صلو ع النبي و شوفو جيف شعري استوى كثيف و ناعم و طول اكثر من 10 سم في شهر - ارشيف منتديات عالم حواء
ارشيف منتديات عالم حواءارشيف منتديات عالم حواء

العودة   ارشيف منتديات عالم حواء > القسم العام > الجمال والأناقة > ركن العناية بالشعر
المنتدى البحث المشاركات الجديدة التأشير على جميع الاقسام بالمشاهدة

إضافة رد
 
أدوات الموضوع البحث في هذا الموضوع طريقة عرض الموضوع
قديم 05-07-2006, 12:21   1
yuliaa
عضوة نشيطة
التسجيل 23-05-2006
المشاركات 176

بسم الله الرحمن الرحيم ... سلام عليكم يا بنوتات يا حلوات ؟...

طبعا كلكم تحبون الشعر الطويل و الناعم و الكثيف اهم شي طبعا .. ماشالله الشباب ها اليومين الشعر مهم عندهم وااايد وااايد

بنات طبعا لي طلب منكم قبل لا اقلكم جيف شعري طول و استوى حلو ,,, ابيكم تقولون ماشالله لاني صج اخاف من الحسد .. .. و انا بس بغيت عرض لكم تجربتي علشان تستفيدون و تدعولي لاني محتاجه للدعاء

اول شي خل اقولكم انه انا شعري كان طويل و حلو بس قام يتساقط عقب ما حنيت شعري عقب الصبغه بكم يوم و صار خفيف بشكل فضيع .. المهم قام شعري يتساااقط وااايد و مرات كنت يوم اسبح و الله الحمام الله يعزكم كله شعر متساقط ... و كنت و الله بموت من القهر..
عقب قمت قصيته و توقف التساقط شوي بس شعري كان خفيف .. و عقب استخفيت يوم شفت البنات بالجامعه كلهم يقصون بووي شرات شيما علي و قصيته .. و طبعا عقب تندمت كثر شعر راسي .. و تدرون بالجامعه ما رمت اهتم بشعري و لا حتى احط فيه شي ... و يوم يت ها الاجازة قررت اهتم فيه و ارده احسن عن قبل ... وشو فو شو سويت ..


سويت لي نظام حلو .. و ماشالله طول شعري بشهر بس و الحين ها الاسبوع اللي عقب الشهر وانا مستااانسه وااايد ... شعري الحين تحت جتفي بشوي و من غير انا شعري طبيعته ما يطول بسرعه .. يعني اتخيلو بشهر من بوووي لشعر لتحت الجتف .. و مب بس طووول ,, و الله كثاااافه و صحه و كل حد ما ابالغ يشوووفه لازم يسالني شو سويت فيه و علشان جذي اتشجعت اقول لكم علشان تستفيدون .. يعني اكيد البنت اللي شعرها اطول بيطول تقريبا قد الكف و اكثر بشوي .. هذا بشهر .. و باقي شهرين على الاجازة و استغلو فرصتكم ..
حنى اليوم اختي بتيي البيت و هي من اكثر من شهر ما شفتها لانها ماخذه كوورس صيفي .. و ابي اافاجاها .. لانها ما تحب الشعر القصير ..


ادري زودتها ... بس و الله فرحانه



خل اقولكم اول شي النظام . .. بس بنات امانه عليكم اللي تستفيد مني .. اللي تبغي طبعا .. تدعيلي انه ربي يرفع معدلي يا رب و اتخرج بمعدل امتياز و انه الله يوفقني بدراستي ..


شوفو يا بنات ..

انا كنت كل يوم احط زيت و اخليه اليوم الثاني و اغسله باليوم الثالث .. يعني مثلا .. ادهن شعري يوم السبت عقب ما اغسله و يوم السبت ما اغسله و يوم الاثنين اغسله .. اتمنى وصلت الفكره .. و يوم الاثنين اسوي 3 ماسكات لشعري ,, ماسك تغذيه و ماسك تطويل و ماسك حق التكثيف .. و مرات اح 4 وياهم ماسك حق التطويل .. طبعا كل ماسك ما يزيد عن ساعه بس .. و اذا كثر يعني ساعتين يكون ماسك حمام زيتي .. و بعدين اغشل شعري .. و طبعا اغسله بشامبو ما يضر الشعر يستخدمونه الهنوود و بعدين انشفه شوي بالفوطه و اخليه بروحه ينشف و ما اربطه .. و اقعد حوالي 5 ساعات .. بدون شي على شعري .. و بها الخمس ساعات .. عقب ما يجف اسوي له تدليك يعني مساج و انا اطالع التلفزيون اي وقت تبين .. و يوم ايي امشطه امشطه بالجل يعني و راسي لتحت .. ترى هذا واايد زين .. المهم عقب الخمس ساعات ارد ادهنه بالزيت نفسه او زيت ثاني ... على كيفج .. بس انا كنت ادهنه بنفس الزيت لانه واايد اوكي و يطول و يكثف الشعر ... و شفت ناس مجربينه ... طبعا انتو ترومون تستخدمون اي زيت .. عادي ..ينفع .. و اعيد نفس النظام يعني اليوم الثاني ما اغسله و اليوم الثالث اغسله و ارد احط الماسكات .. و طبعا كل مره اغير بالماسكات يعني كل 3 ايام ماساكات غير و مرات عادي اعيدها .. حسب الاشيا اللي عندي

