المختصر المفيد في ملف بنات القصيم مع الشكر لاختنا مظاليم - ارشيف منتديات عالم حواء
ارشيف منتديات عالم حواءارشيف منتديات عالم حواء

العودة   ارشيف منتديات عالم حواء > القسم العام > ســاعــدونـي
المنتدى البحث المشاركات الجديدة التأشير على جميع الاقسام بالمشاهدة

إضافة رد
 
أدوات الموضوع البحث في هذا الموضوع طريقة عرض الموضوع
قديم 08-02-2006, 22:04   1
إبــــداع
عضوة فعالة
التسجيل 23-04-2005
المشاركات 483

السلام عليكم ورحمة الله وبركاته ..

اختصارا للوقت والجهد ولكي تعم الفائدة من ملفنا القديم فتحنا هذا الملف الجديد الذي خصصناه للمفيد فقط مما ورد في ملفنا السابق ..

وهذا إيجاز فوائد صفحة 1 ــــــــ 10

أفضل دكتور جلدية الدكتور مهند بالمستشفى المركزي .. والدكتورة هنادي الي بمستوصف الفيحاء .. والدكتور المسعود في العيادات التخصصية..

تنظيف البشرة يمدحون مستوصف الفيحاء00سعر الجلسة 150
والمستوصف في الفايزية00شارع الثلاثين

وبالنسبة للخياطة فيه خياط العجلان في سوق الديرة ممتاز00
وفيه مشغل خزامى في الفايزية 00جنب الراجحي فيه فلبينية ممتازة اسمها زينب

بالنسبة للاقمشة فية محل السنديانة000تراه مرة رهيب وعنده موديلات حلوة وجديدة
بس سعره حليل00

امابالنسبه للمشاغل فيه مشغل رانيا خيطوا عنده بنات عمي والكل يسال عن فساتينهن روحي له هي تطلع لك الموديل واساليها منين تاخذين القماش.....بس اسعاره ناااااااار ....

وفيه عنده فساتين للبيع طبعا اغلبهن ملبوس... مره حلوات بس اغلبهن عاري مرررررره.....

وفيه مشغل ليالينا يوم زواجي رحت له وصاحبة المشغل هي اللي طلعت لي انا وخواتي موديلات صراحه ذوقه حلو....واسعاره يابلاش حلوه مره ....والخياطه اللي فيه تساعدك على الاختيار ...وتقول لك وش اللي طايحين فيه .......بس ترى ماادري هي الى الحين موجوده الخياطه ولا لا....ورقمهم عندي اذا بغيتي تسالين.......

بجواب على بعض اسئلتكم اللي اعرفه عنها
1/ اللي اسئلوا عن العيادات التخصصيه انا وحده من اللي جربوا ومن سنين وانا عندهم جربت الدكتوره دعاء وعالجت عندها 2سنه وهو جلدك يخال لو تسوفه بليفه فلوس بالفاضي الى اني سويت الجلسات اللي بحامض الفواكه خرطي!!!
انا مااقدر اقول عنها شي لا ن الحالات تختلف فشل ونجاح لكن الاغلبيه يقولون موزينه انا ماايئست رحت للدكتور المسعود تدرون وش قال :::::ماشاء الله يافلانه ملفك مليان يقصد مراجعات وانا الى الان عند المسعود بس شغل روعه لي يمكن 7شهور اتعالج عنده وهو عطاني حبوب 6اشهر ثم خلطات والكل ملاحظ الفرق في بشرتي

2/ المشاغل بصراحه انا مااقتنع والا ارتاح الا لمشغل(شهد) الكوفيرات والصبغ والمكياج عندك نورا وبديعه صبغت شعري كل يسال وين ومين؟؟
_مشغل الهنوف فيه ام طارق واظن بنته حلو مكياجهم
اما الخياطه الله يخليلنا ابو هنود عطيه المقاس والموديل مضبوط وخلاص احسن وارخص من المشاغل وفيه مشغل وحده سعوديه باول شارع الصناعه بعد محلات الباحوث حلوخياطه بس الحيم مادري هي فيه لا نالمشغل متغير؟؟
3/ محلات الا قمشه عندكم محل (عالم نرسيان)بشارع الصناعه روعه اقمشته حراير بس غالي؟؟؟؟
هذا اللي عندي واتمنى خدمتكم!!!!!!

