انه نواف ..هلا والله بأخوي

نواف..الف مبروك المعرس

بدر ..بسم الله العالم كله داري بعرسي تونا مااعرسنا ياشيخ خلينا نتهنى

نواف ..هههههههههههانا بعرس هنا وبجيبها معي

بدر ..والله تكون فكيت عمرك ..وبصوت واطي وارتحت من التدبيسه الي تنتظرك هنا

نواف ..ههههههههههههههههههههههه ياحليلك يابدر وهقوك برغيد

بدر ..هي هي احترم نفسك

نواف ..توها تدبيسه هههههههه والحين احترم نفسك

بدر ..اقول كلم امك ابرك لك وخليني بحالي

اعطى بدر امه سماعة التيلفون..

طلع بدر لغرفته يحاول يتذكر كل الي صار من وقت مادخلت رغد لحد هالوقت لكنه للاسف اقنع نفسه وكابر اعجابه برغد وقال
رغد مستحيل تكون الزوجه الي حلمت فيها طول عمري ..رغد عمري مارسمت صورتها بخيالي ليه يارب انا حظي كذا
كنت احلم اني اعيش لحظة زواجي وفرحتي واختياري رغد والله مااتذكرها الي اعرفه انها وحده من بنات عمي واحنا صغار يقولون بتتزوجها والله انا نسيت بس هالشياب من ينسيهم هالعادات القديمه الي تذبح احلامنا بلحظه ..ظل بدر معصب على اهله لحد مانام ..

بالطرف الاخر رغد كانت عايشه بأحلامه تتخيل كل ثانيه ممكن تجمعها مع بدر ..الي حبته من هي صغيره والكل يقول رغد لبدر تربت على هالشئ ولافكرت بغيره ولانها تشوفه اكثر منه باعتبار انها بنت يعني تشوفه بالمزرعه احيانا او بالبيت مع الشباك كانت تعرفه لكن من ثلاث سنوات ماشافته وبينها وبين نفسها تقول والله يابدر مثل ماانت وسيم وشخصيتك حلووه يحس الواحد اذا شافه بهيبه بدر طويل وجسمه حلو
وبشرته حنطي ومشاء الله عليه كله على بعض حلوو ..وبدت تشوف الاغراض الي كانت تشتريها وتقول كل مره حلمي وصبر ومعاناتي
كلها بتعيشها معي يابدر وفتحت الصنودق الصغير وبدت تستعرض كل الاشياء الي خبتها من مراهقتها من الوقت الي بدأ بدر يكون حلم
مؤكد لها ..كانت بكل مره تسافر او تطلع لسوق تشتري اشياء كثيره ولاتنسى بدر لكن بشكل مختلف من أغراض الصنودق
احجار محفور عليه كلمات مختلفه مثل ..انت عمري ..وبرضو اخشاب محروق عليها ابيات شعر ..شموع على شكل كلمات تحمل
معاني عاشتها رغد مثل اشتقت لك ..احبك..واغراض كثيره كثيره تمت رغد تتذكر كل احزانها بغياب بدر واخيرا ابتسمت وقالت اخيرا
تحقق الحلم ..

وبغرفة ريوف ..
ريم ..والله رغد تهبل اليوم مشاء الله عليها بيضاء وطولها حلوو وجسمها يهبل وعيونها وشعرها والله
اخوك مو كفو يستاهل وحده مثل هالشيون الي نشوفهم

ريوف ..الحين انتي شفيك على بدر

ريم ..قاهرني على ايش شايف نفسه ولا كأنه فرحان بزواجه وربي لو هو خطيبي كان تحطمت واضح انه مايبي رغد

ريوف ..بكرا يحبها

ريم ...هههههههههههههههههههههه والله حلوه نكتتك بدر يحب مستحيل

ريوف اقول يالله اطلعي خليني انام

ريم ..واحلمي بحبيب القلب سلطانوه

ريوف وتأخذ المخده وترميها على ريم الي طلعت بسرعه وهي تضحك ..

مرت الايام والبنات مشغولين بالاختبارات وبدر مابين دوامه وتأثيث البيت ..انتهت الاختبارات وتمت ملكة بدر ورغد كانت رائعه
كانت رغد لابسه فستان بفيروزي ناعم وحلوو وشعرها كستنائي لنصف ظهرها وعيونها مشاء الله تخلي الواحد يغرق فيه لكن ياخساره الي قدامها حجر مايلين جلس بدر مع رغد عشر دقايق لبسها الشبكه وصور معها بس وطلع بعدها رغد كانت هذي احلى لحظات عمرها ولاحست بشئ لان بدر فعلا ماقصر كان يبتسم لكن كل اهله عارفين ان هذا تمثيل الا المسكينه رغد ..
بعدها اتصل بدر برغد مرتين وكانت معظم المكالمه عن التأثيث والسفر وقليل ماكانت تتكلم معه عن نفسها او مره فرح قلبها وقال لها كلمه حلوه ولاتتعدى عشر دقايق لكن الي الكل مستغرب منه ان بدر من الملكه ماراح بيت عمه ولا شاف زوجته والكل كان مستغرب ولما جت نوف عند اهلها قالت لها امها وانها خايفه من تصرفات بدر لان البنت مالها ذنب عيب الي يسويه وقالت نوف انها بتكلم بدر وتتفاهم معه ..

وقتها بدر بغرفته وماسك جواله بيدق على رغد يسألها عن لون احد الغرف بالبيت وتوه بيعمل اتصال الا وتستأذن نوف وتدخل ........وبعد السلام

قالت نوف ..بدر ليه مارحت تشوف رغد..؟؟

بدر ..مو لازم زواجنا بعد عشر ايام

نوف ..بدر انت مو صغير والكل مستغرب ليه ماتروح لهم ..وبعدين البنت مالها ذنب من حقها تعيش فترة خطوبتها مثل كل البنات بعدين ماسألت نفسك عمي واخوانها شراح يقولون..؟؟

بدر وعصب والجوال بيده عمل اتصال من غير مايحس ردت رغد بعد ماشافت رقم أنت عمري وكانت مسجله رقم بدر بأسم( أنت عمري )

بدر ..نوف انتي تعرفين اني وافقت على هالزواج عشان خاطر ابوي وعماني والا انا ماني موافق خلاص مو كفايه نفذت لكم كل الي تبون لاتطالبوني بشئ ثاني ..انا قلت لك انا مااااابي رغد ولاابي اظلمها معي وانتم مافهمتوني لاتطلبون مني شئ مااقدر عليه ..

سمعت رغد هالكلام ولاقدرت تتحمل قفلت الاتصال وبكذا بدر ماحس ولاعرف ان رغد سمعت كلامه

نوف ..بدر لاتضحك على نفسك وتكون بدر المظلوم انت رجال واتخذت هالقرار ولاتنسى انك قلت رغد بتاخذ كل حقوقها
ومن حقها انك تروح لها وتشوفها مثل مايعمل كل العيال بعايلتنا ..فكر بكلامي بدر

وطلعت نوف وهي فعلا معصبه كثير من بدر لان عمره ماكان كذا صح هو صعب لكنه مايقصر بواجباته تجاه اي احد وهذي بتصير زوجته ..وظل بدر يفكر بكلامها وبعدين اتصل برغد وكانت بحالة انهيار من الصياح وضياع حلمها

وتم بدر لحد الليل يتصل برغد ولاترد وبعد التعب قررت ترد عليه


رغد وصوتها كله حزن وتعبت من كثر الصياح ..الووو

بدروهو معصب ..اخيرا وينك

رغد ..وعليكم السلام

بدراستحى ..اسف السلام عليكم..وشلونك رغد

رغد يذبحني ويسأل تقول بخاطرها ..تمام

بدر حس أن صوت رغد مو طبيعي ..رغد شفيه صوتك تعبانه ..؟؟

رغد ماتلاحظ الا الحزن ليه ماحسيت بفرحتي لما سمعت صوتك اول مره ..لاتوني صاحيه

بدر وحس ان رغد تغيرت عليه لكن قال خليني اقول لها الخبر وافرحها
بدر ..رغد بكرا بمر عليكم واجلس معك اووكي

لحظة صمت عرفت رغد الطلب الي مايقدر يعمله لهالدرجه شوفتي شئ مستحيل يابدر بعدها ..رغد ..بدر بقولك شئ وياليت تفهمني

بدر..تفضلي رغد

رغد..مابقى على زواجنا الا عشر ايام وجيتك الحين ماتصلح يعني تأخرت كثير

استحى بدر من كلام رغد وحاول يبرر موقفه لكنها غيرت الموضوع بسرعه وبعدها استأذنت منه وقفلت

ورجعت تصيح وتسأل نفسها وين جتها هالقوه تكلمه كذا ..لكن صدمتها فيه غيرتها 180 درجه حست بشئ جمد مشاعرها اعطاها قسوه عمرها ماحست نفسها ممكن تكون صادره منها ..خلاص رغد بعد الكلام الي سمعته حست ان حبها لبدر طوال هالسنوات بدا يحترق
بدأ يتبخر ..تسأل نفسها أنا غبيه كيف اوهمت نفسي أن بدر يحبني وانه ينتظر اللحظه الي نجتمع في بيت واحد يالله يارغد كان الحب عامي على قلبك ماكنتي تشوفي بدر الا بصوره طبق الاصل عن مشاعرك ..وظلت رغد تبكي وتلوم نفسها وتلوم بدر لانه وافق على زواجهم تقول بخاطرها لو رفض افضل يذبحني مره وحده احسن من انه كل يوم يعذبني واالله حرام حرام يابدر ..

مرت العشر ايام بسرعه بالنسبه لبدر كانت عاديه كل التوتر بسبب الضغط بتجهيز البيت ومستلزمات الزواج اما رغد كانت تتمنى انها تموت ولاتشوف الحب يعلن وفاته بدل استمراره وتتويجه امام الكل .. ولابقى الا يوم على زواج بدر والكل مشغول يرتب لزواج والعروس انذبحت فرحتها قبل الزواج بعشر ايام

ويوم العرس رغد رغم الحزن لكنها خايفه كيف تعيش مع واحد مايبيها رافضها مجبور عليها وسيطر الحزن عليها وحاولو البنات يهدونها على بالهم انها عروس ومتوتره مادروا انها تتمنى تموت ولاتنزف لبدر لكن ماتقدر تقول لا والكل وصلته بطاقات الدعوه لبست رغد وكانت احلى عروس بفستانها ونعومتها الكل كان يحسد بدر عليها كانت اميره من الاحلام بجمالها الساحر لولا لمحة الحزن الي خيمت عليها

جاء وقت الزفه واشتغلت الموسيقى ووقفت رغد على اول الدرج وبدأ الشعر الي كاتبه اخوها سلطان كل اخوانها شعراء مشاء الله عليهم لكن عبدالله مااحد يغلبه بالشعر لكن فضل ان اخوه الكبير هو يكتب قصيدة اخته ..

وبدت عيونها تدمع لما سمعت صوت اخوها اما ريوف كان قلبها يدق من سمعت صوت سلطان ..نزلت رغد ووصلت للكوشه

والكل انبهر بجمالها كانت فعلا رائعه الابيض جنان عليها وغير كذا حلاة عيونها بالدموع تذبح الكل سلم عليه اهلها وصديقاتها وناس كثير ماعرفتهم وبعد السلام جاء وقت زفة الرجال دخل بدر وعمه ابو سلطان وسلطان عبدالله وابو سعودوابو خالد ..ووصلوا عندها ووقفت لهم وسلم عليها بدر وباس جبينها وسلمت على اخوها وابوها وعمها وبعد نص ساعه نزلت مع بدر وكانت ترتجف مسكها بدر وحس بيدها بارده وترتجف وتوقع انه شئ طبيعي لانها عروس مايعرف انها خايفه منه من الانسان الي حبته ولد عمها الي انتظرته سنين وطلعوا وتوجهوا بغرفة التصوير وأخذت لهم المصوره كم صوره وطلبت منهم كم حركه وترت بدر وزادت ألم رغد الكل كان مبسوط لكن خوات بدر كانوا خايفين ان بدر يجرح رغد لكن بدر حاول على قد مايقدر يكون طبيعي لكن ماقدر يوضح انه مبسوط ..بعد كذا توجهوا لبيتهم ولما وصلوا نزل بدر ودخل مع رغد الي جلست عالكرسي بالغرفه وبدر تم واقف يناظر فيها مبهور بجمالها لكنه مستغرب من الحزن الي على وجهها قرب بدر وجلس قريب منها حس انها بعدت عنه ورفع راسه لها وقال

بدر ويحاول يتصنع ابتسامه ..مبروك رغد

رغد ساكته لكنها متخذه قرارها وتنتظر الوقت المناسب الي تقوله

بدر استغرب لان وجهها ماكان يدل انها مستحيه واضح انها سرحانه ..رغد شفيك ..؟؟

رغد رفعت راسها وانصدم بدر من جمال عيونها الي اول مره يشوفها بهالقرب وصايره احلى وهي مليانه دموع

رغد..بدر انا بتكلم وياليت تسمعني لحد ماانتهي ..

بدر!! وكل الذهول على وجهه ..تفضلي عيوني..

رغد بينها وبين نفسها عيوني ياااااه تأخرت كثير يابدر

رغد وكل الحزن على وجهها ..بدر انا يمكن مو الانسانه الي حلمت فيها ولا الي تمنيت ترتبط فيها لكن هذي عادات اجبرتني واجبرتك اننا نطبقها

لكن انا زوجتك الحين وكل حقوقك بتاخذها لحد ما...وسكتت

بدر وهو بحالة ذهول كان متوقع رغد موافقه لكنه انصدم انها تقول انجبرنا
بدر..من قال انجبرنا ..؟ انتي مجبوره ..؟؟ ياليت توضحين ..

رغد وندمت لانها قالت مجبوره ..مايحتاج ندخل بتفاصيل الي عندي شئ واحد ان مصيري ارتبط فيك من صغري الرفض كان شبه مستحيل لكن تقدر تقول انا برمجت نفسي على هالشئ من سنوات لكن انت وبااعتبار اني .. بنت عمك واعرف عمي مثل ابوي هذا قرار اتخذوه من زمان ..فا مااادري يمكن او اكيد تكون رافض هالزواج ..

سكت بدر ولما حس ان رغد بدت عيونها تدمع قال مو قته دموع الحين بعدين بفضح نفسي واقول لها اني رافض غير الموضوع وعدت الليله على خير ..

رغد بينها وبين نفسها وهي تتأمل بدر وهو نايم جنبها ..آه يابدرحرمتني من فرحة احلى ليله بعمري وخليتي اكذب واقول اني مجبوره مثلك
سامحني حبك بعروقي لكن كرامتي اهم من كل شئ من كل شئ وبدت تصيح ..

من بكرا صحى بدر ولا حصل رغد جنبه وطلع من الغرفه وحصل رغد نايمه عالكنبه ظل عشر دقايق يتأملها كان واضح انها كانت تصيح قبل ماتغفى عينها ..وشعرها كان على اكتافها وقف بدر وقرب عندها وحط ايده عليها
بدر وبكل هدوء ..رغد رغد قومي عيوني نامي داخلي

رغد فتحت عيونها وابتسمت بدر انهار على ابتسامتها لكنها تذكرت فجأه كل شئ وتغيرت تعبيرات وجهها الي اجبرت بدر يبتعد عنها

بدر ..رغد ليه نايمه هنا ..؟؟

رغد ..ماقدرت انام قلت اتفرج عالتلفزيون وغفيت وبينها وبين نفسها تقول وشلون انام وانت جنبي حبيب عمري لكنك بعيد بقلبك

بدر ..ادخلي نامي وانا اصحيك ..بعد ساعه عشان موعد الطياره ..

رغد..لا لا خلاص باخذ لي شور عشان نروح لبيت عمي نسلم عليهم

ودخلت رغد للحمام وظل بدر بالصاله يفكر بكل شئ صار والاحدااث الي تتابعة الحين رغد زوجته على سنة الله ورسوله سواء قدام الناس او في بيتهم هي زوجته وهو زوجها والحب مو لازم المهم الاحترام بعلاقتهم ببعض ..كان هذا اخر شئ توصل له بدر واستبعد الحب نهائيا من حساباته
وبعد ماجهزت رغد وجهز بدر طلعوا يسلمون على بيت ابو سعود وبعدين بيت بو سلطان عشان رحلتهم لايطاليا العصر على اساس شهر العسل ..

دخلوا بيت بو سعود ..

بدر ورغد..السلام عليكم

ام سعود ..وعليكم السلام حيا الله المعاريس

وسلم بدر على امه وحب راسها ورغد سلمت على خالتها وجلسوا مع بعض
لحد ماوصلت ريم وريوف الي حضنت رغد وهي فرحانه ..

بدر ..خلاص ذبحتي البنيه اتركيها

ريم ..ياحليلك يابدر تغار هههههههههههه

بدر..بايخه ريموه بس والله عورت البنت ..

رغد حست ان بدر بدأ يجرحها بكلامه وشفيها لو ابتسم على كلمة ريم ليه غيرته على زوجته صارت شئ بايخ

ريم وهي تناظر بدر ..هارغد شلون بدر معك لايكون طفشك
رغد ..وهي تبتسم لا بدر ولد عمي مافيه مثله

ريم وبأبتسامه ..اووووووووووووووووه والله اخويي منتب سهل

بدر حس الموقف يحتاج تمثيل كثير قال .. اقول انا بطلع اسلم على سعود وابوي وارجع وطلع

ريم..والله بدر مايستحي غريبه طلع هههههههههه

ام سعود..ريموه انتي ماتستحين وشهالكلام عيب

ريم ..اسفين الغاليه رغد قومي راضي رجلك يالله فرصه

ريوف ورغد...هههههههههههههههه لا

رغد ..خالتي تامريني بشئ بطلع اسلم على عمي واروح اسلم على اخواني وابوي وبعدها نروح للمطار

ام سعود ..بحفظ الله يابنتي

طلعت رغد وعند الباب صادفت نوف وامل زوجة سعود سلمت على امل ولما جت تسلم على نوف ارتمت بحضنها لانها عارفه انها هي الي تدري عن بدر وحست امل برغد ودخلت وخلتها

نوف ..رغوده حبيبتي شفيك

رغد..لامافيني شئ بس فرحانه لاني شفتك

نوف حست بشئ غريب برغد وقالت لها

نوف ..رغد بدر ضايقك بشئ

رغد ..لا ابدا

نوف ..رغد بدر صعب شوي لكن مع الايام تتعودين عليه

وبهالحظه دخل بدر وحس ان رغد تمسح دموعها شافته نوف وحبت تغير الموضوع

نوف ..هارغد حطي اخوي بعيونك

رغد ..لاتوصيني انا وصيه هو علي

بدر..مايحتاج رغد انتي بعيوني انتي بنت عمي قبل ماتكوني زوجتي

نوف انقهرت من بدر مالقى رد احسن من هذا
نوف.. الله يوفقكم يارب
وسلم بدر ورغد وطلعوا ومسكت نوف بدر

نوف ..بدر رغد صغيره مايحتاج اوصيك الكلمه الحلوه تفرح الكبير فما بالك بعروس وصغيره

بدر يأشر على عيونه ويقول من عيوني

نوف ..خليها من قلبك وهي تبتسم

بدر ..صعبه من قلبي صعبه ..يالله مع السلامه

نوف بينها وبين نفسها بذبحه هالولد ودخلت على امها وخواتها وجلست معهم ..

طلع سعود من بيته وركب مع بدر ورغد يوصلهم للمطار .. ..


نوف. وتحاول تكون هاديه ...رغوده حبيبتي انتي زوجة بدر الي حبيتيه طول عمرك وانتي الوحيده الي تقدرين تقربيه منك
حاولي رغد بدر جامد اعرفه وصعب يوضح بسهوله ردود فعله لكن لكل انسان نقطة ضعف حاولي تعرفيها ببدر

رغد ..والدمعه بعينها ..صعب نووف

نوف ..رغد حاولي عيوني

رغد وخافت يدخل بدر ولاتقدر تقاوم دموعها ..نوف بسكر الحين واذا رجعت يصير خير ..

نوف ..الله يوفقك حبيبتي وعيشي أيامك الي مابتتكرر رغد

رغد ..ان شاء الله ..سلمي على كل اهلي ..

نوف..ان شاء الله يوصل حبيبتي مع السلامه

رغد..مع السلامه

وقفلت.. رغد وتمت تفكر بكلام نوف وقالت اخليه يحبني شلون واهو مجبور مجبور رافضني وهو عمره ماشافني والحين واضح انه رافضني اكثر واكثر ..

وقطع تفكير رغد بدر

بدر من غير اي تعبير على وجهه .. انتهيتوا من الاسرار يعني ..نطلع نتمشى

رغد وبدأت تصير مثله من غير اي تعبير ..انتهينا ..طيب دقايق واجهز

بدر.. يالله بسرعه

رغد.. عشر دقايق

ومرت الاسبوعين على بدر بورغد عاديه جدا لكنها من غير ذكريات عرسان جداد وكأنهم عيال عم وبس

مواقف كثيره مرت عليهم احيانا يسيطر عليها الغضب المكبوت بداخل كل واحد فيه لكن المشكله انهم مايقدرون يفرغون هذا الغضب فيه حواجز بينهم تمنع الدمعه او حتى الكلمه الصريحه لكن من بين المواقف الكثير ظل الموقف واحد بذهن بدر لما كانوا بمطعم وابتعد عنها يكلم واحد واحد ثاني ظل يأشر لرغد وخافت وراحت لبدر ومسكت يده ..التفت بدر عليها

بدر وبأستغراب ..رغد فيه شئ ..؟؟

رغد وواضح انها خايفه ..وهي ماسكه يده بقوه لاتتركني بدر لحالي

بدر ركز انتباهه عليها ..رغد وشفيك ؟؟

رغد ..ولاشئ بس لاتتركني

حس بدر ان رغد خايفه وظل ماسك يدها حتى بالسياره ورغد حست براحه كبيره لقرب بدر حتى لو بعيد بقلبه

بدر رجال وولد عمها معه تحس بالامان حتى لو مايحبها لان بدر رجل يفخر فيه ابوه وعمانه واخوانه ماعليه كلام
لكن عيبه مكابرة مشاعره وتفسير المواقف على حسب هواه ..

بالرياض وتحديدا المزرعه
.
..صارت احداث كثيره ..بين ريوف وسلطان

اول يوم سلطان كان داخل ومعصب عليهم لانهم تأخروا بالقهوه ودخل المطبخ وينادي نوف الا ريوف بوجهه بالمطبخ
رفعت شالها وتغطت بسرعه وهو رجع على وراء وقال
سلطان والابتسامه على وجهه ..العذر منك الغاليه لكن وين قهوتنا طولتوا ..؟؟

ريوف ماقدرت تحكي من الحياء

نوف تداركت الموقف ..سلطان القهوه اخذها عبدالله من الباب الثاني يعني ماتدري ....ههههههههه

سلطان ..افا يابنت العم ماهو سلطان الي يتحجج عشان يشوف خطيبته صح

ريوف ماتت من الحياء وضربت نوف وتقول لها اسكتي

نوف ..نمزح سلطان.. ونعم والله فيه ولد عمي

سلطان ..والنعم بحالك يالله بروح عن اذنكم

ريوف ..نوف ليه تقولين كذا احرجتيني

نوف ..خليني اعلمكم حركات والله جامدين تطفشون ههههههههههههههه شوفي جولييت هناك بروح لها

وامل كانت تكلم بجوالها واضح انها تكلم سعود ..راحت نوف وقالت امل خليني اكلمه
ابتسمت امل وقالت تفضلي

نوف ..يااخوي مامليت منها اربع وعشرين ساعه مقابلها

سعود..هههههههههههههههه احبها والله احبها

نوف ..الله يديم عليكم المحبه اخوي بس عاد يكفي احسن شئ خذها وارجعوا البيت

سعود..ياليت

نوف ..استح عيب عليك هههههههههههه

سعود..سلمي على حبيبتي نوفا ..

نوف ..ان شاء الله

نوف ..يسلم عليك الحبيب

امل ..الله يسلمه يارب

امل وسعود لهم تقريبا سنتين ومع هذا الحب يزيد كل يوم عن الثاني بينهم
ومن المواقف الي صارت هو الموقف الاهم لريم لكن مع من صار خلينا نشوف
باليوم الرابع تقريبا الكل مشى من المزرعه مابقى غير سعود وامل وخواته
وبيت بو خالد ..جلسوا يعدلون المزرعه ...وريم كانت لابسه تنوره جينز مفتحه من الجوانب
وقميص ابيض ومن التعب رفعت شعرها والخصل كانت على وجهها وفتحت باب المجلس الي نايم فيه ولد اخوها سالم وتوقعت ان مافيه غير امل

ريم ويالله تمشئ ..اعنبوكم تعبت ابي اروح انام بسرعه وتدخل لنص المجلس
امل وهي تضحك ..ريموه اطلعي

وتلتفت ريم الا وجهها بوجهة خالد ولد عمها جالس عالكنبه وهو منزل راسه لكنه لمحها وشافها
ريم سكتت بعدين طلعت بسرعه ..

امل ..والله انها رهيبه هالبنت

خالد وهو يناظر الباب ..وحلوه ..

امل ..هههههههههههههه هالحبيب هذا وهي لمحه

خالد..ماتحتاج اكثر منها مشاء الله عليها بأي سنه هي

امل انبسطت لان خالد يسأل عن ريم وقامت جلست قريب منه

امل وهي مبتسمه ..ريم بمستوى ثالث الحين لكنها اكبر بكثير من سنها

خالد وهو رافع حاجبه ..امول كأنك صرتي خطابه

امل..هههههههههههههههه مامنك فايده

خالد..باليوم الي بتزوج بقول اخطبوا لي اوكي اموول

امل ..اوكي حبيبي

وطلع خالد وريم في باله اسلوبها وجمالها انطبع في باله وتم يفكر فيها كثير وتوصل لقرار بنشوف مع الاحداث ..

ويوم الخميس المغرب كان موعد وصول طيارة رغد وبدر والكل كانوا مجتمعين في بيت ابو سعود وعاملين عزيمه صغيره لهم

وبالسياره قال لهم سعود..
سعود..بدر الاهل مجتمعين بالبيت وعاملين لك بارتي هههههههههههههه

بدر..هههههههههههههههه حلوه لكن هذا وقته الواحد تعبان وبيرتاح

سعود..كلها ساعتين وترد بيتك وترتاح

بدر..يعني انا لي كلام ثاني لكن اول نروح البيت ونبدل ونجي لكم

سعود..صار ولايهمك

وصل سعود بدر ورغد لبيتهم ورجع للبيت وقال لهم انهم بيجون بعد ساعه

رغد نست بدر وكانت مبسوطه انها بتشوف امها واخوانها وبنات عمها واخذت شور وجلست تعمل مكياجها

وبدر جهز وظل ينتظرها لحد ماانتهت وكانت ناعمه وحلوو شكلها مره

وصل بدر ودخل مجلس الرجال ورغد دخلت عند الحريم الي استقبلوها بقلولولولليييييييييييييش

حضنت امها وصاحت هي وامها وحاولوا البنات يهدونها وعقب تموا يسولفون بعدين جلسوا يرقصون وانبسطوا لكن نوف ماراح ترتاح الا اذا كلمت رغد وبعد مع مشئ اغلب الموجودين ولا بقى الا رغد وامل ودخل عليهم سعود وبدر وابو سعود

جلسوا يسولفون ولما قال بدر ..يالله رغد مشينا والله تعبان وبنام

ام سعود..الله يعطيكم العافيه ماقصرتوا ياوليدي

نوف وبعينها نظرة رجاء ..بدر دقايق ابي رغد بكلمتين..؟؟

بدر وهو يناظر نوف نظرات لها الف معنى ..نوف بعدين

نوف..بدور حبيبي بس خمس دقايق

بدر..رغد استعجلي

وطلعت رغد ونوف للمجلس وقالت لها نوف ..رغد ابي اعرف الموضوع شفيك كنتي بتموتين
من الفرحه وفجأه تغيرتي ..ليه ايش الي صار

رغد منزله راسها وحست نوف انها تصيح قربت عندها ورفعت راسها وشافت كل الحزن بعيونها

نوف..رغد تكلمي انا مثل اختك

رغد وترتمي بحضن نوف وهي تقول..يكرهني مايحبني

نوف تجمدت من كلام رغد معقوله بدر يوصل لهالدرجه يجرح بنت عمه الرقيقه وبشهر العسل معقوله قال لها

نوف وهي خايفه من الاجابه ..هو قال لك ؟؟؟

رغد وهي تصيح ..لا ماقال لي مباشره لكن كل شئ واضح

نوف مافهمت قصد رغد ..رغد قولي بسرعه

نوف .. اقول رغود حبيبتي الحين ماينفع الكلام بكرا راح اكون عندك

وفجأه يدخل بدر الي شاف رغد وواضح شكلها انها صايحه وقف يناظرهم وعقب قال
بدر..ممكن احد يفهمني الموضوع

نوف..سلامتك الغالي موضوع حريم

بدر وهو رافع حاجبه ومعصب ..وموضوع الحريم يستاهل تصيح رغد..!!

رغد وهي منزله راسها .. لابدر ماصحت ولاشئ

بدر وبصوت حاد ..ماني اعمى اشوف

نوف وهي تغمز لبدر..لا اخوي بس رغد شوي تعبانه وتبي ترتاح

فهم بدر قصد نوف وسكت عن رغد وقال يمكن تعبانه او فيها شئ او ضغط نفسي لان هالفتره تعتبر مرحله جديده عليها

بعدين قال بدر..يالله نروح نرتاح اجل رغد

وطلع هو ورغد لبيتهم ووصلوا وناموا ولا حتى تكلموا كلمه وحده رغد تقول بنفسها حتى ماكلف نفسه يحاول او حتى يلطف الجوو
وبدر يقول ماراح ازيدها الي فيها كافيها خليها ترتاح احسن ,,يعني كل واحد صار يفسر الموضوع على كيفه

وفي بيت ابو سعود وبالتحديد في غرفة ريم ..

ريم كانت سرحانه بولد العم خالد الي انحرجت منه بالمزرعه ريم بنت طيبوبه وحلوه ومرحه ولسانها طويل شوي
لكن قلبها ابيض وتصدق الكل وهذا عيبها وفجأه يرن جوالها ماعرفت الرقم قالت مابرد خليه لكن الاتصال تكرر اكثر من ثلاث مرات
خافت ريم وقالت برد اشوف من

ريم..الووو

المتصله..السلام عليكم

ريم..وعليكم السلام ..من معي ..؟؟

المتصله..والله مالك خاتمه نسيتي ايام السباحه يالشينه

ريم. وابتسمت ..هلا والله ببنت خالتي لمووووووو

لمى..زين عرفتيني

ريم..اعرفك بس استغربت الرقم منو رقمه ..؟؟

لمى..رقم اخوي مشعل جوالي استقبال بس

ريم..اهااا طيب حبيبتي شلون خالتي وخواتك

لمى..الحمد لله ..انتم شخباركم

ريم..تمام اليوم وصل بدر ورغد ( بكل حسن نيه تقولها)

لحظة صمت من لمى وبعدها قالت

لمى وتحاول يكون صوتها طبيعي ..الحمد الله على سلامتهم ان شاء الله مبسوطين

ريم..الله يسلمك ان شاء الله يارب الله يهنيهم

لمى ..رغد بنت عمك تعرف بدر

ريم..لا ماتعرفه ولد الجيران هو

لمى..هههههههههههههههه لا اقصد متزوجين عن حب

ريم ترددت لكنها قالت ..الحب بعد الزواج ياحلوه

لمى...احيانا يكون قبل بين عيال العم او الخال مثلا

ريم.....امممممممممم يمكن لكن رغوده من عمرها وهي تحب بدر

لمى وهي منقهره..وبدر ..؟؟

ريم ..بدر مستحيل احد يعرف مشاعره

لمى بينها وبين نفسها تعلميني في بدر ..وانا من ذبحني غيره

لمى ريم انامااقدر اطول لانه تيلفون مشعل اكلمك وقت ثاني وان شاء الله قريب راح اجي عندك ..سلمي على خالتي وريوف

ريم..يوصل ..وسلمي على الاهل باي

ريم استغربت بالبدايه مكالمة لمى لكنها قالت والله فيها الخير اتصلت تسأل مو مثلي ماتدري المسكينه عن غرض لمى..

اما لمى هي اكبر من ريم لكن علاقتها مو لقد كذا لكنها لفترة قوة علاقتها بريم حتى توصل لبدر ومن ثلاث سنوات انقطعت عن ريم الا بالمناسبات
وهذا كان بعد ماسافر بدر اخر مره بعد تحديدا ماطلعوا مع بعض لاستراحة خالتهم موضي لمى انقطعت عن ريم
ولمى كانت تسعى لانها توصل لبدر الي بنظرها انه حطمها وخانها وهدم مستقبلها قبل ماينبني ..

اما ريووف بغرفتها تحلم بسلطان الي حبته من هي طفله وكبر هالحب مع الايام لحد ماصارت ريووف تعرف سلطان واسلوبه مثل ماتعرف رغد بدر ..

يوم الجمعه

وكالعاده الكل يجتمعون عيال بو سعود وبناته عنده بعد الصلاة .....وهالشئ تعرفه رغد لكذا صحت من بدري واستعدت

وصحت بدر عالساعه 11 الي استغرب لانه حصلها كانها القمر وهي مبتسمه

رغد....بدر اصحى يالله حتى تلحق عالصلاة وعقب نروح بيت عمي

بدر...وهو يحاول يخفي ابتسامته .... ان شاء الله

اخذ دش بدر ولبس ولما طلع لقى رغد ومعها الدخون استغرب وظل يناظرها
رغد....فيه شئ بدر

بدر..لا سلامتك مشاء الله ومحضره الدخون والفطور

رغد وهي تعطيه الدخون ....متعوده بدر

بدر..يعني كنتي ببيت عمي انتي الي تعملي كل شئ

رغد..لا الله يطول بعمر امي لكني كنت احب اصحى واحضر فطور اخواني وادخنهم لصلاة
سكت بدر وفطر وتدخن وقال لرغد..باقي وقت خلينا نروح لبيت ابوي واطلع معهم لصلاة

رغد..الي تشوفه يالله
وصل بدر رغد الا ابوه وسعود طالعين سلم عليهم وراحوا لصلاة ورغد دخلت وحصلت الكل وسلمت عليهم

وبعد ربع ساعه مسكتها نوف واخذتها لغرفه لحالهم

نوف..رغوده اسمعيني مافيه وقت ولانبي دموع بعدين شيخلصنا من بدر

رغد وهي مبتسمه ..طيب تامرين امر أنتي

نوف..رغد انتي تحبين بدر مهما حاولتي تخبين والحين هذا الي يهمنا العبي بهالورقه اكسبي بدر
حاولي بكل الطرق بالدلال بالزعل او التجاهل لحد ماتكسبيه ويحبك

رغد.....نوف صعب بدر واضح انه مايحبني

نوف..رغد حبيبتي الي يهمنا انه مايحب غيرك

رغد وبأهتمام ..شلون عرفتي يمكن يحب غيري ..؟؟

نوف ..عرفت وبس اخوي واعرفه وثقي أن بدر مايحب احد ولافي باله اي احد رغد لاتضيعين بدر منك ادري اخوي حجر مايلين لكن رغد انا اعرف بدر اكثر منك صدقيني التغير واضح حاولي ولاتستسلمي

رغد..نوف بدر حطم حلمي من وانا مراهقه الكل ماعنده غير بدر لرغد ورغد لبدر لدرجة اني حسيت انه ملكي
ومستحيل افكر بواحد غيره مرت سنين عمري وانا اتخيل اللحظه الي نجتمع فيها حبيت بدر من كل قلبي
كان بحلمي بليلي ونهاري كنت اكلمه واسمع منه باحلامي آه يانوف بدر حطم حلم سنين بلحظه

نوف..والله فاهمه ياعمري لكن هو يجهل الانسانه الي تزوجها مايعرف عنها الا اسمها بنت عمه
خليه يشوف رغد الحقيقه الحنونه الطيبه مو رغد القويه البارده الي طلعت بعد الزواج حاولي تكوني طبيعيه حتى ماتخسرين حبك

رغد وهي ساكته

نوف..رغد انتي تحبين بدر...؟؟

رغد وهي منزله رأسها ..ليه تسالين وانتي تعرفين الاجابه

نوف ..ابي اسمعها منك

رغد..بدر مو بس ولد عمي ولازوجي هو حياتي وعمري وحبيبي

وعلى اخر كلمه فتح بدر الباب وسمع كلمة حبيبي



وقف بدر مكانه وعينه على رغد وعينها عليه وشوي وكسرت رغد النظره ونزلت عينها ووجهها احمر

نوف راحت لبدر وابتسمت وطلعت وتركته مع رغد الي ظلت منزله راسها تقدم بدر ورفع راسها

بدر..منهو حبيبك وهو مبتسم

رغد..نزلت راسها وتركته وطلعت من الغرفه وقررت انها ماتتنازل عن بدر مهما كان

بدر ظل يفكر بكلمة حبيب ويقول معقول حبتني بالاسبوعين وعلاقتنا كانت جامده او كانت تحبني من قبل
وبعد ماعجز قال بكرا الايام تظهر كل شئ ...(يابردك ياشيخ )

اما رغد فرحت لان بدر سمع الكلمه لكنها بعد تفكير ندمت عليها كثير وكانت كل مره تقنع نفسها انها تحاول تقرب من بدر
تتذكر كلامه الي سمعته وتقول لنفسها بدر يكرهني ليه اذل نفسي خليني احفظ باقي كرامتي وهذي حياة رغد متذبذبه مابين حبها وكرامتها

اجتمعت العايله كالعاده وسوالف وضحك مع بعض حتى رغد وامل الي كانوا متغطين بشالاتهم وفجأه قالت ريم

ريم..يبه طلبتك قول تم ..

ابو سعود..تم يابنت بو سعود آمري

سعود..يبه بنتك بكرا تنصدم بالواقع اذا تزوجت ولا دلعها زوجها

ريم تناظر سعود بنظره كلها دلع ..منو هذا الي مايدلع ريم حبيبت ابوها وهي تبتسم وتناظر ابوها

بدر.. ياواثقه يابنت ابوك حاسبي على نفسك

ابو سعود..خلو البنيه تقول طلبها سمي امي امري

ريم..بنطلع للمزرعه ثلاث ايام

ابو سعود..نطلع وانا سالم ابو سعود

ريم ..وتقوم تحب راس ابوها الله يخليك لي يارب

بدر..الغالي ثلاث ايام لا انا مابطلع بعد أذنك

سعود..ويبتسم لبدر جربتها وانت عزوبي لكن غير وانت متزوج هههههههههههههههههه

نوف..ايه والله اسألني انا وخصوصا المكالمات

امل وهي تمسك نوف

نوف..مابسكت امول افضحك سعودهههههههههه

سعود..ياحلوه ماهي فضيحه امل حلالي تعرفين شو يعني حلالي

ريوف..ههههههههههههههههه مساكين سكتهم

ريم..نوف قولي خليني اضحك شوي

سعود..يعني بتقول نكته هي ؟؟

ريوف ..ريم لاتستغبين انت اول وحده تعرف كل شئ

ريم..يسم الله علي قولي مشاء الله

بدر..انا مااعرف علموني

نوف..لا بدر بالتجربه احسن نطلع وجرب

رغد ساكته وهي تناظر بدر تشوف تعابير وجهه كيف تغيرت بعد كلام نوف

ام سعود وهي حاسه ان رغد ماهي طبيعيه من ليلة الزواج ..رغد

رغد وبصوت واطي ..سمي خالتي

ام سعود..ليه ساكته ماقلتي شئ وشرايك بالطلعه للمزرعه

رغد..خالتي انتي تعرفين رغد تموت عالمزرعه والنوم فيها والسهر

ام سعود..ايه والله انك صادقه يابنتي أنت بنتي واعرفك

ابوسعود..عاد رغد كلنا نعرف حبها للمزرعه

بدر ..شسالفة المزرعه الكل يحبها

نوف..لنا فيها ذكريات بس انت حرمت عمرك وسافرت بس يمديك الحين بس جرب انت

بدر وبعد تفكير ..شورك واهداية الله نطلع ونجرب

ابتسمت رغد ماتوقعت بدر يوافق بهالسهوله لكن كلام اخوانه وفرحتهم بالروحه شجعه

سعود..امل

امل ..سم

سعود..سم الله عدوك عيوني

ريم..احم ..احم ..