خل الحين اعطيكم بعض الماسكات كبداية و اذا بغيتو زياده انا حاضرة ...

1- ماسك تغذيه
3 ملاعق كبار مايونيز و عصير ليمونه و تحطين اي زيت موجوده عندج .. يعني زيت زيتون و زيت خروع و زيت سمسم او ايزيت حق الشعر .. و ترى نقادير المايونيز و الزيت ع كيفج تتحكمين فيهم ..
و هذا الماسك نفس حمام الزيت يعني حطي ع كيفج .. انا اخليه ساعتين لانه ينشف عقب .. و ريحته تكون على حسب الزيوت اللي انتي محطتنها.. و بنات لا تستخدمين المايونيز اكثر من مره بالاسبووع

2- ماسك كثافه
ملعقة عسل و ملعقه كبيرة زيت زيتون و صفار بيضه و تخطينهم و تحطينهم ماسك لمدة نص ساعه .. و بعد البيض ما تستخدمينه اكثر من مره بالاسبوووع على شعرج سواء صفار و لا بياض ..

3- ماسك تطويل
تحطين نص كاس براشوت و ملعقتين خميرة فوريه .. و تحطينهم على النار لحد ما تسخن شوي بس .. و خليها على شعرج ساعه او اكثر .. و هذا الماسك عادي تحطينه مرتين بالاسوبع .. طبعا هذي المقادير قد شعري .. يعني اللي شعرها طووييل تضاعف الكميه .. و بنات يا ليت تسوين مساج قبل لا تغسلينه و حتى و انتي تحطينه بشعرج

4- ماسك تنعيم
تحطين رووب يعني زبادي و عسل و زيت زيتون .. كميات متساويه و تحطينهم شرات حمام الزيت .. تقريبا ساعتين او لحد ما يجف ..

بنات هذي 4 ماسكات تحطينهم كل ثلاث ايام .. و بالنسبة للزيت اللي كنت استخدمه .. كنت استخدم زيت وحده هندية تسويه و الحين بدى يخلص عني و الله يعين الحرمه بعدها بترد عقب اسبوع من السفر و محتاااسه .. بنات بامكانكم تستعملون اي زيت تحسين انه اوكي و فادج بس يا ريت لو يكون زيت خلطه يعني مب زيت زيتون او سمسم .. لاااا ... تستعملين اي خلطة من اي عطاار و لا الحريم اللي يبيعوون .. و كل ما كانت ريحتها خايسه .. ترى احسن وااايد ..ككككككككككككك

بنات اتمنى اني وصلت لكم المعلومة ... و ان شالله كلكم تحصلون شعوور حلووووة و ما اوصيكم على شعوووركم ... اذا في شي نسيته عقب بقوووله .... ادري طولت
اذا تبون ماسكات ثانيه ترى اطلبومني لانه عندي واااايد ... مشكورين


yuliaa غير متواجد حالياً   اضافة رد مع اقتباس
قديم 05-07-2006, 12:30   2
فلة غلا
عضوة فعالة
 
الصورة الرمزية الخاصة بـ فلة غلا
التسجيل 13-05-2006
البلد : قلب امي وأبي
المشاركات 287

تسلمين الغاليه بالتوفيق في جامعج


فلة غلا غير متواجد حالياً   اضافة رد مع اقتباس
قديم 05-07-2006, 12:32   3
sa7el
عضوة نشيطة
التسجيل 03-06-2006
المشاركات 119

ماشالله،، الله يسعدج ****لله،، و الله الخلطات حلوة،، بس بالنسبة لي ما أقدر استخدم وايد زيوت لأن شعري جاف،،، بيستوي جاف أكثر،،، أنا خبرتني وحدة في الصالون أستخدم كريمات أحسن عشان شعري جاف،،، بخاطري أجرب وصفاتج،،، بس عالعموم مشكورة يالغالية و عقبال ما يوصل لركبج