بالنسبة للي تسأل عن نادي صحي للتخفيف فيه مركز في جمعية الملك عبد العزيز
والدوام العصروتفتحي ملف + 12 جلسة = 350 ريال بالصفراء00قريب من السجن
علشان اللي ماتتدرب زين يودونها للسجن>>>>>>هههههههه
ورقمهم

xxxxxxlمخالف
وتحويلة

114
المدربة فلبينية وعقبال متروح الكروش عند الجميع بالنسبة للاواني المنزلية احسن واكبر محل فيه كل شيء هو الصانع في نهاية شارع الملك عبد العزيز بالزاوية
وفيه فرعهم الجديد في طريق الشاحنات
اما الذهب فما فيه الا سوق الذهب اللي في السوق الداخلي خوذي لفه سريعه عليهم
وتبغين شيء حلو ومميز فيه المحيطب ترى عنهم اشكال روعة وغريبة
واما الخواتم الثلاث انا مره شريتها بس من زمان يوم بنتي بالاشهر
بس اتوقع تلاقينها عند اغلب المحلات وان كان مانسيت شفتها قبل فترة عند محل الرسيني

انا ابغى اخذ دورة حاسب ودي اتعلم الفوتوشوب والفلاش وين اروح
اذا كنتي تبغي تعلم على سنع بس ترخي الجيب عندك نيوهرايزان الخليج
واذا كنتي تبين ارخص بس التعليم شوي احس انه يعني بس هو المعهد على حسب البنت اذا هي حابه تجتهد وبعض البنات جاين يتقهون
عندنا بالكليه معهد E.M.Cاشوف كثير بنات داخلينه دورة فو توشوب وفلاش ونت وكل ماتبي المعهد له فروع كثيره من ضمنها فرع بالكليه العلميه والفرع الثاني بكلية الاقتصاد المنزلي وهو موجود على بعض مناطق المملكه المعهد

للي سألت عن احسن مكياج جبت لكم الخبر اليقين..
ببريده لاتتعدين دار شهد فيه وحده اسمها نوار..
وبعنيزه مشغل بيوتي بالاس وحده اسمها سلوى

انا يوم زواج اخو زوجي قلت ابحط مكياج وتسريحه <ماحصلتشي > ابكشخ قدام الحموله
وانا مو كل مكياج يعجبني ابي مكياج صح وسوته لى وحده اسمها عوافي بمشغل ليالينا بس مكياج خيال كان انهبل عليه حتى التسريحه حلوة ممكن تسويلك بروفه قبل بس كل شى بحقهاذا كان الزواج عند حمولتك نصيحتي لا تفوتينه

وبالنسبه للمشاغل حق التيورات والفسا تين الراكزة والحلوة عند مشغل <خياط عهود> اللي بالصفراء جدا <فهوم وركيز > والمشاغل النسائيه مشغل رانيا
مشغل نور ومشغل روووعه بس روعه احلى وااركز وإذا تبغين ابو هنود خياط السكران باالفايزيه......

الي تبي تروح الكريشة ودة اتدرب فية مستوصف العضيب فية دوراة وجلسات وماهب غالين

ورقم السعودية الي تضبط المكياااج مرررة اسمها ام ابراهيم
رقم منزلها
xxxxمخاف الارقام على الخاص
ولازم تتصلون عليها تحجزونها من الحين لانها مزحومة اذا بغينها نحجزها من شهرين او اكثر

فيه خياط العجلان في سوق الديرة ممتاز00
وفيه مشغل خزامى في الفايزية 00جنب الراجحي فيه فلبينية ممتازة اسمها زينب

وفيه مصممة اللي من الشريدة بس تراها نااااااااااار

فيه محل شوكو ماري اللي بشارع الصناعة

يسوي الطاولة اللي بعد العشاء فيها علوك والحلاو الحارة والمناقيش
بس شكل خيااااااااااااااااااااال يعني فن شموع وحركات وسعرها رخيص 600 ريال فقط لو تساليه يمكن يفيدك واسالي محل بنيز يمكن يسوي هالشغلات ولو تبين الرقم هذا هو رقم محل بونيز xxxx

ببريده فيه مقهى عائلات اسمه القهوه العالميه عند دوار الطازج .. روعه لا يطوفكم
برضوه بعنيزه فى مقهى عند بنده تلقون باب العائلات من ورا .. برضوه حليو ..