سعود..هههههههههههه شقلنا انتي واقفه لنا عالوحده

الكل....ههههههههههههههههههههه

سعود..سالم وينه

ريوف وهي عينها على أمل ...الله يخليكم خذوا ولدكم معكم مو تخلونه بغرفتي مايخليني انام

ريم..وتحلم

ريوف..ريموه قلبي وجهك عني والله بيجي يوم وتشوفين مني شئ

بدر..والله انكم رايقين ماتتعبون انتي واياها .رغد بطلع للمجلس وابي شاهي بشوف المباراة الله لايهينك

ريم..وليه بالمجلس انا بجيب لك الشاهي ..وهي تبتسم

ام سعود..ريموه ان ماسكتي قمت انا عليك الحين اعنبو بليسك ماخليتي احد بحاله

ريم..يمه خلاص بسكت

بدر..انتي الي جايبته لنفسك تستاهلين يالله رغد لاتطولين بالشاهي وطلع

نوف..رغود قولي للشغاله تعمل له

رغد..لا انا بروح اعمله

سعود..امول ابي شاهي هههههههههههههه

استحت رغد وطلعت

امل..سعود احرجت البنت ناسي انها عروس توها

سعود..ياشيخه رغد مثل اختي وبعدين ليه تستحي هو زوجها

ابو سعود.. تحسب الناس كلهم مثلك ماتحشم احد

سعود.. افا والله بو سعود عصب اسفين والله حقك علي اعرف شلون اراضيك

سعود.. امل صحي سالم الصغير عاشان الوالد يرضى

الكل..ههههههههههههههههههههههه
وقرر ابو سعود انهم يطلعون للمزرعه وطبعا مع كل اخوانه واتصل فيهم وعزمهم عالمزرعه لكن طلع قبلهم هو وعيالهم بيوم حتى ينظفون المزرعه ويستعدون ..

وصلو للمزرعه عالساعه عشر الصباح ..وريم على طول ..

ريم.. يمه بروح بطلع اتمشى وانتم نظفوا

ام سعود.. ريموه عيب عليك تونا واصلين

ريم .. يمه عندك الخدامات ينظفون بااي

ام سعود..الله يهدي هالبنت ويعين الي بيتزوجها

امل..الا ياخالتي ياسعد الي بياخذها والله ريم مشاء الله عليها

ريوف.. شقصدك أخت أمل

رغد وهي تضحك ..الي بياخذك ياريووف امه داعيه له والله

امل..ايووووه خلاص مالنا كلام اكيد عارفه ان امه داعيه له مو اخوها

استحت ريووف ..خلاص امول روحي شوفي ولدك

امل.. لاخليه مع ابوه

المهم مر اليوم بسرعه وهم مبسوطين ومرتاحين وعالساعه11 دخلت ام سعود تنام وابو سعود ولاظل غير البنات ..
نوف ..امل ترى احمد بالغرفه نايم اله يخليك اذا نام ولدك ادخلي مالي خلق يصحى

امل.. لاكلمني سعود يقول انه نام ياقلبي بيجيبه الحين

ريم وهي تضحك ..سعود بيجي الحين يحط ولده ويأخذ امه

الكل..هههههههههههههههههههههههه

رغد.. للحين بنفس المكان امل

امل.. الى بكرا بنفس المكان

ريووف ..الله يديم عليكم السعاده

الكل..امين

وصل سعود ..وطلعت معه امل وراحوا لنفس المكان الي يجلسون فيه من سنتين

كان سعود يسهر مع امل ساعات طويله وهم مسوطين ومرتاحين ..

طلع سعود وامل ,,ورغد سافرت مع احلامها الماضيه يالله كم حلمت انه بيوم تكون مثل سعود وامل تمنت بدر يكلمها

او يحاول انه يسأل عنها لكنه من وصل وهو يعاملها بشكل بارد ولاكأنهم توهم متزوجين انتبهت نوف لرغد وغمزت لريووف بعينها

وطلعت وطلعت وراءها ريوف

ريوف ..نعم

نوف..اسمعي بطلع انا ورغد نتمشى بعد ربع ساعه بالتحديد تتصلين علي وتقولين احمد صحى

ريوف..ليه

نوف..بحاول اخليها تجلس مع اخوك البارد

ريوف..والله كاسره خاطري رغد

نوف..آه وش اقول انا احسها يوم بتقول تعبت لان بدر ولاخطوه قدام

ريوف ..الله يستر يالله اطلعوا

رجعوا وجلسوا شوي

نوف..رغد تعالي نطلع نتمشى

رغد..الحين؟

نوف.. مافيه احد الكل نايم

رغد ..اوكي يالله

ريم.. بطلع معكم

ريووف وتمسك ريم ..لاابيك بسالفه

ريم بكل حماس..يالله قولي

نوف,ورغد..هههههههههههههههههه

طلعت رغد ونوف وتمشوا لحد ماوصلوا للخيمه الي فيها بدر كان يتفرج عالتلفزيون

نوف... تعالي نشوف بدر اخاف نايم وكل شئ شغال

رغد وهي خايفه من رد فعله ..اخاف عنده احد

نوف..لا سعود نايم بالعسل على قولته

رغد وبأبتسامه حزينه ..الله يهنيهم

دخلت رغد ونوف وتفاجأ بدر فيهم

بدر.. هلا والله مانمتوا

نوف.. احنا بالمزرعه يابدر من ينام الحين

بدر وهو مستغرب ..واذا بالمزرعه ؟؟

نوف.. يعني السهره توها تبدأ

بدر.. الا سعود وينه..؟؟

نوف.. سعود نايم بالعسل هههههههههه

بدر.. نوف شسالفة هالكلمه كل ماسألت احد عنه قالها

نوف.. هذي من ذكريات المزرعه

بدر وبدأ ينسجم معهم بالسوالف ..سمعينا ..(ويتكلم مع نوف ولا كأن رغد موجوده )

نوف..الله يسلمك اول ماتزوج سعود أمل كان مبسوط وكان يجلس مع امل بالليل تحت شجرة الليمون ويسهرون بالساعات ومره وهو راجع صادفه ابوي وقاله وينك فيه وابوي يومها معصب وسألنا عنه ولاقلنا خفنا منه وقال سعود بكل فرح نايم بالعسل ابوي بيومها كلنا سمعنا ضحكته
كان شكل سعود فعلا مبسوط والى يومك هذا اذا طلعنا للمزرعه لازم يسهرون بنفس المكان وصارت الكلمه ماتفارق سعود .. وسلامتك

بدر.. سرحان ماتوقع أن اخوه لهالدرجه يحب زوجته صح سعود من النوع الي يعيش احساسه ولايحاول يخبي مشاعره لكن ماتوقع ابد انه بهالرومانسيه وفجأه انتبه: الله يسعدهم ان شاء الله

نوف.. ويسعدكم وفجأه يدق جوالها وترد

ريوف.. يالله عدت الربع ساعه

نوف.. خلاص لاتطلعينه لنور وانا راجعه الحين

قفلت ووقفت بتروح

رغد.. شفيك نوف..؟؟

نوف وعلى بالها مستعجله ..احمد صحى برجع له

وقفت رغد

نوف.. وين بترجعين ..؟؟

رغد.. ايه برجعك معك..

بدر.. خليك رغد اجلسي معي ( واخيرا طلعت الكلمه )

نوف..هههههههههههه يالله اخليكم تنامون بالعسل مثل سعود

رغد احمر وجهها وانتبهت نوف وقالت.. بدر رغد تخاف من الظلام اذا مابترجعها اتصل فيني

بدر وعصب على نوف ..تطمني ورحي لولدك يالله

نوف.. مااقصد بس يالله تصبح على خير

بدر ..وانتي من اهله

بدر.. رغد اجلسي

لحظة صمت مرت عليهم ..

بدر.. رغد احكي لي عن المزرعه وذكرياتها معكم أنا شايف الكل يحبها لكن مااشوف فيها شئ مختلف

رغد.. بخاطرها تقول احكي لك عن حلمي فيك وانا فيها او عن تصوري للحظات الي اقضيها معك

رغد.. ذكرياتنا هنا حلوه فيها الشئ الي مانقدر نقوله بالكلام لانه احساس وفيها مواقف حلوه مالها اي علاقه بالمكانلكن بالاشخاص والظروف والاحلام وكل شئ

بدر.. مثل

رغد.. جمعت الاهل وقلوبهم وحده شوفت عماني مجتمعين جلستنا احنا البنات وخصوصا ببداية زواج نوف وامل

بدر وبدأ ينشد لكلام رغد ..شمعنى ببداية زواجهم ..؟؟

رغد وحست انها تتكلم من غير قيود لاول مره مع بدر ..لانها فتره حلوه اول بنتين يتزوجون وازواجهم كانوا معنا مواقف حلوه وسهرات احلى انا وريوف وامل وريم ونوف واحيانا بنات عمتي اذا كانوا موجودين بالرياض يعني لكل شخص ذكريات حلوه هنا

بدر..وانتي ..؟؟

رغد..انا ..
بدر..شو تعني لك هالمزرعه بالضبط ..؟؟

رغد. وطلعت الكلمه من قلبها من غير ماتسيطر عليها ...المزرعه بالنسبه لرغد كانت تعني حلم رائع ..وسكتت
بدر وهو رافع حاجبه ..كانت ؟؟

رغد.. لامو كانت لكن اول غير والحين غير

بدر.. وايش الي تغير

ودها تقول له حلمي انهار وقلبي انجرح ودها تقول بهالمكان بكيت لماسافرت هنا حلمت فيك وهنا شكيت لشجر والرمل والحجر منك هنا الكل كان يقول اذا امل حالها كذا مع سعود أجل رغد الي تمووت على بدر وكلها رومانسيه شو بتعمل ..اقولك أني وتحديدا اذا كنت بالمزرعه اشتاق اسمع صوتك وفعلا اسمعه وانت ماتعرف اقولك ان اغلب اتصالات ريووف تكون بطلب مني ..

رغد وانتبت ان بدر ينتظر اجابه ..فرق كنت صغيره لكن الحين انا مو صغيره وتصرفاتي محسوبه يعني لازم اراعي أشياء كثيره مثل ماراعتها نوف وامل ..

بدر وحس بشعور مختلف ..رغد انتي زوجتي صح.؟؟

رغد,,وهي مستغربه صح

بدر..خلاص رغد خليك صغيره خليك على طبيعتك لاتراعين احد بتصرفاتك لانك صرتي زوجتي

رغد ساكته وعيني على التلفزيون الي كنت تسمع صوت محمد عبده وهو يغني اغنيتها
رغد..ومن غير ماتحس بدر ارفع الصوت

استغرب بدر ورفع الصوت

وسمع محمد عبده يقول
رحت يم الطبيب الي يداوي الجروحي..قال طبك مع الي ولعك واشتقى بك

بدر..رغد انتي تحبين هالاغنيه

رغد...تعجبني كثير

رغد..بدر اخاف يرجع سعود وانا موجوده خليني ارجع

بدر..لا برسل له مسج

رغد..شتقول له

بدر وبعد ماانتهى من كتابة المسج قراه عى رغد الي ماتت من الحياء

سعود الله يهنيك بالعسل لو سمحت تاخر لان العسل عندي بالخيمه

لاحظ بدر وجهه رغد الي تغير لونه من الحياء وابتسم لانها فعلا تستحي منه

مرت الليله حلوه على امل وعاديه جدا على رغد ورجعوا البنات وبعد السهر ناموا ولاحست رغد
الا بجوالها يدق وردت والكل انتبه لها

رغد..هلا واللله بهالصباح الي سمعت فيه صوتك

الكل مستغرب هذي رغد الي يعرفونها لكن معقوله تكلم بدر

رغد..شلونك حبيبي

ريم عدلت جلستها رغد تقول لبدر حبيبي معجزه
رغد...وامي وابوي شلونهم

الكل تحطم بعد الكلمه الا ريوف الي عرفت انه حبيب القلب

سلطان ..رغووده احنا بالطريق تأمرين على شئ

رغد.. سلامتك حبيبي توصلون بالسلامه

سلطان..ولا احد من الي عندك يحتاج شئ

رغد..هههههههههههههه من تقصد بالضبط

سلطان ...انتي عارفه

رغد... بنات تأمرون على شئ من سلطان ..وعينها على ريووف

ريووف وبصوت واطي..... سلامته خليه هو يوصل بس

رغد هههههههههههه..تقول سلامتك

سلطان ..الله يسلمها

ريم وكالعاده تدخل بنص الكلام ..انا ابي جالكسي ..

سلطان سمعها ..ههههههههههه للحين هي والجالكسي

رغد..الله يعين زوجها عليها

ريم..يحمد ربه ويشكره

رغد..يالله مع السلامه حياتي

نوف وبصوت عالي ..رغيده

رغد اخترعت ..بسم الله شفيك..؟؟

نوف..ليه ماتقولين لأخوي حبيبي مثل سلطان

ريم..ايه والله حارمته من الكلام الحلوو

امل..انتم شدراكم انها حارمته

استحت رغد لانها تعرف ان امل اكيد شافت المسج وعلى بالها هي وبدر قمه بالرومانسيه

ريوف.. يالله خلو البنت بحالها احرجتوها ..

على اذان الظهر وصل خالد اخو امل واهله ووصل سلطان وجلسوا كل الرجال برا امام جلست الحريم
وطلعوا البنات يسلمون على عمانهم

ابو سلطان..هلا والله بالغاليه

رغد..هلا بك يبه شلونك

ابو سلطان..الحمد لله انتي شلونك بشريني عنك

رغد..انا الحمد لله بخير يبه

ابو سلطان..بدر شرايك اخذها معي اسبوع

بدر..وانا وين اروح هالاسبوع

سعود..ارجع بيت اهلك

بدر..بشرط ..؟؟

الكل قال..شوووووووووووووووو

ورغد كل انتباهها مع بدر

بدر.. وهو مبتسم .......ترجع معي سعود لبيت اهلي ..ههههههههه

سعود..عمي خل بنتك ببيت رجلها احسن لها

الكل...ههههههههههههههههههه

سلطان وفجأه ..وين ريم ..

الكل...؟؟؟؟؟؟؟؟

ريم وهي خايفه ..نعم سلطان

سلطان ..هذا طلبك

الكل يناظر الكيس وخصوصا خالد ولا احد يعرف الا البنات الي ميتين على شكل ريم من الضحك

سعود..وايش الطلب على حد علمي ريوف خطيبتك ماهي ريم

ريوف ماتت بمكانها من كلمة سعود الي يقول الكلمه ولايهمه بأحد طالما الكل يعرف انها خطيبته بعدين سعوديعرف أن سلطان يحب ريووف وهي تحبه

سلطان..صح ياابو سالم لكن ريم بنت عمي واختي بعد

بدر..زين وايش هالكيس

رغد.. انا بقول هالكيس فيه جالكسي

سعود..ههههههههههههههههههههه فضحتينا

ريم وهي مستحيه ..ماتوقعته صدق

خالد كان ساكت ولاقال شئ ظل يناظر ريم اللي متغطيه لكن صوتها كان ماخذ خالد بعالم ثاني
يالله شو هالانسانه لي اربع سنوات تقريبا ماشفتها بس اسمع كلام امل عنها ولاتخيلتها كذا ابدا ابدا

ابو سعود.. ريمه تعالي عندي

ريم..ان شاء الله جلست عند ابوها

ابو سعود.. وريني هالجالكسي خليني اشوفه عشان نشرطه كرتون كل ليله على زوجك

الكل ..ههههههههههههههههههههههه

ريم..افا يابو سعود تتريق على ريما الغاليه

ابو سعود.. لا والله دامك تحبينه نشرطه عليه كل ليله يجيب لك منه

خالد.. ياعمي شرط سهل هذا ندور غيره بناتنا مو بعلبة جالكسي

ابو سعود.. كفوا ولد اخوي والله

ريم استحت وقامت ودخلت مع البنات ..

ومرت ايام المزرعه بسرعه ورجعوا لحياتهم سعود وحياته الحلوه مع امل ورغد هي وبدر عايشين
بروتين ممل ونوف ماتقصر معهم

بدأت الدراسه ورجعت رغد تكمل دراستها باقي لها اخر سنه وكان وقتها روتيني جدا مع أنها تكره الروتين لكن بدر فرض هالنظام على حياتهم كان يصحى لدوام ويرجع على اذان الصر بعدها يتغداء وينام وعالمغرب يصحى ويطلع يصلي بالمسجد ويروح عند ابوه بالمجلس واخوانه بعدها يرجع للبيت يجلس ساعه او احيانا تكون رغد في بيت ابوه يجلس معهم ويطلع عالساعه عشر يرجع ويجلس ساعه او ساعتين بعدين ينام رغد دائما مميزه ومتفوقه لكذا قالت خليني اشغل نفسي بالدراسه احس من اني انتظر انسان يكرهني رغد كانت تعطي وتوفر لبدر كل شئ ماكان يحصل شئ ينتقدها عليه وبدر ماكان يقصر عليها لكن الي ناقصهم الحب الخوف والحنان ..

مرت شهور على زواجهم ولااي تغير صار بحياتهم كأنهم اشخاص مجبورين عالزواج بدر ماكان يعنيه هالشئ لكن رغد الي تشوف حلمها يذبل كل يوم وتتحسر عليه ..

وبيوم كانت الخاله وبناتها الي هم لمى ومها معزومين عند ام سعود ومن الطبيعي ان رغد تكون موجوده رغد ماكانت تعرف اي شئ عن لمى لكن كانت تسمع بمها أختها لان كل البنات يتكلمون عنها انها حبوبه وطيبه لكن رغد حست بشي من كلام نوف ان لمى جريئه وهي مايعجبها هالاسلوب تشوقت رغد تشوف لمى من كلام البنات لكن كانت مشتاقه اكثر لمها ..

ويوم الخميس المغرب وصلت الخاله وجلسوا كلهم مع بعض وانبسطوا وخصوصا رغد انبسطت على مها لانها مؤدبه وكلامها موزون مو مثل لمى الي ترمي الكلام حتى ماتحشم امها وخالتها رغد حاولت قد ماتقدر تتجنب لمى لكن لمى كانت تسعى انها تتكلم مع رغد

لمى وبنظرة دلع..رغد شرأيك بولد خالتي ..؟؟

رغد..وبأبتسامه ..ولد خالتك ولدي عمي مافيه مثله

لمى وانقهرت منها..والله يوم زواجكم كان شوي شكله تعبان ان شاء الله الحين مرتاح ..

نوف..اكيد مرتاح ومن مايرتاح وهو يصبح بهالوجه كل يوم

لمى شافت نوف دخلت بالموضوع عرفت انها خلاص لازم تأجل تحطيمها لرغد وقت ثاني وطلعت الخاله وبناتها ورغد تقول سبحان الله خوات لكن وحده شمال وحده جنوب فرق كبير لكن لمى ظلت في بال رغد مهما حاولت تتجاهل ضنونها ..

اما ريووف تقررت ملكتها بالاجازه بعد شهرين ويكون وقتها مر سبع شهور على زواج رغد وبدر ..من غير مايصير الشئ الي يفرح ام سعود وهو حمل رغد لكن ام سعود ماكانت تقول شئ تقول الله يسعدهم

وقبل الملكه بشهر صار شئ ممكن يدمر العايله بكبرها وهذا كان في استراحة ابوسلطان الكل كان موجود

دخل بدر بالمطبخ ورغد كانت مشغوله وسالها

بدر.. رغد وين المفتاح الي اعطيتك بالبيت

رغد.. بشنطتي الحين اجيبه لك

بدر.. لا وين الشنطه

علمته مكانها وراح بدر وفتح الشنطه وشاف علبه غريبه فتحها وكانت الصدمه الي هزته ولا قدر يتحكم بنفسه ولاغضبه

بدر.. وبصوت عالي ..رغد..رغد

الكل طلع من المطبخ ..

بدر.. ممكن اعرف هذي شو تعمل بشنطتك ؟!؟!؟
رغد.. سكتت ولاعرفت شو ترد هي ماقالت له انها تاخذ وتقوله الله ماكتب شئ وهي تعرف انه يتمنى ولد

نوف.. بدر اذكر الله واجل الموضوع بعدين

بدر.. وبصوت عالي لا الحين تقولي شو قصدها بهالحركه رغد تكلمي

سمع سلطان وخالد الصوت وعرف سلطان ان بدر يكلم رغد ودخل ووصل عند رغد وحس انها فعلا خايفه
قرب منها وحط ايده على كتفها

سلطان.. بدر وش الموضوع

بدر.. اسأل اختك

سلطان ...رغووده حبيبتي وش الموضوع

رغد خلاص ماعادت قادره انهارت وبدت تصيح

استغرب سلطان والتفت بالله احد يفهمني الموضوع

بدر.. اختك تاخذ حبوب منع حمل من غير مااعرف سبع شهور وكل مااسألها تقول الله ماكتب شئ ممكن تفسر لي هالشئ

سلطان.. بدر يااخوي هالموضوع مايناقش بهالشكل

بدر.. بدا يتمالك نفسه وسكت التفت سلطان على نوف

سلطان .. نوف الله لايهينك خذي رغووده داخل

طلعوا البنات ولاظل غير بدر وسلطان

سلطان ..بدر ..يااخوي هدي نفسك ولاراح يكون الا الخير رغد بعد اذنك انا بااخذها للبيت

بدر وهو معصب ..ليه

سلطان..بدر انت ماتعرف رغد الي صار اليوم راح يتعبها كثير وراح تنهار ولابتنام وهي كذا اختي واعرفها وأنت لازم ترتاح بعيد عنها

بدر ..من بيرجعها للبيت ..

عبدالله بيرجعها

بدر.. اوكي وانا طالع بعد بلغ الوالد

سلطان.. بدر انتبه لنفسك ولاراح يكون الا الخير

طلع بدر والف فكره وفكره براسه ليه رغد تعمل كذا اكيد تنتظر الوقت حتى تتطلق مني او تحب غيري
او او بعدين تعوذ من الشيطان ورجع للبيت وهو حالته مو اصعب من رغد الي ماتوقعت بدر ممكن يرفع صوته عليها وقدام الكل وظلت منهاره لحد مانامت وعبدالله ماتركها ظل يحاول يهديها وقالت له
رغد.. وهي تصيح عبدالله هو مايحبني مايحبني ..

عبدالله ويمسح على رأسها ..حبيبتي رغوده نامي ولاتقولين شئ وانتي معصبه بكرا كل شئ ينحل

جلس عبدالله بالبيت مع رغد لانه يحب اخته بشكل خيالي وزياده على كذا عبدالله انسان حساس جدا اما بالاستراحه
الكل تكدر مزاجه باهالليله

ابوسعود ..لاحول ولاقوة الا بالله

ابوسلطان..لاتتضايق يااخوك بكرا نراضيهم ( يحاول يهدي اخوه وقلبه مع بنته رغودده وحيدته )

ابو خالد..من تراضي بدر عنيد ورغد اعند منه الله يهديهم

ابوسعود .. ايه والله صدقت يااخوي هو عنيد وهي عنيده

خالد وبكل صمود كالعاده ..عمي ياليت تسمحون لي اقول شئ

الكل .. تفضل

خالد .. انا بصراحه عندي رأي واتمنى تسمعوني رغد وبدر لهم سبع شهور عايشين مع بعض مها كان لابد فيها لحظات حلوه

ابوسلطان .. ياابوك مافهمت وشتقصد

خالد .. الي اقصده انه مااحد يراضيهم على بعض وملكت سلطان تتم على موعدها وهم اكيد بيقررون مصيرهم

ابوسعود .. نخليهم شهر ياابوك مايصير الناس بيقولون كلام كثير ماصار

سعود .. ايه يبه شهر ولا علينا من الناس بدر ورغد لازم يعرفون قيمة بعض ويقررون لكن بشرط نقبل قرارهم شو ماكان

ابوسلطان .. شرايك يابو خالد

ابوخالد.. خلوهم لين مايردهم الشوق لبعض

خالد .. ايوووووووووووووووه ابوي شو هالكلام الحلو

الكل ..ههههههههههههههههههههههههه

وظلت رغد ببيت ابوها تغيرت كثير صارت منعزله ماتتكلم الا قليل سلطان وعبدالله يحاولون وامها من تشوفها ماتقدر تمسك دموعها تحس انها فعلا فقدت بنتها من يوم تزوجت رغد الابتسامه صارت شئ غريب ماتعرفه كل وقتها سرحانه وتفكر بأحلامها الي تدمرت ظلت رغد تعاتب نفسها وتقول انها غلطانه بعدين ترجع تقول لا انا مو غلطانه بدر مايحبني مايحبني وهذي حياتها ساعه تعاتب نفسها وساعه تلوم بدر ..
ولااحد يعرف انها طلعت الا عمانها وهي ساكته وبدر ساكت كانت تسأل عنه بشكل غير مباشر ...
بنات عمها واحيانا ماتتحكم بمشاعرها وتبدأ تصيح وهي تكلمهم وهم يحاولون معها لكن ومع هذا كرامتها أهم عندها وهو كان يعرف اخبارها من عند اهله .......وبيوم اتصلت امل برغد

امل.. شلونك رغد وشلون عمي والاهل كلهم

رغد .. بخير انتي شلونك وسالم وابوه كيفهم

امل .. تمام الحمد لله

امل.. رغووده

رغد.. سمي

امل.. مااشتقتي له ..؟؟

رغد .......

امل.. رغد انا اعرف انك تحبينه وتموتين عليه حرام الي تعمليه بنفسك

رغد.. ساكته ولاعادت قادره وبدت تصيح حست امل فيها

امل.. رغد دموعك دليل حبك ليه البعد طيب

رغد.. امل بدر خلاص انتهى من حياتي

امل.. رغووده الكل يعرف ان بدر هو حياتك ( لكني انا دمار حياته ولاارضى أكون السبب بتعاسته لاني احبه تقول هالكلام بخاطرها)

رغد.. امل الله يخليك غيري الموضوع

امل.. ولايهمك لكن بقولك ان بدر عادي ولاهامه الموضوع لكن كلنا نعرف ان بدر ياكابر وبداخله يحترق

رغد وبتغير الموضوع ..شخبار عروسنا ريوف

امل... هههههه تغيرين الموضوع طيب بتشوفينمها بعد يومين

رغد .. ان شاء الله

وتموا يسولفون وبعدها قفلت وتذكرت ريوف تمنت انها معها بهالوقت وندمت لان الفرحه ماهي كامله حتى بعيون سلطان تشوفها في شئ مهزوز بالعايله كلها مهما حاولوا يدارونه سلطان وعبدالله رغد اختهم وبدر ولد عمهم بين نارين عايشين وبدر ماصار يقدر يجلس مع عمه كثير يشوف العتب بعيونه وهذا شئ مايقدر يتحمله ..ورجعت لغرفتها رغد رجعت لذكرياتها رجعت لدموعها رجعت لصندوق الي رفضت تأخذه لما تزوجت رغم انها قررت بأحلامها اول شئ ينتقل لبيتها الصندوق الغريب الي الكل يجهل شفيه بدت تشوف الي بداخله وتبكي على الي صار لها
اما بدر فكان طبيعي جدا عند اهله ولاكأنه كان عنده زوجه وطلعت لكن من يرجع للبيت يبدأ يتذكر رغد بكل مكان بالبيت لها ذكرى لها لمسه رغد عايشه بالبيت حتى لو هي بعيده صح حياتهم كانت روتينيه لكن هالروتين يحتاج نظام كان يرجع ويحصل كل شئ منظف ومرتب كان يحس انه فيه انسانه تنتظره وانه مسؤل انه يتواجد بالبيت اغلب وقته لانه حق لها وحق عليه
من طلعت رغد وبدر ماينام الا اذا شاف الصور وتأمل براءة رغد يقول بخاطره هالبراءه ليه ترفضني اكيد فيه سبب معقول؟ ..
بعدين يقول اعوذبالله من الشيطانالرجيم
وينام وينسى وسوسة الشيطان الي يصور له اشياء كثيره ..

وبيوم الملكه الكل كان مشغول بالتجهيزات والترتيب الا قلبين كانوا خايفين من اللقاء رغد وبدر بدر وبأعتبار انه اخو العروس اكيد انه بيدخل ورغد بما انها اخت المعرس اكيد بتكون موجوده وقريبه منه بدر خايف من نفسه اما رغد خايفه من دموعها الي دائما تخونها دائما

وصلوا المعازيم ومعهم لمى بنت الخاله وجلست تسولف مع ريم

لمى ..وين رغد اجل..؟؟

ريم..بتجي مع اهلها انتي ناسيه انها اخت المعرس

لمى .. ايه صح وبخاطرها تتمنى تشوفها وتذبحها وكانت مخططه لاشياء كثيره تعملها تحرق فيها قلبها ولمى ماتعرف ان رغد زعلانه وعند اهلها ..
وصلت رغد واهلها وكانت رائعه بهدوء جمالها الي استفز لمى الي ماخلت شئ ماحطته بوجهها

نوف بأبتسامه ..الله شو هالزين رغووده ( رغد لابسه فستان اسود هادي لكنه رائع وكانت رغد تتميز دائما اذا لبست الاسود لانها بيضاء والاسود لايق عليها )

رغد..عيونك حبيبتي الي تشوف الزين

لمى. وبنظرة حقد ...كيفك رغد..

رغد..تمام انتي شلونك

لمى..عايشه الحمد لله

نوف راحت تشوف أختها وظلت رغد مع لمى الي قالت لها ..كيف الزواج
رغد مع الدراسه .؟؟

رغد..متعب لكن الله يسرها والحمد لله انتهى هالترم على خير

لمى..وبدر كيفه يالله بدر لازم احد يكون فاهمه لانه صعب تحددين مشاعره

رغد من سمعت كلام لمى سكتت وعرفت لمى انها اصابت الهدف لكن رغد حاولت تدارك الموقف وقالت

رغد ..و مايفهم بدر الا انا

لمى..وبأبتسامه خبيثه ......اتمنى

وراحت وتركت رغد بتمووت من كلامها وتسأل نفسها شلون عرفت بدر شلون
قدرت توصل لتحديد مشاعره وليه هالنظره الي كلها خبث هالانسانه من اول مره شفتها حسيتها تتعمد توصل لي رساله معينه
انها تعرف بدر لكن كيف وهي علاقتها مع البنات مو لحد كذا وفجأه قالت معقوله تكون تكلم بدر بعدين طردت الفكره قبل ماتسيطر عليها
بدر مهما كان ماعنده هالحركات ومع مين بنت خالته لا لا اكيد هي انسانه مريضه .. وعلى هالحال ظلت رغد تفكر بكلام لمى

تمت الملكه ونزلت ريوف الي كانت ميته من الخوف لكنها رائعه بجمالها وجات اللحظه الي بيدخلون فيها
طبعا رغد تحمد ربها لانها تتغطى عن سعود حتى ماتشوف بدر ويشوفها
دخلوا ورغد دقات قلبها تتعدى العروس من خوفها شافت بدر ونزلت دمعه من عينها حست فيها نوف ..

نوف .. دمعة فرح لاخوك او دمعة حزن لفراق غالي

رغد..........

نوف.. الله يهديكم

ريم.. رغووده روحي سلمي على اخوك

رغد.. لاماابي

لمى.. يمكن بدر يزعل ......وبصوت واطي ماسمعه الا رغد .. انا اعرفه

ريم.. لا اخوي مايزعل من هالزين

لمى وقتها ودها تذبح ريم وبعدت عنهم وقالت بروح اسلم على ريوف
الكل استغرب موقفها لكن متعودين لمى ماتهتم بكلام الناس ولاتعرف العيب رغد وقتها انقهرت منها لانها شبه متغطيه
سلمت على ريوف وباركت لسعود وبدر الي كلمته كلمتين وضحكت وهالضحكه ذبحت رغد واستفزتها وراحت تسلم على اخوها
وسعود اشرت له امل بسرعه وطلع على طول من غير مايحس فيه بدر الي كان يسولف مع سلطان
سلطان والابتسامه ماليه وجهه .. هلا والله رغوود سعود طلع افتشي
رغد ماتت ماعرفت انه طلع والا ماكنت جات اما بدر ماقدر يطلع حتى مايثير الشكوك حولهم وفتشت رغد ولمحة حزن سيطرت على وجهه بدر تذكر هالوجه البريئ

رغد وهي فرحانه لاخوها ..الف مبروك سلطان حبيبي الله يوفقك

سلطان ..ا لله يخليك ويبارك فيك

رغد .. وتحضن ريووف ...مبروك ريوف حبيبتي واخيرا صرتي زوجة اخوي صدق

ريووف وجهها احمر ..الله يبارك فيك

رغد.. سلطان ريووف غاليه علي كثير حطها بعيونك

وفجأه

بدر .. مبروك رغد

رغد من سمعت صوته حست رجولها بتخونها ... وتلتفت على بدر وهي تعرف انها اذا جات عينها بعينه راح تدمع حاولت بكل ماتقدر

رغد .. الله يبارك بعمرك

بدر .. شلونك رغد

رغد .. الحمد لله ماشئ حالي

بدر. . ان شاء الله دوم

ماقدرت رغد ولفت بتمشي ومسكها ببدر بهالحظه عيون كثيره تراقب هالحركه

بدر .. انتظري مني اتصال بالليل ضروري

رغد ..تغير لون وجهها ولمى توقعت بدر قال كلمه حلوه غيرت لونها وخلتها تخجل لكن ماتعرف ان هالاثنين حالتهم صعبه

رغد..ان شاء الله

امل وتحاول تبتسم ..كيف اللقاء من بعد الفراق..؟؟

رغد والدموع بعينها ..يذبح ..يذبح

نوف..حبيبتي رغووده مابيصير الا الخير هونيها مانبي دموع ترى بصيح معك

ريم..والله انا اذا جلست اكثر معكم بصيح ليه هالعذاب وانتي تحبينه ليه أ

راحت ريم ورغد تعبت من هالتفكير وراحت تجلس بعيد

وطلع بدر وابوه وعمه وطلع سلطان وجلس مع ريووف نص ساعه وبعدها طلع لمجلس الرجال
وكانت سعادته ماتنوصف لحظتها ريوف الانسانه الرقيقه الطيبه الهاديه صارت زوجته ..
الانسانه الي ملكت قلبه ومشاعره الانسانه الي كبر حبها معه بكل ثانيه بحياته اليوم صارت زوجته واخيرا..

اما رغد فكانت بعالم بدر هايمه تسترجع حلمها من سنوات يالله توقعت زواجها من بدر بدايه مرحله
جديده من السعاده توقعت بدر بينتشلها من خوفها ويحتضن حبها له لكن بدر دمر رغد برفضه لها
ذبحها لانه تزوجها من غير قناعه رغم انها كانت تحلم بالحب معه ظلت رغد تفكر ولاحست الا

بخالتها ام سعود...رغد بنيتي والله انه لك وحشه يالغاليه

رغد وهي منزله رأسها ..تسلمين خالتي

ام سعود..رغووده بنيتي ولدي واعرفه اكثر من غيره والله انه ندمان على الي صار لو مانطق ..

رغد. ماعرفت وشترد على خالتها ...............

ام سعود..الله يجمع شملكم ويهديكم

وراحت ام سعود والحزن مالي وجهها لما شافت بدر الي مهما كابر وحاول يخبي يبان عليه
انتهت الملكه على خير بشوق ولهفه كان فيه قلبين ينتظرون انتهاء الملكه الي هم سلطان وريوف
حتى تتم او تبدأ رحلة المكالمات وقلبين بخوف وقلق كانوا ينتظرون انتهاء الملكه بدر ورغد
بدر طول الوقت يفكر برغد ويقول خلاص لازم نحط نهايه لهذي المشكله
وفي بيت بدر ..

سعود ويناظر بدر بعالم ثاني .....بدر وين وصلت ..؟؟

بدر وبصوت محبط ....وين اوصل من شهر وانا اوصل لنفس النقطه وارجع اعيد من جديد

سعود..حاول تتعدى النقطه

بدر..وهذا الي بيصير اليوم

سعود..اليوم اي اليوم خلاص اليوم

بدر..لا مااقدر اتحمل اكثر انت تعرف انه بعد عشر أيام عمتي احتمال بتوصل ولاله داعي زيادة الكلام لازم انهي الموضوع

سعود..الله يهديكم ويعينكم

بدر..الحين مابتروح بيتك انت ..؟؟

سعود..افا والله تطردني

بدر..يااخي خلينا نخلص من هالمشكله

سعود..انا بروح لبيت الوالد اخذ امل وانت يابدر مهما كان لاتطلع ولاتسوق
سياره وانت معصب اوعدني

بدر.. اوعدك

سعود..فمان الله

بدر..الله معك

بدر مسك جواله وتردد كثير قبل مايتصل برغد لكنه قرر ونفذ على طول

رغد وهي جالسه مع سلطان وامها

ام سلطان ..يالله انا تعبت بروح انام

سلطان..تسلمين الغاليه الله يعطيك العافيه تعبناك اليله

ام سلطان ودموعها بعيونها ..اليوم اغلى يوم بعمري يوم ملكة ولدي الغالي سلطان

عبدالله..الغاليه دموعك غاليه مابتزوج حتى مااشوفها

رغد وهي تبتسم لرقة عبدالله اخوها

سلطان..ايووووووووووووووووووه عبدالله

ام سلطان...يازينها من دموع اذا دموعي فرحه بعيالي

وفجأه يرن جوال رغد شافت الرقم وتغير لونها وارتبكت واستأذنت منهم

ام سلطان ..من الي متصل هالوقت ..؟؟

سلطان ..واضحه ياام سلطان من ارتباكها تعرفين..؟؟

ام سلطان وبدهشه ..بدر؟؟

سلطان..اتوقع

ام سلطان ..الله يهديهم وراحت تنام

عبدالله.. يااخي بدر انسان غريب جدا

سلطان..شلون غريب ..

عبدالله ..بدر مشاء الله عليه رجال ماعليه كلام لكن الي محيرني تصرفه مع رغد

سلطان..عبدالله لاتلومه ماهو قليل ان زوجته تعمل هالشئ من غير علمه يعني بمعنى غير مباشر رافضته صح

عبدالله..سلطان..انا معك لكن الاسلوب لازم يكون ارقى من كذا هو انسان متعلم ولابهالشكل تتعالج الامور

سلطان..عبدالله اقول لك شئ

عبدالله ..تفضل

سلطان..انا اليوم تزوجت

عبدالله..ههههههههههههههههههههه هه طيب مبروك

سلطان..الله يبارك فيك لكن خلينا من بدر ورغد خلني اعيش الحب والفرحه

عبدالله..الله يديمها عليك يارب

سلطان..عقبالك ان شاء الله

عبدالله....اذا الله اراد كل شئ بيصر يالله اخليك مع احلامك تصبح على خير

سلطان..ومن من اهل الخير ..

وطلع عبدالله وترك سلطان يبدأ اول مكالمه مع امل عمره وحياته ريووف

وصلت رغد لغرفتها وقفلت الباب وجلست على السرير وردت
رغد وقلبها يدق بقوه ....الوو

بدر ومن سمع صوتها سكت..بعدين قال ....هلا رغد

رغد..اهلين

بدر..شلونك

رغد..تمام

لحظة صمت بينهم كانت ممكن تذبحهم لكن بدر قدر يسيطر على غضبه

بدر..رغد اعتقد شهر مده كافيه حتى نريح اعصابنا وناقش موضوعنا

رغد...................