الســـــــــاحل


sa7el غير متواجد حالياً   اضافة رد مع اقتباس
قديم 05-07-2006, 12:50   4
شمس العشاق
محررة في عالم حواء
 
الصورة الرمزية الخاصة بـ شمس العشاق
التسجيل 04-09-2004
البلد : دار والدي زايد
المشاركات 1,184

مشكوره حبيبتي مشكورة وايد وانا سيفت هالصفحه لاني ناويه اطبق اللي فيها ...

والله يهنيج بشعرج يارب




شمس العشاق غير متواجد حالياً   اضافة رد مع اقتباس
قديم 05-07-2006, 14:42   5
موضة
محررة في عالم حواء
 
الصورة الرمزية الخاصة بـ موضة
التسجيل 11-04-2003
البلد : السعودية
المشاركات 1,158

ماشاءالله تبارالله الله يمتعك فيه بالعافيه ويرفع معدلك





موضة غير متواجد حالياً   اضافة رد مع اقتباس
قديم 05-07-2006, 16:31   6
ريماني86
عضوة
التسجيل 23-11-2005
البلد : عيــ الغلا ـون
المشاركات 96

الله يهنيك بشعرك حبيبتي وترفعين معدلك وتتخرجين ب فوق الممتاز بعد^_^

حبيبتي بغيت اسالك،، انتي تقولين بنفس اليوم نحط 3 ماسكات؟ يعني كل ساعه نغسل ماسك ونحط ماسك ثاني؟؟ هالطريقه مب متعبه للشعر؟؟!!


ريماني86 غير متواجد حالياً   اضافة رد مع اقتباس
قديم 05-07-2006, 16:38   7
فراشة بلا أجنحة
عضوة نشيطة
التسجيل 28-03-2003
البلد : الكويت
المشاركات 107

ماشالله تبارك الرحمن
الله يهينج يا رب


عرفت الناس و الدنيا و طريقي و عرفت ان الهوى كذب و أماني 000
فراشة بلا أجنحة غير متواجد حالياً   اضافة رد مع اقتباس
قديم 05-07-2006, 16:49   8
miss alnoor
عضوة
التسجيل 19-01-2005
المشاركات 65

الرسالة الأصلية كتبت بواسطة ريماني86 »
الله يهنيك بشعرك حبيبتي وترفعين معدلك وتتخرجين ب فوق الممتاز بعد^_^

حبيبتي بغيت اسالك،، انتي تقولين بنفس اليوم نحط 3 ماسكات؟ يعني كل ساعه نغسل ماسك ونحط ماسك ثاني؟؟ هالطريقه مب متعبه للشعر؟؟!!
نفس سؤال الاخت..
وان شاءالله يرتفع معدلج وتتخرجين بامتياز


miss alnoor غير متواجد حالياً   اضافة رد مع اقتباس
قديم 05-07-2006, 16:53   9
توتة03
محررة برونزية في عالم حواء
 
الصورة الرمزية الخاصة بـ توتة03
التسجيل 25-03-2006
البلد : ينبع
المشاركات 2,297

ماشاءالله تبارالله الله يمتعك فيه بالعافيه ويرفع معدلك


[IMG]

توتة03 غير متواجد حالياً   اضافة رد مع اقتباس
قديم 05-07-2006, 17:15   10
ام امنة
محررة برونزية في عالم حواء
 
الصورة الرمزية الخاصة بـ ام امنة
التسجيل 04-01-2003
البلد : سلطنة عمان (مسقط العامرة)
المشاركات 2,038

شكرا على جدولك بس وايد صعب وبالتوفيق فى الدراسة


ام امنة غير متواجد حالياً   اضافة رد مع اقتباس
إضافة رد

أدوات الموضوع البحث في هذا الموضوع
البحث في هذا الموضوع:

بحث متقدم
طريقة عرض الموضوع

الإنتقال السريع


الوقت المعتمد في المنتدى بتوقيت جرينتش .
الوقت الان » 12:13.

مواقع عالم حواء | اعلن معنا
جميع الحقـــوق محفــوظة لشبكـة مـــواقــــع عــالم حــواء

[الصفحة الرئيسية] [المنتديات] [الفتاوى الجامعة]


Powered by: vBulletin Version 3.7.1
Copyright ©2000 - 2014, Jelsoft Enterprises Ltd