هذا قهوجي ممتاز جدا حنا جايبينه بزواج اختي ومعه زوجته وش حليله رهيبه حتى يجيبون معهم البيالات والفناجيل وكل شيء يعني ما عليهم كلام
ابو سليمان
xxxxxxx
احسن مستوصف للرياضة :سلامات لكن يخسارة مافيش الآن الي يجي بعده:راما وان شاء الله ابروح قريييب واقولكم عنه .
احسن المدارس الاهليه:رياض القصيم
وعندي لكم مصريه انما ايه شغل 100% للمكياج وقص وصبغ للمعلومه تراها سابقا صاحبه مشغل واسعارها ممتازة قص معوف 50
مكياج ماادي 100 او 150 المشكله اني مسويه عنده كم مرة لكن نسيت
الي تبي هذا الرقم رقم المصريه ام ندى :xxxxxx

محلات الديكور ماليات بريده .....
الراجحي بالساده ,,,,,,,,,رخيص وكويس,,,,,,,
وافنان لديكور
واريج......


إبــــداع غير متواجد حالياً   اضافة رد مع اقتباس
قديم 08-02-2006, 22:17   2
إبــــداع
عضوة فعالة
التسجيل 23-04-2005
المشاركات 483

وهذا ما اختصرته الأخت آآآزا جزاها الله خيرا .. من صفحة 11 ــــ 20

هذا تلخيصي من صفحة 10 الى 30
احسن مستوصف للرياضة :سلامات :راما مستشفى الفريح ترى بوه تمارين .احسن المدارس الاهليه:رياض القصيم
وحده تجيب اغراض من الشرقيه للقصيم للي يبغى تجيب مكاياج واجهزه من يو مارك للبنات والظاهر اي شي تبغينه ولها سنتين تقريبا تجيب بس الظاهر لازم تحولين الفلوس لحسابها قبل استلام الطلب وترسله لك
اذا تبغونه جبت الرقم منها
البنات ماقصروا كلهم مدحوا دار شهد صباح بمشغل سيدتي
هذا رقمها 0xxxxشفتي محل اواني الاميرات اللي عندكم بعنيزة تراه يجيب اشياء حلو ةوعندكم بعنيزة محل (رهيب) للتحف تراه رهيييييييييب على اسمه ايضا عندنا محل العبد اللطيف الاقتصادي اللي بسوق الديرة فيه تحف واشكال حلوة

أولا : العطور محل خالد للعطور , ومحل المفلح , وكذلك صبغات وكريمات وشامبوهات ووووووو إلخ .
ثانيا : الملابس الداخلية روحي شارع الملك عبد العزيز بالسوق الداخلي , يسار محل العالمية للأحذية فيه دخلة للقبة , ادخلي من عندها يجيك على اليسار محل اسمه ( الجطيلي ) .. هذا رخيص مرررة .. خوذي حاجتك منه , أما قمصان النوم فإذا تبين شي زين مرررررة فلا تخلين إيتام في موسم التخفيض !!!!!!
وإذا تبين شي رخيص وحلو بنفس الوقت روحي مركز ( مبارك ) في عنيزة .. عنده قمصان النوم حلوة وناعمة و سعرها بـ 18 ريال بس !!!! أرخصصصصصص !!!
ثالثا : ملابس الأطفال : إذا تبين ملابس للطلعات الخفيفة روحي : بيت الطفل / باوارث الي في طريق الشاحنات / مبارك في عنيزة ...... هذولا عندهم ملابس حلوووة ونعّومة ورخيصة مررررة , بـ 10 أو 15 ريال بس !!
لكن احرصي انك تغسليها باليد مو بالغسالة حتى ما تخرب عليك وتبهت وتحبّب !!
أما إذا بغيت ملابس للطلعات الي هيّه , فروحي لمحل أوكايدي بالعثيم مول في موسم التخفيض , وكذلك محل ما أذكر اسمه بضاعته حلووة تلقينه على نفس جهة كليرز ومكياجي ونعومي في العثيم مول ..
أما في عنيزة ففيه محل ( ممنون ) في شارع الزلفي , وجنبه مملكة الطفل والأخوين , الأول والثاني حلوات والثالث يعني !!!
وبعد لا تنسين طريق الطفل وكيدز توب , تلقينهم مقابل مستشفى الولادة , أحيانا بضاعتهم راقية مررررة , وأحيانا خلاقين ما تشتهين تناظرينه !!!!