بدر...رغد الي صار يحتاج تفسير ممكن اسمعه منك ....؟؟

رغد وتحاول تكون هاديه .....ماعندي شئ اقوله

بدر ..رغد شلون ماعندك انتي مو طفله حتى تعملين شئ من غير سبب وانا اثق ان فيه سبب وكبير او مهم عندك الي خلاك تعملين كذا

رغد....بدر الي عندي قلته ..

بدر..وبدأ يفقد اعصابه ..وانتي قلتي شئ اصلا

رغد..بدر رجاء لاترفع صوتك انا قلت لك ماعندي شئ اقوله وأنا صادقه والي يعجبك اعمله

بدر وبصوت هادي .....تبين الطلاق

لما قال الكلمه رغد نزلت دمعتها وحطت ايدها على قلبها وبدت ترتجف من قوة الكلمه

تتطلق من بدر تعيش من غيره بعيد عنه مستحيل تموووت حتى لو مايحبها هي تموت عليه
حتى لو جرحها مازالت تنتظر الامل منه مازالت تتوقع ان بدر ممكن يتغير ويحبها

بدر وبصوت حاد جدا ....رغد طلاق مابطلق الا اذا عرفت السبب اما اذا غرضك من هذا التصرف الطلاق انا اثق ان له دافع رغد اذا انتي مثل ماقلتي انجبرتي معناته انتي مخططه لكل هذا قبل الزواج وطالما مخططه ليه ماحاولتي تقاومين وترفضين ..او يمكن مخططه لشئ ثاني بعد الطلاق ..

ندم بدر على هذي الكلمه

رغد..شئ ثاني ايش تقصد؟؟؟؟

بدر..والله انتي ابخص بنفسك

رغد..بدر عن التجريح كفايه الي صار منك لحد الحين

بدر..رغد اسألك بالله انا قصرت عليك بحق من حقوقك

لرغد..لا

بدر..اجل ليه هالكلام

رغد..بدر انا استأذن منك ممكن بقفل

بدر..لا مابتقفلين الا اذا قلتي لي من الشخص الي بتتزوجينه بعد الطلاق

وبدر عرف انه اذا استفز رغد بتتكلم واستخدم هالطريقه رغم انها سيئه لكنه مضطر يحس أنها الطريقه الي تخلي رغد تنطق وتتكلم

رغد..بدر انت تعرف معنى كلامك انت تهين نفسك قبلي قبل ماتكون زوجي انت ولد عمي عيب هالكلام ياولد العم

بدر وحاول يكون طبيعي رغم انه ندم على هالاسلوب....خلينا من المثاليات وقولي لي ليه ماكنتي تبين ولد مني او تخافين يربطك ويبعدك عن الي تبينه

رغد..وفقدت اعصابها وقاطعت بدر....بس خلاص اهنتني بما فيه الكفايه ايه انا ماابي ولد منك ولا ابي شئ يربطني فيك... ابي تطلقني الحين ارمي يمين الطلاق واذبح باقي الامل بداخلي دمرتني قبل زواجي بأيام واليوم جاي تكمل
بدر انا ماجبرتك ولا راح اجبرك ترتبط فيني انت حر بنفسك واذا كلام الناس يهمك وتخاف يقولون طلق بنت عمه اللي تنتظره سنين تزوج وخليني عند اهلي انا بعد هالتجربه مستحيل افكر اكررها العذاب الي عشته معك مستحيل اكرره
وقلت لنوف مستحيل اقدر اغيرك مستحيل لكن نوف هي كانت تصبرني سبع شهور وكل ثانيه ينهار جزء من حلمي ...خلاص خلاص طلقني

بدر فعلا خاف على رغد لانها منهاره ولافهم معنى كلامها لكن توصل لشئ واحد ان نوف تعرف

بدر وبسرعه ..اسف رغد انتي ارتاحي وبعدين يصير خير مع السلامه وقفل الخط بسرعه

قفلت رغد وانهارت على سريرها وهي تصيح حبها الي ضاع وجرحها ودمر وحطم امل كان باقي عندها

اما بدر على طول قفل واتصل علو جوال اخته نوف لانه يعرف انها عندهم بتنام

بدر..نوف لاتنامين دقايق وانا عندك

نوف.. خير بدر شفيك

بدر.. الحين اقولك بااي

نوف.. تسكر وتقول للبنات الله يستر

ريوف .. خير شفيه بدر

نوف .. علمي علمك

وصل بدر وجلس هو ونوف بالمجلس

بدر.. نوف انا كلمت رغد من شوي حاولت معها انها تبرر لي موقفها لكن ماكان عندها الا كلمه وحده ماعندي شئ اقوله

نوف وكانت منسجمه مع بدر ..ايوه وبعدين

بدر.. اضطريت اني استفزها واقول انها تحب واحد ثاني

نوف وحطت يدها على رأسها .. بدر انت صاحي

بدر..نوف انتم مو حاسين فيني انا اموت اتعذب كيف اعيش مع زوجتي سبع شهور وهي ترفضني ترفض ولد مني ...انا لو انها ناقشتني كلمتني يمكن لكن انها تعمل هالشئ من دون علمي وتكذب تقول الله ماكتب شئ هذا الي يذبحني
ماقدرت حسيت اني فقدت الامل بأني اعرف السبب واضطريت استخدم هالاسلوب

نوف....

بدر.. نوف رغد قالت كلام وهي منهاره مافهمت منه الا انك تعرفين ليه هي تتصرف كذا

نوف بأستغراب ..انا

بدر.. تقول اني دمرت حلمها قبل الزواج بأايام مااعرف ايش تقصد

نوف تقول بخاطرها لازم اقول له ....بدر انت تزوجت رغد لكن مو رغد الي نعرفها رغد الي تشع حب وتهدي الحنان رغد الي الابتسامه ماتفارق وجهها رغد الي تعطي من غير حساب رغد الي تزوجتها رغد المجروحه من الانسان الي عاشت مراهقتها وهي تحلم فيه الي حلمت انه راح يهديها السعاده ...بدر رغد تمووت عالتراب الي تمشي عليه

بدر... ومليون علامة استفهام على وجهه....... تحبني انا ..؟؟

نوف..كانت تحبك لكن مازالت هذي بعلم الغيب بدر اقرب وحده لرغد ريوف اسألها عن حلم رغد فيك كيف كانت تحكي عنك وكيف تسأل عنك اسألها عن تخطيطها للمزرعه وكيف راح تسهر معك وكيف راح تشوفك رغد يابدر عاشت وهي ماتشوف بالدنيا حبيب غيرك لما خطبتها كانت ورده مفتحه لكن قبل الزواج تغيرت الكل لاحظ لكن توقعوا لانها عروس ولا احد كان عارف ايش فيها
يمكن انت ماقدرت تحسسها بالحب ولاحست منك الا بالصدود والجفاء كل الي قالته رغد انك ماتحبها وشلون عرفت ماقالت لكنها تقول انك حطمت ودمرت حلمها حاولت اقنعها تكسبك لكن بكل مره اشوفها احس انها متحطمه وفاقده الامل بحبك لها واحاول اقنعها وتقتنع لكن انت تحطم هالامل بنظره خاليه من اي مشاعر بدر انت مو مقصر بشئ وهي تقوله لنا لكنك ماتعطي الا من باب الواجب مو لانك تحب رغد

بدر .. وهو منصدم من كلام نوف... نوف الحين الي يهمني انك تقولي لها اني ماقصدت الكلام الي قلته رغد بنت عمي وانا اثق فيها وبتربية عمي لكن ماقدرت اسيطر على اعصابي ..اعتذري منها

نوف.. بدر بسألك سؤال ممكن

بدر..تفضلي..

نوف..أنت باقي على رغد يعني عندك استعداد تصلح الي بينكم

بدر وبعد لحظات صمت..نوف انا تزوجت رغد وانا مازلت مقتنع انها مو الانسانه الي تمنيتها لكن هذا مايعني اني كنت او عامل حسابي اني بطلقها لا والله لكن انا الي يهمني اعرف هي ليه فعلت كذا ليه الرفض السبب بس ..

وطلع بدر ورجع لبيته الي عاش سبع شهور فيه مع انسانه هو الي جرحها هو ضيع حلمها رغم انه ماكان يقصد كان يتوقع انه مو مقصر
رغد تطلب حب هو مايقدر يعطيها هالحب لكنه بالاخير يرجع لنفس النقطه ويبحث لها عن سبب

فشلت محاولة بدر في انه يتوصل لسبب الي من اجله رفضته رغد ورفضت انها تحمل ابنه بالوقت هذا ماعاد يشوف حس ان الدنيا سوداء قدام عيونه مو لانه يحب رغد وفقدها لا لانه اهتزت صورته قدام نفسه وقدام اخوانه وعيال عمه ماهي سهله عنده انه ينرفض من زوجته الا عاش سبع شهور معها وبالاخير لام نفسه قال ماكان المفروض اني اعصب بالمزرعه قدام الكل المفروض ملكت اعصابي لكنه رجع يعطي نفسع مبررات لتصرفه وانه اضطر لانه في بداية تكيفه مع رغد او بمعنى اقرب للواقع هو ببداية المحاوله لتكيف لكنها هدمت كل شئ
تم بدر يلوم نفسه ويرجع يدافع لحد ماحس انه خلاص مو عارف يتوصل لحل ولاصار شايف الا حل واحد هو الطلاق وقرر انه الصباح يعلن هالخبر ..

يوم الجمعه الصباح متعودين يلتقون الرجال بعد الصلاة في بيت اخوهم العود ابو سالم يجلسون ساعه واحيانا يتغدون مع بعض الا هالاسبوع بدر فضل انه مايجتمع لانه مستحي من عمه ولانه تعبان والتعب واضح على وجهه ولاحب انه يحرج ابوه بقراره قدام الكل اعتذر من ابوه وقال انه معزوم على الغداء عند واحد من ربعه ..
وفي مجلس بو سالم

ابو سالم .. ابو سلطان

ابو سلطان .. لبيه يااخوي

ابو سعود .. يااخوي هونها وتهون وهالموضوع بينحل قريب

ابو سلطان ..ان شاء الله لكن جلست البنت عندي والله ماهي عاجبتني فاامساك بمعروف او تسريح بااحسان

ابوسعود .. لاتقول هالكلام يااخوي هذا طيش شباب وبينحل

ابو خالد.. يااخواني لازم تتدخلون انتم تعرفون بدر عنيد ورغد اعند منه واذا تركناهم بيكابرون ويعاندون بعض

ابو سلطان.. صدقت يااخوي

سعود. . يبه

ابوسعود .. نعم ياابوك

سعود..إنا توقعنا ان حل خالد بينفع لكن للاسف ماناسب الحل مع بدر ورغد لان الكرامه اهم عندهم من اي حب او شوق
لكن قدامنا حل واحد الي هو انك انت وعمي تضغطون عليهم لحد مايرجعون ونعتبرها محاوله اخيره لكن بشرط اننا نرضى بقرارهم بعد كذا ولانضغط عليهم شرايكم ..

الكل ساكت وخالد وسلطان وعبدالله متفقين على هالحل مع سعود من قبل
ابو سلطان.. شرايك يااخوي

ابوسعود.. والله مااعرف شقول لكن بنجرب هالحل ونجبرهم ونشوف بعدها

ابو خالد. . الله يهديهم

الكل ...امين ..

ابو خالد.. ان شاء الله بكرا الفجر نمشي للمزرعه

الكل .. ان شاء الله

وطلعوا الكل بعد مااتفقوا انهم يجبرون رغد وبدر انهم يرجعون لبعض وكل شئ بيتم بالمزرعه الي بيجلسون فيها يومين

خالد وبدأ الكلام مع بدر ....هاابو سالم كيف حياة العزوبيه من جديد..؟؟

بدر..ويناظره من طرف عينه والله الحياة كلها هم ..

خالد..افا والله يااخوي الشرع حلل لك اربع تزوج ثانيه

بدر وبأبتسامه من غير اي احساس ....مالت عليك هذا وهي بنت عمك

خالد من غير اي تعبير .....مو تستاهل انك تتزوج عليها ..؟؟

بدر وعرف قصد خالد.......خالد قول شعندك اختصر الموضوع ماله داعي هالمقدمات

خالد.. ههههههه فطين ولد العم

بدر.. إذا على رغد انسى الموضوع مالي خلق اتناقش فيه

خالد.. لابنتناقش وانت بدر ولد سالم

بدر.. خالد رجاء الموضوع يخصني

خالد يقاطعه ..لامايخصك يخص ابوك الي هو عمي وعمي ابو سلطان ويخص بنت عمي
بدر بنت عمك معلقه لاهي مطلقه ولاهي مزوجه وبعدين المشاكل تنحل مو أنت في بيتك وهي
عند ابوها لازم احد يتقدم منكم وينهي الموضوع وبعدين وعمي قالها فاامساك بمعروف او تسريح بااحسان

بدر تفاجئ..متى قال ..؟؟

خالد ..بدر هذي بنته وكلنا نعرف ان رغد حبيبة عمي ولابيرضى عن الي صار ويسكت الا احترام لاخوه الكبير
اذا انت عايف طلق وخل البنت تروح بحالها اذا أنت شايف أن حياتك معها مستحيله ماله داعي كل هذا

بدر.. انت شايف ان الطلاق هو الحل

خالد ويبي يعرف بدر ايش قراره ......الطلاق راح يسكت ناس بدت تحكي عن البنت الي رجعت لبيت اهلها بعد شهور زواج من ولد عمها
الطلاق ينهي الحساسيه بين الاخوان ويعطي سلطان فرصه واختك انهم يحددون مصيرهم الي ارتبط بموقفكم

بدر.. سلطان وريوف مالهم خص عملوا الملكه واحنا مبتعدين عن بعض

خالد.. صح لكن عملها عمي حتى مايحسس اخوه ان الي صار بيفرق بينهم لكن الفرحه ناقصه كلنا شفناها بعيون عماني
بعيون سلطان كيف يفرحون واختهم بهالحال أنت قولي عبدالله من اكثر من شهر ولا شفنا ولاسمعنا عن مواضيعه ولاقصايده
طلعنا أكثر من مره وكل ماقلنا سمعنا قصيده يقول ماكتبت ولاراح اكتب ودمعتها على خدها صح ماكان يقولها قدامك لكن فرحته ناقصه
سلطان الي ملك وبيوم ملكته قالها الفرحه ناقصه لكن الله كريم ..

بدر.. خالد ادري ان عبدالله وسلطان يجاملوني كثير لكن رغد غلطانه بعد يعني مهما كان حاولوا تكونوا بموقفي صعب اني انسى الي صار بسهوله خالد افهم ارجوك

خالد.. على عيني يابدر بس مو كذا ولابها الطريقه انت الرجل والي المفروض تسيطر على نفسك صوتك الكل سمعه ولو عمي مايقدرابوك والا ماكان سكت وهو يسمع صوتك وعلى مين على بنته الي تسوى عيونه حتى لو كانت غلطانه اسلوبك مع احترامي لك كان خطأ بدر المشاكل الخاصه نناقشها بالبيت مو امام الكل

بدر.....................

خالد.. بدر بيدك حلين مالهم ثالث اما انك ترجع بنت عمك وتحاول تحل الي بينكم بأسلوبك الي نعرفه أو تطلقها

بدر وبعد دقايق صمت ....أنا امس بصراحه قررت اطلق لكن فكرت وتوصلت أن الطلاق صعب هي بنت عمي ولاارضى عليها وغير كذا أنا ماتزوجت عشان اطلق والمشكله رجوعنا لبعض اصعب ماارضى على نفسي اعيش مع وحده رافضتني

خالد..لكن رغد موافقه ترجع وبعدها انتم تحددون مصيركم

بدر..وكل الدهشه على وجهه ..موافقه

خالد..موافقه هذا كلام البنات اليوم انها وافقت

بدر وبعد لحظة صمت ..توكلنا على الله وانا موافق

خالد......هههههههههههههههه

بدر..خير ان شاء الله قلت شئ يضحك

خالد.. محضر لك محاضره حتى اقنعك لكن والله انك ولد سالم كفوا ولد العم

ابتسم بدر وقال ولايهمك الحين بروح واكلم عمي ..

دخل بدر وخالد وتعمد خالد يرسم على وجهه الحزن حتى يقنع سلطان وسعود وعبدالله الي ينتظرونهم على جمر

بدر وخالد.. السلام عليكم

الكل.. وعليكم السلام ورحمة الله وبركاته

ابو سالم.. خالد

خالد..سم عمي

ابو سالم..انا ودي مره تمشي معنا ماتوصل بعدنا

الكل..هههههههههههههههه

سعود..بعدين مايصير خالد

بدر..عمي منصور

ابو سلطان ..سمي ياابوك

بدر..سم الله عدوك والله ياعمي انا خجلان منك لكن انا حسبت ولدك وان شاء الله انك بتعذرني

ابو سلطان.. خير ياولدي قل الي بخاطرك

بدر..والله ياعمي انا ادري اني اخطيت بحق رغد لكن بعد اذنك ان شاء الله اني بعوضها اذا سمحت انها ترد لبيتي ..

الكل تفاجأ وخصوصا ابو سالم الي بكلام بدر حس ان جبل انزاح على صدره

ابو سلطان..والله ياولدي انت غالي ولد اخوي وهي بنت عمك والله يلعن الشيطان لكن انا مابقول كلمتي الا بعد مااسأل رغد ..

ابو خالد..يااخوي البنت موجوده اسألها

ابو سالم..والله يااخوي فرحنا واسألها

ابو سلطان ..سلطان ناد اختك وانا بطلع لها

سلطان ...... ان شاء الله

راح سلطان ونادا رغد وصادفته نوف وعرفت السالفه وراحت رغد عند ابوها

ابو سلطان..رغوده حبيبتي ولد عمك طلبك ترجعين له ياابوي انا مابجبرك على شئ ماتبينه لكن يابنتي بدر نعرفه وولد عمك وارجعي يابنتي البنت مالها الا بيت رجلها وبدرمن خيرة الرجال وهذا الشيطان الله يبعدك عن وسوسته ..

رغد..الي تشوفه ابوي بمصلحتي اعمله

ابو سلطان..كفوا بنتي والله

ابو سلطان ..بدر ..بدر

طلع بدر..سم عمــي و سكت لما شاف رغد

ابو سلطان .. هذي زوجتك والله يهديكم ودخل عنهم

بدر وهو يتأمل رغد......شلونك رغد..

رغد تتذكر كلام ريوف ارجعي رغد الي نعرف رغد الحقيقيه

ورفعت راسها واحلى ابتسامه على وجهها ..الحمد لله انت كيفك

بدر ضاع مع ابتسامتها مقعوله هذي رغد الي كانت مكشره والي تبكي وتصرخ بالتليفون

بدر..تمام وظل ساكت ويتأمل وجهها وكانه اول مره يشوفها

استحت رغد وقالت..انا راجعه تامر على شئ

بدر..سلامتك بس بشريهم خليهم يفرحون

رغد وبأحلى ابتسامه ان شاء الله

رجعت رغد وحصلت نوف

نوف..حلووو الحب صح

ابتسمت رغد

ريوف ..شعندكم وسكتت لما شافة ابتسامة رغد

ريوف ..احلفي انك تصالحتي معه؟؟

رغد..والله

ريوف وبأعلى صوتها ريم امل وراحت حضنت رغد

ريم وهي تسرع ........شعندكم ؟؟

ريوف..تصالحوا خلاص

ريم..كلووووووووووووووووووووووو وووووووووووووووووووووووش

طلعوا الحريم كلهم ..شفيكم

ريم..مبروك رغد رجعت لبدر

وراحت رغد وارتمت بحضن امها وبدت تبكي هي وااياها وام سعود وام خالد والحمد لله رجعت الراحه لهم من بعد التعب والخوف


مرت ايام المزرعه بسلام الكل مبسوط ومرتاح ورغد تفكر وتقول لنفسها ليه اضحي ببدر الي حبيته من صغري انا لازم اعمل المستحيل واخليه يحبني ..اما بدر كان يبحث عن الاسلوب الي يعاقب فيه رغد وتوصل لاسلوب تأكد انه بيعاقبها اقسى عقاب شافته بحياتها ..

بوقت الرجعه للبيت الكل توجه لسيارته الارغد ظلت حايره وين تركب مع بدر او مع اهلها وبدر تعمد انه مايقول لها شئ وتركها بحيرتها حاولت تتأخر لحد مايقول بدر شئ لكنه للاسف ولاقال ولاكلمه بكل هدوء كان يركب الاغراض مع سعود اخوه
لكن رغد ابتسمت وقالت من الحين يابدر راح ابدأ انتظر اول مفاجأتي ..

ارسلت مسج له على جواله كتبت فيه
" بدر ارجع مع اهلي حتى اخذ اغراضي او انام عندهم او ..اقولك ياليت تكتب لي شو تحب اوكي انتظرك "

وبسرعه راحت للغرفه المظلله لان الكل طلع لكنها بتشوف رد فعل بدر وهو يقرأ المسج وفعلا وقف بدر وشاف المسج

رغد..ياربيه ولاهزه جامد ولاتغير شئ فيه ..اخيرا شبه ابتسامه وبلحظه خافت رغد لانها سمعت بدر يكلم ريوف ويسأل عنها

ريوف..رغد اعتقد داخل

وبسرعه رغد طلعت وجلست على الكراسي ولفت وجهها على الجهه الثانيه( على بالها سرحانه )

بدر..احم ..احم

رغد وبأبتسامه ......وقفت هلا بدر

بدر..يالله رغد تعالي معي ونروح لبيت عمي تأخذي اغراضك

رغد..اوكي

طلع بدر ورغد طلعت وركبت مع بدر ولاكلمه بينهم صمت ممل فجأه رغد

رغد..بدر معليش اسمع مسجل

بدر..الاشرطه عندك اختاري الي تحبين

وظلت رغد تقلب بالاشرطه لحد ماحصلت شريط ابتسمت وقالت الحمد لله اني متغطيه مايشوفني ضحكت على نفسها وقالت انا كذا اسلوبي وحياتي عشتها عالحب والصدق والحنان ليه اخبي مشاعري

بشوف وش بيعمل وعادت الشريط من الاول وشغلته بدر يحاول يعرف الاغنيه لان رغد ظلت تعيد وتقدم لحد ماحصلتها لكنه عجز وفجأه

شرين ..
بتوحشني...... .وانا وياك
وكل يوم بشوفه معاك بيوحشني
وكل ثانيه مش وياك .......بتذبحني
وكل ليله بعيشها معاك تفرحني تخوفني وتجرحني ....
واخاف بكرا يفوت عمري وانا لسى ...بتوحشني .......
بتوعدني مافيش بكرا مافيش بعده مافيش ولالحظه من غير وترجع ثاني تتأخر وتوحشني ..
واعمل ايه ماليش غيرك....... بيوحشني
بترسم لي حجات اكبر وعود اكثر والقى نفسي من غيرك ..وتوحشني
رغد بينها وبين نفسها تقول ياربيه انا مجنونه شو عملت بدر التفت عليها من غير اي تعبير بوجهه
وظل يناظرها وهي لفت وجهها عنه رجع يسوق بدر وفجأه
رن جوال بدر ورفعه

بدر..هلا والله بناعم الصوت

رغد..خلاص كل احساسها عنده تبي تسمع كل كلمه يقولها منو ناعم الصوت عيني عينك

بدر..تمام كل شئ تمام تطمني وطمني الي عندك خلاص عاد مو كل ساعه تتصلون

بدر..ههههههههههههههههههههههههه يالله الله معك عيوني

تعمد بدر يلعب بأعصاب رغد وخصوصا بعد ماتأكد من نوف انها تحبه وبعد صمت خمس دقايق حست رغد انها بتنفجر

بدر..تسلم عليك نوف نسيت اتصلت تتطمن عالوضع

رغد يالله يااعصابك بدري ..الله يسلمها

وصل بدر لبيتهم بعد مااخذ اغراض رغد من بيت عمها وهالمره قررت تأخذ الصندوق معها لكن قبل مايوصل لبيته قال الله يعيني ويعينك يارغد هذا بداية العقاب

بدر..رغد انا بوقف عند الصيدليه الحين

رغد..طيب بس ليه

بدر..بشتري لك حبوب الي كنتي تستخدميها ياليت تقولي لي اسمها

رغد والعالم توقف عندها ..وطلعت الكلمه عفويه رد فعل ماقدرت تتحكم فيه ..ليه

بدر..بينه وبين نفسه انا شو عملت شكل البنت من صوتها بتموت الحين..لازم رغد لحد ماتستقر امورنا

رغد..تقول بخاطرها تستقر او لحد ماتقنع الكل انك ماقدرت تتكيف معي لكن هين يابدر انا لك لاتتوقع أن رغد المستسلمه للحزن الي رجعت لك لا يابدر أنا رجعت لاني برجع حبي ببني حلمي الي انهار جزء كبير منه ولاتتوقع بسهوله بتخلى عن امالي

وقالت له رغد اسم الحبوب واخذها ..واول مادخلت رغد للبيت وقفت تتأمل وتتذكر ونزلت دمعه من عينها حاولت تداريها

لكن بدر حس فيها ولاحب يحرجها ورن تيلفون البيت

بدر..هلا والله ريوف

ريوف..بدر وين رغد

بدر..شسالفتك انتي واختك اليوم توكم تاركين بعض مالكم ساعتين

ريوف..بدر بتطمن عليها يااخي مافيها شئ

بدر..الغاليه قالوا لك متوحش بأكلها

ريوف..ههههههههههههه بدر لاتزعل والله من فرحتنا فيكم

بدر..زين خلاص رغد معك باي

ورغد..كانت تسمع الكلام ومبتسمه اخذت من بدر السماعه وكلمت ريوف

رغد..هلا والله حبيبتي

ريوف..هلا بك عيوني شلونك

رغد..تمام ..وعينها على بدر تشوف شو يعمل لكنه شغل التلفزيون وجلس يعني بيسمع المكالمه

ريوف..مبسوطه رغوده

رغد..وانتي شرايك انتي تعرفيني اكثر قولي

ريوف..اممممممممممم مبسوطه صح

رغد..ههههههههه كثير كثير

ريوف..اوكي اخليك اجل الحين لايذبحني بدر

رغد..حرام عليك مايذبح وبعدين ريوف حبيبتي مافيه احد يقول لها شئ

عرف بدر ان الكلام عنه ويقول بينه وبين نفسه شسالفتها البنت مو طبيعيه اليوم الظاهر بدلوها اهلها بوحده ثانيه

رغد..اوكي حبيبتي سلمي على الكل بااي

سكرت رغد وفجأه قالت ..بدر

بدر وهو يناظر مباراة ..نعم

رغد..بخاطرها عبرني التفت ..بعمل قهوه اعمل لك معي

بدر..التفت عليها ..الحين ؟؟

رغد..تناظر الساعه طيب تونا الساعه عشر

بدر..البيت فاضي لكن بتصل بالسواق يجيب لنا اغراض لكن انتظري اجل تقريبا ساعه لحد ماتوصل

رغد..مو مشكله انا بطلع اتحمم اغير فيما يوصل

وقامت بتمشي والتفتت عليه ..ومن بيطلع شنطتي انا مااقدر

بدر..اول مره يناظر رغد من فوق لتحت وهالنظره احرجت رغد ..ابتسم بعد عناء وقال انا بطلعها الحين

رغد.. ثانكس

وراحت بعد مااختفت ضحك بدر عليها هذي شفيها مو معقوله فرحانه انها رجعت اويمكن ..

مرت الليله على بدر ورغد على خير حاولت رغد تكون طبيعيه مع بدر وفعلا نجحت لان بدر ظل يفكر كثير بهالتغيير عليها
لكنه استسلم لنوم كالعاده لانه جامد ودائما مايهمه ويقول كل شئ بوقته يبان ..

الصبح الساعه سبع طبعا يوم السبت الكل عنده دوامات صحت رغد من بدري واخذت لها شور سريع ونزلت وحضرت فطور بسيط ورجعت للغرفه تصحي بدر لكنه حصلته صاحي..

رغد..صباح الخير

بدر ومستغرب من هالنشاط.. صباح النور

رغد..توني طلعت اصحيك لكن الظاهر انك تحب شغلك كثير

بدر..وتعمد يحرجها تعودت شهر ولااحد يصحيني

سكتت رغد لكنها رفعت راسها وابتسمت له احلى ابتسامه وقالت ..ولايهمك من بكرا مابيصحيك غيري

ظل يتأملها بدر ويقول بخاطره اما مجنونه او بدلوها ماهي رغد الي عشت معها سبع شهور

رغد..الفطور جاهز انتظرك ..وطلعت من الغرفه

نزلت وجلست تنتظر وفجأه قالت بتصل بريوف اكيد صاحيه الحين

رغد..صباح الورد والياسمين

ريوف..الله الله صباح الحب رغووده شو هالنشاط

رغد..ههههههههه شلونك ريوف

ريوف..وربي انبسطت لما سمعت صوتك

رغد..كل يوم بصبح عليك

ريوف..اخاف يغار بدر ههههههه

رغد..ياليت الله يسمع منك

ريوف..رغوده شفيك اليوم ماانتي صاحيه

ودخل بدر واستغرب من تكلم عالصبح

رغد..وربي صاحيه وبكامل قواي العقليه الحين يالله لو سمحتي قفلي الخط

ريوف..رغيده من المتصل الحين

رغد..ههههههههههه حبيبتي خلاص بنفطر كنت اتسلى فيك لحد ماينزل بدر

ريوف..هههههههه الله يااخذك تلعبين علي لكن يالله روحي الله يهنيكم ..سلمي عليه

رغد..ويهنيك.. باي

رغد..تسلم عليك ريوف

بدر..الله يسلمك ويااها

بدر..رغد انا مابرجع الا عالساعه ثلاث اذا حابه تروحين لاهلي روحي احسن من جلستك لحالك

رغد..اممممممم لامابروح اليوم بجلس عندي كم شغله

بدر..براحتك ..يالله تأمرين بشئ

رغد..سلامتك الله معك


وطلع بدر وبدت مهمه رغد بتحويل بيتها راحت للغرفه ومسكت الصندوق وبدأت تفرغه وتختار كل شئ بمكان مناسب له ..وعالساعه ثنتين كانت رغد خلاص انتهت كل شئ وتحممت وبدلت ملابسها وجهزت الغداء وكل شئ وتنتظر بدر

وفجأه دخلت عليها ريم وريوف..السلام عليكم

رغد..وعليكم السلام

ريم..وااااااااااااااااااااو وش هالريحه شو هالتغيير

رغد وبأبتسامه ..واضح؟؟

ريوف..الأعمى يشوف اكيد بيلاحظ الفرق

ريم..رغوده والله يابخته فيك اخوي

رغد وبصوت واطي ..ويابختي فيه

ريوف..هههههههههههههه سمعنا

رغد ..المهم الحين قولوا لي تتوقعون يزعل لاني غيرت بالبيت كذا

ريم ..لا طبعا لانك ماغيرتي شئ انتي اضفتي عليه وبعدين يحمد ربه وربي كذا البيت احلى

ريوف..مع الورد وريحة الشموع والنور الهادي البيت اريح يحسسك بالهدوء واسترخاء

ريوف..رغد لاتخافين ولاتتوقعين انه يتكلم لكن ان شاء الله الله يهديه

استأذنت ريم وريوف ورجعوا للبيت قبل مايوصل بدر

الساعه ثلاث وعشر وصل بدر رغد ماحست فيه كانت متمدده هالكنبه وبيدها مجله لكنها سرحانه

دخل بدر وااول شئ لفت انتباهه وحس فيه الريحه الرائعه الي امتلئ البيت منها دخل بدر لصاله ولاحست عليه رغد ..وقف مبهور بالشكل الي مثل ماهو لكن فيه لمسات بسيطه غيرت البيت كثير والاضافات الحلوه الشموع بكل مكان والورد المجفف والدببه والتحف الرائعه والاغرب انها كلها عليها كتابات حتى عالصور والنور الهادي أجمل وغير كذا شكل رغد الي فعلا كانت رائعه بشكلها الهادي ولبسها البسيط

بدر..السلام عليكم

ولاحست رغد..ابتسم بدر وتقدم عندها وحست عليه

رغد..هلا بدر ماحسيت فيك

بدر وبأبتسامه .......شكل الجووو بالبيت اخذك لبعيد

رغد بنفسها للحمد لله لاحظ وابتسمت يالله اخيرا

بدر..يعطيك العافيه رغد كذا البيت اريح بكثير وارتمى عالكنبه وقال ..فعلا يريح بعد التعب

رغد وبتطير من الفرحه ..يعطيك العافيه يارب ..تحب الغداء او تتحمم اول

بدر.. من عمل الغداء ؟؟

رغد.. انا عملته ليه..؟؟

بدر..مجرد سؤال مشاء الله عملتي كل هذا وبعد غداء والله ماقصرتي ..بتحمم اول واتغداء

طلع بدر وبكل مكان يمر من عنده يشوف لمسه لرغد ووصل لغرفة النوم المفاجأه
دخل ..ووقف مبهور

الغرفه ظلام مافيها غير نور شموع بسيطه وريحة الورد ماليه الغرفه وغير كذا برواز يحمل صورتهم بيوم زواجهم

وصوره رائعه خياليه لرغد وهي بلبس البحر لونه احمر شكلها فعلا خيالي كأنها حقيقيه وهي خلفية بحر مو حقيقه

ضحك بدر..وقال الحين انا بنام من هالجمال والله

تحمم بدر ونزل وحصل الاكل جاهز ..وتغداء وطلع ينام والساعه تقريبا ست صحى ونزل ولاحصل رغد توقع انها في بيت اهله وراح صلى المغرب وراح لهم دخل وحصل امه وخواته ورغد

بدر..السلام عليكم

الكل..وعليكم السلام

ام سعود..شلونك بدر ابوي تعال عندي هنا

ريم..احم احم يمه بدر تزوج خلاص انا حرام عليكم

رغد..ريمووه مافيه احد اخذ الحنان كثرك بالعايله

ريم ..اقول يابنت عبدالله الحين انا الي اخذت الحنان اجل انتي ايش اخذتي

ام سعود..بدت الحرب بينهم

ريوف..ريم رغد فكونا الله يخليكم من هالسالفه

رغد..بشرط

ريوف..قولي

وبدر مبسوط اول مره يشوف رغد طبيعيه وتحكي بحريه

رغد..تقدمين لي اعتذار بالجامعه

ريم وريوف..ليييييييييييييييه

رغد..ماابي ادرس هاترم

بدر..حرام رغد هذا اخر مستوى

رغد..لانه اخر مستوى بعتذر لانه يحتاج تركيز وانا بصراحه مالي خلق

ام سعود..والله يابنتي سوي الي يريحك

رغد..هاريوف شقلتي

ريوف..اوكي

ريم..بدر

بدر..ايوه

ريم وحبت تعرف لان بدر كان واضح انه مرتاح .....شكلك ماشبعت نوم .؟؟

بدروهو مبتسم ..لا والله اليوم نمت نومه كذا ويأشر بيده

ريوف..شمعنى ..؟؟

بدر..اسباب كثيره ..المهم مااحد بيتكرم ويعمل لنا شاهي ؟؟

رغد وبأبتسامه ...من عيوني وقامت

ريوف..رغوده اخوي يشرب الشاهي سكر زياده

رغد..ههههههههههههه اولا احد قال لك اني مالي الا دقيقه متزوجه اخوك

الكل..هههههههههههه

ريم..وثانيا ..؟؟

رغد..لو كان اسكر قليل فيه ناس كلهم على بعضهم سكر ينفعون يحركون البياله ويكون احلى شئ

ريم..ومن هالناس اكيد انا

رغد..اقول ياحلوه الحقوق محفوظه

ريم..طيب عرفنا انك السكر وثالثا ..؟؟

رغد.والله عطيتك وجهه خلاص حلى هو وطلعت للمطبخ

ريم..هههههههههههههههه هين يارغيده تشوفين

ام سعود..الله يسخر لكم يارب الله هذي رغد كني مضيعتها ورجعت هذي رغد الي نعرفها

بدر..يقول بخاطره الكل لاحظ التغيير مو انا يعني رغد هذي شخصيتها الحقيقيه والحزن والنكد والهم قناع كانت لابسته لكن ايش الاسباب وتذكر كيف حطم فرحتها امس لما طلب اسم الحبوب ومع هذا حافظت على هدوءها وبالعكس غريبه هالانسانه توقعت اني اعاقبها بهالطلب لكن اثر العقاب ماطال الا دقايق بس بعد مارجعت رغد وجلست دق التيلفون وشال بدر السماعه

بدر..الوووو

المتصله..مساء الخير

بدر..مساء النور

المتصله ..اهلين بدر ..؟؟

بدر..هلا اختي من معي ..؟؟؟؟

المتصله ..يحق لك ماتعرفني لاننا مانشوفكم الا بالاعياد وصوتي لازم تنساه معك لمى بنت خالتك

بدر وكان ناسي لمى لانها ماتعني له شئ.....هلا لمى شلونك وشلون خالتي والعيال

الكل كان يسمع المكالمه ويعتبرونها عاديه الا رغد الي تذكرت لمى بملكت سلطان كيف سلمت على بدر وبعيونها حب واضح وضح التغير على رغد ولااحد لاحظه

بدر..سلمي على الأهل لمى معك ريم

بدر لاحظ رغد لكن قال انا ماعملت شئ يزعلها ليش كذا تغيرت غريبه ..

بدر..تسلم عليكم لمى

ام سعود..الله يسلمها وياك ابوي والله ودي لعزمهم عندنا هالاسبوع

ريوف...لايمه مالي خلق

ام سعود..مو لازم اختي وبشوفها لك او مالك خلق مو لازم

رغد..طيب خالتي اعزميهم واحنا تحت امرك امري

ام سعود ..ماتقصرين يابنت عبد الله

بدر..الاسعود وينه ماشفته اليوم

ريوف ...صح غريبه ولاحتى نوف

ام سعود..اتصل فيني وقال انه بيروح لبيت عمه الغداء عندهم وقال امل بتجلس لليل وهو عنده كم مشوار

بدر..ريم خلصينا يكفي كلام

ريوف..رغد بطلع للمشغل تروحين معي

رغد..والله اذا اخذنا الموافقه ماعندي مانع

ابتسم بدر وعرف قصدها ..اوكي انا طالع ولاتتأخرون ارسلي لي مسج اذا رجعتي رغد

طلع بدر وقالت رغد بصوت واطي لريوف يعني لاتتصلين لكن هين يابدر بتصل عناد

ريوف..اقول شوي شوي على اخوي

رغد..قومي يالله اخوك بيذبحني ناقصه عمر من بروده

طلعت رغد وريوف وريم للمشغل وبالسياره

ريم..تصدقون لمى مو بالعاده تكلمني غريبه

ريوف..والله حتى انا استغربت

ريم..اتصلت علي قبل هالمره ولاطولت لكن ماادري ماارتاح لها

رغد..وربي ولاانا احس هالانسانه مو قادره اتقبلها

ريوف..اصلا لمى عينها قويه ولاتستحي من احد وخالتي ساكته لها

ريم..الله يهديها

الكل ..امين

بالمشغل ..رغد..بنات عجبني هالفستان شرايكم

ريم..الله جنان بيطلع عليك

ريوف..رغوده بدر مابيوافق

رغد..ليه

ريم..صح بدر مايحب الفستان العاري مره هذي مشكلتنا معه دائما

رغد..والله مالي شغل حلوو الفستان

ريم..رغد بدر عصبي ولاراح يعجبه

رغد..بقوله اليوم

ريوف.مابيوافق لاتفشلين عمرك

رغد..نحاول

ريم..الله يوفقك

رجعوا البنات عالساعه تسع وترددت رغد تتصل او ترسل مسج لكن قالت برسل له مسج لكن مختلف

كتبت فيه ..بدر..انا في بيتنا الحين حبيت اطمنك عمري وترددت تكتب عمري لكن تشجعت وارسلتها
وانصدم بدر من الكلمه عمري من رغد قويه والله وقال برد عليها
" اوكي انا ساعه مع سعود وراجع "

شافتها رغد وقالت ..مالت علي قلت الحين بيكتب شئ يفرحني مو عاده يابدر

رجع بدر عالساعه عشر وزياده وحصل رغد بالصاله رافعه شعرها ونازله خصل على وجهها
وببجامه ابيض بأحمر استغرب وقال اول مره شكلها يكون كذا عفوي صح عاش معها سبع شهور لكن مافيها العفويه الي يشوفها
كانت رغد دائما رسميه معه وهو نفس الشئ وكأنهم يعملون واجبات مطلوبه ماتحركها اي مشاعر صادقه منهم

بدر..مساء الخير

رغد..اهلين مساء النور

بدر..كيف الطلعه اليوم

رغد..ماشي حالها ..تعشيت

بدر..الحمد لله

رغد..بالعافيه

بدر..الله يعافيك وانتي

رغد..ماني مشتهيه الحين شئ

رغد..بدر

بدر..وكان مركز عليها لاول مره من رجعت له ..ايوه

رغد..زواج سلطان وريوف بعد شهر ونص تقريبا وابي افصل

بدر..امري الي تبينه انا حاضر

رغد..مو هنا المشكله

بدربأهتمام ..اجل وين ؟؟

رغد..وبأبتسامه ساحره..بصراحه فيك انت

بدر..انا شلون .؟؟

رغد..اليوم شفت فستان حلوووو وربي عجبني وبخاطري

بدر..وين المشكله فصليه

رغد..المشكله ان البنات صدموني قالوا انك مابترضى لانه عاري

بدروبيده ..انسي الموضوع عاري لا

رغد..طيب اسمعني

بدر..ليش اسمع وهو عاري

رغد وبحركه عفويه قامت وقربت عنده قالت ..الله يخليك بقولك

بدر..حركتها خلته يوافق انه يسمعها لأنها اربكته

رغد وقفت قباله وقالت بقولك شلون عاري بس لاتقاطني خلني اكمل اوكي

بدر..اوكي قولي

رغد ..وتأشر وهو يبتسم ويقول بيده لا

رغد..بدر بعمل له شال الله يخليك والله حلوو

بدر..رغد قلت لا

رغد..طيب اقولك شئ لحظه وراحت تركض لدرج وكأنها مو مع بدر الي عاشت معه سبع شهور بشكل ممل وروتيني ..طلعت الغرفه ولبست فستان سهره لونه اسود تقريبا قريب من ناحيه القصه لللفستان الي بتخيطه

ونزلت بدر لما شافها نازله خلاص تجمد مكانه شو هالحلاوه رغم ان شعرها مرفوع بشكل عشوائي لكن شكلها كانت يأخذ العقل

رغد..شفت هالفستان بدر تقريبا نفسه

بدر..يعني هذا عادي مو عاري بنظرك..؟؟

رغد..لا مااقصد كذا الحين ظهري نصه طالع لكن بعمل للفستان شال هذا اول شئ

بدر..حتى لو عملتي الشال مايكون على طول الوقت عليك

رغد..صح نسيت ورفعت يده وفكت شعرها ونزل على اكتافها كأنها شلال

بدر..عفوية الحركه اعجبته وشكلها كذا كان رايق

رغد..شوف شعري يغطي ظهري يعني خلاص وافق ماتسوى تعبي ولبسي للفستان الله يخليك

بدر اسلوبها معه الي ماتعود عليه ابدا اجبره .......طيب موافق لكن بشال وشعرك ماترفعيه

رغد..موافقه تسلم ياقلبي وراحت لغرفتها وعالدرج استوعبت الكلمه ياقلبي ..ههههههههههه مسكين بدر بيقول شفيها مو صاحيه

اما ريووف فكانت حياتها بعد الملكه حلووه وهاديه سلطان شخصيته حلووه لانه انسان متفهم والاجمل انه حنون حتى عبدالله اخوه دائما قريبين من رغد اختهم ويخافون عليها لكذا سلطان تعامله مع ريوف كان يغلب عليه الحنان والحب سلطان كان يزورهم من فتره لفتره ويجلس مع زوجته اما مكالماتهم ماكانت تنتهي ابدا تمتد لساعات وكأنهم عايشين بعالم مافيه غيرهم ..

بعد مارجعت رغد لبدر بثلاث ايام تقريبا بدت تحس بالفراغ البنات الدراسه فرضت عليهم نظام معين وخالتهم بالوقت الي تكون رغد فاضيه تكون عند امها او عند بيت عمها ناصر وامل مشغوله مع ولدها وبيتها قالت بتصل بنوف اشوف اخبارها

رغد..السلام عليكم

نوف ..وعليكم السلام هلا والله رغود

رغد..هلا حبيبتي شلونك وشلون احمد وابو احمد

نوف..بخير الحمد لله انتم شلونكم

رغد..الحمد لله تمام

نوف..طمنيني كيف الحبيب معك

رغد...الحبيب ساعه يبتسم وبعدين يندم ويرجع يعصب

نوف....ههههههههههههههه لا والله اخوي حبيب وطيب

رغد....ههههههههههههه اكيد اخوك

نوف..لا والله طيب انتي قولي مو حبيب وطيب ..؟؟

رغد.....لا والله الكذب خيبه

نوف.....ههههههههههههههه وينه الحين

رغد..نايم

نوف..وانتي ليه ماتنامين

رغد..مالي خلق بعدين اسهر بالليل لحالي

نوف...اقول لك شئ ..

رغد..قولي

نوف...بدر يموت على شئ اسمه افلام رعب هاتي لك من عند بيت سعود وربي يسهر معك هههههه

رغد..والله ذكرتيني بس المشكله انا اخاف

نوف..ياشيخه تمثيل تخافين من ايش

رغد..بشوف بعملها يالله اروح اخطط باي

نوف......ههههههههههههه لاتسهرين اخوي كثير بااي

وفعلا اتصلت بأمل وطلبت منها فلم لكن امل قالت ماعندي شئ الا فلم واحد وقديم شوي حاولت اشوفه ماقدر

الافلام كلها بالخيمه وتحطمت رغد لكن امل اقنعتها واخذت الفلم منها وبالليل عالساعه 12 دخل بدر وهي توها مشغله الفلم ..

بدر..هلا رغد

رغد..اهلين

بدر..وعينه على الشاشه ..رغد ماشفتي هالفلم من قبل

رغد..لا

بدر ..غريبه

رغد ..لانه رعب وانا اخاف

بدر وبأبتسامه ..تخافين ..؟؟

رغد..ايه

بدر..بس الفلم مايخوف

رغد..نشوف بتنام ...؟؟

بدر ويقول خليني اشوف شلون تخاف.. لابشوف الفلم معك لكن بشرط ..؟؟
رغد تقول بخاطرها والله نوف تعرف اخوانها اكثر من غيرها...آمر

بدر..انا مااحب اشوف الافلام الا بالظلام

رغد..طيب بس الابجوره بخليها

بدر ..اوكي

وجلس بدر مع رغد وانسجم مع الفلم مع انه شافه قبل اما رغد كانت خايفه فعلا من الفلم والتفت بدر فجأه عليها وحصلها منزله راسها لان الفلم فيه صوره تخوف كثير

بدر..ههههههههههههههههههههههههه ههههههه

رغد انتبهت على ضحكته صح سمعتها كثير لكن هنا في بيتها ولافيه غيرها كانت صدمه لرغد
رغد ومن فرحتها بضحكته ولانها عصبت من الفلم قامت وشغلت النور وبدر مازال مبتسم ووقف الفلم

بدر..شفيك

رغد..ماابي اشوفه يخووف

بدر..روحي نامي ههههههههه

رغد..لا والله مابنام لحالي اخاف

بدر..بكمل الفلم

رغد..طيب بروح عند البنات

بدر..رغد شوفي الساعه كم وين تروحين

رغد ..طيب خلاص بروح اشوف لي شئ اعمله

بدر..لا تعالي خلاص اجلسي جنبي هنا ولاتطفين النور

رغد..لا ماابي خلاص والله مابنام اسبوع من الخوف

بدر ومازال مبتسم ....تعالي رغد واسمعي الكلام

رغد..وبصوت واطي..استاهل

بدر.. ههههههههههه طيب خلاص مابشوف الفلم لكن ابي عصير بعدين ننام

رغد...من عيوني وطلعت

وظل بدر يفكر برغد وعفويتها الرائعه الي غيرت البيت كله لانها اعطته حياة جديده ومختلفه ..

مر الاسبوع بشكل محير جدا لبدر ومتعب كثير لرغد رغد تحاول وبدر يكابر احساسه ويوم الاربعاء يوم زيارة الخاله عندهم والكل يتجهز واولهم رغد
الي حاسه ان هالزياره تحمل كثير لها ..


يوم الاربعاء وبعد ماوصلت الخاله وبناتها طلعوا البنات برا بالحديقه وفجأه قالت لمى

لمى ..مها..( مها اختها عمرها 19 تختلف عن لمى180 درجه) اكيد فيه شئ وحشك في بيت خالتي

مها وتغير وجهها لانها تعرف قصد اختها تقصد نواف الي تحبه مها حب صامت لكن اختها عرفت بحبهه بلحظة ضعف من مها

ريم..اكيد وحشتها انا

مها..والله كلكم وحشتوني

ريم..عن اذنكم بشوف وين ريوف وراحت عنهم

رغد تحاول تكون طبيعيه معهم .....مها انتي ترسمين صح

مها وبأبتسامه صافيه ..ايه ارسم

لمى ..تصدقين رغد قلت لها ترسم صوره لبدر بهديها له بذكرى ميلاده لكنها قالت لازم صوره له

رغد وهي تغلي من لمى .....ولايهمك بدر بعيوني صورته اذا حابه تعطي احد يرسمه عيوني لك

انقهرت لمى من رد رغد وقالت ..بتمشى لحالي شوي عن اذنكم

ولان رغد تعرف بدر موجود بحديقة بيتها توقعة لمى تشوفه وراحت من وراء تشوف وصلت لمى وشافت بدر وابتسمت وتطمنت ان الكل مشغول في بيت خالتها وراحت لعنده

لمى ..اهلين بدر

بدر تضايق منها لانها كاشفه وتحكي بدلال واضح وقف بدر..اهلين لمى شلونك

لمى ..بشوفتك بألف خير

بدر..عن اذنك

وبالوقت هذا رغد تسمع الحوار وهي بتموت من لمى

لمى ......بدر مااشتقت لي..؟؟

هنا انصدمت رغد

بدر ورافع حاجبه ....اشتاق لك ..؟؟لمى انتي ماتفهمين

لمى وتتصنع الضعف ....الي افهمه شئ واحد اني احبك

بدر..وانا اعتبرك اخت واحترمك لانك بنت خالتي وكفايه انا انسان متزوج ورجاء انتهينا

لمى .....متزوج بتقنعني انك تحب رغد

بدر..لمى حياتي ملكي انا رجاء ارجعي للبنات احسن لك

لمى ..بدر انا احبك وقلت لك قبل ثلاث سنوات اذا تتذكر بالاستراحه لكنك رفضت حبي وترفضه الحين حرام عليك انا مستعده اكون زوجه ثانيه بس انت وافق ارجووك

رغد..تطلع وهي تصفق ابدعتي لمى وين خالتي تشوفك وانتي تعرضين نفسك سلعه للبيع وبشكل رخيص

بدر ..تفاجأ برغد ..خلاص رغد

رغد..لامو خلاص في بيتي وتعمل كذا مااحترمت احد ولاقدرت احد

لمى وفقدت اعصابها ......ايه احبه واحبه والي عندك قوليه

رغد..انا الحين راضيه اقولها لك ومستعده اقولها للعالم كله اذا هو يحبك حلال عليك ان شاء الله يتزوجك الليله

لمى وانقهرت من رد رغد اكثر ..يحبني ايه انتي اصلا غايره مني لاني احلى منك وهو مايحبك واضح مايحتاج تمثلون الكل يعرف انه مايحبك

بدر وبصوت عالي ..لمى خلاااص قلت لك انتي مثل ريوف ونوف وريم رجاء ارجعي لاالحين اوريك الشغل الصح

لمى وخافت من بدر لانه خلاص صوته ارتقع ..خلاص مايهمني المهم انك ماتحبها ماتحبها ماتحبها وراحت تركض بااتجاه بيت خالتها

بدر..لاحول ولاقوة الا بالله ..التفت على رغد ولاشاف الا دموع غطت وجهها وراحت داخل لغرفتها وراح وراءها بدر

حصلها مرتميه عالسرير وتصيح بشكل يقطع القلب جلس بدر قريب

بدر..رغد انا مااعرف منين سمعتي لكن لمى ماتعني لي صدقيني

رغد ومن بين دموعها ....اعرف سمعت كل شئ

بدر..طيب ليه تصيحين اجل

رغد تمت تصيح لحد ماسمعوا احد يدق الباب

بدر ..ايوه مين

نوف..انا نوف بدر

بدر وفتح الباب ودخلت نوف الي تفاجأت من شكل رغد وهي تصيح ومنهاره
نوف..شفيكم..؟؟

وراحت لرغد وحضنتها وتمت رغد تصيح بشكل يعور القلب طلع بدر لكنه وقف قريب يبي يعرف ليه رغد منهاره كذا

قالت رغد الي صار لنوف..

نوف..طيب انتي سمعتي بدر انه مايحبها ويعدها مثل اخته ليه معصبه وزعلانه

رغد..زعلانه لانها تقولها بثقه مايحبك زعلانه لان الكل يعرف انه مايحبني نوف بدر مايحبني يكرهني وبيطلقني

نوف..رغوده حبيبتي شفيك خليها تقول الي تقوله من القهر

رغد..لامو من القهر كانت واثقه الحين الكل يعرف انه مايحبني ولاهو مبسوط معي

بدر ودخل فجأه للغرفه .......ومن قال هالكلام ..؟؟

سكتت رغد ماتوقعته سمع كلامها واضح انه معصب

بدر..سعادتي مايقررها غيري يارغد لالمى ولااي شخص سعادتي او حبي انا الي اقرره اذكري الله وقومي عندهم وانسي الي صار ولااعتقد وحده مثل لمى تأثر عليك بكلامها السخيف

رغد..مااقدر اروح بنام اتركوني

نوف..الي يريحك حبيبتي لكن لاتحطين ببالك وسعادتكم ماتوصلون لها مره وحده تحتاجون وقت

طلعت نوف وسحبت بدر معها

نوف وودها تذبح بدر ... ..بدر اسألك بالله من رجعت لرغد قلت لها كلمه حلوه انا عمري ماحسيت انها زوجتك

بدر..........

نوف..انت مو صغير حتى اعلمك او افهمك انا اعرفك انت اخوي انت صح ماتقصر مع رغد بشئ ولابحق من حقوقها لكنك تعطيها كل شئ لكن عندها انت ماتعطيها شئ تدري ليه لانك تفقد عطاءك احساسك الصادق حاول تنسى الي صار لايصير قلبك اسودرغد غلطت اوكي مااختلفنا لكن لاتتوقع ان اسلوبك كذا صح العقاب مو كذا يابدر البنت تحبك وكلنا وانت اول واحد حاس بهالشئ اذا فعلا ماتحبها ولاقدرت تتكيف معها لاتعذبها انفصل عنها بالمعروف

بدر..نوف خلاص ارجوك الي فيني كافيني

نوف وانقهرت من بدر ..الكلام معك ضايع حتى دموعها ماهزتك ولاحركت فيك شعره ..باي

طلعت نوف وتركت بدر حاير يفكر بالي صار كلام نوف وكلام لمى وانهيار رغد وهل فعلا الكل يشوفه مو مبسوط رغم انه مرتاح بحياته مع رغد هي ماتقصر معه بشئ وهو يرتاح بوجودها اخيرا قرر بدر انه يراضي رغد ويطلعون يتعشون برا
وبعد المحاوله مع رغد وبعد ماهدأت وافقت تطلع مع بدر

وطلعوا كانت الطلعه هاديه تكلمت فيها عيون رغد ونقلت كل الحب والعتب لبدر الي حاول يتجاهل هالرساله رغم ان قلبه بدأ
ينبض لها ..

يوم الاحد تقرر موعد رجعت نواف اخوهم الصغير عمره 24 بعد ماانهى دراسته وحصل على شهادته في مجال الاقتصاد

رجع نواف والكل مبسوط برجعته في بيت بو سعود

سعود..نواف ماقلت لي شرايك بسالم

نواف..ولد ابوه والله استنساخ منك ياسعود حتى الابتسامه

سعود..ههههههههههه عاد ابتسامتي تذبح صح

بدر..سعود انت مين معطيك مقلب بنفسك

ريم..والله سعود احلى اخواني

سعود..هههههههههههههههههههههههه ه كفوا الريم والله

رغد..وبصوت واطي ..يبيلها كف ريمووه وبدر ماملئ عينها

ريم..انا سمعت احد يقول يبي لي كف والصوت اعرفه

ريوف..ريم والله اخواني كلهم حلوين كل واحد له ميزه

نوف..اقول انتم واخوانكم والله شيخكم احمد

سعود..روحي انت واحمد الشيخ سالم بن سعود ولدي

نواف ..اقول انت ويااها ذبحتونا بعيالكم

بدر..سعود عندي لك خبر

سعود..خير ان شاء الله

بدر..بسافر

رغد..شهقة وتسأل وين بيروح ماقال لي

نوف..بدر وين بتروح وليه

ريم..بسافر معك

ريوف..اعنبوكم زوجته ماسألأت كثركم

ريم..زوجته اكيد تدري يافالحه

رغد..لا والله توني اعرف

بدر..ههههه طيب خلوني اكمل

سعود..قول يالله

بدر..وبروح لمكه تخاويني

رغد وبكل عفويه ...وانا بدر بروح معك..؟؟

بدر وبأبتسامه ..اكيد انتي معي

انبسطت رغد اول مره مايفشلني

امل..لا مابيروح انا داخله دورة كمبيوتر مااقدر اروح

نواف.. طيب خليه ياخذ اجازه منكم ويرتاح هههههههه

امل..ليه شقالوا لك يرتاح منا ..سعود بتروح؟

سعود..والله ماهي شينه لكن بصراحه اسبوع من غير سالم وامه مااقدر عليه

الكل .واااااااااااااااااااااااااااا اااو

نواف ..الحين انت طالع اجازه يابدر سعود بيكون شغل اذا هو معك

سعود..خسك الله يانوافوه انا شغل الله يشغلك بوحده ماتخليك تنام الليل من كثر كلامها

الكل...ههههههههههه

نواف..حرام سعود استغفر الله

بدر..يالله ياجماعه انا بسري يالله رغد مشينا

بدر ورغد..تصبحون على خير

الكل..وانت من اهل الخير

وبعدهم طلع سعود وامل ولاظل غير البنات مع نواف بعد ماطلعت نوف لبيتها

نواف..اقول كيف بدر مبسوط بحياته

ريوف..نقول ان شاء الله بدر صعب الواحد يعرف اذا مبسوط او لا

نواف ..انا احسه تغير عن اول اول من اكلمه معصب لكن الحين تغير حتى كلامه تغير
ريم وتدخل عرض بالسالفه ......نواف متى بتتزوج

نواف ..توني حرام عليك ماامداني ارتاح

ريم..عندي لك عروس قمر

نواف تحمس..من هي

ريوف..يالخيانه ليه ماقلتي لي

ريم..تعرفينها انتي

ريوف ونواف ..مين

ريم..مها بنت خالتي

ريووف..الله عليك مها فنانه والله

نواف..من مها انا اتذكرها صغيره كم عمرها

ريم..مها عمرها الحين 19 اول سنه بالجامعه فنون جميله رسامه درجه اولى

نواف..اخت لمى صح (الكل يعرف لمى لانها ماتستحي ولاتحشم احد)

ريوف..صح لكن عكسها مها قلبها ابيض ماتعرف حركات لمى

نواف وبأبتسامه ......حلوه؟

ريم..قمر

نواف..يالله نروح نخطبها

ريم وريوف..هههههههههههههه

ريم ..صدق نواف مها طيبه لاتضيعها

نواف ..يصير خير ..بااي تصبحون عل خير

يوم الاثنين الساعه عشره الصباح نزلت ريم ولاحصلت احد الا الشغاله سألتها عن امها قالت انها راحت عند ام سلطان

طلعت ريم للجامعه عندها محاضلره عالساعه 11 وهي طالعه صادفته امل ..

امل ....ريم مارحتي للجامعه

ريم..الحين رايحه ليه

امل..ريم متى محاضلرتك

ريم..11

امل ..اوكي حبيبتي اطلبك

ريم..امري

امل..حطي سالم عند امي لان عندي موعد بالمستشفى وسعود يالله يوصل على وقت الموعد

ريم..اوكي يالله وينه

امل..ثواني

اخذت ريم سالم وكان نايم وراحت لبيت عمها لكن الي صار ان فيه سياره ظلت تلاحق سيارة ريم من مكان لمكان وريم ماانتبهت لهاوصلت ريم ولان سالم نايم نزلت تعطيه ام خالد ولاانتبهت عالسياره الي واقفه قريبه منها وتوها بتدق الجرس الا يطلع خالد

ريم تفاجأت فيه

ريم..السلام عليكم

خالد ..وعينه عالسياره الي واقفه ....ادخلي

ريم استغربت من رده والتفت بشكل عفوي تشوف شو يناظر

خالد وهو واصل حده ..قلت ادخلي

دخلت ريم وخالد راح يشوف السياره والشباب من شافوه رايح لهم راحوا بسرعه ورجع خالد وريم توها بتطلع

خالد..وبنظره كلها نااار .....ماكان المفروض تنزلين وهم وراك

ريم..ومن غير ماتلتفت عليه..ماانتبهت لاحد

خالد..ماانتبهتي..!!

ريم..عن اذنك

خالد......شوفي ريم المفروض انك اصلا ماتطلعي

ريم وعصبت من اسلوب خالد ونظراته المستفزه وكأنها عامله جريمه قاطعته.....والمفروض ابوي الي له الحق فيه

وطلعت وطلع خالد ونزل عن الشباك وقال......ريم عدلي اسلوبك هالمره بكيفي امشيها لك

ريم..ولاردت عليه وابتعد وراحت ريم للجامعه وهي معصبه منه معقوله هذا خالد الي اقول انه مختلف ومتفهم يالله ماتوقعته كذا وظلت معصبه ولاارتاحت الا لما وصلت للجامعه وقالت لعبير صديقتها كل شئ

عبير....ههههههههه ياقوي عينك رديتي عليه

ريم..عبير انا والله ماانتبهت لسياره بعدين لو تشوفين شلون يناظرني

عبير....ريم انا اشوف انه تصرف طبيعي منه بااعتبار انه ولد عمك وحتى لو احد من اخوانك

ريم..ياشيخه بلا هم خلينا نروح للمحاضره
مرت الايام سريعه وبدر تاجلت سفرته لمكه وبيوم الجمعه الكل كان موجود الاسعود كان نايم لانه سهران ونواف عنده شباب بالمجلس

كل البنات موجودين وبدر ورغد رن جوال ريوف وكان قريب من رغد شافت الرقم وابتسمت لانها عرفته

رغد..ريوف برد الله يخليك

ريوف وهي مستحيه لان بدر جالس اكيد عرف من المتصل

ريوف ..بأبتسامه وجهها كأنه طماطه ..ردي

ردت رغد ولاتكلمت

سلطان..هلا وغلا عيوني

رغد..هههههههه هلا فيك

سلطان..ههههههههههههههههههههه رغوده زين ماقلت شئ ثاني

رغد..شلونك سلطان

سلطان..يسرك الحال بشريني عنك وعن بدر

رغد..الحمد لله تمام..امي وابوي شلونهم

سلطان..الحمد لله وينك ماتجين

رغد..وتناظر بدر ماعندي احد يجيبني ....ولما شافته رفع حاجبه ..ههههههههههههههه امزح يمه خفت

سلطان ..عندك بدر

رغد..ايه

سلطان..حطي سبيكر

سلطان ..مساء الخيرات ابو سالم

بدر..هلا مساء النور سلطان شلونك

سلطان..الحين ماتقول لي ليه تخوف اختي ترى هي رقيقه ماتستحمل هههههههه

بدر..لاتخاف اختك بعيوني وبعدين مابتكون احرص مني عليها انت خلي بالك من ناس ثانيين

ريوف استحت منهم وطلعت وطلعت ريم معها وضحك بدر

بدر..اقول سلطان احرجنا البنت الله يخسك

سلطان..والله انت وزوجتك الي احرجتوها وينها ريووف

بدر..هههههههه ماعندك احد طلعت

سلطان..افا والله

بدر..سلطان عندي لك اقتراح

سلطان..سمعنا

بدر..اجل زواجك لاجازة العيد

سلطان..رغد

رغد..ايوه

سلطان ..اذبحيه الله يخليك

رغد..بسم الله عليه اذبحه عشان زواجكم ان شاء الله يتأجل سنه

سلطان ..خليه ينفعك

بدر..طبعا بنفعها مو انا زوجها

سلطان.....والله اقول مالت عليك انت وزوجتك عطوني زوجتي

رغد....سلطان حبيبي زوجتك تشوفها بيوم الزواج خلاص مافيه حتى مكالمات

سلطان.....رغيده اشوف صرتي المتحدثه الرسميه بأسم زوجك

بدر.....ههههههههههههههههههههها اي سلطان

رغد...والمتحدثه عن ريوف بعد

سلطان..عطيني زوجتي وروحي له ينفعك

رغود..سلطان زعلت؟خلاص الحين ريوف تراضيك ههههههههه

سلطان ..ايه تراضيني مو زوجتي صح يابدر

بدر..حلوو الكلام صح كل واحد تراضيه زوجته وينتهي الموضوع

سلطان..ههههههههه طيب يالله مع السلامه وعطوا ريوف الجوال بتصل فيها

بدر..مع السلامه

رغد وهي جالسه بمكانها ....ريوووف

بدر..لو شو ماصار مابترجع بعد مااحرجنها قومي عطيها

رغد..مالي خلق اقوم

بدر ويناظرها بطرف عينه .... ..وليه ان شاء الله

رغد..والله ودي انام

بدر..نامي

رغد..اقولك مالي خلق اقوم ولااتحرك

بدر..نامي هنا

رغد..هنا؟؟

بدر ..ايه هنا غرفتي فوق تعالي ننام لنا ساعه حتى انا بنام

رغد..حتى يعني بقوم حتى اروح للغرفه

بدر وهو واقف ويناظرها بأبتسامه .....شرايك اشيلك

رغد استحت وقالت لا بقوم يالله وطلعت لغرفة بدر القديمه بدر نام عالسرير ورغد كانت بالحمام وهي راجعه فتحت درج معين
واخذت منه علبة الكريم الي دائما بدر يحطها بهالدرج

بدر..وبصوت عالي..رغد

خافت رغد..شفيك خوفتني

بدر ولاول مره يقولها ..بسم الله عليك لكن شلون عرفتي مكان الكريم وكأنك متعوده

رغد انقلب وجهها صار لونه احمرر وسكتت

بدر وبأبتسامه ......دخلتي غرفتي قبل صح

ابتسمت رغد..كثير

بدر ورافع حاجبه ..بعد كثير هالكلام بعد او قبل الزواج

رغد..بصراحه قبل

ابتسم بدر طيب خلينا ننام الحين وبعدين يصير خير الظاهر اشياء كثيره ماكنت اعرفها

وتم يفكر هذا يأكد محبة رغد له قبل الزواج بدليل انها تعرف غرفته واغراضه واماكنها

بدر تغير كثيرا وبدأ يحس بالاستقرار مع رغد لكن للاسف بكل مره يرجع يقنع نفسه انه مو مرتاح معها وانها ترفضه

مهما حاولت تقنعه بتصرفات هذا بدر صعب المزاج وتفكيره كذا يعني كل الي تعمله رغد من كل قلبها هو يعتبره تمثيل
وبداخلها رافضته ..

والمغرب الكل موجود العيال والبنات قالت ام سعود ...وين سالم ياامل

امل..نايم ياخالتي

ام سعود..الحين عندي ثلاث عيال ولاعندنا الا حفيد واحد

سكت بدر ورغد نزلت رأسها وريوف ماتمنت ان امها قالت هالكلام لان تعرف ان اساس مشكلة بدر ورغد هالموضوع

نواف.....الحمد لله اني مو متزوج الحبايب انت وياه الكلام موجه لكم

سعود.....ولايهمك الغاليه ان شاء الله كل سنه حفيد جديد

ابوسعود...والله مانبي كل سنه

نواف.....ههههههههههههههههههه ابوي الله يطول بعمرك مو لازم احفاد
مانكفي احنا

ابوسعود..تكفون بس الصغار حياة كل بيت

رغد حست انها ماتقدر تجلس اكثر قامت بهدوء وطلعت وطلعت معها امل

امل......شفيك رغد

رغد..ولاشئ

امل ..احسك متضايقه

رغد.....زين فيه احد حس فيني

امل ..رغد حبيبتي ليه هالكلام انتي تعرفين غلاتك عند عمي ومرت عمي والبنات

رغد..اعرف والله لكن انتي تعرفين من اقصد

امل....ماتغير

رغد.....حاولت امل تنازلت كثير

امل....رغد تكلمي بصراحه حتى اقدر اساعدك

رغد ..ونزلت دموعها تعبت ياامل صح انا مالي الا ثلاث اسابيع راجعه له لكن ضغطت على نفسي كثير والله ياامل اني اسكت وانتم تشوفون مايجلس بالبيت الاوقت النوم وااقات متفرقه قليله عمري ماسمعت منه كلمه حلوه ولاحتى بالغلط

امل.....رغد حبيبتي انتي تحبين بدر والي انا اشوفه انك رجعتي رغد الي نعرف لكن انتي مره حسستي بدر بالحب بطريقه غير الاهتمام

رغد.......مافمت شتقصدين ..؟؟

امل.....الي اقصده رغد أن الكلمه الحلوه الي تتمنين تسمعينها منه انتي قلتيها له

رغد.....

امل..رغد خذيها نصيحه من اختك اعطي بدر كل شئ تتمنيه منه لاتترددين بكلمه صادقه اعطيه احساسك مثل ماهو من غير اي اختيار وانتقاء ومراعاة وصدقيني الرساله راح توصل له بشكل او بأخر لكن اعطي بدر احساسك

رغد.....الله كريم ادعي لي

امل ..الله يوفقك تعالي ماقلت لك شصار بين ريم وخالد اخوي ..

ودخلت ريم وريوف وريوف ماتدري عن الي صار قالت........شصار بينهم

امل .....قولي انتي ياريم

ريم ....والله مااحد عكر مزاجي من الصبح الا اخوك

امل اتصلت على خالد من غير مااحد ينتبه لانها قالت له ريم ماتعصب وترد كذا الا اذا انت غلطان وحبت تقنعه لان ريم بتقول الي صار ..رد خالد بالبدايه مافهم شئ لكن انتبه بالاخير وسمع ريم الي قالت الي صار بالضبط

ريووف.....ريمووه وش هالرد ماتستحين

ريم وبصوت اشوي حاد .....لا حبيبتي مابستحي ليه انا ماعملت شئ غلط

امل..طيب ريم هو اكيد عصب لانه شاف السياره

ريم..على عيني يعصب وانا مازعلت من هالشئ لكن اسلوبه وهو يكلمني ولانظرته وكأنه انا الي قايله لهم تعالوا وراءي لاحبيبتي انا مابرضى اي شخص ينظر لي هالنظره حتى لو هو اخوك مع احترامي لك وله

رغد..الحين انتم ليه مكبرين الموضوع ماصار شئ

ريم....والله انا صراحه منقهره منه

امل.....ههههههههههههههه واخيرا حصلت احد يقهرك

ريوف.....هههههههههههههه امل المشكله انها ماقصرت خذت حقها

امل قطعت الاتصال وشوي ويتصل خالد قالت امل الطيب عند ذكره ريم تعمدت تجلس بتسمع وبعد ماسلم خالد على امل

خالد.....والله بنت عمك هذي صدق انها بنت سالم

امل....اهم شئ انك فهمت مثل ماقلت لك

خالد.....فهمت وصدقيني نظرتي على قولها ماتعمدتها عموما حصل خير هي عندك

امل.....ايه

خالد.....زين اسأليها للحين معصبه

امل.....ريم يقول خالد للحين معصبه

استغربت ريم وريوف ورغد لكن بالنهايه هذا خالد وكل شئ متوقع منه

ريم وبصوت واطي.....لا

امل.....تقول لا

خالد......زين قولي لها كل يوم تمر بسالم عشان الاقي احد اعصب عليه

امل....هههههههههههههههههههههه

ريم عرفت انه قال شئ عنها ماقالته امل ففضلت انها تسكت وتطلع من عندهم

نرجع لخالد الشخصيه المختلفه بالعائله كلها واللي الكل متعود عليه واسلوبه صريحه لدرجه خياليه يعرف كيف يكسب ابوه وعمانه رغم ان افكاره متحرره عن العادات الي متمسكين فيها اهله ..بيوم كان الكل بمجلس ابو خالد

ابو سعود..ها ياابو خالد متى بتفرح بولدك

ابو خالد..الله يهديه اذا تقدر عليه اقنعه

ابو سعود..خالد الحين انت وراء ماتكمل نص دينك وتعرس

خالد..الله يطول بعمرك ياعمي العرس شر لابد منه

الكل..ههههههههههههههههه

سعود..يااخي لاتكون متشاءم الزواج استقرار

خالد..طيب اوكي لكن الزواج هم والله اتحدى واحد منكم يقول لا مسؤليه والالتزام تغير جذري بحياتك

ابو سلطان..ياابوي بتجلس عزابي طول عمرك

خالد..لاان شاء الله قريب بعرس وبتفرحون

ابوسعود..ان شاء الله ان اشر واحنا مستعدين نخطب لك

نواف....وانا يبه ابي تخطب لي بس مو من السعوديه

ابو سعود وتغير وجهه ..اجل منين ؟؟

نواف وهو يحاول يداري ضحكته ..من ديرة الي كنت عندهم

ابوسعود..خسك الله كانك بتعرس منهم

نواف..اعرست وخلصت

ابو خالد..نواف وراء ماتترك ابوك بحاله

نواف ....هههههههه والله عمي فاهمني امزح معه ..ولايهمك الغالي بنات السعوديه مافيه مثلهم تاج على رأسي

ابوسعود والابتسامه على وجهه..كفوا بولدي

بدر..الحين انا بمشي للشباب بالاستراحه تخاونيي

طلع الشباب ولابقى غير الاخوان وبعد العشاء الكل راح على بيته ..

وفي بيت بو سعود ريم ماسكه التيلفون وتكلم صديقتها عبير

ريم..عبير مليت انت شو تعملين ..؟؟

عبير ..انا عالنت ياقلبي

ريم..ماتملين منه والله مااتحمل اجلس عشر دقايق

عبير..ريم النت وسيله اكتب من خلاله الي مااقدر اقوله او اعبر فيه بحياتي انتي تعرفين اني عايشه مع جدتي بعد وفاة امي وابوي وخالي في بيته مع زوجته وعياله ولاعندي حتى احد اسولف معه جدتي الله يرفع عنها على طول نايمه من الادويه وانا جالسه كذا

ريم..طيب حبيبتي انتي اش تكتبين بالنت

عبير..انا اكتب خواطر واشارك ببعض المواضيع

ريم..طيب كيف النت الكل ينقله ويكتب باسمه يعني مايحفظ لك حقك وانتي من خلال الي اطلعت عليه مشاء الله مميزه

عبير..مايهمني صدقيني المهم اني اكتب ان احد يقرأ احساسي ولايظل حبيس بداخلي

ريم..تصدقين ولد عمي شاعر درجه اولى عليه كتابات تأخذ العقل واسلوبه جنان

عبير..ايهم اخو رغد او امل..

ريم..اخو رغد عبدالله واعتقد انه يكتب بالنت لكن مااعرف بأي منتدى

عبير..حاولي تعرفين بشوف كتاباته

ريم..بسأل رغد واقولك

عبير ..اوكي انا بطلع اصلي وانام شوي تامرين بشئ الغاليه

ريم..سلامتك عيوني باي

عبير ..باي

حزنت ريم على حال صديقتها الروح بالروح تحس انها بخير ونعمه عايشه مع اهلها امها وابوها واخوانها حمدة ربها على هالنعمه وراحت
تصلي وحصلت بغرفة ريوف رغد وامل

ريم..السلام علييكم

الكل..وعليكم السلام

ريم..اعترفوا شعندكم بالغرفه جالسين

امل..نحش فيك

ريم..ماتقدرين ..بخلي سعود يتزوج عليك

رغد..هههههههههه والله تخوفين ريم

امل..مسكينه انتي ريمووه حبيبي مايقدر لانه يحبني

ريوف..ايووووه ياواثقه

امل..طبعا حبيبتي الله لايحرمني منه قولوا امين

الكل..امين

ريم..تصدقين ريوف كنت اكلم عبير وضاق صدري عليها

رغد..عبير ماغيرها صديقتك

ريوف..شفيها

ريم..كسرت خاطري والله هالبنت طيبه لكن نصيبها دائما لحالها حتى اذا مرضت ماعندها احد

امل..طيب هي من زمان ماجت عندنا ليه

ريم..جدتها تعبانه ولاتقدر تتركها الجامعه وتجلس على اعصابها كل ساعه تتصل تتطمن عليها

رغد..والله انا حبيتها من اول ماجلست معها شكلها بنت اصول ومتربيه

ريوف..مسكينه والله تكسر الخاطر لكن زين ان عندها نت على الاقل تضيع وقت

ريم..توها تقوله هي تشارك بمنتدى وماخذ وقتها

رغد..اي منتدى خلينا نشوف كتاباتها

ريم..الابسألك عبدالله باي منتدى يكتب ..

الكل وعلى وجه علامة استفهام من سؤال ريم

ريم..شفيكم بسم الله كنت اسولف معها لانها تكتب خواطر وتكلمنا على الشعر وذكرت قصايد عبدالله الي شفتها عندك وقلت لها عليها سألتني عن المنتدى ولاعرفت اسمه

رغد سرحت بعيد بعدين ابتسمت وقالت مااعرفه لكن بحاول اعرفه منه الا هي بأي منتدى تشارك

ريم..قالت لها اسم المنتدى

ظلوا البنات يتكلمون عن زواج ريوف الي باقي عليه شهر بس بعد الاختبارات بأسبوع زواجها وهي لانها تدريب تنتهي قبل بداية الاختبارات يعني عندها فتره ترتاح فيها ...

وفجاه دق جوال امل وردت

..امل..مساء الورد هلا والله بااخوي وحبيبي شلونك

خالد..هلا بالقاطعه الي ماتسأل

امل..حرام انا كل مااكون عندكم انت مو موجود قولي خالد لاتكون تزوجت واحنا ماندري

خاالد..ههههههههههههههههههههههه والله ماهي بشينه

امل..صدق خالد خلاص عاد فرحنا خلني اصير عمه

خالد..ان شاء الله قريب

امل..صدق..؟؟

ريم عورها قلبها من كلام امل يعني خالد وافق عالزواج

خالد..صدق بس لاتشتغلين خطابه انا الي بختار

امل..شلون تختار من الشارع

خالد..كيفي المهم من اختياري

امل..خالد عندي لك وحده قمر وربي قمر

خالد..الي بقلبي قمر

امل..وشهقة وقالت من الي بقلبك قول الله يخليك

خالد..ههههههه لاتحاولين امووول

امل...خاااااااااااااالد

خالد..امل نسيتيني ليه اتصلت عليك شوفي ابيك تمري على بيتنا بكرا اذا تقدرين

امل..ليه ؟؟

خالد ..بطلع مع الوالد للمزرعه من الصبح تعالي عند امي لاتجلس بروحها

امل.وتكلم البنات ...بنات كلكم عندي في بيت اهلي بكرا

خالد..انتي وينك.؟؟

امل..في بيت عمي

خالد..ماعلينا اوكي بكرا امل

امل..اوكي سلم على اهلي

خالد..يوصل ..باي

امل..باي..