رابعا : فساتين السهرة .. ما عندنا الظاهر حسب علمي الا : لمسات طيبة , مقابل مستشفى الولادة .. وفيه بعض المحلات بالعثيم مول , بس ماكد شفت شي يشد مرررة !!

خامسا :تجهيز عدة الولادة والمواليد أو شراء هدايا مواليد : تبين رخيص روحي الحسون الشركة , في شارع الملك عبد العزيز , أو مركز سامرة في الصفراء .. وكذلك بيت الطفل طريق الشاحنات ..
تبين غالي ويواجه : عندك ستي بلازا ومملكة الطفل ومحل في الجديدة في عنيزة أعتقد اسمه عالم الطفل أو شي زي كذا ( كلهم في عنيزة ) , عندهم أشياء حلوووة ..
وفي بريدة عندك بارق , وماذركير وأور كسترا وأوكايدي والقارب الصغير , و .... في العثيم
وفيه محلات حليلة داخل قبة رشيد ..

سادسا : المواعين وعدة المطبخ : فيه غالي وفيه رخيص , الغالي : الصانع والفوزان , بس أغراضهم تستاهل , وفيه أنوار الشبعان هذا عنده من إلى ... ( كل ما تبين ) بس يبيلك وقت تحوسين فيه !!!!
تبين رخيص روحي : سلة البركة , مقابل مكتبة الرشد , عنده علوم كثيرة وحركات بس السعر فررررق شاسع عن غيرهم ..

صابونة الكركم والشاندريكا فأنا لقيتها بعد طلعة الروح عند بقالة هنود في الخبيب !!! وعلى 3 ريال !!
ورقم الكوفيرا ام ابراهيم

xxxxxمحل تجهيز المشاغل عند محمود سعيد باالسوق الداخلي فيه : صابون مغربي بـ8 ريال وفرش شعر وليف جسم ومكياجات وجهاز الحراره اللي تقعدين بوسطه ويخلي جسمك يلق وصبغااات وكريمات صنفره يعني هاالمشاغل اللي يهكون علينا يقولون جايبينه من دبي يكذبون جايبينه من ذا المحل
بالنسبه لهدية المولود اذا كانت بنت عندي لك فكره انا سويتها لحماتي وحلوه جبت سلة حلو كشخه وكان في وسطها دبدوب طلعت الدبدوب وجبت طقم اطفال ذهب وحطيت الحلق او الشغاب في آذان الدبدوب والمجاول بيدينه والسلسل على العنق طلع دب ماودك تصدين عنه شكل غريب وفكره حلوه
السله والدبدوب اخذتهم من وقت الهديه والشوكلاته روعه عندهم ايطاليه اخذت السله مع الدب بـ180 ريال
واذا كان ولد اقولك مه السلامه العيال بلشه؟؟؟
الاسنان :مستوصف العجاجي دكتورة ناهد

واختي جربت ردينه في مستوصف طب الاسنان الحديث

واما المستوصفات الحكومية فمثل ماقالت اختي باغية الجنان

الدكتورة اللي بمستوصف الربوة صراحة خياااااااااااال
سائق السوداني

xxxxx


رقم قهوجي ممتازابو سليمان
xxxxx1
محل الخضيري للفارش تطقيمتالقين اطقم الاسره حقس وحق البيبي وعلبه مناديل وستاره ووووووو حسب الطلب الخضيري للمفارش اللي بشارع اللمك فيصلوبعد رقم اللي تبيع الكليجا
0503645847(ام خالد)بصراحه الكليجا رررروعه
محل ابو ياسر بشارع الصناعة يجيب تالي بضاعة العثيم
رقم الي يبيع معجنات
هلا والله.. هذا رقمه
xxxxxx
اسمه سامي..
اطلبي الي تبينه من المعجنات ويوصله لبيتك..