قالت لهم امل الي صار مع خالد والكل كان يعلق الاريم الي امل حست فيها لكن سكتت قالت اخوي واعرفه مابيعمل الا الي براسه ليه اعشم البنت بشئ وانا ماادري عنه ..

ظلت ريم تفكر بخالد وتسأل نفسها ياترى اهتمامي فيه اعجاب او شئ ثاني ..خالد دائما يثير اسأله ببالي اتمنى احصل لها اجابه

وغير كذا وسامته تخليني غصب افكر فيه ..ريم تعبت من كثر ماتفكر بخالد بالاخير قالت ياريم لاتتأملي شئ خالد مختلف من زمان وهو يقول مابأخذ الا من اختياري يعني انسي الموضوع ..طلعت ريم من غرفة ريوف ونزلت تحت عند سلطان..

ريم..اهلين اخي العزيز

نواف ولارفع رأسه ..هلا

ريم حست نواف واصله معه وقربت عنده..نواف

نواف وبنفس الوضع ..نعم

ريم..فيك شئ تعبان..؟؟

نواف..هههههههههههههههههههههههه ههههههههههااااي

ريم..حرام عليك والله خوفتني

نواف..هههههههههههههههااي والله انك خبله ريم

ريم..اضحك وانا اقول بجلس مع اخوي حبيبي ماانت كفوا وقامت عنه

نواف..ريم حلفتك بالله ارجعي والله امزح

ريم..وهي تبتسم المشكله اني احبك

نواف..احم احم اصلا اعرف انك تحبيني

ريم..طيب نواف بطلب منك طلب ..؟؟

نواف..وهو يفكر قولي لكن مااضمن اني انفذه

ريم..نواف اقنع اهلي اننا نطلع للثمامه ونأخذ لنا شاليهات هناك

نواف..الله ياللثمامه والله اشتقت لايام السهر ذكرتيني بطلع مع الشباب للمخيم

ريم..نواف انا اقولك عشان تطلع

نواف ..زين اسمعي شرايك نطلع للمخيم احس من الشاليهات

ريم..طيب حلووو لكن اقنع امي وابوي

نواف مو انتي تحبيني..؟؟

ريم بأستغراب..ايه

نواف..هههههههههههاي كلهم مثلك مايرفضون لي طلب

ريم..هههههههههههه امووت عالثقه انا

نواف..طبعا انا نواف ..المهم انا طالع وبكرا ان شاء الله اقنعهم باي

ريم..باي


ومن بكرا مثل ماوعدت امل اخوها راحت الظهر بيت أهلها واتفقت مع البنات انهم يروحون عندها لكنهم قالوا عشان رغد بيروحون لها العصر ..

رغد ماقالت لبدر شئ عن الروحه لبيت عمها لكن اتصلت عليها ريم تسألها اذا بتروح ينتظروها العصر واذا مابتروح يروحون يتغدون بعد الجامعه عند امل رغد قالت بسأل بدر وارد عليك ..والحين رغد لها شهر من رجعت لبدر ولاعمرها بيوم اتصلت فيه معظم تواصلهم عن طريق المسجات لكن هالمره قالت بتصل فيه تقول بنفسها والله اشتقت لصوته واتصلت

بدر كان مشغول بالشركه وقطع عليه صوت الجوال اخذه واستغرب هذي رغد وكان مخزن رقمها بأسم( البيت 2)

بدر..الووو

رغد..اهلين بدر

بدر..هلا رغد

رغد..يعطيك العافيه لااكون ازعجتك

بدر..الله يعافيك لاابدا امري

رغد بخاطري بينهي المكالمه بسرعه امووت واعرف لهالدرجه انا انسانه مااطاق ..سلامتك بس حبيت اخذ اذنك بروح مع البنات عند امل بيت اهلها

بدر..بيت عمي ..؟؟

رغد..ايه لان خالتي ماعندها احد عمي وخالد طالعين لمزررعه

بدر ..ايه صح اوكي طيب لكن ..وسكت كان بيقول هالموضوع كان ممكن تأجليه لحد ماارجع لكن غير رايه وحس انه يجرحها كذا

رغد..خير بدر فيه شئ

بدر..لا مافيه شئ متى بتروحين

رغد..بروح مع البنات العصر هم ينتظروني

بدر..اوكي مو مشكله

رغد..طيب انا مااطول عليك يالله بااي

بدر..باي

سكرت رغد من بدر وهي مبسوطه اول مره تحس انه هادي ومرتاح يمكن لانه بالتيلفون المهم اتصلت بالبنات وبلغتهم وبعدها بساعه تقريبا قالت انا مأارسلت لبدر ولامره مسج حلوو كله كلام رسمي بكتب له الحين مسج وياليت هالمسج يوصل الي بخاطري " اشتقت لك مثل طفل فقد صدر حنون ..اشتقت لك مثل البحر لاصارت امواجه جنون "" وصل المسج لبدر وظل عشر دقايق يقرأه ويقول معقول رغد تحمل لي هالحب تردد يرسل لها او لا لكن دخل عليه واحد ونسى بدر موضوع المسج

والعصر طلعت معهم

وبدر حس انها فرصه يضمن ان رغد برا البيت قال ماراح انام اتمنى مره وحده اشوف البيت وكل ركن فيه براحتي

اول شئ طلع لصاله الي فوق واخذ صورة طفل وجلس يتأمل فيها يالله هالبراءه بالاطفال وسرح بعيد يتخيل ولده بين يديه ويلعب معه بدأ يبتسم تخيله معه بالبيت يبكي ويضحك لكن آه يارغد جرحتيني بالشئ الي عملتيه ترك الصوره وبدأ ينتقل من ركن لركن وخصوصا التحف المحفور عليها كلام اول بيت قراه كان ..

ارسل حروفي يمك اليوم واقرأ ..تلقى كثر أشواق هالعالم اشتقت
غيرك اليا غاب فرقاه بشرى..وطيفك اليا غاب لحظه تضايقت
( لشاعره عذايب )

وظل يفكر بدر ياترى الصدفه او هي اختارت البيت او قبل او بعد او او اسئله كثيره بباله تجاوزها لدبدوب حامل لوحه من الخشب مكتوب عليها ..

أحبك كلمه ماتكفي واعشقك واهواك ..غلاك يزود في اللحظه وقربك لي يداويني
(لشاعره جواهر السديري)

واستمر بدر على هالحال يتأمل الشموع والورود والتحف والصوره وكل شئ يحس فيه شئ مشترك مع غيره يجمعهم شئ واحد الحب بكل ركن بالبيت فيه كم هائل من الحب بدر لما حس انه انجرف مع احساسه قال لا هذا تهيئ رغد مثلها مثل خواتي تحب الحركات الي كذا حاول يقنع نفسه وراح لسعود بالخيمه ..

بالخيمه مافيه الا سعود وولده سالم نايم عنده ..

بدر..السلام عليكم

سعود..وعليكم السلام

بدر..سالم عندك

سعود..والله جلس يصيح لما وصلت امه واخذته معي

بدر..والله ولدك هذا مدلع

سعود..طبعا ولد سعود لازم يتدلع وبعدين نشوف ولدك

بدر..آه

سعود..افا والله سلامتك يااخوي من الآه

بدر..خليها على الله

سعود..بدر اكلمك بصراحه ولاتعصب

بدروبأبتسامه ..ماراح اعصب قول

سعود...انت مرتاح مع رغد..؟؟

بدر..عادي

سعود..يابدر كفايه خلاص اعطي مشاعرك الحريه انها تترجم لردود فعل ليه تقيد نفسك بالتعبير الخالي من اي مشاعر

بدر..هههه كل هذا فيني

سعود..بدر شوف انت تزوجت رغد وانت مو مقتنع ابدا وصارت بينكم مشاكل لكن يابدر الي اشوفه انك مازلت مو متقبل

بدر..وبكل هدوء ..شوف سعود رغد بنت عمي صح وزوجتي لاهي مقصره معي ولاانا لكن حياتي اشوفها عاديه لكن تقريبا مرتاح لكن كنت اتوقع حياتي تكوت اجمل من كذا

سعود..لازم تكون مو الحياة الي توقعتها بدر انت باني بينك وبينها حاجز كبير صعب انها تتجاوزه بسهوله اعطي نفسك وبنت عمك مساحه من غير حواجز حتى تتقربون من بعض صعب يابدر ان طرف يعطي والثاني يصد مهما كان بيجي يوم
وتمل البنت منك

بدر..والله يااخوي مااعرف

سعود..احكي يابدر قول الي بخاطرك انااخوك وصدقني بترتاح اذا تكلمت

بدر..والله ياسعود احس علاقتي مع رغد متذبذبه ساعات احس اني مرتاح معها واتمنى احسسها بهالشئ لكن فجأه اتذكرتصرفها والي صار بالمزرعه وارجع اقول لا لا

سعود..بدر انسى الي صار غلطه منها يمكن ماحبت تقول لك هالشئ اختلق لها اعذار وعيش حياتك بعدين لاتنسى ان رغد بنت وزوجه مثل اي زوجه لازم تهتم فيها وتحسسها بهالشئ بدر انت زوجتك تعرف الكل هنا ومتعوده عليهم الا انت الي
المفروض تكون اقرب لها من الكل بدر لاتضيع ايام عمرك بسبب غلطه يمكن ماكان لها اي دافع يمكن كانت خوف من المستقبل عدم استقرار ولاتنسى ان رغد ماعندها خوات وخالتي ام سلطان كبيره بالسن وتذكر انك انت الي ماكلمتها ولاجلست معها بأيام الملكه بدر اذا تبي نصيحتي لاتضيع ايامك بسبب غلطه يااخوي مافيه اجمل من انك تقول الشئ الي تحسه لاتحبس مشاعرك بداخلك والله تتعب ومع الايام
راح تعرف اذا هي عملت هالشئ لسبب او لا لكن مايعني ان تكون بحالة ترقب تتنتظر لحد ماتعرف السبب وتضيع ايام عمرك

بدر..تعرف سعود انا فعلا لازم اعيش حياتي

سعود..هههههههههه ايوه كذا انت تمام


وفي بيت العم بو خالد كانوا البنات كلهم هناك ..مجتمعين ومبسوطين وخصوصا ان سالم الصغير مع ابوه مرتاحين من ازعاجه ..

رغد..والله اني ولهانه على عبدالله من زمان ماجلست معه

ريم..الحين اخوك وولد عمي الموقر ليه مايجي على نفسه شوي ويتشرف بزيارتك

رغد..هههههههههههههه ان شاء الله بيشرفني قريبا جدا

ريوف..سبحانه الله عبدالله استنساخ عن عمي بكل شئ حتى بصوته

ريم..حتى ناس فيهم من عمي بعد..هههههههههههه

امل..ههههههههههه ريوف الا شخبار سلطان اي احلى قبل الخطبه او بعد

ريوف ..والله حبيبتي بكل الحالتين حلووو

رغد..وااااااو وينك ياسلطان تسمع وتشوف

ريم..ياشيخه سامع كل شئ وعارف هههههههههه

امل..ههههههههههههههههههه والله ياريم انتي الله يعين زوجك عليك

ريم..يحمد ربه ويشكره اني انا وافقت عليه يعني ميزته بموافقتي

رغد..اقول حلوه الثقه لكن مو دايم

امل..رغوده شلون بدر معك ..؟؟

رغد..سكتت تقول بخاطره لاتسألوني وتذبحوني

امل..سوري رغدوه اذا ضايقتك

ريوف..لارغد ماتزعل اكيد تفكر فيه

ريم..يااختي لاتفكرين فيه اخوي ماينفع معه الا انك ماتعطيه وجه

ريوف..ريمووه لو سمحتي استكي انتي ونصايحك

رغدوبأبتسامه من غير نفس باهته ..اخبار بدر ياعزيزات انه ماتقدم ولاخطوه
الكل سكت لانهم يعرفون شكثر رغد تضغط على نفسها وتجامل وتضحك عنده

رغد..مجرد تغيير بسيط

الكل...شووووووو؟؟

رغد..صرت اذا كلمته يرفع عينه لثانيه يناظرني

ريم ..سكتت هههههههههههههههههههههههههههههه هههه
رغد..والله ياريم شئ يضحك اخوك بصراحه جبل مايهزه شئ لكن.....

الكل خاف من سكوتها بعدين رغد وبابتسامه ..احبه

الكل..ايوووووووووووووووووووووو ه

امل..راح يحبك لكن اصبري عليه

رغد..اتمنى

وفجاه سمعوا احد يدق الباب وراحت الشغاله تشوف مين الكل استغرب منو جاي لهم

نوف..مالت عليك يالشييون تجتمعون ولاتقلون لي

قامت امل..هلا والله

نوف..لاتسلمين تشوفون انتي ورغود ان ماخليت اخواني يأخذون عليك سوريات يهبلووون

ريم..هههههههههههههههههههه وانا بساعدك

ريوف..نوف انا مالي دخل انا اختك حبيبتك

نوف..لو اختي قلتي لي اجي معكم انبسط مو بالبيت كني خبله اكلم حمود كنه يفهم

الكل..هههههههههههههههههههههههه ه

سلمت نوف عليهم وجلسوا مع بعض وفجأه صار شئ مافيه أحد توقعه الكل انصدم منه وخصوصا رغد

دق جوالها وكان عند نوف ..

رغد ..مين

نوف.. مااعرف لكن مكتوب .......انت عمري

رغد كانت تشرب عصير وشرقت فيه .كح كح

امل ..بسم الله عليك شفيك

رغد وصوتها راح ...بدر

الكل استغرب ..ريوف ..طيب

رغد..اول مره يعملها ويتصل

الكل رحم رغد يالله اول مره يتصل فيها معقوله نوف ..طيب ردي لايقطعه رغد

وبصوت مبحوح ...الوو

بدر..هلا والله رغد

رغد وكل علامات الدهشه على وجهها والكل يراقبها ..اهلين بدر

بدر..هاشلونك الجمعه حلووه

رغد وخلاص ودها تسأله انت بدر...اكيد حلوه مادام كل بنات عمي فيه

بدر..بس ماكأنك طولتوا ساعه حول تسع

رغد..والله عدى الوقت من غير مانحس فيه

بدر..طيب انا جاي لك الحين اوكي

رغد وخلاص جلست عالكرسي والكل يتابعها بنظراته ويشوفه وجهها شلون تغيير بعد كلام بدر

رغد..اوكي

بدر..يالله سلمي عليهم بااي

رغد..باي

نوف ..شفيك رغوده ..؟

رغد بعالم ثاني بدر اتصل وبيجي هو يأخذهم ليه معقوله اشتاق لي او فقد وجودي بالبيت صح هي تروح بيت اهلها لكن هم كل اسبوع يجتمعون في بيت احد عمانهم يعني بدر يكون معها او اذا طلعت ماتطول ساعه او اقل ومعظم وقتها في بيت عمها عند البنات اول مره تطلع من العصر الى تسع بعدين انتبهت على صرخت ريم

رغد..وجع شفيك خوفتيني

ريم..هههههههه سوري انتي سافرتي مع الحبيب

ريوف وهي خايفه.. رغد تكلمي شفيك مره وحده سكتي

رغد..والله اعذروني اول مره يعملها بدر ماعمره اتصل من رجعت له ولابعد لوتعرفون ليه متصل

الكل..ليه

رغد..بصراحه انجاز عظيم منه

ريم ..قولي بسرعه

رغد..بيجي يأخذنا ..!!

نوف..هههههههههههههههههههههه والله رغوده

امل..اكيد اشتاق

رغد..لاعاد قويه اشتاق لكن غريب هالانسان عليه طلعات غريبه

ريوف..بدر مافيه مثله والله انه طيب وحبوب

رغد..وبصوت واطي ..وهذي مشكلتي معه

نوف..هههههههههههههههههههههه سمعتك لكن قولي يارب

رغد..يارب

وصل بدر وطلعت رغد والبنات قالوا بيرجعون مع امل ..ونوف زوجها بيمر عليها عند عمها

ركبت رغد السياره ..السلام عليكم

بدر..عليكم السلام

بدر..البنات مابيجون معنا

رغد..لابيروحون مع امل

بدر..اوكي طيب شرايك أجل بمر على سلطان عندي كم شغله

رغد..وهي مبسوطه ..اوكي خليني اشوف امي بس ان شاء الله ماتكون نامت

بدر..ان شاء الله

وصلوا لبيت ابوسلطان لكن للاسف حصلت امها وابوها نايمين سلمت على سلطان

سلطان..هلا والله بنور البيت

رغد..هلا فيك حبيبي شلونك

سلطان..الحمد لله

رغد..ياخساره امي وابوي ناموا

سلطان..يالله مره ثانيه تعالي لهم بكرا قولي لي اذا فيه ناس مايرضون ..ههههههه

بدر..ههههههههههههههه فهمتك حرام عليك لاتظلمني

رغد..طيب عبدالله وينه

سلطان..توه عندي لكن طلع لغرفته

رغد..اوكي عن اذنك بروح اشوفه

طلعت رغد لاخوها عبدالله الي مايجلس بغرفته الا على صوت الموسيقى الهاديه

رغد..مساء الخير

عبدالله بأبتسامته الرائعه..مساء الفل والورد لاحلى الخوات

رغد..هلا عبدالله شلونك

عبدالله ..مثل ماانتي شايفه الصبح بالشركه وباقي الوقت مع الشباب او عالنت

رغد..للحين تكتب بالمنتديات

عبدالله..منتدى واحد بس اكتب فيه والباقي اطلع عليها مااشارك

رغد..ايوه صح عبدالله ابي موقع.....بشوف كتابات وحده

عبدالله من عيوني

فتح الموقع وقال شو اسم البنت

رغد..حياة بلا حياة

عبدالله ..اف اف وش هالاسم المتشاءم

رغد..مسكينه

عبدالله ..وبعد ماطلع مواضيعها فتح صفحه لموضوع بقسم الخواطر اسمه
..ويأخذني الحنين اليك

وطلبت رغد من عبدالله يقرأها بصوته ..

عندما تشتد بي رياح الحزن
ابحث عن بقعة ارض تحتويني
بقعة ارض اتنفس الفرح فوقها
بقعة ارض انزف الحزن عليها
عندها اتذكر..فيأخذني الحنين اليك
عندما أجلس وحدي اقلب كتاب العمر
اتجول في صفحات الامس
واقرأ سطور تاريخك العظيم بي
عندها اتذكرك فيأخذني الحنين اليك

عبدالله ماكمل الخاطره والتفت على رغد..رغد تعرفين الكاتبه شخصيا او معرفة نت

رغد..عبدالله انا من متى استخدم نت انا عرفها لكن مو مره هي صديقة ريم لكني اشوفها احيانا

عبدالله..طيب ليه متحمسه تشوفي كتاباتها

رغد وحست انها اصابت الهدف..لانها بصراحه ظروفها مختلفها واسلوبها وحياتها

عبدالله وبكل اهتمام كيف ..قالت له رغد قصة عبير

عبدالله ..مااستغرب الاسم الحين حياة بلا حياة

رغد..الله يرزقها ويسعدها مسكينه

وفجأه سمعت صوت سلطان وطلعت له وطلعت من بيت اهلها وتركت عبدالله يقرأ عبير وحروفها

عبداله بدأ يقرأ مشاركاتها وردودها انسانه فعلا مختلفه محترمه لها تقدير واحترام من كل الموجودين وغير كذا انسانه واعيه ومميزه بحضورها بأغلب المواضيع وان كانت اغلب مشاركاتها بقسم الخواطرقرر عبدالله انه يشارك بنفس المنتدى لكن راح يغير اسمه لان الكل يعرف منهو العطاء بأغلب المنتديات قرر انه يشارك
بأسم مخالف لاسم عبير سجل بأسم أمل الحياة ..وبدأ اولى مشاركاته قصيده يجاري فيها اهم شعراء المنتدى وكان التصفيق
من المشاركين رائع لانه شاعر مبدع ..

قدر نواف انه يقنع امه وابوه بطلعت المخيم وتحدد الموعد يوم الاربعاء الظهر طبعا مع كل عمانهم وعيالهم

طلعوا الكل بعد مااقنعت ريم خالتها ان مها تطلع معهم وكانت خايفه لمى تجي لكن لمى من عرفت ان نوف وصلها خبر بكل الي صار وهي مالها وجه تدخل بيت خالتها ابدا ..وصلوا للمخيم والجوو كان حلوو وكان اليوم ولااحلى منه البنات مبسوطين مسجل
ورقص والشباب مبسوطين قصايد وسوالف ولعب ..وبالليل وقت النوم وقت الرعب بالنسبه لريم ..ريم تموت عالبر لكنها تخاف
من شئ اسمه نوم بالخيام متعودين كل مره نواف او احد من اخوانها يقرب لها السياره وتنام فيها اتصلت على نواف

وكان سهران مع عيال عمه واخوانه بعد ماناموا الشياب

نواف..هلا والله بهالصوت

سعود..ماعقلت للحين

نواف..هههههههههههههههههه عقلت هذي ريمووه

خالد انتبه لاسم ريم وظل يراقب كلام نواف

نواف..نعم ..نعم عيدي عمتي ريم

ريم..نواف الله يخليك والله تعبانه ناموا كلهم يالله قرب السياره

نواف ..نامي بالخيمه

بدر وسعود..هههههههههههههههههههههه

سلطان ..للحين نفس المشكله

خالد..اي مشكله( كان قليل مايطلع وينام يطلع وبالليل يرجع للبيت )

سعود..هذي ريموه اختي لو تمووت ماتنام بالخيمه لو تجلس طول الليل صاحيه

بدر...هههههههههه حرام نواف قوم قرب لها سيارتي

نواف‎ ‎لا خليها هي الي تبي تطلع للبر خليها تتحمل

سعود..لاصدق الحين بتتصل فيني او في بدر

ارسلت مسج لهم بدر وسعود وضحكوا كلهم منه

نواف ..منها ..؟؟

بدر..ايه

نواف.شكاتبه

سعود..عندكم عشر دقايق اذا ماقربتوا لي سياره بقول لحريمكم انكم شايفين لكم غيرهم

الكل..ههههههههههههههههههه

نواف ..ايووه الحين الدور علي اسمعوا المسج

وفتح المسج وسكت الكل ينتظره لكنه قام وقال..بروح اقرب السياره حرام مسكينه

الكل...ههههههههههههههههههه

سعود..تعال شقالت لك سببت لك رعب

نواف وهو يمشي يقرأ المسج "" نواف صدق مها معي مسكينه واذا مانمت بتظل سهرانه يالله عاد ""

هو من شاف اسم مها قال لا عاد هذي الي مخططين انها العروس بتقول مالت عليه هذا وهو اخوها

وقرب نواف السياره لريم وبنت خالتها ونامت
اما بالخيمه رغد ماقدرت تنام وحست بريوف تتكلم وعرفت انها تكلم سلطان راحت لها وقالت..

رغد....ريوف تأكدي من سلطان اذا بدر صاحي

ريوف....صاحي توه يكلمه

رغد..اوكي

راحت رغد وطلعت جوالها وقررت ترسل له رساله وكتبت فيها

"" هلا بدر ...كيف الجوو عندك ان شاء الله مبسوط""

وصل المسج لبدر استغرب لكن رد عليها " حلوو وانتم كيف ..وبعدين غريبه مانمتي للحين""

" شوي وبنام لكن قلت اشوفك مبسوط ومرتاح""

""رغد شرايك بتصل احسن من سوالف المسجات ""

""لا خلاص انااعرف انك ماتحب تسولف بالجوال""

""الظاهر كل شئ عني تعرفيه""

""طبعا مو زوجي..""

""وقبل مااكون زوجك ..؟؟""

هنا تعمد بدر يحرجها

"" تصبح على خير عمري ""

ضحك بدر على رغد لانها حاولت توصل الاجابه بشكل غير مباشر

" تلاقي الخير يارب ..على ان الاجابه ماوصلت للحين..""

ابتسمت رغد ونامت مرتاحه

والصبح صار الشئ الي ولااحد تخيله او تصوره سلطان صحى بدري واخذ موافقه عمه انه يتمشى مع زوجته شوي الي هي ريووف

لما صحوا كل العيال ..ابوسعود..سعود

سعود..سم طال عمرك

ابوسعود..قول لريوف سلطان بيجلس معها شوي

الكل سكت وتم يطالع سلطان الي يبتسم ويقول ..خلاص اخذنا الموافقه من عمي

بدر..هههههههه طيب باقي الموافقه الاصعب وافقت

سلطان..ماقلت لها شئ بدر حبيبي انت اقنعها

بدر..ياسلطان شلون اقنعها الله يهديك احنا بالبر وتوها صاحيه واكيد ماعملت حسابها

سلطان..انا هذا الي ابيه

سعود...سلطان..اسمع قل لاختك تقنعها وانا بقول لزوجتي مالي خلق انا الحين احاول مع احد كلم سلطان رغد الي ماتت من الضحك على طلب اخوها وسعود قال لامل اما ريوف

ريوف.... لا لا انتم مجانين اطلع له وزواجي بعد عشرين يوم بهالشكل اخاف يهون بعدين

رغد..ههههههههههههههه ريوف انتي قمر

ريم..روحي انتي وياها تطلع بجلابيه ومن غير تصليح ولاشئ

امل ..ريم تعرفين شوودي فيه

ريم..ايش..

امل..اخلي خالد اخوي يسمعك كم كلمه يعلمك شلون تتكلمين يااختي اذا كلامك مايفيد اسكتي

ريم سكتت لما سمعت اسم خالد بعدين قالت ..اقول اتصلي عليه يجي يسمعني كم كلمه اقول خالد اخوك ليه رعب يعني ..

امل..لا بس ريم روحي شوفي وين خالتي

ريم..لا بسمع شتقولون

رغد..ريوف حبيبتي انتي وربي كذا حلوه

ريووف ..لا

امل..ياغبيه وربي احساس حلووو

رغد..الظاهر مالها الا رجالها وطلعت

راحت لنوف وقالت لها السالفه كلها ضحكت نوف وقالت ..والله ريوف ماعندها سالفه احد يحصل له ويقول لا

رغد..طيب اقنعيها

نوف..اقول اتصلي على سلطان وعطيني اكلمه

رغد بكل استغرراب ليه..

نوف..اتصلي وتسمعين

اتصلت وكلمت نوف سلطان وبعد السلام

نوف..سلطان اسمعني ريوف ماوافقت ولابتوافق لكن اذا بتشوفها لازم تغامر موافق؟

سلطان.. هههههههههههه حرب داخلين شلون اغامر

نوف..ريوف الحين بالخيمه الصغيره ولاعندها الا ريم بطلعها وانت ادخل ونكون حطيناها قدام الامر الواقع

سلطان عجبته الفكره لكن قال..نوف اخاف تزعل

نوف..طيب حلووووو راضيها

سلطان..ههههههههههههههههههه والله انتي سوالف يانوف موافق نفذي

نوف..اوكي اذا عطيتك دقه ادخل من الباب الخلفي اوكي

سلطان والابتسامه على وجهه ..اوكي

وفعلا طلعت نوف ريم ودخل سلطان وكانت ريوف تفكر ولابسه جلابيه لونها عشبي ورافعا شعرها وننازله منه خصل وجهها على طبيعه مافيه غير الواقي من الشمس ..

سلطان..اح السلام

ريوف ..وكأن احد كاب عليها مويه بارده ماقدرت ترد ولاتستوعب اصلا انه معها بنفس الخيمه

سلطان..ريوف

ريوف ..ونزلت راسها ولاردت عليه

سلطان..افا والله الغاليه ماهي معطيتنا وجه

وريوف تغلي بداخلها والله لاوريك يارغد عملتيها ظلمتها هذا كله تخطيط نوف

سلطان..وجلست قريب من ريوف لكنها بعدت عنه ..

سلطان..هههههههههههههههه لهالدرجه ريوف زعلانه

سلطان..عيوني حسيت اني مشتاق ولهان عليك صح باقي اقل من شهر لكن تمنيت اشوفك اليوم ليه تحرميني من هالوجه

وبكلام سلطان الحلو رضت ريووف وجلست معه تقريبا ساعه الاربع وبعددها طلع ودخلت عليها رغد ونوف

نوف...ريوووف

ريوف..وجع خرعتيني

رغد..عجبك المقلب الحلووو

ريوف..مردود يارغد تشوفين كل اسرارك عندي ان مافضحتك عند بدر

رغد..مابيصدق

ريوف..ههههههههه حبيبتي عندي الادله والمناديل

رغد..هههههههههه الله يخسك والله مو انا نوف الي خططت لكل شئ

نوف..تعالوا شسالفة المناديل

ريوف..سر بينا

وتدخل امل وريم..امل ..بنات بطلع مع اخوي وسعودي من بيطلع

الكل ..لا مابنطلع

ريم..لامابروح اجل

امل..ليه..؟؟

ريم..اروح لحالي ارز وجهي

امل..ههههههههههه لو انا وحبيبي بس يمكن لكن خالد معنا

ريم.....ههههههههه طيب بس اشتري الي ابي

ررغد..جالكسي

ريم..ههههههههههههه وبجيب لك

طلعت ريم وامل وراحوا يشترون اغراض وكانت طول الوقت تسولف مع سعود لان سعود حبيب وعادي عنده

اما خالد كان يحكي لكن اكثر الوقت يسمع كلام ريم

بعد ماطلعوا كلهم ظلت ريوف ومها ورغد يسولفون ونواف اخذ سيارته لكن تفاجأ بورقه وتفاجئ اكثر لما شاف الي فيها

فيها رسمه رائعه لطفله حاضنه دبدوب وشكلها فعلا جذاب والتوقيع مها نواف تأكد انها مها بنت خالته لانها كانت مع ريم لكن السؤال الي ظل بباله هل هالحركه مقصود او نست الورقه ..

مرت الايام حلوه عليهم انبسطوا كثير فيها
بدت الاختبارات والكل مشغول ريوف وريم ورغد حست انها فقدتهم بأيام الاختبارات لكن ريوف خلصت قبل لكنها مشغوله بزواجها
ويوم الخميس موعد استلام فستانها وفستان رغد اما امل ونوف وريم فساتينهم بمشغل ثاني لكذا قررت رغد انها تتجرأ وتطلب من بدر يوديهم للمشغل ..دخلت عليه وهو يقرأ الجريده ..

رغد..احم بدر

بدرر..ورفع راسه ايوه

رغد..اليوم موعد استلام فستاني اناوريوف

بدر..ابتسم ..طيب

رغد..السواق مشغول شرأيك تودينا

بدر..اوكي لكن لاتطولون علي

رغد..من عيوني خمس دقايق ونكون جاهزين

بدر..يالله

راحت رغد لريوف وطلعوا مع بعض للمشغل لكن للاسف ريوف فستانها يحتاج تعدديل بسيط اما رغد فستانها تمام

رغد..ريوف ماابي بدر يشوف فستاني

ريوف..ليه يعني هههههههههههههرغوده بتعمليها له مفاجأه بيوم الزواج

رغد..ياشيخه انا فقدت الامل منه اخاف مايوافق اذا شافه عاري مره

ريوف..اقولك انا باخذه عندي وانتي قولي يحتاج تعديل

رغد..حبيبتي اصلا انتي الي فاهمتني

اتفقت رغد وريوف وطلعوا لبدر

بدر وبأبتسامه ....بشروا خلصتوا من المشاوير

ريوف..هههه للاسف لا

بدر..افا وانتي رغد

رغد..ولا انا

بدر..والله مشكله انتم الله يعينكم

بدر..اقول احنا قريبين من صحارى شرايكم نتمشئ شوي

رغد..وتناظر بدر ..والله مانقول لا

نزلوا لصحارى وتمشوا واشتروا لهم كم غرض وبدر كان مبسوط اول مره يكون مع رغد بمشوار كذا

طلعوا من صحارى ورجعوا عالبيت ريووف راحت للبيت اما رغد وبدر قرروا انهم يطلعون يتمشون

وهذا الشئ حير رغد كثير معقوله بدر مو طبيعي اليوم ..

اما الانسانه الي رمزت لنفسها حياة بلا حياة فعلا كانت بلا حياة أيامها تمر من غير أي ذكرى اليوم بكرا نسخه منه ماكانت تحلم بأي شئ

اي شئ يغير حياتها حتى بالنت كانت تشترك بمنتديات وتكتب من باب التنفيس عن المشاعر المكبوته احيانا تكتب الحب لكن حب نازف حب مجروح دائما تكتب الجانب السلبي لاي قصة حب ماكانت قادره تعيش الحب حتى بحروفها ..
لكن أمل الحياة قلب كل هذا الوضع عند عبير ..

عبدالله دخل لحياة عبير فجأه وغيرها بدلها بدأ يزرع الأمل بحياتها بشكل حلو والاجمل انه محترم ولاتعدى حدود الادب معها لكن كيف صار هذا..بالبدايه بعد ماقدر عبدالله انه يتكيف مع اعضاء المنتدى وكسب اعجاب الاغلبيه بأخلاقه وجمال شعره بدأ يكتب وبشكل مختلف عن اسلوبه بالمنتديات طرح موضوع بأسم" الامل بين بين رموش العين " وكان يحمل فلسفه غريبه جميله للأمل من خلال تصوير الالتقاء
والاحتضان بين رموش العين رغم ان البعد لايتجاوز الثواني تكلم عن الامل بالحياة حتى بالثقه الامل موجود فكيف بحياة نحن حكمنا عليها بأنها شبه مستحيله او حزينه ..عبير تأثرت كثير بكلام عبدالله وبدأت سلسلة الردود الرائعه بين طرفي نقيض احدهم يطلب الأمل والاخر فاقد له ..وهكذا استمر عبدالله يكتب ويكتب لكن مالذي دفع عبدالله لهذا التصرف او الرحمه او الشفه او احساس الشاعر او احساس اخر

بالبدايه عبدالله اندفع لتسجيل حتى يزرع الامل بحياة انسانه فقدته لكن بعد الاشتراك والحوار والمتابعه اعجب عبدالله بعبير كثيرا اما عبير كانت تقاوم احساس جعلها بصراع كبير بين هذا الاحساس وبين الشئ الذي تربة عليه ..

اصبحت تنتظر لكلمات عبدالله لكل ردوده لكل حضور له لكن جعلت هذه اللهفه دفينه بقلبها لايعلمها الا الله حتى ريم ماكانت تدري عنها
لكن عبدالله توقف عن الكتابه بالمنتدى وبشكل مفاجئ وهذا التوقف غير بأموور كثير ...

اما في بيت سعود ..سعود كان سرحان ويفكر بـأخوه بدر وكيف انه مصعب حياته بتقيد مشاعره

امل....سعود شفيك اليوم ماانت طبيعي

سعود...سلامتك بس بسألك رغد كيف وضعها مع بدر

امل ترددت تقول له او لا لكنها بالاخير قالت......ان شاء الله انها مرتاحه لكن يحتاجون وقت

سعود...ان شاء الله

سكتت امل لانها تعرف سعود اذا ماتكلم عن الموضوع يعني مابيقول شئ خلاص
شوي وتدخل عليهم ريم

ريم...السلام عليكم

سعود وامل.....وعليكم السلام

سعود....نور البيت والله

ريم..تسلم منور بوجودكم

ريم....وين الاخ المحترم السيد سالم لان المرسوله من الشيخه ام سعود وصلت

سعود...هههههههههههههههه خلاص ولايهمك بنخليه يجلس عندك على طول حتى ماتتعبين

ريم.....لاالله يخليك لولدك ويخليه لكم

امل....انتي حصلي واحد خفيف دم مثل سلوم حبيبي

ريم....ايه ان شاء الله ترى انتي ماخذه مقلب كبير بولدك

سعود....ريمووه ترى انتي تهينين ولدي لو سمحتي لاتجرحينه

ريم.....مع السلامه بقول لامي مارضوا يعطوني ولدهم وراحت بتطلع

امل.....ريييييييم تعالي حرام مالي خلق انااجيبه

رجعت ريم وهي تضحك ماتمشون الا كذا

اخذت سالم ورجعت للبيت وهي راجعه صادفتها رغد واخذت منها سالم ودخلت للبيت

رغد....السلام عليكم

ام سعود ....وعليكم السلام

رغد...شلونك خالتي

ام سعود..الحمد لله انتي شلونك وبدر شلونه

رغد...الحمد لله بخير هذا سالم وصل

ام سعود...ان شاء الله عقبال مايوصل سالم ولد بدر

رغد ..ان شاء الله ادعي لي ياخالتي

وهنا دخل بدر وسلم على امه واخذ سالم بحضنه

ولاكان موجود غير بدر ورغد وام سعود قالت ام سعود بتكلمهم

ام سعود.... بدر ابوي

بدر..سمي الغاليه

ام سعود...رغد بنتي اقربي عندي واسمعوا شبقول لكم

بدر..امري يمه تفضلي

ام سعود..انتم الحين لكم الحين حول التسع شهور متزوجين بس انا مااشوفكم مرتاحين

بدر..افا يمه من قال الحمد لله مرتاحين

رغد..الحمد لله خالتي مرتاحين ومبسوطين

ام سعود..بدر انت ولدي ورغد ربيتها على يدي مثل بناتي اعرفكم اذا تمثلون او انكم صادقين اسمعوني لين اخلص كلامي وعقب كييفكم انتم قبل ماتعرسون انتم عيال عم والمفروض كل الي صار بينكم مايكون بس الشيطان الله يعيذنا منه وانتم الحين متزوجين والمفروض انكم خلاص ترضون بالمكتوب لكم وبعدين تسع شهور يكفي نبي ولد يفرحنا ويفرحكم ويخليكم على قلب واحد اما العناد الي فيكم
اتركوه عيب انتم الحين كبار ومتزوجين مابغصبكم على شئ بس الي يصير بينكم مايرضيني ولايرضي امك يارغد اذا شفتيها تضحك ومبسوطه ترى قلبها محروق على بنتها الي سبحان من غيرها ليه ياابوي اذا بدر مقصر عليك بشئ انا مثل امك قولي لي او قولي لامك
مايصير يارغد شوفي جسمك شلون صار الى متى بتستمرون كذا وانت يابدر السهر يابوي المفروض تخففه انت متزوج الحين

سكتت ام سعود لما حست انا رغد عيونها غورقت بالدمع اما بدر كان ساكت طوال الوقت قامت ام سعود وقالت..الله يهديكم

ولاظل غير بدر ورغد رغد كانت تحاول تحبس دموعها اما بدر كان مقتنع بكلام امه لكن كسرت خاطره رغد وقام عندها

بدر..نزل لمستوى رغد ....رغد لاتحبسي دموعك

وفعلا نزلت دموعها وحز بخاطر بدر الي يصير بهالانسانه معقوله انا عملت هالتغيير كله فيها

بدر...تعالي رغد نروح للبيت ويصير خير

قامت رغد وطلعت مع بدر لبيتهم دخلوا للبيت رغد هدت شوي وبدر قال بخاطره خليني اتكلم معها

بدر..رغد ابي اسألك ممكن

رغد ورفعت عينها ..تفضل

بدر....انتي ليه تغيرتي الكل يقول انك قبل غير عن الحين ابي اعرف السبب ..؟؟

رغد تقول بخاطرها شقول لك الحين.....لاماتغيرت لكن طبيعي ببداية زواج لازم شويه تغيرات بسيطه هم يبالغون

بدر ....لا يارغد انتي عشتي معي سبع شهور انسانه ورجعتي لي انسانه ثانيه وبصراحه الثانيه اجمل لكن الي ابي اعرفه تغيرتي لكن رجعتي مثل ماكنتي ببداية زواجنا ليه

رغد حست انها تعبت ونزلت دموعها وقامت وقالت....اسأل نفسك وراح تحصل الاجابه عن اذنك تعبت خلاص حرام

وهي طالعه مسكها بدر.....لا يارغد فهميني شتقصدين

حاولت تتكلم ماقدرت دموعها اثرت بشكل كبير على بدر ابتسم وقال ....مافيه شئ يستاهل دموعك حتى انا اطلعي ارتاحي ويصير خير يالله ..

طلعت رغد وظل بدر للعصر وبعدين طلع ولاشاف رغد

في بيت ابو خالد .. ام خالد وابو خالد وامل عندهم وخالد توه داخل عليهم

ام خالد..ياوليدي متى بتفرح قلبي والله هالبيت يبي عيالك يكسرونه ويلعبون فيه

خالد..ههههههههههههه يكسرونه ياام خالد

ابوخالد..ايه ياوليدي فرح قلوبنا وريحنا

امل..خالد حبيبي خلاص عذبتنا بكون عمه تزوج

خالد..يقول بخاطره الظاهر انه آن الاوان اني اريح قلوب هالشياب

خالد..ان شاء الله تأمرون لو تبون اتزوج اربع بليله وحده

الكل..ههههههههههههههههه

ام خالد.. يعني اخطب لك وليدي..؟؟

خالد ويفكر.. الغاليه انا في بالي بنت الحلال لكن قولي بشوف من مفكره فيه الغاليه

امل..ليه خلاص قول لنا انت منو تبي ..؟؟

خالد..لابعرف ذوق امي اول

ام خالد..ماغيرها شيخة الحريم

امل.. عرفتها هههههههههههههههه

ام خالد.. اكيد بتعرفينها بسم الله عليها زين وعقل وخفة دم

خالد..هذي نادره منو هي ..؟؟

ام خالد.. ريم بنت عمك

خالد من المفاجأه ..هههههههههههههههههههههههههههه هههههههههههههههههااي

الكل استغرب من ضحكة خالد...

ابو خالد ..خاالد ليه الضحك امك ماقلت اسم الخادمه عشان تضحك

امل..صادق ابوي

خالد.. اسف الغالي والله مو قصدي لكن الوالده قالت الاسم للبنت الي اخترتها

ام خالد تناظر بخالد وامل قامت وقمزت عنده

امل..احلف خالد

خالد وبأبتسامه ..من غير حلف انا خالد ابي ريم بنت عمي

ابوخالد.. والله فرحتني وكفوا ولدي

ام خالد.. خلاص نروح الاربعاء نخطب لك

خالد...لا ..اقصد انا ابي امل تعرف رأي ريم أول

امل..وبصوت واطي ..موافقه

خالد سمعها ..عن اذنكم امل تعالي غرفتي شوي

دخلت امل مع خالد غرفته

خالد..ليه قلتي موافقه ليه واثقه

امل..بصراحه خالد أنا اعرف ريم احس انها مو رافضتك صدقني احساس بس

خالد..ابيك تتأكدين

امل..اذا رائي يهمك تقدم وريم مابترفض صدقني

خالد..وبأبتسامه ..واثقه الشيخه

امل..والابتسامه على وجهها ..طبعا اخوي ماهو اي احد

طلعت امل بيتها بعد مااتفقت مع اهلها انهم يخطبون ريم الاربعاء

رجعت امل للبيت لكنها دخلت بيت عمها ولاحصلت احد سألت الخدامه وقالت البنات بغرفة ريوف

وام سعود راحت عند اختها طلعت امل عند البنات لكنها تفاجأت بشكل رغد
امل..سلامات رغد شفيك ..؟؟

وكانت رغد نايمه على سرير ريم وشكلها مره تعبانه

ريم..من العصر وهي على هالحال حرارتها مرتفعه وصوتها مختفي والانفلونزا شديده عليها

امل وبأ الاهتمام على وجهها ..طيب شقال الدكتور

ريوف..وبكل خيبة امل..ماوافقت تروح

امل..ووووووووش ماراحت للمستشفى وبدر ساكت لها

ريم..مايدري ماشافها لما طلع كانت ببداية التعب وهو معزوم اليوم واتوقع يتأخر

امل وفعلا عصبت عالبنات ..وتتوقعون انه بيرضى عن تصرفها او انتم

ريوف وبأستسلام ..ماوافقت

رغد وتأشر بيدها ..لا وبصوت مبحوح مافيني شئ لاتنزعجين

امل..انتم ماعندكم سالفه وطلعت

رغد وتقول لريوف ..شوفيها لاتتصل الله يخليكم شوي واقوم مافيني شئ
وبخاطرها تقول انتم ماتعرفون شقلت له اليوم
وطلعت ريوف لامل وحصلتها تكلم

امل..خواتك والله ماهم صاحين البنت مرره تعبانه

نوف ..شوفي انا زوجي الحين بيطلع لدوام بقوله يحطني عندكم وبكلم على بدر اوكي

امل..اوكي باي

ريوف..امل بتزعل رغد

امل..تزعل ماتحس بنفسها الى متى تداري بدر هو زوجها ومسؤل عنها

ريوف..والله حاولت لكنها حلفت مانتصل عليه

امل ..ماعلينا خلينا ندخل ولاتقولون لها شئ

دخلوا البنات وشوي وتدخل نوف وتسلم عليهم وتجلس جنب رغد

نوف..رغد حبيبتي ليه تعملي كذا بنفسك ..بدر زوجك ومسؤول عنك ياعيوني مايصير الي تعمليه الى متى وانتي تتنازلين عن حقوقك يارغد لاتفكرين باليوم وبس فكري ببعدين حياتك مع بدر هي كل عمرك مو كم يوم

امل..بروح اعمل لك عصير ليمون وطلعت من عندهم وهي نازله سمعت صوت بدر يكلم الخدامه وتغطت

ونزلت ..

بدر..هلا ام سالم وينها رغد

امل..بغرفة ريم روح شوفها

مشى بدر بسرعه واستغربت امل خوفه هل من باب انه زوجها او فعلا رغد اصبحت تعني شئ لبدر دعت لهم بالتوفيق وراحت

للمطبخ ..بدر طق باب الغرفه وفتحت له ريم ودخل ولانطق ولاقال ولا كلمه ؟..رغد حاولت تعدل جلستها لكنه قرب عندها

وطلعوا البنات ولاظل غير نوف الي مسكت رغد يدها تمنعها حتى ماتطلع

بدر..جلس عالسرير وحط ايده على جبين رغد ..سلامات رغد

رغد..وصوتها ماينسمع ..الله يسلمك

بدر..نوف الله لايهينك هاتي عباية رغد ..

رغد..لابدر مافيني شئ

بدر..رجاء ماابي نقاش وكلامنا بعدين اذا رجعنا

مسك رغد وساعدها لحد ماركبت السياره وفعلا كانت تعبانه ولاهي حاسه بشئ وصلوا المستشفى والحمد لله

التشخيص كان انفلونزا حاده واعطوها مضادات وخافض للحراره ورجعت للبيت بعد مااخذت الابره الخافضه

وصلوا البيت وساعد بدر رغد لحد مانامت على سريرها

بدر..هارغد كيفك الحين

رغد وتحاول تبتسم ..الحمد لله اصلا قايله لكم من اول مافيني شئ

بدر..وجلس قريب منها ..رغد الي صار اليوم ماابيه يتكرر رجاء انا زوجك ومسؤل منك

رغد..ماحبيت ازعجك تعب بسيط

بدر عصب ..اي بسيط وحرارتك اربعين المهم مو هذا وقته انا بروح اقول لهم يعملوا لك شئ تاكليه عشان العلاج

رغد.لابدر ماابي شئ مو مشتهيه

بدر وهو طالع ..مو بكيفك

ابتسمت رغد وهي تقول لنفسه هذي الميزه الي فيه انه مايحب يقصر بواجباته لكنه مقصر بمشاعره

اليومين الي مرت على رغد وهي تعبانه كان بدر مايطلع من البيت ويحاول يكون قريب منها لكن باليوم الي بدت صحة رغد تتحسن سمعت الخبر الي زادها تعب جسمي ونفسي ..

دخل بدر لبيت ابوه ورغد كانت عندهم وسلم والكل لاحظ سكوته

بدر وبكل قوه ..ياجماعه انتم ناس مؤمنين بالله

رغد وعورها قلبها وقامت عنده لانه من اول مادخل حست انه يناظرها بشكل مختلف

رغد ودموعها تجمعت بعيونها..بدر..اهلي فيهم شئ

ام سعود..لااله الا الله قول ياولدي يالله تسمعنا خير

بدر..عبدالله صار له حادث وهو بالعنايه

رغد خلاص انهارت ونزلت دموعها ..ليه ليه يارب

حضنها بدر..استغفري الله مايجوز هذا قضاء وقدر وان شاء الله مافيه الا الخير
لاول مره تحس رغد بالامان الحقيقي بحضن بدر وتحس انه فعلا واقف معها بكل مشاعره واحاسيسه

حاول بدر يهدي رغد لكنها اصرت انها تروح تشوف اخوها واخذها بدر للمستشفى واول ماوصلت حصلت كل عمانها واخوها وخالد وسعود وامها وراحت بسرعه وارتمت بحض امها وظلت تصيح بعدين راح لهم سلطان

سلطان...ياجماعه اذكروا الله ان شاء الله مافيه الا كل خير

رغد من بين دموعها .....سلطان هذا عبدالله حب البيت كله

سلطان..الله يقومه بالسلامه تعالوا ارتاحوا انتم بالاستراحه واذا طلع الدكتور بطمنكم

وراحت رغد مع امها وطلع الدكتور وطمنهم وراح بدر يطمن رغد

بدر....رغد

طلعت رغد بسرعه...طمني بدر

بدر بأبتسامه .....تطمني عيوني طلع الدكتور ويقول الحمد لله بكرا الصباح اذا الله اراد بيطلع من العنايه

رغد...احلف

بدر ومقدر حالتها..والله العظيم

رغد..يعني مافيه شئ ..

بدر..كسر بسيط بيده وجبروه لكنه غايب عن الوعي يقول الدكتور بكرا يتحسن ان شاء الله

رغد..الله يطمنك يارب بروح اطمن امي

بدر..طيب وبعدها يالله وبكرا الصبح اجيبك تشوفيه

رغد..بس

يقاطعها بدر ...رغد جلستكم مالها فايده نواف بيظل معه وسلطان بيرجع مع عمي

رغد....بدر طلبتك

بدر..ـآمري

رغد..بروح بيت اهلي اليوم

بدر..يريحك هالشئ

رغد..بكون جنب امي الله يخليك

بد...ولايهمك نامي الليله عندهم

رغد..تسلم لي ياعمري وراحت لامها تطمنها

رجعت رغد بيت اهلها وظلت مع امها الي ماقدرت تنام من كثر خوفها على عبدالله حتى ابوها ماقدر

اما سلطان كان بالمجلس دخلت عليه رغد

..رغد......مو حلو البيت من غيره

سلطان...الحياة كلها مو حلوه من غيره

رغد..الله يشفيه يارب

سلطان.......تعرفين رغد عبدالله رغم هدوؤه لكن له حضور بكل مكان له هاله من الحب والتميز عند الكل

رغد.....تعرف سلطان ودي اروح الحين اشوفه

سلطان......لارغوده روحي صلي اذن الفجر وانابروح للمسجد والصبح كلنا نروح عنده

وصلت رغد ونامت والساعه سبع دق جوالها وردت من غير ماتنتبه لرقم لانها تعبانه كثير

رغد....الو

بدر..صباح الخير

رغد..ولاهي قادره تركز تحس انها بحلم .....هلا

بدر وحس بخووف على رغد ....رغد نايمه او تعبانه ....

استوعبت رغد لما احتد صوت بدر......لابدر مانمت الا بعد الفجر

بدر...زين اسمعي سلطان يقول انهم ماصحوك لانك نايمه تحبين امر الحين او تنامين

رغد..لاالحين بروح اشوف عبدالله شلونه الحين

بدر.. الحمد لله مافيه الا كل خير اوكي كم يبي لك حتى تجهزين

رغد..بدر فطرت

بدر وبأبتسامه .....لا منو يفطرني

رغد...سامحني عيوني شرايك تجي ونفطر هنا ونطلع

وبدر بدأ قلبه يرق لها ......والله مو شينه خلاص شوي وانا عندك يالله باي

رغد.....باي

قفلت رغد وضحكت وقالت انت عمري والله

قامت رغد واخذت لها دش سريع ولبست جلابيه ورفعت شعرها ونزلت تجهز الفطور وصل بدر وفطروا وبعدين راحوا للمستشفى

ولما وصلوا المستشفى صادفوا سلطان عند باب الغرفه وسلم عليهم

سلطان..رغوده اسمعي لاتحضنين عبدالله تسمعين

رغد وبخوف ..ليه شفيه

سلطان..مافيه الا الخير لكن يده مكسوره ومجبره والثانيه عنده تمزق بالكتف حاسبي عليه

رغد.....طيب خلاص ابعد بروح اشوفه

دخلت رغد الغرفه ولاحصلت غير امها وعبدالله اول ماشافت عبدالله نزلت دموعها وهو ابتسم لها قربت عنده وسلمت عليه

رغد ودموعها على خدها..سلامات الغالي ماتشوف شر

عبدالله وبنفس الابتسامه الهاديه..الله يسلمك من كل شر عيوني ههههه ليه الدموع الحين مافيني شئ

رغد ولاقدرت تحكي من الصياح ودخل بدر وسلطان وسلم على عبدالله وام سلطان وانتبه لرغد انها تصيح

بدر..رغد خلاص عيوني شوفي عبدالله مافيه شئ قدامك

سلطان...لاتحاول مابتسكت الا اذا خلصت دموعها مع انها ماتخلص ابدا

ام سلطان...خلاص يابنتي تعوذي من ابليس هذا اخوك بخير

رغد وهي تمسح دموعها ...خلاص مابصيح حتى الدموع حرام

سلطان.....ههههههههههههههه لا مو حرام بس دموعك غاليه صح بدر

بدر وهو يناظر رغد..صح دمعة رغد غالييه كثير كثير

سكتت رغد وظلت تتأمل عبدالله اخوها كيف هالانسان المميز بحضوره وكلامه وحتى غضبه
عبدالله اذا عصب مايقول ولاكلمه يسكت ولايحب يتكلم مع اي شخص معصب لانه يعرف ان الانسان
معرض لانفعالات كثير ممكن تكون سبب ببعض التصرفات الغير عقلانيه

عبدالله وهو مبتسم .....بدر تعال خذ زوجتك شوفها ماهي طبيعيه اليوم الظاهر تتأملني على بالها انت

بدر.....هههههههههههههه انا من الصبح اقول مو طبيعيه

رغد وتناظر بدر من طرف عينها .....

سلطان..يمه يالله اوصلك البيت انتي ورغد لان الشباب بيجون يشوفون عبدالله

ام سلطان ...بروح بس ترجعني العصر

سلطان..من عيوني

بدر..خالتي شرأيك تجين معنا للبيت والعصر انا اوصلك

رغد وهي مبسوطه ..الله يخليك يمه تعالي عندنا

ام سلطان..خلاص بس اشوف ابوسلطان اول

بدر..ولايهمك انا بتصل فيه واقوله يجي يتغداء عندنا

ام سلطان ..خلاص ياولدي شورك وهداية الله

بدر..يالله مع السلامه واشوفكم العصر

طلع بدر مع رغد وخالته ووصل لبيت ابوه ونزلت ام سلطان لبيت ابو سعود ورغد راحت لبيتها تبدل ملابسها

دخلت ام سلطان وسلمت على ام سعود والبنات

ام سعود ....بشرينا عن عبدالله

ام سلطان..والله انه تعبان شوي والدكتور مابيطلعه قبل اسبوع

ام سعود..ان شاء الله بيطلع بالسلامه

ام سلطان ..ان شاء الله

رغد..السلام عليكم وسلمت على خالتها وجلست عند البنات

ريم....رغد الحمد الله على سلامة عبدالله

رغد..الله يسلمك

رغد وتأشر على ريووف .....ليه ساكته

ريم وبصوت واطي..ماادري من الصبح وهي كذا ساكته

رغد......ريوف ..ريوف

ريوف ومن غير نفس......نعم

رغد..افا شفيك عيوني

ريووف..مافيني شئ

رغد..مو علي هالكلام

ريم..انا بروح اشوف امل واجيب سالم وطلعت وتركت رغد وريوف لحالهم
دخلت بيت سعود ولاحصلت احد وسألت الخدامه قالت لها روحي هاتي لي سالم من عند المدام
وجلست بالصاله تنتظر سالم الصغير وفجأه رن التليفون شافت الرقم وعرفته هذا رقم الخيمه اكيد سعود.

ريم...هلا والله بأخوي حبيبي والله

المتصل............

ريم...افا والله ماعجبك صوتي

خالد......هلا ريم

ريم من الروعه وقفت بمكانها وتحس بتصيح خلاص

خالد.....الوووووووو

ريم..احم الوو مين ..؟؟( على بالها ماعرفته)

خالد وبأبتسامه .......خالد

ريم..هلا خالد شلونك وشلون عمي

خالد ومبسوط ......الحمد لله انتم شلونك

ريم..بخير لحظه بنادي لك امل

خالد......لا ريم خلاص ماله داعي احساس ينهي احساس

ريم مافهمت قصده وسكتت

خالد.....ههه بااي ريم

ريم وهي ماسكه السماعه بيدها وبنفس مكانها

امل..بسم الله الرحمن الرحيم شفيك

ريم..تناظر امل وودها تقول اخوك مو طبيعي اليوم.......مافيني شئ اتصل خالد اخوك

امل وبخاطرها تقول اكيد خالد قال لها شئ البنت مو طبيعيه........طيب قفل الحين..؟؟

ريم..ايه قفل انا بروح بيتنا تعالي رغد ومرت عمي عندنا وطلعت وضحكت امل وراحت تتصل بخالد

في بيت ابو سعود....
رغد..ريووف ليه كذا حزينه زواجك قريب المفروض تكوني مبسوطه

ريووف..رغد انا مبسوطه لكن اليوم ضايق خلقي شوي

رغد وهي مبتسمه .....سمعتي صوت سلطان اليوم

ريووف ......لا

رغد...عطيني جوالك

ريوف..ليه

رغد ..بتطمن على اخوي جوالي بالبيت نسيته

اعطتها ريوف الجوال واتصلت بسلطان..

سلطان..هلا والله

رغد...اسمع سلطان ريووف اليوم مزاجها مو تمام وهذي مسؤليتك يالله باي

سلطان.....هههههههههههههههههههه ههههههههههااي

رغد..يالله معك ريووف

ريوف..هلا سلطان

سلطان..هلا والله بعمري

ريوف...ماعليك من كلام رغد

سلطان......ريووف زعلانه مني صح

ريوف.................

سلطان....ريووف عمري انا عصبت لان كلامك يعصب بعد هالانتظار تقولين تأجلين شهر

ريوف......خلاص سلطان مابنأجل لكن ماكان المفروض تعصب ولاترد علي حرام عليك طوال امس اتصل عليك ماترد

سلطان........اسف حبيبتي والله كنت معصب لكذا ماحبيت ارد اسف الغاليه

ريووووف سكتت ماعرفت شو تقول سلطان دائما يعترف بخطأه وهذا شئ يميزه عن الكل انه عند الكل مستعد يقول اسف لان الخطأ خطأ مهما كان ..

اما بدر كان بالبيت وبينام وقال بتصل برغد حتى تصحيني العصر واخذ جواله واتصل وفجأه سمع
صوت رنة جوال قريبه عنده واخيرا حصل جوال رغد لكن المفاجأه ان المكتوب
أنت عمري يتصل بك .....
بدر ظل يتأمل ويعيد الاتصال أنت عمري معقوله رغد يالله رغد لو تعرفين بشو مخزن رقمك (البيت2)
وقال لا بغيره وبكتب الاسم الي احس فيه ....( الحنونه )
ترك الجوال ونام بدر ورغد ظلت ببيت عمها والعصر رجعت للبيت وصحت بدر

اما بالمستشفى مافيه غير عبدالله ونواف الي قرر انه ينام عنده لانه قريب منه كثير

عبدالله .....نواف

نواف......ايوه

عبدالله......ماراح اطلع قبل اسبوع

نواف..تمر بسرعه ياشيخ

عبدالله......ماهمني انا الي يهمني شخص ثاني

نواف وبااستغراب.......منووو...؟؟

عبدالله...قصه طويله

نواف.....قول يااخوي خلينا نعرف لكن حدد هالشخص منوو اول

عبدالله.....نواف أنا كنت اكتب قصايد وخواطر كثير من غير ماتكون موجهه لشخص معين

لكذا كل قصايدي تتناول الحب والكره والخيانه والشوق لاني اعيش احساس الاخرين اعيش احساس خيالي او لشخص اخر واكتبه لكن الشخص الي اقصد هي الانسانه الي اكتب لها الحين كل قصايديمن غير قصد مني كل الحروف تنكتب لها

نواف..وبكل حماس.........عبدالله أنت تحب..؟؟

عبدالله......مااعرف

نواف...والله شوقتني قول يااخوي وضح كلامك

وقال عبدالله لنواف كل الموضوع من البدايه من اول ماقالت له رغد الموضوع الى الوقت الي بدت تسيطرعبير على حياته

نواف.....طيب وهي تحبك......؟؟

عبدالله......نواف البنت محترمه كثير مستحيل اتجرأ واقول لها مستحيل

نواف......يعني حب صامت

عبدالله وباابتسامه حزينه ..ويمكن من طرف واحد بعد

نواف ......اسالك سؤال وتجاوبني بصراحه ...؟؟

عبدالله ...تفضل

نواف.....انت لما قدرت تحدد مشاعرك تجاهها وش كان هدفك
......؟؟

عبدالله ..فهمت قصدك نواف أنت تعرفني اكثر من غيرك تعرف اني انسان مستقيم
مااعرف استغل احساس اي شخص انا اول شئ توقعته اعجاب بفكر هالبنت لكن
اتضح لي لا اني هالبنت دخلت قلبي من أول ماسمعت اسمها نواف هالبنت هي الانسانه
الي كتبتها قبل مااعرفها بكل قصيده كان الخيال هو سيدها

نواف..طيب عبدالله الحين وش راح تعمل

عبدالله ....الاعتراف لها مستحيل لاني اعرف رد فعلها

نواف ..طيب انت تعرف البنت تقدم لها واخطبها

عبدالله..لكن انا ابيها تعرف اني خطبتها وانا اعرف انها عبير الي رمزت لاسمها باسم حياة بلا حياة

نواف..عبدالله اذا تبي رائي خلي اختك تقولها كل شئ

عبدالله..اخاف من ردها

نواف..لاتخاف اذا تحبك او على الاقل ترتاح لك ماراح يصير الا الخير

عبدالله..خلينا من هالكلام انابعطيك اسم الموقع وتطبع لي كل مشاركاته بالايام الي مرت اوكي

نواف ..اوكي واجيبها معي بالليل


اما عبير بعد ما حست ان هالامل بدأ يتسرب لحياتها بلحظه خافت منه خافت من الامل الي ممكن يدمرها
ترددت تصارح ريم عن احساسها لكن ريم سبقتها وسألتها بأحد مكالمتها

ريم..عبوره اذا احد قال ماابي انهي احساس بأحساس شيقصد

عبير..هههههههههه مافهمت قولي السالفه من الاول

ريم...ههههههههههههه فاهمتني

قالت ريم السالفه لعبير وحاولت عبير تشرح لريم

عبير..اذا مااني غلطانه ولد عمك يحبك

ريم وهي مو مستوعبه .....لا مافيه امل يحبني

عبير ..ليه ..؟؟


ريم..ماادري
عبير.....وانتي..؟؟

ريم.......بصراحه ارتاح له كثير ويعجبني كثيرر

عبير..قوليها ماله داعي هالكلام

ريم.....هههههههههههههه عبوره خلينا مني وقولي لي شو اخبارك

عبير..مافيه جديد لكن

ريم...عبوره شفيك...؟؟

قالت عبير كل السالفه لريم واستغربت ريم معقوله عبير تتأثر بكلام النت

ريم..عبير انتي تعرفين نهاية هالشئ ..؟؟

عبير...ريم لاتزيدين همي هم اعرف ادري ان هالشخص مااعني له شئ لكن
اثر علي كثير بكلامه ونقاشه وهدوءه

ريم..وبعدين ..؟؟

عبير..ريم انا اعرف حدودي ومستحيل اتجاوزها وانتي تثقين بهالشئ لكن مااقدر
اني امنع نفسي من اني اتابع كل حروفه

ريم..عبير لاتبنين اي امل على هالشخص

عبير..صدقيني ماعندي اي امل فيه لكن شعور ماقدرت احدد ماهيته ..

ريم ..عبير بروح اشوف اخوي واكلمك بعدين اوكي

ريم..اوكي باي

نزلت ريم لنواف الي صحى البيت كله من صوته

ريم....شفيك نعم

نواف...ماتسمعين من الصبح انادي

ريم....امر شتبي

نواف....الاوراق الي كانت هنا وينها

ريم بنفسها تقول قالوا لك الخدامه.....مااعرف سالت امي

نواف....مافيه وقت اسألي امي وارسلوها بيت عمي منصور باي

ريم...باي

طلع نواف لعند واحد من ربعه ينتظره ركب نواف

نواف..السموحه تأخرت عليك

عبدالعزيز....ولايهمك ياله حرك تأخرنا عالشباب

نواف....اتصل على صقر قوله يعطيك رقم سلمان بسرعه

اتصل عبدالعزيز واخذ الرقم لكن الي صار انه طلع ورقه من درج سيارة نواف وظل يناظرها

بعد ماسجل الرقم التفت على نواف ..

عبدالعزيز....الله عليها فنانه هالرسمه

نواف....عجبتك

عبدالعزيز.....مها عبدالعزيز رسوماتها رائعه

من ذكر اسمها نواف انصدم صح التوقيع كان بأسم مها لكن كيف عرف اسم ابوها
نواف ومن داخله يغلي من القهر....تعرفها

عبدالعزيز.....ومن مايعرفها

نواف خلاص وصلت معه .....شلون تعرفها

عبدالعزيز وهو انسان طيب ماكان يقصد يستفز نواف .....الله يسلمك انت تعرف اني اخصائي بجمعية الاطفال المعاقين وبيوم وصلتنا شهادة تقدير كلها برسم اليد مايقارب الخمسين شهاده للاطفال المتفوقين وهذا شئ اسعد الجميع والطبيعي اننا نسأل من مين قالوا انها من طالبه اسمها مها عبدالعزيز اهدتها للجمعيه بعدها صارت تهديهم لوحات وكلها تخص الطفل ..الا ماقلت لي منين حصلت هالرسمه

نواف وارتاح بعد ماسمع كلام عبدالعزيز وحس انه فخور ببنت خالته.....من الاهل

عبدالعزيز وانحرج من نواف ...اهاااا

نواف ظل يفكر بمها اكيد مختلفه عن اختها الي هذي تصرفاتها وتفكيرها اكيد مختلفه ..


اما في بيت بدر ..رغد كانت جالسه لحالها مالها خلق تروح بيت عمها وبدر مو موجود طفشت وهي جالسه لحالها قالت والله مليت الي متى هالحال من تزوجته ماطلعت الا كم مره الى متى يعني انا من حقي انه يجلس معي

وقامت طلعت لغرفتها وبدلت ملابسها تحاول تضيع الوقت بعدين جلست تتفرج على فلم ورجع بدر بيأخذ اوراق وحصلها

بدر..هلا رغد

رغد..هلا

بدر..غريبه ليه جالسه بالبيت

رغد..والله مالي خلق اطلع او اروح لأحد

بدر..ليه رغد تعبانه

رغد..لا مافيني شئ

مااقتنع بدر بردها حس أن رغد مو طبيعيه قال بنفسها مابطلع بجلس معها

بدر..انزين بما انه مالك خلق تطلعين ,,وبأبتسامه يصير انا اجلس معك

رغد..براحتك

بدر..لا الظاهر مزاجك مو تمام

رغد..ابي اطلع

بدر..بأستغراب.....وين..؟؟

رغد..مااعرف ابي اطلع معك

ابتسم بدر وقال ولايهمك بعطي سعود الاوراق ونطلع

رغد..اوكي بس لاتطول

بدر..دقايق يالله اجهزي ..

طلع بدر وابتسمت رغد لنفسها اخيرا قدرت اطلب شئ من حقي طلعت مع بدر وبالسياره

رغد...بدر برووح للمرسى ونأخذ شاليه هناك

بدر ومو مستوعب ..للمرسى وشاليه واليوم الاثنين

رغد..طيب

بدر..طيب شمعنى المرسى ..؟؟

رغد..هادي يعجبني ..الله يخليك بدر

بدر..ولايهمك نروح للمرسى

وصلوا واخذوا شاليه هناك وفعلا الشاليه كان رايق وهادي والاجمل أن بدر انبسط كثير مع رغد

رغد..بدر الساعه وحده تأخرنا عندك شغل الصباح

بدر..والله انا مبسوط وبعدين عادي مو لازم دوام بكرا

رغد من فرحتها كان ودها تصيح اول مره بدر يقول مبسوط يالله فرحتها كانت ماتوصف

عالساعه اربع طلعوا ورجعوا للبيت لما وصلوا ودخلوا

رغد..وبأبتسامه عذبه.....شكرا بدر

بدر وبنظره لاول مره تحس رغد ان فيها احساس .....الشكر لك انتي لاني انبسطت كثير

وبكذا انتهت الليله عليهم وهم مرتاحين ....

اما ريوف خلاص زواجها تحدد بعد اسبوعين وكانت مشغوله كثير اما ريم مشغوله بأختباراتها

ورغد طوال الوقت مشغوله مع ريوف ..

انتهت الاختبارات ولاباقي على زواج ريوف وسلطان غير يومين وريوف خلاص اعصابها تعبت
من الضغط وطوال الوقت نوف وامل ورغد عندها وبيوم الزواج


ريووف كانت رائعه بجمالها الرايق وريم كانت ولااحلى اما رغد فكانت خايفه من بدر والسبب فستانها

لكنها قالت خلاص مايقدر يقول شئ الزواج اليوم جهزت ولبست وهي نازله صادفها بدر لما شافته خافت

وبدر انبهر بشكلها كانت فاتنه مميزه ظل يتأمل شكلها وهي تبتسم واخيرا

رغد واستحت من نظرات بدر.. ...خلاص بدر

بدر...ههههههههههههههه طيب خلاص بس ياويلك اذا نزلتي الشال

رغد....ان شاء الله

بدر..يالله مشينا ولاتنسين اقري المعوذات على نفسك

التفت رغد له وابتسم لها وطلعوا لبيت ابو سعود

اماريوف كانت ميته من الخوف صح هي تحب سلطان لكن فراق البيت الي عاشت فيه 22 سنه صعب

فراق امها وابوها شئ ماقدرت تتخيله لحظه كيف تصحى من غير ماتشوف امها وابوها وتصبح عليهم

شلون ماتشوف ريم وتضحك معها بكل لحظه شلون تفقد اخوانها الي بأي وقت تروح لهم هالشئ كان موتر ريوف كثير لكن وصلت رغد ودخلت عندها

رغد..هلا والله بمرت اخوي واااااااااااااااااااااااو شو هالزين

ريوف وهي فرحانه بشوفت رغد......رغد بموت من الخوف

رغد....هههههههههههههه تموتين وانتي تحققين حلمك

ريوف..اي حلم ماابي شئ خلاص

رغد...خلاص بروح اقول لسلطان ريوف ماتبيك خلاص

ريوف..رايقه

رغد..ههههههههههه خلاص حبيبتي هالخوف شئ طبيعي لكن اخوي حبوب

ريوف..................

رغد..ريوف اقول اليوم زواجك ماله اي داعي هالخوف حاولي تهدين شوي

ريووف..طيب وين البنات

رغد..خالتي تقول ريم راح تجي مع امل ونوف موجوده

ريوف......ياربيه وينهم

رغد..خلاص بروح اشوفهم

وطلعت رغد تشوف البنات وصادفتها نوف..

نوف..هلا واله بهالزين

رغد..وبأبتسامه .....هلا فيك عيوني

نوف وبضحكه .....شلون وافق بدر عالفستان..؟؟

رغد...ههههههههههههه ماادري لكن لاول مره احس واشوف بعيون بدر نظرة رضى واعجاب

نوف...اقول الصدق

رغد وهي خايفه..قولي

نوف...نامي عند اهلك اليوم

رغد وتغيرت تعابير وجهها ..ليه..؟؟

نوف....ههههههههههههه اخاف على اخوي ينهبل شكلك جنان

رغد..يالشينه خوفتيني

نوف...فاتك ريم كلمتها وصوتها واطي اقولها شفيك ولاترد صارت الشيخه توهقت مع امل وجات مع خالد ولد عمي

رغد...ههههههههه تستاهل ريم مايسكتها الا خالد لانه اجرأ منها

ودخلت نوف ورغد عند ريوف اما ريم مسكينه طول الوقت وهي تدعي على امل الي وهقتها وهذا الشئ عملته امل بالعنيهقالت لريم ان سعود بيوصلهم وهي تعرف سعود مشغول الي بيوصلهم خالد اول ماعرفت ريم قالت

ريم.......ماابي اروح

امل وبابتسامه خبيثه......وليه عمتي ريم

ريم..بس كذا بكلم نواف يأخذني

امل..واقول لخالد ريم مابترضى تركب معك

ريم..................

امل..ريم ماله داعي كل هذا اخوي مايعض

ريم وتقول بخاطرها شلون اركب معه هو مايستحي لكنها وافقت لان مالها حل ثاني ولما ركبت السياره

ريم..السلام عليكم

خالد ومبسوط وامل اكثر تسمع كلامهم.....وعليكم السلام هلا ريم

ريم وبصوت واطي....اهلين

خالد وتعمد يحرجها...عالبركه وعقبالك ان شاء الله

ريم تقول الله يخليك اسكت صوتك يوترني وانا مو ناقصه

امل..وتبي ريم تتكلم...... ريم شرأيك بشكلي

ريم..حلو

امل..افا بس حلو وليه كذا من غير نفس

ريم....................

خالد..الظاهر ريم زعلانه لان ريوف بتتزوج

امل....ولايهمك ريم بكرا نعمل خطوبتك وبعده زواجك

ريم.......امل

امل ..ايوه

ريم.....الظاهر مستعجله تبين تخلصين مني

امل...هههههه لا لو تخلصت منك هنا بحصلك في بيت ثاني قريب مني مرره

خالد فهم قصد امل وابتسم وسكتت لانه حس ريم منحرجه كثير اما ريم كانت تتمنى تذبح امل لكن سكتت

واول ماوصلوا قلت ريم لامل.....املوه والله لاردها لك

امل....ههههههههههههههههه ماقلت شئ

ريم..اي هين ماقلت شئ وراحت لريوف وهي منقهره من كلام امل

دخلت ريم وشافت عبير وراحت سلمت عليها واخذتها عند ريوف

عبير ...الف الف مبروك ريوف الله يوفقك

ريوف..الله يبارك فيك عقبالك

عبير ..مبروك رغد

رغد وهي تبتسم لنعومة عبير..الله يبارك بعمرك

نوف..ريوف يالله وقت الزفه

وبعد المعاناة قامت ريوف واشتغلت الموسيقى وطلعت ريوف واشتغل شريط الشعر الي الكل تفاجأ فيه

الاريوف الي كانت تعرف وهو اهداء من عبدالله لسلطان اخوه لكن سلطان اضاف ثلاث ابيات وصف لريوف لان عبدالله ماكتب الا بشكل عام الكل عرف ان هالصوت صوت عبدالله لان اشرطة شعره عند كل العائله وبصوت واطي

ريم....عبوره هذا عبدالله اخو رغد الي قلت لك عنه

عبير.....صوته حلوو وقصيدته احسها قريبه لنفس

تمت الزفه ودخل ابو سعود وابو خالد وابوسلطان وسلطان وسعود وبدر ونواف والل سلم وبعدها طلع سعود ونواف وبدر راح يسلم على ام سلطان وبعدها راحت رغد للكوشه تسلم على اخوها ..

وبطاوله ماهي بعيده كانت فيه انسانه تحس انها بتموت وهي تشوف بدر يبتسم لرغد وهي طالعه للكوشه والشئ الي خلاها تمووت
لما رفع بدر الشال لرغد وقال لها شئ وهو مقرب راسه منها بعدها طلع بدر ..وشوي طلع سلطان وريوف وابتدوء اول لحظات تحويل الحلم لواقع حقيقي ..

انتهى الزواج والكل مبسوط ومرتاح لان ريوف وسلطان اجتمعوا اخيرا والحب يجمعهم وهذا الشئ يزيد من روابط الاهل

وباليوم الثاني الكل اجتمعوا ببيت ابو سعود وجات عندهم ريوف وسلطان وسلموا عليهم بعدين وصلهم نواف للمطار ..

اما ريم فقدت ريوف كثير لانها متعوده تسهر معها وتجلس معها

امل......ريم شفيك ريوف تزوجت المفروض تفرحين لها

نوف...ريما حبيبتي ماتعودنا عليك كذا

ريم.....الله يسعدها

رغد..ويسعدني يارب

ريم.....ههههههههههههههه صح ماقلتي لي ماقال بدر شئ امس عالفستان

امل......ياشيخه شلون يقول وشكلها جنان

نوف.....الظاهر رغوده فيه تقدم مع اخوي

رغد....اتمنى يانوف انا مااقول مافيه لكن مازال متحفظ حتى عالكلام الحلو

امل.. ولايهمك بكرا يتغير

ريم......اقول عبوره بتجي عندي اليوم

رغد.....هالانسانه احبها

امل.....حتى انا والله

نوف.....وتعمدت نوف تقول هالكلمه لان امل قالت لها عن نية خالد......اموله اخطبيها لخالد ..؟؟

ريم انصدمت من كلمت نوف اما امل فهمت قصد نوف

امل...ياليت لكن خالد خلاص اختار الانسانه الي على قوله دخلت قلبه

ريم تمنت تروح وتتركهم لكنها نزلت راسها وابتسمت ورغد تناظر امل ونوف وحست ان بينهم شئ

رغد.... .بتصل بحبيبي اخوي

ريم.......انتي هيه توه متزوجين

رغد.....هههههههههههه بسم الله اقصد عبدالله وجع

ريم.......هههههههههههههههههههه على بالي

رغد...هلا والله بأخوي وحبيبي

عبدالله.....هلا بهالصوت

رغد......لاتقول ولاكلمه

عبدالله.....افا والله

رغد......انتظرك اليوم حرام عليك اجلس عندي لو ساعه

عبدالله...من عيوني بعد المغرب امر عليك

قفلت رغد من عبدالله بعد مااتفقت انه يكون عندها بعد المغرب

ريم....ماتسمعين الحين اقول عبير بتجي عندي ليه تعزمين اخوك

رغد......مابيطول بعدين خذي راحتك معها بعدين اجي عندكم

ريم.....وتقصد امل ونوف.....تعلموا الذوق مو من اول ماتجي البنت وانتم على راسي

نوف...مالت عليك اصلا انابروح اليوم انا وامل لسوق

ريم .....احسن

وبعد المغرب وصل عبدالله لبيت اخته وجلس معها وعجبه الجوو الهادي بالبيت وفجأه اتصلت ريموقالت لها ان عبير وصلت من بدري

رغد....اوكي طيب عبير متى بتروح

عبدالله لفت انتباهه اسم عبير وخصوصا انته بعد ماطلع من المستشفى ماشارك ابدا لانه قال لازم اعمل الشئ الصح

عبدالله......رغد مشغوله

رغد.....لا ريم عندها صديقتها وتقول تعالي عندنا

عبدالله .....هي البنت الي شفتي مشاركاتها عندي

رغد وهي مستغربه .....مشاء الله تتذكرها

عبدالله ابتسم

رغد استغربت من كلمته وظلت تتأمل عبدالله


راحت رغد عند البنات بعد ماطلع عبدالله وجلست وانبسطت على عبير الي كلامها موزون وهادي كثير بعدها رجعت رغد لبيتها وتوها داخله الي تسمع التيلفون يدق راحت وردت..