إبــــداع غير متواجد حالياً   اضافة رد مع اقتباس
قديم 08-02-2006, 22:22   3
إبــــداع
عضوة فعالة
التسجيل 23-04-2005
المشاركات 483

وهذا اختصار الغالية وردة ولا كل الورود :

قمت تلخيص صفحات الملف الاول من(31_41)لكنني
حسيت شي بقلبي يوم شفت اسم مظاليــــــــــم..........ضاق صدري الله يسمعنا العلم الزين عنها وهناك الكثير من البنات فقدنهم فقدنهم،،،،،،
الحين نبـــــــــــدأ على بركة الله


****بالنسيه للمستشفيات والاطباء؟؟؟؟

يمدحون مستوصف البر والدكتورة اللي فيه وبعد العناية والخياطة؟؟؟

احسن دكتوره عندك بمستوصف الرعايه الطبيه اسمها كارمن فتح الملف عندها ب 1300
هي رهيبه وحلوه لوانها تخوفك بقرق ماله داعي بس حرصها حلو
وعندك مستوصف البركه الدكتوره زهير هذي رهيبه وقلبها طيب وشاطره وتريحك ملفها ب 700 ريال
اخسن دكتوره فيه سمغت عن امل المانع بشهادة الجميع وكذلك عن منيره الشيحه ايضا

أنا أعرف توحيده من كلام الناس كثير يمدحونها وأعتقد إنها بمستوصف الفيحاء (بل مؤكد)وايضاً محااااااااااسن بالحبيب
*****بالنسبــــــــــــــه للتجميل؟؟؟؟؟؟؟؟
عيادة ادمه .. ممتاز .. ولهم موقع الكترونى يجاوبون على تساؤلاتك قبل ما تروحين ناس راقيه وشغلهم ممتاز .. بس للاسف ما كملت العلاج معهم .. هذا احسن عياده؟؟؟


*********بالنسبه للحريم الشعبيات الممرخات؟؟؟؟
اللي تبي معالجه شعبيه فيه ام فريح رحت له علشان دورتي مؤلمه وهذا رقمه,,,,,,,

xxxxهذي الأرقام مكتوبه على علبة الاعشاب اللي عطتنياه....
ومكتوب المبيريك للعطاره
وتراه تعالج البزران المطانين

***بالنسبه للمشاغل والكوافيرات؟؟؟؟؟؟
في عنيزه.......
المشاغل بالنسبه لبيوتي بلاس مااحب العاملات فيه الوحده نفسها عند راس خشمها بس قصهم للشعر شي خيالي عندك فاطمه الزهراء وفيه وحده ثانيه نسيت اسمها
*******************

اما الامبراطوره يعجبني قمة التعامل فيه والذوق
واذا كنتي تبين مكياج لايفوتك مكياج راعية المشغل امل الهولان
واذا تبين تسريحات لاتفوتك وحده اسمها والله نسيتها بس اذا مهمه علميني
واذا تبين استشوار وقص عندك ساره رهيبه
............................
بريده؟؟؟؟؟؟؟؟؟؟؟
والاخت اللي تسال عن المشاغل <مشغل رانيا ومشغل زيزفون حلوات بس غالين شوي ,,,,,,,,,,, احلى مشغل لقص الشعر دار شهد

دخلت اختي فساتينها عند أم زياد .. مشغل الزيزفون اللي بالفايزيه كان تسمعين به
الكوافيرات؟؟؟؟؟؟؟؟؟لم تذكر سوى ام عباده(
حجزنا الكوافيره (( أم عباده )) .. رهيييييييبه ماشاء الله عليها ..ومجربه من كثير من قريباتي ..))))

المكيااااااااااااااااااج...... .يسالون كثيرا من البنات عن ماركة(فورايفر)أنا شفت هذي الماركه عند وجوه باسواق النخيل
^^^^^^^^^^^^^^^^^^^
****بالنسبه للمفارش؟؟؟؟؟؟؟؟
نور الليل للمفارش عندك الخضيري بارع المللك فيص والليوان بالصفراء

^^^^^^^^^^^^^^
فساتين سهرات اطفال وكبار؟؟؟؟؟؟؟؟
لمسااااااااااااااات طيبه,,,,,,,,,,سامره(طنات عليهم)’’’’محل(العنود)بشارع الصناعه
^^^^^^^^^^^^^^^^^^^
***صالات الافراح؟؟؟؟؟؟؟؟
السلمان والسلام كلهم عاديين اذا كان شبكه بس السلام حلو اذا كان زواج >>>احلاهم العزيزيه >>او الرصاااااافه
^^^^^^^^^^^^^^^^^
ا*********الاعشاب؟؟؟؟؟؟؟
رقم الكشك اللي في العثيم زين الاتات
xxxx
xxxx
هذه زبدة الصفحات اتمنى اني كنت عند حسن ظنكم واني وفرت عليكم الوقت!!!!
لااطلب منكم سوى الدعاء لي بأن الله يردا لي زوجي ردا جميلا وان يكتب لي الخير اللهم امين