رغد...الوو

المتصله ....هلا رغد

رغد تحاول تعرف الصوت.....اهلين من معي

المتصله.....ماعرفتيني

هنا عرفتها رغد ....نعم لمى

لمى....حبيت اتطمن على حبيبي ماشفته من كم يوم
رغد انصدمت بكلامها

لمى....لعلمك الاسبوع الجاي بيقولك بيسافر لكن مابيسافر بااي

رغد انصدمت من كلام لمى كانت تتوقع بدر صادق لمى قال انها ماتعني له يالله وش اعمل الحين اقوله او اسكت

من احكي له من اشكي له تعبت من هالحال والله تعبت ظلت رغد مسكينه على هالحال لكنها قررت تتجاهل بدر

حتى يعرف قدرها وقيمتها قررت اصعب قرار انها تعطيه كل شئ تقدم له كل شئ لكن من غير اي احساس

راح تجمد احساسها تجاهه وبعد مااتخذت هالقرار طلعت لغرفتها ونامت وهذا اول شئ انصدم منه بدر رغد تنام قبل مايوصل
قال اكيد تعبانه راح عندها

بدر....رغد تعبانه فيك شئ

رغد وهي معطيته ظهرها....ولاشئ بنام

استغرب بدر وطلع وتركها وبالصباح صحى وحصلها جالسه تبرد اضافرها

بدر....صباح الخير

رغد...صباح النور

بدر....مابتفطرين معي

رغد ....مااشتهي

بدر....رغد انا بكرا مسافر لجده

رغد انصدمت حست ودها تصرخ تقول ليه حرام لكنها سكتت

بدر....رغد شفيك ليه ساكته

رغد وبعد معاناة.....تروح وترجع بالسلامه

بدر....طيب ممكن اعرف شفيك

رغد قامت بتطلع فوق.....سلامتك

بدر عصب منها لكنه قال نأجل الموضوع للعصر ويصير خير
بالعاده رغد تجلس تصلح شغلها وتجهز الغداء مايرجع بدر الا كل شئ جاهز لكن اليوم نامت وعالساعه وحده صحت
وعملت الغداء واتصلت ببدر وقالت له انها تعبانه وبتنام واذا وصل الغداء بالمطبخ استغرب بدر هذي مو طبيعيه اليوم
لكن قال يمكن تعبانه رجع ولاتغداء نام ولما صحى المغرب حصلها تحت

بدر...السلام عليكم

رغد...وعليكم السلام

بدر...مارحتي عند اهلي اليوم

رغد...لا

بدر وصلت معه من اسلوبها معه .....طيب نروح لهم

رغد.....مالي خلق

بدر....ليه

رغد....كذا مالي خلق

بدر....رغد عدلي اسلوبك معي

رغد تضحك باستهتار ...ان شاء الله

بدر واستفزته اكثر...مااعتقد اني قلت شئ يضحك

رغد وخلاص مهما مثلت ماتقدر قامت بتطلع....اسفه

مسكها بدر....مو حل كل ماتكلمنا طلعتي الى متى

رغد ماقدرت نزلت دموعها

بدر.....مو حل دموعك يارغد شفيك تكلمي

رغد...مافيني شئ مافيني شئ

بدر.....لا فيك توقعت انك بتسأليني حتى كم بجلس اذا سافرت لكن الموضوع مو هامك اصلا

رغد...اسبوع

بدر...اهاا يعني تعرفين عن موضوع السفر لكذا زعلانه خلاص سافري معي

رغد...ماني زعلانه ولاابي اسافر معك

بدر....لا زعلانه بعدين من قال لك اني بسافر مافيه احد يعرف الي واحد من خوالي

رغد....قالت لي حبيبة القلب

بدر وعصب من كلمتها ومسكها من يدها ولفها بقوه.....من قال لك ..؟؟

رغد ودموعها ماعدت قادره تسيطر عليها .....خلاص تطلقني اذا تحبها

بدر.....رغد انتي من تتكلمين عنه

رغد...وصارت تقول كلام ماتدري وش هو .....من غيرها حبيبتك لمى الي من يومين ماشفتها ولاكلمتها حرام تعذبها

بدر ماحس الا بيده ارتفعت وعطى رغد كف جمد رغد وهز بدر من قوته

رغد من صدمه من كف يدر ....تتوقع هذي رجوله

بدر وهو خلاص واصل حده من نفسه لانه تجرأ ورفع يده. بصوت عالي ...رغد لاتستفزيني

رغد....وهي تأشر على قلبها ...هديت الباقي من حبك هنا وطلعت لكن مو لغرفتها لبيت عمها



طلعت رغد وراحت لبيت عمها وهي فعلا حاسه ان كل شئ انهار انتهت حياتها تحطمت وتدمرت دخلت لبيت عمها
ولحسن الحظ ماكان موجود الا خالتها ام سعود الي خافت من شافة رغد منهاره وتصيح

ام سعود قامت وراحت لها....رغد امي شفيك بدر فيه شئ

رغد...خلاص خالتي طلقوني منه تعبت تعبت

ارتاحت ام سعود صح الطلاق صعب لكن اهون من شئ ثاني جاء ببالها

ام سعود حضنت رغد رغد لي كانت منهاره مره وحاولت تهديها

ام سعود...يابنتي اذكري الله ومابيصير الا كل خير

رغدومن بين دموعها....ضربني ياخالتي ضربني

ام سعود وحطت يدها على قلبها ...ضربك بدر

رغد هي نفسها مو مصدقه ان بدر ممكن يستخدم هالاسلوب ابدا وبهالحظه نزلت ريم الي من الصدمه وقفت مكانها اكيد فيه احد مات تقول بخاطرها لكن ام سعود ابعدت هالتفكير بسرعه

ام سعود...ريم خذي رغد عندك ولايدري احد عنها وخصوصا ابوك

ام سعود وتكلم رغد...روحي رغد عند ريم وانا بروح افهم الموضوع من بدر

اخذت ريم رغد وسكتت ماقالت شئ لانها مو فاهمه شئ رغد من دخلت الغرفه ارتمت عالسرير وبدت تصيح من جديد

حاولت ريم تهديها لكن ماقدرت رغد كانت مصدومه من تصرف بدر معها

وام سعود راح لبيت بدر وحصلت بالصاله منزل راسه للارض وواضح انه معصب وواصل حده من الغضب

ام سعود...السلام عليكم

قامت بدر وراح يسلم على امه لكنها صدته وقالت اجلس مكانك

بدر عرف ان امه عرفت انه رفع يده على رغد وسكت ماقال شئ

ام سعود ...ماانت والله بدر الي ربيته ماانت بدر الي آمنك عمك على بنته ولا انت بدر الي ينضرب به المثل ترفع يدك على بنت عمك افا والله انا ماعرفت ليه رفعت يدك لكن انا جايه بعرف فهمني اشوف يالله

بدر ساكت هو في قمة غضبه ماهو قادر يشرح ويوضح

ام سعود....انا خليت رغد تجلس عند ريم واحمد الله ان ابوك ماهو بالبيت والا كان صار شئ ثاني

البنت تقول تبي تتطلق منك

بدر من سمع كلمة طلاق خلاص حس كل غضبه راح يتفجر ...تتطلق ..

ام سعود ...ايه اجل ترفع يدك عليها وتبيها تجلس تضحك لك لو سلطان رفع يده على اختك بترضى

بدر ....يايمه الله يخليك الي فيني كافي خلاص الموضوع بيني وبين رغد وأنا بحله

ام سعود وعصبت على بدر ....وهي خدامتك تنتظرك لين تهدى وبعدين تحل الموضوع قولي ليه ضربتها

بدر وعرف ان امه زعلانه من تصرفه....اقولك ان بنت اختك المحترمه لمى هي السبب او اقول لك ان زوجتي ماتثق فيني او اقول انها تعمدت تستفزني او اقول اني رفعت يدي من غير احساس وش اقول يمه

ام سعود وهي متفاجأه .....لمى بنت اختي

بدر وقال لامه سالفة لمى من الاول الى الى لحظة مارفع يده على رغد وهو الى الان مايعرف لمى شقالت لرغد

ام سعود...تعال معي وكلم زوجتك ولاتكبر الموضوع وحتى لو صار حط ببالك أنا ماني راضيه عن ضربك لها

بدر...يمه اسمحي لي انا معصب وهي معصبه الموضوع بيتعقد الحين اتركيني عالاقل ساعه لحد مااهدى

ام سعود سكتت بعدين قالت ....ابوك مابقوله شئ والبنت بهديها لاتتأخر وطلعت للبيت

اما بدر جلس يفكر بالي صار وكيف يقدر يحط عينه بعين رغد وكلمتها تتردد بباله تتوقع ..هذي رجوله

تتوقع هذي رجوله ...ضرب عالطاوله بقوه وصرخ....لا مو رجوله انا غبي ..انا الغبي

ااما رغد فحالها كان اصعب من بدر عمرها ماتوقعت ان بدر يرفع يده وظلت تصيح وريم تركتها لحالها
حتى تقدر تفكر من غير اي تأثير رغد حست بخوف لكن تعوذت من الشيطان وراحت توضت وصلت

ودعت الله يدلها على الخير لها ولبدر ..

بعد تقريبا ساعتين قدر بدر انه يتمالك اعصابه واتخذ قراره وراح لرغد دخل البيت ولاحصل غير امه وريم

سلم عليهم وطلع لرغد طق الباب ودخل رغد كانت جالسه عالارض متسنده عالسرير وهي عالسجاده ودموعها على خدها

لما شافت بدر نزلت راسها وزادت دموعها انعادت اللحظه الي رفع بدر يده عليها لكن بدر تقدم عندها

ونزل وباسها على جبينها ....اسف رغد

رغد ساكته وتقول بخاطرها الاسف كلمه مالها اي معني اذا مافيه حب صادق منك يشفع لك اخطاءك

بدر ....رغد ياليت تسمعيني انا اعرف اني اخطيت عليك وخطأ كبير لكن غصب عني كلامك استفزني
ماهي سهله انك تتهميني هالاتهام انتي تصورتي كل شئ ببالك انا صح مااعرف هالحقيره اش قالت لك لكن
مهما كان لازم ماتصدقينها بكل كلمه تقولها عني المفروض قبل ماتتصوري حسب كلامها تسأليني وبشكل مباشر بدل ماتتعمدين انك تستفزيني ادري كلامي ماهو مقنع لك ولاهو مبرر لفعلي لكن انا متأكد ان قلبك طيب وبيسامح

رغد....خلاص مافيه قلب يحس حتى يقدر يسامح وقامت وجلست عالسرير

بدر ويحاول يكون هادي جدا ....رغد ممكن اعرف لمى اش قالت لك

رغد. وتحاول تمسح دموعها .....مو مهم الي قالته المهم الي صار بينا

بدر....رغد ارجوك انا لازم افهم

رغد... وبسخريه .....تفهم بعد بعد عشر شهور توك تفكر تفهم بعد ماخليت لمى تستغل رفضك لي ويصير كل هذا تبي تفهم ؟

بدر انا لما تزوجتك كنت اعرف انك رافضني ولا انت حاب هالزواج من اصل وقلتها لك قبل تزوج غيري اذا ماتبي تطلقني
لكن الحين اقولها لك وبكل ثقه انا خلاص مااقدر اتحمل اكثر والله مااقدر لما انا اخذت الحبوب من غير علمك زعلت عصبت وتوقعت اني ارفضك يعني جربت احساس انك تكون مرفوض مع اني ماكنت اقصد هالشئ والله العالم لكن تعرف الاصعب انك تتزوج شخص تعرف انه رافضك ومع هذا تضغط على نفسك وتحاول وتضحك وتضحي وتتنازل وترضى وبعد هذا كله ..اغلب تصرفاته مافيها حتى نظرة رضى بالله عليك منو يتحمل هالذل كله مين ..مين

بدر ويحس كلام رغد اقوى من الكف على وجهه ....رغد كلامك على عيني وراسي لكن خلينا بالموضوع الاساسي لمى شقالت لك

رغد....لمى قالت انك مسافر بتقول لي بس مابتسافر وانها اتصلت تتطمن عليك لها ايام ماسمعت صوتك

بدر وبدأ يعصب من سمع كلام رغد....وصدقتيها ..؟..

رغد....كان لازم اتأثر من كلامها واصدقه لانك اكدته بسفرك

بدر راح عندها....رغد شوفي انا صح بسافر وقلت لك مافيه احد يعرف غير خالي كيف وصل الخبر مايعنيني لاني واثق من نفسي و انا قدمت سفري اليوم بدل بكرا وهذا لمصلحتي ومصلحتك لازم نبعد عن بعض وهالسفره بوقتها واذا مو واثقه بكلامي احب اقولك ان الي بنت خالتي ماتعرفه ان خالد ولد عمي معي مسافر
وتقدرين تتأكدين

انا بسافر لكن قبل مااسافر بقول لك شئ موضوع الطلاق انسيه لانه مستحيل واكرر اسفي لك لكن تأكدي رغد اني انساناخاف الله وارعيه بكل تصرفاتي بعد هذا كله الي عنده زوجه مثلك تتوقعين لمى تلفت نظره عموما انا اتفقت مع عبدالله يمرك وعندك اسبوع ترلتاحين مني صدقيني مااملك غير اني اقول ....سكت بعدين قال مع السلامه وراح

وعند الباب التفت وقال ..مابتردين علي

رغد بصوت واطي ....مع السلامه

طلع بدر ورغد ظلت تبكي ماتعرف شو تعمل لكن وصل عبدالله وطلعت له وراحت عند اهلها اسبوع على اساس بدر مسافر
وبالسياره عبدالله....رغوده حبيبتي المشاكل بكل بيت لكن من الشخص الذكي الي يتجازوها بأقل الاضرار

رغد.....من قال لك

عبدالله....بدر قال لي انه فيه سوء فهم بينكم وطلب مني اخفف عنك

رغد....فيه الخير والله

عبدالله....هههههههههه رغوده بنتفاهم بالموضوع بالبيت اوكي الحين انسي حبيبتي

اما في بيت ابوسعود كانت ريم وامل ونوف عندهم واتفقت نوف وامل انهم يلعبون بأعصاب ريم

نوف...امل صح شصار على البنت الي يحبها خالد

ريم كانت تعرف انه بيخطب لكن يحب انتبهت وبدأت تركز على الكلام

امل....مااعرف يااختي ذبحني كل مااسأله يقول بتعرفينها اذا خلاص تقررت الخطبه

امل....طيب منين يعرفها

امل..والله مااعرف لكن شكله يمووت عليها

اما ريم طفشت من كلامهم وقامت وطلعت

نوف...هههههههه حرام عليك امل

امل....الحين اناواثقه انها تميل لخالد هذا اذا ماكانت تحبه

نوف....صدقيني توقعتها ماتحبه

امل....وليه هالتوقع

نوف..ههههههه لانهم من طينه وحده

امل....ههههههههههههه على قولك خليهم الله يعينهم

اماريم ضاق صدرها من سمعت هالكلام رغم انها حاولت على قد ماتقدر ماتبني احلام على خالد لكن غصب عنها احلامها تروح له ..

اما خالد قرر انه يكلم عمه يوم الجمعه ويخطب منه ريم وريم المسكينه ماتعرف تخطيط نوف وامل ..

اما ام سعود كانت محتاره بعد كلام بدر الي قاله لها بعد مانزل من رغد قال لها
بدر...يمه لمى اذا ماوقفتوها عند حدها والله اني اعرف شلون انا اعدلها أنا
حاولت قبل وعديت الموضوع والحين تكررها لكن انا مابنتظرها لحد ماتحاول وتدمر لي حياتي

ام سعود ...خلاص انا بكلم نوف ونشوف بعد اختي وشاقول لها اخاف تروح فيها

بدر..شوفوا لكم حل معها والا انا بشوف

وطلع وام سعود قالت مالي الا نوف مادامها هي الي تعرف بالسالفه قالت لها الموضوع وتضايقت نوف كثير على رغد والي ضايقها اكثر تصرف بدر لكنها وعدت امها انها تنهي موضوع لمى بنفسها وفعلا طلعت من امها واتصلت على جوال لمى

لمى وبصوت ناعم...الو

نوف...السلام عليكم

لمى....وعليكم السلام هلا نوف

نوف....لمى اسمعيني زين وافهميني انتي حاولت محاولتين انك تدمرين حياة بدر وفشلتي هالمره هالكلام من بدريقولك والله لو تقربين لزوجته انه يعرف يعدلك وانتي عارفه منهو ابوك اذا عصب فاابعدي عن بدر وحياته

لمى ........

نوف....انا حذرتك لكن احب اقول لك ان امي عرفت الموضوع لكن احتراما منا لخالتي ماقلنا لها لكن اذا صار شئ منك مااعرف تصرف امي ولا بدر مع السلامه

سكرت نوف وقالت بتصل برغد احاول اهديها واتصلت لكن جوالها مغلق قالت بتركها ترتاح وبكرا اكلمها

اما رغد حاولت ماتبين لامها انها متضايقه وخصوصا ان سلطان وريوف بيوصلون بكرا وحمدت ربها ان ريوف بتوصل على الاقل تجلس معها ..

يوم السبت موعد رجعت سلطان وريوف بعد ماقضوا شهر كامل كان من اجمل ايام حياتهم

وقرر بو سعود يوم السبت يجتمعون كلهم عندهم ويعملون عزيمه صغيره بمناسبة رجعت ريوف وسلطان

وفعلا وصلت ريوف وسلطان والكل انبسط لكن ريوف لاحظت على رغد الحزن

ريوف....كل هذا شوق للحبيب الغايب

رغد....شوق الا كل هذا الم من جرح الحبيب الغايب

نوف....رغوده سامحي

ريوف وهي مو فاهمه شئ ....شصار فهموني

رغد....الحين بنرجع للبيت واقول لك لكن ارجوكم قفلوا عالموضوع الحين
وبالبيت قالت رغد لريوف الي صار
ريوف....رغد مو لان بدر اخوي لكن انتي المفروض ماقلتي كذا

رغد...وتصرفه صح

ريوف....اطبعا بدر مافيها كلام غلطان لكن لولا كلامك ماصار كل هذا

رغد...يعني انا الغلطانه

ريوف....لا حبيبتي لكن المفروض ماتصدقين لمى

رغد....ريوف قولي لي بدر اعطاني الثقه بحبه حتى ماصدق لمى بدر كان يقول او يبتسم لي وبعدها احسه يندم ريوف لو تعرفون هالقلب شكثر تحمل والله تبكون رحمه عليه

ريوف....طيب حبيبتي رغوده تكلمي ليه ساكته قولي لي الي فيك

رغد...ماعندي شئ اقوله مااقدر اوصف قلبي المجروح ولا احساس الخذلان ولا الخوف

ريوف...رغد حاولي انك تفكري بهدوء حللي الموقف الي صار بينكم

رغد...ان شاء الله اطلعي ارتاحي انتي تعبانه مانمتي كويس

طلعت ريوف وتركت رغد بالصاله تفكر لحد مادخل عبدالله وجلس يسولف معها

وفي بيت ابو سعود ريم كانت تكلم عبير ...

عبير....ريم اقول لك شئ ولاتعصبين علي

ريم....الله يستر قولي

عبير...اشتقت لوجوده بالمنتدى

ريم....وجع يوجعك اسكتي فضحتينا عبير ماانتي صاحيه

عبير...ادري

ريم....ماقلنا لاتبنين امل على وهم

عبير....ريم والله مالي خلق اكتب خلاص ولااشارك باي منتدى

ريم....ابرك لك اتركي النت كله

عبير....وبعدين اجلس اقابل الجدران

ريم....اقول عبير خالك ليه مايزوركم كثير

عبير...ريم انتي تعرفين خالي مشغول دائما بشغله وزوجته احنا اخر اهتمامتها

ريم...الله يعينك شرايك ازوجك نواف وتسكنين عندي

عبير....لا الله يخليك انا بفتك منك الحين

ريم...ههههههههه هين تشوفين

عبير...شوفي ريمووه بروح انام ابرك لي اضيع وقت

ريم....اوكي باي

نرجع لرغد وعبدالله الي تركناهم يسولفون

عبدالله ....ليه قافله جوالك

رغد...اريح

عبدالله....بدر اتصل ويسأل عنك

رغد.........

رغوده .....نكون صرحين مع بعض

رغد...تفضل

عبدالله.....رغد كل الناس يختلفون يزعلون واحيانا يتطلقون لكن تعرفين المشكله وين

رغد...وين

عبدالله..ويأشر على قلبه.....هنا ايوه حبيبتي انتي تحبين بدر مهما حاولتي تنكرين وهالشئ يعني انك تتقبلينه مثل ماهو مو مثل ماانتي تحبين صح السلوك الخطأ نوضحه لكن من الي يعرف الاسلوب الصحيح الي يوضح لطرف الاخر الخطأ الحين انتي مختلفه معه وقفلتي جوالك هذا بنظري خطأ تدري ليه

رغد ودائما تحب تسمع عبدالله لان كلامه منطقي....ليه

عبدالله...لانك سديتي الطريق بوجهه ومنعتيه من انه اما يوضح وجهة نظره او يعتذر
او يمكن انتي الغلطانه والمفروض تعتذرين رغد انا مااعرف الي بينكم لكن بقول لك شئ
وهذا ينطبق على كل علاقتك مو بس زوجك اذا انتي زعلانه او مختلفه مع شخص
لابد انك تحترميه بااعطاءه الحق بتوضيح وجهة نظره وبعدين حبيبتي اذا الموضوع له اكثر من احتمال
حتى نقول من المخطي اسمعيني امسكي ورقه وقلم واكتبي كل احساسك من بداية المشكله وشصار
كلامكم من البدايه لنهايه اتركيها بعدها بساعات او يوم اقري الورقه وشوفي الي لك والي عليك
صدقيني بتقدرين تحددين حجم خطأك وخطأه ..

رغد وتبتسم له

عبدالله....ابتسامه رضى

رغد.....والله يابختها فيك

عبد الله.....ههههههههههه منهي

رغد.... مين ماكانت

عبدالله....رغوده يمكن ويابختي انا فيها

رغد....يعني فيه وحده ويابختك فيها

عبدالله ....الحين مااقدر اقول الي كلمه وحده لاني تعبان وبنام ....ايه فيه

رغد....مين

عبدالله ...هههههه بكرا اقول لك تصبحين على خير

طلع عبدالله وترك رغد تفكر بكلامه وقررت تعمل الي قاله لها وكتبت الورقه وقررت تفتح جوالها

اما بجده بدر ماقدر ينام يمكن الاحساس بالذنب تجاه رغد او ان رغد بعيده عنه او انه لاول مره يحس انه جرحها وبشكل كبير كان جالس عالبحر ويتذكر اشياء كثيره بحياته من بداية زواجه وفجأه يوصله مسج

اول ماشاف المسج انبسط لانه تقرير ان مسجاته وصلت لرغد يعني فتحت جوالها وقال بتصل عليها الحين

اما رغد من فتحت الجوال حصلت مسجين من بدر الاول يقول فيه

" يمكن مايهمك لكن حبيت ابلغك اني وصلت" وهنا ابتسمت رغد

اما الثاني" رغد ماهو حل انك تقفلي جوالك اتمنى اني اسمع صوتك"

شوي ويتصل بدر وترددت رغد لكن بعد كلام عبدالله اخوها قررت تسمع بدر حتى لو هو الغلطان

رغد...الوو

بدر...السلام عليكم

رغد...وعليكم السلام

بدر....شلونك رغد

رغد...تمام

لحظة صمت ...بدر..مابتقولي حتى الحمدالله عالسلامه


رغد....الحمدالله عالسلامه
بدر....رغد انتي حاسه انك انظلمتي معي ..؟؟

رغد.............

بدر.....مو انتي الي تعانين بس انا مثلك والله يارغد لكن ياليت تريحني بكلمه سماح منك

رغد.....بدر انت مدرك انت شو عملت انت رفعت يدك

بدر ....والله وربي يارغد من غير احساس ماكنت اقصد

رغد.....

بدر.....رغد مافيه شخص معصوم من الخطأ والله سبحانه يغفر ويسامح
انا كلمت امي بخصوص لمى ونوف انهت الموضوع لكن اتمنى يكون فيه ثقه بينا

رغد..........

بدر....وعرف انه مابينفع معها الا هالاسلوب.....رغد ريحيني حرام من امس مانمت ولااكلت شئ ارجوك احس اني تعبان مو قادر حتى افكر

رغد وكسر خاطرها مهما كان هذا بدر الغالي ......خلاص بدر

ابتسم بدر .....وشو خلاص اسكر او سامحتيني

رغد.....يمكن اسلوبي انا استفزك لكن هذا مايبرر تصرفك لكن انسى الموضوع

بدر....وربي كنت صادق بالاسم الي اخترته لك

رغد وبأبتسامه غصب عنها طلعت .....وشو الاسم

بدر.....اذا رجعت شوفيه بجوالي

رغد....اوكي الحين خلاص يالله سكر واكل لك شئ ونام

بدر....اوكي تصبحين على خير باي

رغد....تلاقي الخير باي

بدر حس بالراحه ورغد استغربت كيف قدر يخليها تسامحه وتنسى لكن تذكرت كلمة عبدالله
الي دائما يرددها " دائما نكره ونقرر ونرفض ولكن عند الالقتاء نتمنى النسيان فالحب اقوى
من المشاكل والعثرات لذلك عند اتخاذ القرارت المصيريه بحياتنا لنتخذها وجها لوجه "
ابتسمت رغد ونامت مرتاحه وحتى بدر مرتاح لان رغد سامحته ..

بالصباح نزلت رغد وجلست مع امها وابوها وهي مرتاحه تحس انها رجعت طفله وهي بينهم

وشوي ويدخل عليهم سلطان ..

سلطان...السلام عليكم

الكل....وعليكم السلام

سلطان....والله بيتنا منور ياشيخه

رغد....ههههههه خلاص منور بناس ثانين الحين

سلطان....ههههههههههههه صح بس انتي غير انتي نور البيت

رغد....سلطان وين عبدالله

سلطان.....بالمجلس

رغد...بروح اشوفه

راحت لعبدالله الي حيرها من امس بكلامه ودخلت وسلمت عليه وعرف شو عندها

عبدالله ....هههه عرفت تعالي اجلسي واقولك من هي هالانسانه

رغد وبأبتسامه ...يالله قول

عبدالله.....اول شئ هالانسانه انتي تعرفينها

رغد.....اعرفها مين..؟؟

عبدالله ....لكن بقولك قبل ان هالانسانه احتلت مساحه كبيره من قلبي وعقلي ووقتي لكن هالاحساس من طرف واحد الي هو انا

رغد...انت تحبها وهي لا طيب مين هي

عبدالله....ياشيخه لاتحطميني وتقولي لا يمكن تحبني

رغد....هههههههه طيب قول مين

عبدالله .....عبير حياة بلا حياة

رغد ومن الصدمه بصوت واطي عبير....

عبدالله....ايه عبير وقال لرغد الموضوع من اوله

رغد...تصدق عبدالله بالبدايه حبيت انك تعرف هالانسانه لانها عاجبتني لكن بعدين غيرت رائي وقلت يمكن ماتعجب البنت الطريقه رغم ثقتي بااخلاقك

عبدالله....الحين المهمه عليك رغوده ابي توصلي للبنت كل هذا يعني موافتها علي لابد قبلها تفهم الموضوع

رغد...ولايهمك خلي كل شئ علي

ودق جوال عبدالله وابتسم وقال....مافتحتي جوالك

رغد...فتحته بس تركته بغرفتي

عبدالله...شاطره قومي شوفي زوجك ازعجني

رغد وهي تضحك ..ان شاء الله

ومر الاسبوع بسرعه رغد كانت تكلم بدر ويكلمها لكن مهما كان رغد تحس بحاجز انبى بينهم وتحاول وبدر يحاول انه يزيله مع هذا رغد مهما حاولت ماتقدر تخفي وتكابر احساس الشوق لبدر الغايب اسبوع الي بالنسبه لها كل يوم فيه عن سنه كانت بالبدايه تحاول تكون جافه معه بااتصالاته لكنه يعرف نقطة ضعفها ويستغلها وتنتهي المكالمه مريحه لطرفين وتحدد موعد رجعت بدر وخالد يوم الخميس والجمعه موعد الجمعه المعتاده ببيت ابو سعود

رغد قالت بتجي الجمعه لان بدر بيوصل بالليل متاخر وخالد قرر يخطب ريم الجمعه ..

بيوم الجمعه الصباح صحت رغد بدري وهي مو قادره تحدد احساسها هو فرح او خوف او اشتياق او توتر

انشراح لانها بتشوف بدر وبترجع لبيتها الي اشتاقت لكل ركن فيه اشتاقت لمكانها لبيتها الي سمع ضحكتها ومسح دمعتها

او كانت خايفه من لحظة لقاءها ببدر ماتعرف هل فيه تغير بيكون سواء منها او منه بعد الي صار ..

اما بدر كان ماخذ على خاطره من رغد لانها فضلت ترجع الجمعه ومع انه فضل انها تستقبله هي ببيتهم ومع هذا قال بنفسه لازم اتغاضى وانسى هالشئ مهما كان الي صار مو سهل لكنه حتى هو مشتاق لبيته ولرغد ووجودها بحياته ..

ومع هذا كان مقرر بدر انه يغير معاملته لرغد لكن احساسه غير التصريح الي اقنع نفسه فيه بدر يحاول يقاوم احساسه برغد ويقول لنفسه انه اخطأ عليها ولازم يعوضها ويحاول يغير معاملته معها للاحسن ..ماهو قادر يعترف بمشاعره الحقيقه تجاها

وصلت رغد مع اهلها قبل الصلاة دخلت بيت عمها لانها شافت عمها عند الباب وسلمت عليهم بعدين راحت لبيتها توقعت تحصل بدر طلع لصلاة لكنها اول مادخلت البيت تفاجأة بالهدوء ولاكأن احد موجود بلحظه حست انها محتاجه تشوف كل ركن تضم كل غرض بهالبيت الي حبته لانه جزء كبير من حلم سنين وهي طالعه فوق
صادفت بدر الي وواضح انه كان يفكر وسرحان ولاهو منتبه لرغد

رغدوهي بأول الدرج ....هلا بدر

بدر بأبتسامه ...هلا والله ونزل وسلم على رغد

رغد...الحمد الله عالسلامه

بدر...الله يسلمك

بدر وبنظره كلها احساس ....مااشتقتي للبيت

رغد وتحاول ماتجي عينها بعينه ...والله كثير كثير

بدر وبأبتسامه ...بس البيت ..؟؟

رغد...البيت مايسوى بدون اصحابه

بدر...ههههههههه اجابه غير مباشره لكن نرضى فيها لان مافيه وقت عالصلاة باي

رغد..باي

ابتسمت وقالت بخاطرها والله وحشتني حتى وانت قاسي يابدر وحشتني وحتى وانت تضغط على نفسك حتى تقنعني بأشتياقك..وحشتني حتى وأنت الي هديت الحلم واحرقت الفرحه والله وحشتني ابتسمت لرغد

وطلعت لغرفتها وبمجرد مادخلت للغرفه نزلت دمعتها وبصوت واطي قالت ..كم مره بتشهدي على دموعي ياغرفتي

و في بيت ابوسعود خطب اخوه ريم لخالد منه والكل انبسط واتفاجئ بقرار خالد
لانهم متوقيعن يتزوج من برا العايله لكن هالموقف فرحهم كثير ووعدهم ابوسعود خير وقال بسأل البنت ولابتلاقي احسن من ولد عمها والعصر في بيت ابو سعود الكل موجود البنات والعيال قال ابوسعود

ابوسعود..ريم ابوي تعالي عندي

راحت ريم وجلست جنب ابوها بدر وسعود عرفوا ان ابوهم بيقول لها الحين

ابوسعود ..ام سعود قلتي لعروسنا عن الموضوع

ريم عرفت على طول السالفه وانقهرت وشللون بترد والكل موجود الحين حست انها ماتقدر تتقبل الموضوع

هي بنت احلامها مع صورته شلون تتقبل الواقع شلون

ام سعود...لا والله ماقلت لها شئ

نوف....خير ابوي فرحنا

ابو سعود وهو حاضن ريم....والله ريما الغاليه خطبوها اليوم

حس ابو سعود ببنته ورفع راسها وقال.....مااحد بيغصبك على شئ لكن اذا علي ياابوي مابلاقي احسن منه ولابتلاقين رجال يصونك ويحميك مثله

ريم وسرحت بأفكارها .....وتقول بخاطرها استاهل ماكان المفروض افكر واحلم فيه

سعود..... ريم مابيذبحونك هههههههه

بدر....زين قولوا لها من الي خطبها الحين

ابو سعود....يابنتي خالد ولد عمك خطبك اليوم فكري واستخيري وبعدين ردي علينا

ريم من الصدمه هزت راسها وجات عينها بعين نوف الي ابتسمت وقالت ان شاء الله وطلعت لغرفتها

نواف.....الحين الكل تزوج ولاظل غيري زوجوني

ام سعود..الساعه المباركه ابوي ابشر

سعود....هواية امي المفضله بتدور لك المره السنعه الحين بتقول

ام سعود....اشوف ياسعود الحين ذوقي مايعجبك

سعود..افا الغاليه من يقول

ام سعود..ايه المره السنعه والا زوجتك ماهي سنعه

سعود....دائما امي تحرجني ههههههههه

بدر....هههههههههه تستاهل انت الي تجيبه لنفسك

سعود...غصب عني مااقدر اسكت لازم اقول الي بخاطري

نواف...الغاليه انا زوجتي اختارتها وحده من بناتك بس مابنصرح بالموضوع الحين

ام سعود....منهي من بناتي خليني اعرف ذوقها

سعود.....ههههههههههههه يمه نواف منهي من خواتي 24 ساعه معه ريمووه

ام سعود وهي قايمه.....عز الله اختارت لك السنعه خلها تنفعك بروح اصلي وطلعت وتركتهم يضحكون

ابوسعود....رغد ابوي

رغد..سم عمي

ابو سعود....ان شاء الله هالسنه بتكملين دراستك

رغد..ان شاء الله عمي

ابو سعود...الله يوفقك يابنتي

نواف..والله على بالي خلصت رغد الله يعينك

نوف..الله يعين ناس على ناس يارب

سعود..افا الاخت العزيزه شايله على ابو احمد

نوف..والله ابو احمد مافيه مثله

سعود..امل انتي قايله لنوف شئ عني

نوف...ههههههههههههه دائما تشك بنفسك

بدر ..وهو طالع عن اذنك ابوي بطلع ارتاح

ابو سعود وهو يناظر نوف....الله معك ابوي

نوف وبصوت واطي .....انا اعرف وش اعمل لااحد يناظرني كذا

طلع ابو سعود وتركهم لحالهم ..ورغد طلعت لريم ولاظل غير نوف وامل وسعود

وبغرفة ريم ..رغد..السلام عليكم العروس

ريم وبأبتسامه ....وعليكم السلام هلا رغد

رغد...وينك من طلعت ماعاد شفناك كل هذا حياء

ريم...لا والله بس تفاجأت

رغد....تبين الحق حتى انا

ريم...محتاجه اتكلم مع احد وربي احس اني تايهه

رغد....ريم اقول لك شئ بصراحه

ريم....قولي

رغد....انتي ترتاحين لخالد صح

ريم وسكتت فتره بعدين قالت ....ارتاح له صح لكن خايفه

رغد..من

ريم....خالد شخصيته مختلفه افكاره اسلوبه

رغد....ريم انا مااعرف مشاعرك تجاهه لكن انا ليه صابره على بدر لسبب اقوى مني حبي له وانتي اذا ترتاحين له او تحبينه راح تتجاوزي كل شئ وتأكدي من شئ واحد ان خالد مااحد اثر عليه بقراره وخذيها نصيحه مني خذ من يحبك ولاتأخذ من تحب

ريم....رغد حرام عليك وربي يوجعني قلبي اذا تحكين كذا صدقيني بدر يحبك انا واثقه

رغد....قويه يحبني ريم والي يحب يسوي الي سواه بدر

ريم..رغد انسى الي صار

رغد...آه ياريم ياليت يقدر بدر ينسيني ياليت

ريم..حاولي

رغد....لا أنا خلاص كله اسبوع ونرجع لدراسه والي يصير يصير اما اني ارجع اضغط على اعصابي لا

ريم..رغد تفاءلي وان شاء الله بيتغير

رغد....خلينا مني وفكري انتي

جلست رغد مع ريم وارتاحت ريم بالكلام معها وبعدين قالت بجلس يومين بعدين اقولهم قراري

اما خالد كان حاب يعرف رد فعل ريم قال مافيه غير امل اتصل عليها وسلم وبعدين قال

خالد....امل شصار عمي قال لريم

امل..ايه قال لها

خالد..اوكي صوتك مايطمن وشصار بصراحه امل

امل..خالد انا بصراحه ماتوقعت رد فعلها كذا ماشفت الفرحه الي توقعت

خالد..يعني ..؟؟

امل..والله يااخوي ماادري عموما لازم تأخذ وقتها بالتفكير

خالد...ماقلت لك اول خذي موافقتها

امل..خالد ليه الحين انت معصب

خالد..لان هالشغل هذا مايعجبني المفروض انك سمعتي كلامي وتأكدتي

امل..لهالدرجه خالد تعني لك ريم

خالد..ياامل افهميني مهما كانت مكانتها عندي مافيه شخص يحب انه ينرفض

امل..تطمن اخوي

خالد..اوكي باي

امل..مع السلامه

نرجع لرغد الي راحت للبيت وحصلت بدر بالصاله يقرأ الجريده سلمت ولا قالت شئ وعلى هالاسلوب مرت حياتهم لمدة شهر تقريبا بدر رفض هالاسلوب ماعجبه ابدا اما رغد بعد الي صار بينهم صارت ماتقصر بشئ لكن ماتحاول تكسب بدر وتخليه يحبها فقدت الامل منه بدر يحاول يغير اسلوبه ورغد صايره جافه معه ماتقدر تعطي اكثر خلاص ...

اما ريم كانت متردده بقرارها وراحت تكلم عبير وتتكلم معها بالموضوع

عبير..ريم ليه الخوف طيب مو هو الشخص الي كنتي تتمنين

ريم..صح كنت اتمنى اني ارتبط بخالد لكن الحين احس اني خايفه من هالارتباط كثير المشكله مافيه احد قادر يفهمني خالد اسلوب حياته مختلف عني كثير وهذا الي مخوفني

عبير....ريم خالد ماهو مختلف لكن انتي تتوقعين الكل مثل اخوانك لا ياريم خالد ماهو متحرر مثل مالكل متصور انتي قلتي لي قبل ان خالد انسان واقعي وصريح ماهو انسان غامض واضح

ريم..صح لكن مااعرف ساعه احس اني فرحانه وساعه اخاف

عبير..ريم استخيري ربك والله يوفقك يارب ويكتب لك الخير

ظلت ريم أيام تفكر وخالد متوتر لكن اخيرا اعلنت الموافقه والكل انبسط وارتاح خالد
وتحدت الملكهةبعد نهايه هالمستوى يعني بعد تقريبا شهرين ..