إبــــداع غير متواجد حالياً   اضافة رد مع اقتباس
قديم 09-02-2006, 10:16   4
إبــــداع
عضوة فعالة
التسجيل 23-04-2005
المشاركات 483

هلا بنات ..
هذا اختصار من صفحة 42 ــــ 52

الدار الأكاديميه للاستشارات والتطوير.....
xxxxxxxx/url]

محلات ملابس سهرة :
محل العنود بشارع الصناعة.. ومحل فاتح بالعثيم فوق مع طقة المحلات حقين البلايز بس هلي نفاش.......وفيه محل عند سامره اسمه اسيل
واعتقد تلقين بالعثيم ..

طقاقات طق إسلامي :
هذولا طقاقات جو بعرس بنت خالتي وحلو طقهم كل العرس راح وحنا طق طق طق وهذ الرقم0xxxx
احسن دكتورة للنساء هي الدكتورة عزة اللي بمستوصف السلام ممتازة مرة 0

اللي يسالون عن الدكتورة سلافه بالسلام بعنيزة .. أخصائية جلدية وبشرة..هذي ممتازة بس تبي متابعة معها اول باول يعني تراجعينها على طول الى ان تتوصلين الى النتيجه المرغوبه..

اللي طلبت رقم الامبراطوره بعنيزه هذا رقم راعية المشغل نفسها وهي اللي تسوي المكياج
xxxاسمها امل وعن مكياجها ماشالله عليها روعه مره يعجبني خاصة الاسود والله يوفقك

تبين دكتورة نساء وولاده عندك سهير اللي بالبركه
وعندك كارمن اللي بالرعايه الطبيه كلهن روعه ماشالله
وكلهن بعنيزه

رقم زين الأتات******xxxx

بالدور الثاني **البوابه رقم ******2******

واللي تسأل عن صباح ممتاز مكياجه وام افنان معرفهااااااااااش
بأي مشغل هي **ويمدحون ام عبادة **بس نفسه خايسه**

رقم وحده تأجر شغالات :
xxxx
ام محمد

ام افنان هي هدى السويلم
وتراه ماشالله روعه بالمكياج بعنيزه هي طبعا

ام محمد صباح اللي ببريده روعه في مشغل سيدتيxxxxعاد ماادري اضافت صفر او خمسه جربي كل الرقمين شفت شغلها قمه الصراحه
وكذلك ام مجد ببريده يمدحونها مااعرف رقمها
وام افنان بعنيزه xxxxx5 هي اللي سوتني يوم عرسي وكل صديقاتي اخذوها لماشافوني بالزواج روعه شغلها
وفيه بعد فلبينيه ببريد انا شفت شغلها روعه اسمها والله مااعرفه بالضبط

حمام البخار................. انا شريت من عند قرية البضائع بالرياض رخيص ويجنن
ارخص من المحلات الثانيه

للبنات الحلوات اللي يسالون عن اوباجي
هذا ياطويلات العمر مركز للبشره اول ماسمعت عنه في جده ويمدحونه وانهبلت عليه وتمنيت اروحله << قصة حياتي>> وبعدين وانا مرة من المرات في إحدى سفرياتي للرياض في السياره التفت يمين إلا وأنا اشوف لوحه مكتوب عليها أوووووووباجي وفتحت عيوني مو مصدقه المهم لا أطول عليكم ولقيت في جريدة الوسيله اعلان لهم ان الكشف مجاناً ماصدقت خبر رحت لهم جري (طبعا انا اذا رحت للرياض احاول استغل كل لحظه ) وسويت كشف وجابت الورقه والقلم والحاااااسبه والله لايوريكم طلع الاجمالي تقريباً 9000 ريال
وأنا ألحين محتاره مادري اروح لهم ولا لا ؟

لكن عذراً على الاطاله واللي تبي رقمهم هذا هو يالغاليات
xxxx
xxxx


إبــــداع غير متواجد حالياً   اضافة رد مع اقتباس
قديم 09-02-2006, 12:37   5
احلى بسمه
محررة في عالم حواء
التسجيل 30-03-2005
المشاركات 1,729