وفي بيت بو سعود كل البنات موجودين ومبسوطين ريوف تحاول تشوف رغد وتكلمها لكن رغد ماكانت معها كان عندها احساس قوي ان فيه شئ تحس بقلبها مقبوض وكل ساعه تسال عن بدر ويقولون ماوصل وجواله مقفل وعالساعه تسع دخلت نوف وهي مو عارفه شو تقول لرغد

نوف.....رغوده شرايك تنامين عند اهلي بنام عندهم انا

رغد وعرفت ان نوف تحاول تضغط على نفسها......لا ماابي بنام ببيتي

امل....وانا بنام بعد

ريووف.....وشفيكم

نوف....ولاشي نبي رغد تنام هنا

رغد.....ريوف اتصلي بسلطان اسأليه عن بدر ماشافه

نوف.....بدر بالبيت

رغد واستغربت....من يقول

نوف....سعود يقوله

قامت رغد ....بروح اشوفه

مسكتها نوف.....لا رغد خليك بدر

رغد ونزلت دموعها.....انا عارفه فيه شئ قولوا بسرعه

امل....رغد مافيه شئ بدر تعبان معه صداع

نوف....وانتي تعرفين هالصداع من زمان ماجاء لبدر وتعرفين كيف تكون حالته وانه مايحب احد يكون عنده

ريووف.....نامي هنا احسن انا اعرف بدر اذا كان معه هالصداع وبكرا ان شاء الله يصير بخير

رغد وخلاص مو قادر ومن بين دموعها......انتم تعرفون الي تتكلمون عنه وتعبان هناك من يكون هذا عمري
تعرفون شو يعني عمري وتركت يد نوف وطلعت بسرعه لبيتها

نوف وهي فعلا خايفه.....يارب الله يعين هالاثنين على الي بيجيهم

ريم....الحين رغد مانست الي صار شلون بتتحمل كلام بدر الحين

نوف..تعبت أنا مع هالاثنين والله هي تحبه وتموت عليه وهو مو قادر يفهم

ريوف.....رغد مهما حاولت تكون قاسيه او بارده بتعاملها مع بدر ماتقدر تخفي خوفه او حبها له
تأكدوا رغد حب بدر بقلبها راح يروض قلبه مافيه أحد يتحمل كل هذا الي قلب صادق بحبه

دخلت رغد للبيت وكان ظلام قفلت الباب وطلعت له للغرفه بالصاله حست بباب الغرفه مفتوح لكن الغرفه ظلام مافيه غير نور خفيف مرره لشمعه وقفت بالصاله

بعدين قررت انها تشغل قرآن بصوت منخفض بحيث انه يعم ذكر الله بالبيت ويحس بدر بالطمائنينه شغلت القرآن

ودخلت للغرفه بكل هدوء جلست جنب بدر الي واضح انه مو نايم لكنه حاط ايدينه على راسه جلست رغد وبكل خوف من ردت فعل بدر

حاولت تعمل له مساج على الرقبه والراس خفيف لكن شوي ترتخي ايد بدر بعدين ترجع تشد على راسه وظلت تقريبا ساعتين على هالحاله
بعدها حاولت تعمل له كمادات بارده بخل التفاح ورجعت تعمل المساج وظلت على هالحال الى الساعه ثلاث تقريبا الفجر ودموعها على خدها لان الم بدر يعني المها وجعها وبعد ماتأكدت انه نام راحت بدلت ملابسها وحاولت تنام لكن نزلت قبل تحت واخذت جوالها
الي حصلت فيه مكالمات من الكل وواضح انهم خايفين لان بدر ماكان يحب احد يتكلم معه
او يجلس معه ويزعجه كان يحب يجلس بالظلام والهدوء والتكييف بارد مره وهو معه صداع لكن هم نسوا ان رغد من حبها لبدر قبل الزواج كانت تعرف كل شئ عنه اخذت الجوال وطلعت تنام وتوها مالها نص ساعه الا اذن الفجر صحت وصلت
وقفت عند بدر كسر خاطرها توه قدر ينام لكن قالت لازم يصحى لصلاة وحطت ايدها على كتفه

رغد...وبصوت هادي.......بدر بدر اصحى لصلاة الفجر

بدر وحس فيها لكن الالم مازال موجود هز راسه ورغد نزلت بسرعه وعملت كأس حليب دافي لبدر وطلعت حصلته يصلي

انتظرته وراحت جلست قريبه منه ....ماخف الالم

بدر ومايقدر حتى يقوم من مكانه حط راسه على ركبته ..

رغد...بدر حياتي قلبي انت اشرب هالكاس دافي وقوم سريرك وان شاء الله يخف يارب

اخذ منها الكأس وشرب شوي منه وساعدته رغد وجلست جنبه وعملت له كمدات من جديد لحد مانام بعدها عالساعه ست نامت

وعالساعه عشره الصباح صحى بدر وحس براحه لاول مره يجيه هالاحساس بعد الم الصداع كان يجيه الصداع من فتره لفتره اذا كان ضاغط على نفسه بشكل كبير يحس بتعب كبير وصداع لكن له اكثر من سنه مارجع له هالصداع

لكن التفت وحصل رغد نايمه وشكلها تعبانه ابتسم وقال بخاطر ...والله مااستاهلك وتركها تنام على راحتها وبدل ملابسه
وراح لبيت ابوه ودخل ولاحصل غير امه وريم

بدر وهو مبتسم....السلام عليكم

الكل..وعليكم السلام

ام سعود..هلا والله ابوي شلونك الحين بشرني

ريم ...وتقول بخاطره الله يستر اول مره بدر اشوفه كذا لايكون طلق رغد

بدر..مثل ماانتي شايفه الغاليه مرتاح بس جووعان

ام سعود,,,ابشر ابوي ريمووه قومي هاتي فطور لاخوك

ريم ...ان شاء الله بس فيه سؤال بخاطري اجابته فيه ناس كثير تنتظرها

بدر..هههههههه الله شو هالسؤال المهم

ريم..رغد وينها لاتكون طلقتها

ام سعود..... ريمووه الله لايقوله شو هالحكي

بدر....هههههههههههههههههههااي

ريم..أنا متأكده انت مو طبيعي اليوم

بدر..طبيعي ورغد نايمه

ام سعود..خير لاتكون تعبانه ماهي عادتها

بدر....مانامت الامتأخر وكسرت خاطري

ريم....احم احم

بدر....ههههههه فهمت قومي هاتي لي شئ اكله

ريم..وهي طالعه ..رغيده تكسر خاطره وانا اتعب

بدر..اسمها رغد لو سمحتي

ريم..وهي تضحك ....طيب والله تطورات
صحت رغد على أذان الظهر واستغربت لانها كانت ضابطه الساعه لكنها موقفه توقعت انه بدر

وابتسمت وصحت اخذت لها دش وصلت ولبست وراحت بيت عمها دخلت وسلمت عالكل ولاحظت ابتسامة ريم

رغد...خير ان شاء الله شفيك

ريوف....ههههههه رغوده من اليوم وهي تقول عندي لكم مفاجأه تخص رغد

رغد....أنا ..؟؟

ريم...ايه

نوف....ريمووه ترى بهالمخده قولي شعندك

رغد ...اقول انا بطلع اشوف بدر واتطمن عليه

ريم.....ههههههههههههههه ياعيني روحي عند امي بالمطبخ هو

ابتسمت رغد وطلعت وصادفها بدر عند الباب

بدر معصب ....بدري لا ارجعي نامي

رغد..تقول بخاطرها بسم الله .....الحين منو قافل الساعه

بدر...ههههههههههاي امزح معك نوم العافيه

رغد وهي مستغربه ...الله يعافيك انت شلونك الحين

بدر..مارد ظل يناظر رغد بأبتسامه ......

رغد ووجهها صار احمر.....شفيكم اليوم بس تبتسمون ليه ماترد

بدر ....ومسك يدها ..تسلمين رغد وجودك معي امس كان دواء لي

رغد وحست انها بتمووت بمكانها ولا رفعت رأسها لكن بدر رفع راسها

بدر...رغد انتي عرفتي الاسم بجوالي

رغد وكانت ناسيه ....صح لا شو الاسم

بدر..كان ........بس بغيره بأسم ثاني اليوم

رغد...طيب شو كان

بدر...الحنونه

رغد...ولاول مره تحس انها ملكت العالم كله ....بروح اشوف خالتي

بدر....ههههههههههههه اوكي روحي لكن اسمحي لي اقدم لك شكري بطريقتي
ورفع يدها وباسها رغد من كثر مااستحت ماعرفت شو تعمل رجعت عند البنات واول مادخلت

ريم....ههههههههههههههههههههههه ه ماقلت لكم هذي المفاجأه شوفوها والكل ضحك لان رغد واضح عليها

نوف....رغد شفيك

ريووف....شفتي بدر

رغد.....لا بدلتوه مو بدر الي اعرف

وكان عند الباب...بدر....لا مابدلوه بس كان اعمى وفتح

رغد من كثر ماانصدمت انه سمعها ماقدرت تتحرك لكن بدر ماحب يحرجها اكثر تركها وطلع

والبنات مبسوطين اتصلت عبير وقالت انها بتجي عند ريم وانبسطت ريم والكل راح لبيته

ماظل غير رغد قالت بتروح ترتاح شوي وترجع وشافتها فرصه تكلم عبير بموضوع عبدالله ..

بعد ماارتاحت رغد

راحت عند البنات وسلمت على عبير لكن هالمره بشكل مختلف نظرتها كانت فيها تدقيق وتقول بخاطرها والله انها لايقه لعبدالله

رغد....عبير كيف المنتديات معك

عبير....اضيع وقت استفيد وابني امل واهدم امل

رغد....وليه تهدمين

عبير.....لان حياتي الظاهر مستحيل يستمر فيها اي شئ ابنيه

ريم..عبوره خلي عنك التشاءم

عبير وبأبتسامه .....بالتفاءل ابني حياتك وبالامل استقبلي

رغد وكملت عن عبير ....فجرك وبالحب ابدائي كل عطاءتك

عبير سكتت وريم استغربت من نظرة رغد ومن سكوت عبير

عبير وهي مستغربه ....منين عرفتي هالكلمات

ريم..اي كلمات انتي وياها

رغد وبابتسامه ......الي قالتها عبير وكملتها

ريم...ايوه طيب شفيها

عبير.....انتي تستخدمي النت رغد

رغد وتعمدت تلعب بأعصاب عبير....لا

عبير..طيب وين سمعتي هالكلام

رغد.....امل الحياة

ريم وعبير تفاجؤا من الاسم الي قالته رغد عبير نزلت راسها وريم ماعرفت شو تقول

ريم...رغد ماله داعي هالاسلوب

رغد قامت وجلست جنب عبير ورفعت رأسها ..... هذي الكلمات لامل الحياة اخوي عبدالله ياعبير

ريم.....ووووووووووشو

عبير..اخوك رغد ..

عبير لاتنزلي رأسك انتي بنت الكل يتشرف فيها واخوي لما ابتعد عن المنتدى
كان يبحث عن مصلحتك اول شئ لانه انسان يراعي الله بكل تصرفاته

عبير....شلون انا ماني فاهمه شئ

ريم..ولا انا فهموني

رغد وقالت لهم الموضوع من اوله عبير بالبدايه ماعجبها الموضوع لكن حست بالراحه لما عرفت ان هالانسان مابنى الامل حتى يهده بحياتاه وانبسطت اكثر انه معجب بأخلاقها وحاب يتزوجها وانبسطت اكثر

ما قربت رغد التيلفون واتصلت على بيتهم وهي تكلم بالسبيكر

رغد....هلا عبدالله

عبدالله ..هلا والله

رغد..شلونك عبداله اهلي شلونهم

عبد الله .تمام الحمد لله بشريني عنك الغاليه

رغد .تمام

عبدالله ...دوم يارب

رغد ....تعرف عبدالله وحشتني قصايدك

عبدالله...كل القصايد لخاطر عيونك بس شرفينا

لرغد..لا سمعني الحين

عبدالله...ولايهمك الغاليه انا بحياتي كم رغد هي وحده الله يخليها نور حياتنا

رغد....تسلم لي اخوي حبيبي والله

عبد الله ..
حبيبي جيت لمصافح مواعيد الفرح بيديك...وجيت اعطي يمينك حب ماتدريبه شمالك
اشوفك واسمعك قبل اعرفك واشتاقلك وابيك ..واحس آمال عمري من عرفتك تشبه امالك
انا ماعشت قبل اعيش بااحساسك وقبل اجيك..حبيبي جيتك بقلبي ولو ماجيتك جالك
احاسيس كريمه وانت تستاهل كرم غاليك ..ترى لو مااشرقت شمسك وصل رحت اتبع ظلالك
يقولون العرب "دار بلا مغليك ماتغريك" ...واقول انك بليا حب كنك عايش لحالك
انا لاجيت اسولف عن شعوري قمت اسولف فيك ..وانا ادري رغم كل الشوق مامريت في بالك
دريت ان الغلا مثل القدر يرضيك لو يبكيك ..ولاينفعك بعلوم الغلا عمك ولاخالك
مابين الحلم والواقع يصيبك حظي ويخطيك ..متى تصبح نصيب الي وقف بآماله اقبالك
(( للمبدع سعد آل سعود "منادي" ))
عبدالله..وسلامتك

ابتسمت رغد لعبير لما نزلت راسها لكن هالمره لانها استحت من عبدالله

رغد..صح لسانك

عبدالله صح بدنك الغاليه

رغد...ماقلت لي هالقصيده لمين

عبدالله....هههههههه للي خذت من عقلي التفكير ومن قلبي الاحساس

رغد....الله عبدالله اقول الظاهر الوضع صعب عندك مرره

عبدالله...والله فيه وحده اسمها رغد قالت اترك كل شئ علي ولا الحين ماشفت شئ

رغد....هههههههههه ان شاء الله حبيبي لاتقلق

عبدالله....ان شاء الله

رغد..اوكي سلم لي على اهلي

عبدالله...يوصل سلمي عالكل الله معك

قفلت رغد وابتسمت لعبير وهي طالعه وقلت..والله ياعبير اذا انتي من نصيب اخوي يابخته واذا هو من نصيبك يابختك

طلعت رغد وتركت عبير تحكي لريم الي مو مستوعبه كل الي صار ماتعرف تبكي فرح او خوف او شو هالاحساس الي تحسه تجاه عبدالله الانسان الي بناء الامل بحياتها من جديد والي حاولت تقنع نفسها انه وهم ..

رغد راحت للبيت وظلت لحالها بغرفتها تفكر بعبدالله اخوها وبسلطان بريوف يالله بسرعه مرت الايام دخل بدر وحس ان رغد شكلها كانت تصيح جلس جنبها

بدر....رغد فيك شئ

رغد حست انها قادره تهدي الحب للكل الا لهالانسان الي قبالها كل الحب يصده قلبه ومن غير احساس نزلت دموعها

حضنها بدر وقال..ليه ليه رغد هالدموع شفيك

رغد...ومن بين دموعها ...مالها سبب بس محتاجه ارتاح

ظل بدر معها لحد ماهدت شوي وابتسمت وقالت....غباء ان الانسان يصيح من غير سبب

بدر وبأبتسامه هالمره حنونه ...لا مو غباء بحياتنا تمر علينا ضغوط كثير ونجاهلها لكن تتراكم وبلحظه ما نتحملها

بدر..يالله رغد ماابي اشوف دموعك مع ان عيونك حلوه وهي مليانه دموع

رغد من الصدمه مارفعت راسها معقوله هذا بدر اليوم مو طبيعي لكن بدر مااعطاها فرصه تستوعب هالكلام رفع راسها بيده

بدر...لكن من غير دموع احلى يالله قومي غسلي وجهك وخلينا ننزل نجلس تحت

رغد ومن غير تركز هزت رأسها وراحت تغسل وبدر نزل للمكتب تحت

....رغد بعد ماغسلت وبدلت ملابسها نزلت لبدر حصلته بالمكتب وقفت عند الباب تتأمل

بدر وهو ماهو داري عنها ظلت عشر دقايق وهي واقفه ولو قالوا لها اجلسي طوال اليوم بتوافق رفع رأسه بدر فجأه وحصلها وظل هو كمان يناظرها ولانزل عينه لكن رغد بالاخير انتبهت لانها مسافره بصوره زوجها وحبيبها وولد عمها

رغد....بروح اعمل لك عصير

ابتسم بدر وعرف انها تهرب من هالاموقف لان وجها صار لونه احمر ورجع يكمل شغله

مرت الأيام ورغد بلغت عبدالله انها قالت لعبير وانها طلبت مده تفكر وتتخذ قرارها اما رغد كانت متوتره خايفه

وقالت مالها الا ريوف راحت لبيت اهلها عند ريوف وقالت لها

رغد....ريوف تعرفين بعد يومين شو يصادف

ريووف ..وتحاول تتذكر شو

رغد....ذكرى زواجنا

ريووف...صح الله وش بتعملي

رغد....خايفه

ريووف واستغربت....من شو رغد بدر تغير كثير

رغد...ريوف انا انصدمت كثير من بدر قبل زواجي وبعد زواجي تحملت كثير ولااتوقع ان استهتاره بمشاعري بهاليوم راح تكون سهله يمكن تكون نقطة النهايه

ريوف....لا رغد مهما كان بدر مو قاسي او اناني

رغد....آه ياريووف لو اقولك ان كل تصرفات بدر والتغير الي تشوفونه احسه مو من قلبه من باب الواجب بس

يبتسم لي يواسيني يهتم فيني اذا تعبت يعني بمواقف احس الواجب هو الدافع لتصرفه لكن عمري ماحسيت بمبادره
صادقه منه كلمه او حتى نظره يعني لازم فيه سبب انه يقول تسلمين او يبتسم اخاف ياريوف اخاف

ريووف....رغد نسيتي الصنودق الصغير للحين عندي مو قلتي اول هديه بذكرى زواجكم بتكون الصندوق بكل الي فيه للحين حافظه لك هالصندوق عندي

رغد ..ريوف هالصندوق كنت احلم اهديه بدر واقول له اقرأ احساسي لكن الحين تغير كل شئ

ريوف...يعني هالصندوق ارميه

رغد وسكتت فتره بعدين قالت ....لا عطيني الصندوق وبعتبرها اخر محاوله ياتصيب او تعلن الفشل النهائي

ريوف.....رغد وربي احس بدر يحبك

رغد...الكل قدر بدر يوصل له احاسس انه يحبني الا أنا

اقتنعت رغد انها تعمل اخر محاوله وبيوم الثلاثاء الي هو يوم الذكرى لزواجهم رغد كانت خايفه ومتوتره
بدر صحى مثل العاده وطلع ورغد بدت تحضر بيتها ونفسها وكل ترتيباتها لكن انصدمت عالساعه تقريبا
ثلاث بمسج من بدر يقول" رغد احتمال اتأخر لخمس او اكثر"

رغد لحظتها بكت حست انها فشلت لكن قالت لا بتكمل الشئ الي بتدت فيه واكيد عالمغرب بيوصل
وتابعت تجهيزها ..

والحين بنروح لبدر بالمكتب الي انتهى دوامه من الساعه ثلاث ومازال موجود للحين والساعه عالسبع

المغرب ....بدر كان واضح انه مرهق وتعبان ومحتار ..

خايف من هاليوم كان متاكد ان رغد تنتظره وان اليوم ذكرى زواجهم وهذا سبب له خوف كبير
كان خايف من مشاعره وكان متردد من احساسه مايعرف شو يعمل او شو يقول خايف يقولها الحقيقه
وتزعل او يسكت وتزعل لازم يوضح وهالتوضيح اتعبه ظل بدر على هالحال لكنه عالساعه ثمان اتخذ قراره
انه يرجع البيت ويقولها كل شئ ولا فكر حتى يأخذ لها اي هديه لانه يعرف بعد الكلام الي بيقوله مابتقبل شئ
ولاتقبل اي هديه لكذا قرر مايأخذ شئ ..

ريوف كانت خايفه من الي بيصير لانها شافت رغد وكيف هي ضاغطه على نفسها لكنها ظلت تدعي من الله
انه يحنن قلب بدر ولايذبح هالبنت الي حبته من عشر سنوات حب حقيقي صادق

رغد والساعه تسع بالليل ومع كل دقه لثواني الساعه تتزل دمعتها جلست بالصاله وحضنت دبدوبها وبدت تبكي

من جديد .. وهي قررت اليوم تنهي هالزواج الي ابتداء العام بنفس اليوم وفشل
تسع ونص بعد تردد دخل بدر للبيت ولاحست عليه رغد عند الباب انبهر البيت تغير فيه شئ كله ورد طبيعي

وعند الباب دبدوب صغير يحمل استاند لكن واضح ان البطاقه مو موجوده تقدم ودخل وحصل عالطاوله باقة ورد

ابتسم ودخل بهدوء لصاله الي انصدم من اكثر من شئ فيها اولها اللون الاحمر الي غلب عالصاله وبعدين

من رغد الي تبكي ولاهي حاسه فيه والاكثر الاغنيه الي كان صوتها عالي

يعني بطفي الشمعه وحدي
آه لو تدري بشعوري غيبتك تنهي حضوري .
.وغرفتي تنسى وجودي رغم انها امزينه
هذي ليله في السنه
ادري لو كنت اتغلى والا ناوي تعتذر....
جيتك تسوى حياتي ياللي مابعدك عمر
انا مازعلت عينك لو نيسيت اسأل حنيني..
بس ابيك الليله يمي لو الأماني ممكنه
هذي ليله بالسنه
كل اصحابي بقربي شفتهم الا انت لا ...
دمعتي تسأل عيوني وين الي قلبه سلى
ماابي كل الهدايا فرحتي وأنت معايا ..
صرت ادور عن وجودك في كل ورده ملونه
وهذي ليله بالسنه ..

وقف بدر مكانه وهو يسب نفسه كيف قدر يعذب رغد كيف وفجأه انتبهت له رغد وقامت بتطلع فوق لكنه مسكها

رغد ومن بين دموعها ....خلاص كل شئ انتهى

بدر وبأبتسامه....لا ياعمري كل شئ ابتداء

رفعت رغد راسها ...ابتداء ..الم جديد او دموع جديده او

قاطعها بدر....رغد والله احبك

ابتسم بدر لرغد الي غمضت عيونها وواضح انها مسكت بدر حتى تتمالك نفسها

رغد..تحبني ..؟؟

بدر...ايه رغد احبك صدقيني مهما حاولت اني اقاوم هالاحساس الله يشهد اني احبك وانك الفرحه بحياتي والامل ..

رغد كابرت حبك سنه كامله جمدت احساسي سنه لكن حبك اقوى مني حنانك غلبني ملكني قلبك احتل قلبي مهما قاومت او رفضت
رغد............

بدر..رغد وربي مابسمح بعد اليوم تزل دمعتك وانا موجود ومسح دمعتها

رغد. ومن بين دموعها ...بدر سنه كامله نزلت حزن خليها اليوم دمعة فرح هذي

بدر.....حبيبتي انتي سامحيني عالالم الي سببته لك

رغد رفعت راسها وقالت.....بدر تعال اجلس هنا واسمعني

بدر....لا رغد انسي كل الي كان وخلينا نعيش الحياة من اللحظه هذي

رغد....لا حبي ارجوك اسمعني وجلست هي وبدر

رغد....بدر انا من كنت صغيره كنت اسمع ان رغد لبدر وبدر لرغد عمر مااحد قال لي انه هذا ممكن مايصير
بالعكس الكل كان يأكده عمي خالتي خواتك اهلي الكل واثق من هالشئ كبر هالشئ معي بديت احلم فيك
اتصور حياتي معك وبديت افكر بكل شئ حتى بكلامي معك انتظرك اذا تجي بيتنا من تدخل لحد ماتطلع ماكنت تدري عني
لكن قلبي يقول لي انه يعرف اني موجوده هنا الانسانه الي بيتزوجها واكيد يكن لها مشاعر ولو بسيطه
بعد ماسافرت اسأل ريوف عن دموعي يالله لو العين تحكي لنطقت وقالت خلاص كفايه سبع سنين قضيتها برا
وبكل يوم ابكي فيه مليون مره احسك بعيد بعيد مااقدر اتطمن عليك لكن مرت الايام والامل بداخلي يكبر
اني انا الي بتزوجك وبكون الانسانه الي تهديك السعاده وبعد الخطبه فرحتي تكفي العالم صح خفت لما طلبت
تشوفني لكن قلت حقه ولازم هالشئ وشفتك بوقتها ماحسيت ببرودت نظرتك لاني كنت بعالمي عايشه متصوره
انك مثلي اوهمت نفسي انك تحبني لكن ( وهنا وقفت رغد ) قبل الزواج بعشر ايام انصدمت كل الحب بداخلي انجرح
حسيت ان حلم سنين من عمري تبخر لما اتصلت الظاهر بالخطأ ووقتها كنت تتكلم مع نوف والظاهر انها تعاتبك
لانك ماجيت عندنا بأيام الملكه ( بدر عاقد حواجبه ومركز بيسمع شصار بعدها) سمعت ردك الي ذبح فرحتي اغتال بسمتي
وزرع الخوف والرفض منك بداخلي تعرف بدر شقلت .."نوف انتي تعرفين اني وافقت على هالزواج عشان خاطر ابوي وعماني والا انا ماني موافق خلاص مو كفايه نفذت لكم كل الي تبون لاتطالبوني بشئ ثاني ..انا قلت لك انا مااااابي رغد ولاابي اظلمها معي وانت مافهمتوني لاتطلبون مني شئ مااقدر عليه "..( بدر نزل راسه وضرب بيده على رجله) بوقتها ماكنت اقدر ارفض او انهي الزواج
كان مستحيل احد يوافق لكذا ماكان عندي الا الاستسلام لهذا الواقع المر الي قلب فرحتي حزن والتفت لبدر وقالت
لكذا قررت اخذ حبوب مو لاني مااحبك او ارفضك اخذتها ..لا.. اخذتها لاني خايفه من حياتي معك خايفه من رفضك لي
خايفه اني .....وسكتت وقام بدر لها

بدر...لارغد ارجوك لاتقوليها كنت مغفل ضيعنا سنه من حياتنا انتي تتألمين وانا اكابر احساسي تجاهك صح أنا الغلطان
لكن لو قلتي لي من الاول كان اقولك اني ماتزوجت حتى اطلق صح رفضت المبدأ وحملتك مسؤولية رفضي لكن
رغد خلاص انسي الحين كل شئ واضح وهذي غلطه علمتنا اننا مانخبي شئ
عن بعض ونواجه بعض مهما كانت الظروف

ابتسمت رغد وقالت ...لحظه واخذت الصندوق وجلست هي وبدر
رغد...افتح هالصندوق بدر هذا الصندوق هديتي لك سنين حبي جمعت لك من بعض ثوانيها هديه قررت تكون
هدية ذكرى زواجنا ..

ابتسم بدر واخذ الصندوق ورفع عينه لها...قبل ماافتحه اتمنى تكون حياتي معك كلها سعاده رغد كل سنه وانتي حبي

رغد ضاعت كل الحروف منها ماعرفت شو ترد وسكتت وبدر فتح الصنودق وتفاجئ من الي بداخله
بدر...رغودتي هذي مناديل

رغد بأعذب ابتسامه....صح لكن افتح كل منديل

بدأ بدر يفتح المناديل ويقرأ كل منديل يحمل تاريخ وذكرى لكن الي يجمع بينهم انها ذكرى لبدر متى بكت رغد لتعبه
او وقت ماسافر او وقت رجعته او حصوله عالشهاده ومع كل منديل كان بدر يبتسم او يضحك وبعد ماانتهى

بدر وبنظره كلها مشاعر....سامحيني رغد

رغد....بدر مو قلنا ننسى خلاص ننسى

بدر.....رغودتي بسألك سؤال محيرني

رغد....اسأل عمري

بدر....رغد هالسلسال تقريبا يوميا عليك شو يعني لك

ابتسمت رغد وشالت السلسال من رقبتها واعطته بدر...

رغد....حاول تتذكر

وظل بدر يتأمل السلسال ....مااتذكر

رغد....من اربع سنين قبل اخر سفره لك بالمزرعه اعطيت ريوف هالسلسال وقلت لها انك حصلته عالارض
وكان لي ولان يدك ضمته صار يعني لي ولا صرت استغنى عنه

بدر وبأبتسامه ....رغد انتي مجنونه

رغد. وبخجل ...بحبك

بدر.. والظاهر بتجننيني بحبك ...انزين مابتخليني اعطيك هديتي
رغد وتتلفت باغرفه....وينها

بدر...هههههههه هديتي غير

رغد....طيب

بدر...هديتي كلمه وحده وظل يتأمل رغد بعدين قال ....أحــــــبك

ابتسمت رغد واستحت ....اغلى هديه بحياتي

وبكذا ارتاح بدر لانه اعطى مشاعره الحريه بالتعبير وريح الانسانه الي حبته ومازالت تحبه وانتهت الليله عليهم حلوه
وكأنها ليلة زواجهم مو الذكرى ..

بالصباح اتصلت ريوف وبشرتها رغد بتغير بدر والي صار وفرحت ريوف من كل قلبها لكن ماامداهم يفرحون
الا وصل لهم خبر كدرهم وبالاخص عبدالله توفت الصباح جدة عبير الي ساكنه عندها واول ماوصل الخبر لريم راحت عندها وكل البنات وام سعود راحوا لها لان عبير من زمان تعرفهم ويعرفونها وكانت عبير منهاره مو قادره تستوعب الي صار كيف تعيش بعد جدتها كيف وظلت عبير تعاني وتتعذب وعبدالله يتطمن عليها من رغد ومرت ايام العزى سريعه

وانتقلت عبير لبيت خالها وهذا الشئ الي ماكانت تتمناه ابدا لكن ريم اصرت عليها تجي عندها العصر تغير جو

ووصلت عبير والحزن واضح على وجهها حاولت ريم ورغد وكل البنات انهم يطلعوها من حزنها لكن وين يقدرون هالانسانه فقدت الامل من جديد

ريم....عبير لاتكوني متشاءمه حرام عليك

وهنا دق جوال رغد ولاول مره تعملها رغد ردت من غير مااحد ينتبه
عبير ولاحست بشئ على طول قالت

...لماذا بعد الفراق ..نبحث عن صديق يفتح لنا ابوابه
عن انسان يجيد استقبال احزاننا في محطات قلبه ..
نثرثر له بهدوء الموتى..وربما بحماسة الثائرين ..
ننزف تفاصيل الحكايه امامه ..ننثر علامات الاستفهام بوجهه ..
لماذا بعد الفراق ..نمتلئ بالخوف المريع
لاننصت سوى لصوت انيننا ولانشم سواء رائحة الحزن المنبعثه من اعماقنا
ولانتذوق سوى أدمع خلفتها التفاصيل النهائيه لحكايه كانت جميله
لماذا بعد الفراق ..نمارس كل أنواع الموت
فنموت اختناقا
ونموت رعبا
ونموت حزنا
ونموت ندما
ونموت غربه
ونموت وحده
ونزور كل مدن النهايات ..؟؟ ( كتابات عبير بالقصه جميعا للكاتبه المبدعه شهرزاد )

التفت عبير والكل يسمع لها ..تحبون تعرفون ليه

لاني فقدت الأمان فقدت امي وابوي واحتضنتني جدتي ربتني علمتني
اعطتني كل شئ ماقصرت معي حتى براحتها ومن سنوات طاحت مريضه
سهرت عندها بكيت عندها وتحت رجولها كان لوجودها راحه وهيبه لوجودها
حنان ورحمه والحين ماتت ماتت ورحت عندهم لو اموت بغرفتي مااحد عرف ..خالي

طوال وقته بالشغل ومرته عمري ماشفتها بالبيت وعيالهم برا يدرسون لاتطلبون مني
شئ الامل مات معا مات00 مات 00مات00 وبدت تبكي هنا قفلت رغد الخط

وراحت ريم واحضنت عبير الي كانت تعاني من فقدان الامل

طلعوا البنات وتركوا عبير مع ريم حتى تأخذ راحتها اكثر
وعلى طول اتصلت رغد بعبدالله

عبدالله ...هلا رغد طمنيني

رغد...البنت معذوره الي صار مو سهل

عبدالله...ادري هي كيفها الحين

رغد...متكدره متضايقه حاسه بالغربه

عبدالله...رغد كلميها

رغد..بأيش

عبدالله ...قولي لها بخطبها

رغد...عبدالله انت صاحي

عبدالله....اكون مجنون اذا اشوفها كذا واسكت باي

رغد..عبدالله اسمعني

عبدالله...باي رغد

سكر عبداله وابتسمت رغد وقالت الله يوفقكم لانها تعرف عبدالله مايتمنى اي شخص يعزه ويحبه
يتألم فكيف بالانسانه الي اختارها قلبه وعقله

عبدالله على طول طلع لشركه وكلم ابوه وعمانه الي عارضوه لان البنت جدتها مالها اسبوع متوفيه

عبدالله...معكم حق ادري لكن لهذا السبب انا بخطبها

ابو خالد...عبدالله انت تعرف البنت

عبدالله...هالبنت كلمتني رغد عنها قبل واتفقت معها اني بخطبها لكن القدر ان جدتها تتوفى

ابو سلطان..طيب ياابوي اصبر والا شرايك ياابو سعود

ابو سعود....لا بنخطبها لها ونقول لخالها اننا نبيها ونعرفها من زمان البنت ربيتها مع بنتي ولاابي احد غريب يأخذها وهي يتيمه وبنت اصول ومتربيه

ابو سلطان..والله يااخوي انت تعرف خالها زين واذا تشوف انه مابيأخذ على خاطره نتوكل على الله

وفعلا راحوا لخال عبير الي ماعارض الزواج ابدا لكن الي انصدمت عبير كيف تتزوج وجدتها توها متوفيه

رفضت لكن ريم اقنعتها بأن عبدالله هو الامان بعد الله ثم فقدان جدتها ووافقت بشرط انها ماتعمل زواج

ووافق عبدالله وقال ....مو مهم الزواج انا لو عملته بعمله لها لخاطر ادخل الفرحه بقلبها واذا كان بيكدرها
لا أنا الي يهمني انها تكون معي

وضغط عبدالله على عبير انها بمدة شهر تكون جاهزه ويتزوجون لكن الغريب هنا ان عبدالله ماشاف عبير

ولما حاولت رغد انه يشوفها قال لها ..الجمال شئ رائع لكن ماخلف الجمال هو الاروع وأنا توصلت لما خلف الجمال لما اتراجع لارى الجمال ..

رغد....هههههههههههه عبدالله حرام عليك بتذبحني

وتزوج عبدالله وعبير واهدى عبدالله عبير السعاده لما بناء الامل بحياتها لغرض البناء مو الهدم وقدم لها
اسمه وحبه وقلبه وصدقه وثقته ..واعطته عمرها وسعادتها وحياتها كلها ملك ايده

اما ريم فرفضت ان زواجها يكون الحين وقررت انه يكون بنهاية السنه وانقهر خالد منها لكنهم نفس الطينه وقدروا يتفقون ومرت الايام بسرعه وتزوجت ريم وخالد وكانت الحياة حلوه وتلاشى خوف ريم لان خالد كان مختلف بأسلوبه لكن اسلوبه هو الصح لكذا قدر يرسم الخطوط الصحيحه لحياته مع ريم ..

باقي شخصيه كان لها تأثير كبير على حياة رغد وبدر ....لمى انخطبت وتحدد زواجها وراحت رغد لزواج

ولما طلعت تسلم عليها

لمى...لاتتوقعين اني تزوجت اني بتركك بحالك

رغد...اولا مبروك والله يوفقك وثانيا انا ماخفت منك وانتي بنت وقلت لك اذا يحبك حلال عليك وبخاف وانتي متزوجه
لكن بقول لك كلمه الحين انتي بينك وبين زوجك ميثاق غليظ الله الشاهد عليه صونيه ولاتحاولين تهدمين حياتك

نزلت رغد وتركت لمى بحالة ذهول من كلامها وشوي طلبت من مها تنادي رغد ولما وصلت لها رغد

لمى...شكرا رغد لانك ذكرتيني ان الله شاهد علي شكرا لانك قدرتي بكلمه تنبهيني شكرا رغد وسامحيني لاني

رغد قاطعتها ...الله يسامح الجميع والله يوفقك

اما نواف قرر انه يكلم امه وتخطب له مها الي عجبته من كلام خواته وحس انها تناسبه ..

وبكذا قدر بدر يعطي رغد الحب بعد مااعطى مشاعره الحريه وقدرت رغد تحضن السعاده بعد الصبر

وبالغرفه رغد تكلم امها دخل بدر بيأخذ اوراق نساها وهو طالع لفت نظره علبه عالطاوله قرب واخذها والتفت على رغد وقال

بدر...انسي موضوع هالحبوب ابي رغوده صغيره

ابتسمت رغد وابتسم لها بدر وطلع يكمل شغله وهو كله وله وشوق للانسانه الي اهدته السعاده ..


ان شالله اعجبتكم الرواية ؟؟؟
و لكم مني رواية ثانية بس أول ابي ةرايكم بهالرواية


#** خووووووخة **#
{" خوخة "} غير متواجد حالياً   اضافة رد مع اقتباس
قديم 11-07-2006, 00:17   2
0*عوشي*0
محررة الماسية في عالم حواء
 
الصورة الرمزية الخاصة بـ 0*عوشي*0
التسجيل 25-10-2005
البلد : حــــ/ـــ/ـــ/ـــــاوية وعيني قــــــوووووووية
المشاركات 5,777

يسلموووووووووووووووووووووووووو وووووووووووووووووووووووووووووو و

الروووووووووايه روووووووووووووعه

>>>> طماعه>>>> لو فيه تكميله لهاذي الرواية كملي>>>> اندمجت معهاااا

مشكورة



---------------------------
سلمت يديكي اختي الغاليه روموز على التوقيع الاكثر من رائع جزيتي خير
-----------------------------------------------------------------------

-----------------------
مشكوووووورة اختي السنعه شووكرن
0*عوشي*0 غير متواجد حالياً   اضافة رد مع اقتباس
قديم 11-07-2006, 00:17   3
0*عوشي*0
محررة الماسية في عالم حواء
 
الصورة الرمزية الخاصة بـ 0*عوشي*0
التسجيل 25-10-2005
البلد : حــــ/ـــ/ـــ/ـــــاوية وعيني قــــــوووووووية
المشاركات 5,777

يسلموووووووووووووووووووووووووو وووووووووووووووووووووووووووووو و

الروووووووووايه روووووووووووووعه

>>>> طماعه>>>> لو فيه تكميله لهاذي الرواية كملي>>>> اندمجت معهاااا

مشكورة



---------------------------
سلمت يديكي اختي الغاليه روموز على التوقيع الاكثر من رائع جزيتي خير
-----------------------------------------------------------------------

-----------------------
مشكوووووورة اختي السنعه شووكرن
0*عوشي*0 غير متواجد حالياً   اضافة رد مع اقتباس
قديم 11-07-2006, 00:20   4
0*عوشي*0
محررة الماسية في عالم حواء
 
الصورة الرمزية الخاصة بـ 0*عوشي*0
التسجيل 25-10-2005
البلد : حــــ/ـــ/ـــ/ـــــاوية وعيني قــــــوووووووية
المشاركات 5,777

يسلموووووووووووووووووووووووووو وووووووووووووووووووووووووووووو و

الروووووووووايه روووووووووووووعه

>>>> طماعه>>>> لو فيه تكميله لهاذي الرواية كملي>>>> اندمجت معهاااا

مشكورة



---------------------------
سلمت يديكي اختي الغاليه روموز على التوقيع الاكثر من رائع جزيتي خير
-----------------------------------------------------------------------

-----------------------
مشكوووووورة اختي السنعه شووكرن
0*عوشي*0 غير متواجد حالياً   اضافة رد مع اقتباس
قديم 21-07-2006, 03:34   5
أشواق زوجة أحمد
عضوة نشيطة
التسجيل 10-05-2005
البلد : أجري في عروق حبيب قلبي أحمد
المشاركات 158

حبيبتي الروايه حلوه ومشوقه جاتني على جوالي

مارتحت الا لين خلصتها


من قال [حسبي الله الذي لا اله الا هو عليه توكلت وهو رب العرش العظيم] كفاه الله ما أهمه

اللي في خاطرها شيء من الفلبين كريم ولا عطر ولا........ URL="http://forum.hawaaworld.com/showthread.php?t=618242://"]http://forum.hawaaworld.com/showthread.php?t=618242://[/url]
أشواق زوجة أحمد غير متواجد حالياً   اضافة رد مع اقتباس
إضافة رد

أدوات الموضوع البحث في هذا الموضوع
البحث في هذا الموضوع:

بحث متقدم
طريقة عرض الموضوع

الإنتقال السريع


الوقت المعتمد في المنتدى بتوقيت جرينتش .
الوقت الان » 03:48.

مواقع عالم حواء | اعلن معنا
جميع الحقـــوق محفــوظة لشبكـة مـــواقــــع عــالم حــواء

[الصفحة الرئيسية] [المنتديات] [الفتاوى الجامعة]


Powered by: vBulletin Version 3.7.1
Copyright ©2000 - 2014, Jelsoft Enterprises Ltd