خواتى العرايس
اللى حابه تتميز بزفه قمه فى الروعه انا اتعاملت مع واحد شغله جنااان صراحه
سويت زفتى وخواتى كلهم جربو شغله قمه مايعلى عليه يسوى زفات وقصائد ومسيرات تخرج ولو حابه قصيدة تهنئه للمتخرجين انا سويتها عنده لما تخرج اخوى واحلى شى كل الشغل ممكن تخلصينه ع الموبايل واى عمل تطلبينه يوصلك وين ماتكونين يرسلها لك عن طريق شركة ارامكس للشحن السريع يوم واحد وتوصلك
اللى حابه التميز في زفتها تراسلنى


احلى بسمه غير متواجد حالياً   اضافة رد مع اقتباس
قديم 09-02-2006, 19:41   6
الليــــــــدي
عضوة مميزة
 
الصورة الرمزية الخاصة بـ الليــــــــدي
التسجيل 06-03-2004
المشاركات 734

الله يعطيك العافيه ابداااااااااع
سلمت يمناك


الليــــــــدي غير متواجد حالياً   اضافة رد مع اقتباس
قديم 09-02-2006, 20:42   7
-هايدي-
عضوة نشيطة
التسجيل 20-07-2005
البلد : القصيم
المشاركات 248

تسلم يمينك عمل راثع يا ابداع


-هايدي- غير متواجد حالياً   اضافة رد مع اقتباس
قديم 10-02-2006, 12:24   8
إبــــداع
عضوة فعالة
التسجيل 23-04-2005
المشاركات 483

الليدي وهايدي ..

شكرا على المرور والدعوات الحلوة ..

بنات :
نحتاج همتكم .. ساعدونا ترى الملف لنا جميع ..


إبــــداع غير متواجد حالياً   اضافة رد مع اقتباس
قديم 10-02-2006, 14:30   9
الجـ ورد ـوري
عضوة
 
الصورة الرمزية الخاصة بـ الجـ ورد ـوري
التسجيل 31-12-2005
البلد : في مملكتي الغالية
المشاركات 80

شكرا أختي ابداع
كنت بحاجه ماسه للمعلومات ,,,,,
الله يعطيك العافيه,,,,,


الجـ ورد ـوري غير متواجد حالياً   اضافة رد مع اقتباس
قديم 10-02-2006, 14:35   10
زفاف
محررة في عالم حواء
 
الصورة الرمزية الخاصة بـ زفاف
التسجيل 13-05-2005
المشاركات 1,171

مرحبا بنات القصيم

اللي تبغى تتميز بزفة باسمها واسم العريس الرحاء على الخاص


برسل لها واحد يعمل زفات مميزة وروعة وبدون موسيقى

زفات ضجة في عالم الزفات

بصراحة سمعت زفات كثير لكن مثل هذه الزفات ما سمعت


عندي 55 مقطع زفة واغنية وكل وحدة احلى من الثانية اللي تبغى ارسلها لها على الخاص تسمع المقطع وتحكم بنفسها


بعدين يوصل الطلب لاي منطقة حتى خارج المملكة

بس لا تنسوني من دعوة صالحة


تدرون يا بنات : الناس ماخذين فكرة عن الزفات اللي بدون موسيقى انها حزينة وتنعس ومستواها متدني وتخرب الفرح لان بعض منفذي الزفات بدون موسيقى شغلهم مو بالمستوى


لكن الزفات اللي عندي قمة في الروعة ، قمة في صووت الفنان ، قمة في التسجيل ، قمة في المكس

ما اتوقع ان في زفات من مستواها


المهم اللي تبغى تسمع مقاطع الرجاء على الخاص وان شالله بتلاقي اللي يسعدها ؟؟؟


والف مبروك للعرايس


زفاف غير متواجد حالياً   اضافة رد مع اقتباس
إضافة رد

أدوات الموضوع البحث في هذا الموضوع
البحث في هذا الموضوع:

بحث متقدم
طريقة عرض الموضوع

الإنتقال السريع


الوقت المعتمد في المنتدى بتوقيت جرينتش .
الوقت الان » 09:32.

مواقع عالم حواء | اعلن معنا
جميع الحقـــوق محفــوظة لشبكـة مـــواقــــع عــالم حــواء

[الصفحة الرئيسية] [المنتديات] [الفتاوى الجامعة]


Powered by: vBulletin Version 3.7.1
Copyright ©2000 - 2014, Jelsoft Enterprises Ltd