ارشيف منتديات عالم حواءارشيف منتديات عالم حواء

العودة   ارشيف منتديات عالم حواء > القسم العام > الحياة الأسرية > الحمل والولادة
المنتدى البحث المشاركات الجديدة التأشير على جميع الاقسام بالمشاهدة

إضافة رد
 
أدوات الموضوع البحث في هذا الموضوع طريقة عرض الموضوع
قديم 29-01-2006, 20:12   1
غنوة الحب
عضوة فعالة
 
الصورة الرمزية الخاصة بـ غنوة الحب
التسجيل 26-11-2005
البلد : الـــسعوديه
المشاركات 382

السلام عليكم ورحمة الله وبركاته

بنات الله يجزاكم خير اللي تعرف شي عن عملية ربط عنق الرحم تقولي عنها
يعني مثلا اسبابها وسلبياتها وايجابياتها والفايده منها يعني كل شي قولووه
والعمليه كيف بنج كامل ولا نصفي ؟؟ وكم تستغرق من وقت ؟؟ وهل فيه آلام بعد العمليه ؟؟ وهل فيها جلسه بالمستشفى ولا كيف ؟؟ بلييز محتاره ياليت تفيديوني
ومتى يفكونها ؟؟ وياليت اللي عندها صور عن العمليه او شي يخصها تنزلها بعد
واكون شاكره لكم من كل قلبي ودعواتي لكم بالسلامه والعافيه ياكريم


غنوة الحب غير متواجد حالياً   اضافة رد مع اقتباس
قديم 29-01-2006, 20:21   2
الدكتورة أمينة مختار
إستشارية نساء وولادة معتمدة بعالم حواء
التسجيل 02-10-2005
المشاركات 17,198

هدة العملية تسةى فى الاسبوع 12 من الحمل
للحالاتالتى سبق لها الاجهاض نتيجة توسع فى عنق الرحم
وتسوى تحت بنج كامل ويمكنك المكوث يوم او اثنين فى المستشفى
وتزال فى بدايه التاسع
وشكلتها انها تسبب التهابات نتيجة وجود الربط


إستشارية أمراض النساء والولادة
عضو الجمعية الأمريكية للخصوبة والعقم
الدكتورة أمينة مختار غير متواجد حالياً   اضافة رد مع اقتباس
قديم 29-01-2006, 21:35   3
ألجوري
عضوة نشيطة
 
الصورة الرمزية الخاصة بـ ألجوري
التسجيل 26-07-2005
المشاركات 245

حبيبتي لاتخافين.. ولاتحاتين.. انا هذي المره الثالثه اسويها ..
واعرف كثيريسونها ..وسببها؟؟اني أجهضت مرتين على بداية الشهر الخامس

وبعدها ..قرروا لي عملية الربط في كل حمل لان عضلات عنق الرحم لاتتحمل
الطفل اكثر من اربع شهور ..يعني اذا بدأ يكبر.. ووزنه يزيد ..

والجماع على كلام الدكتوره بالراحه وممكن كل اسبوعين مره ..

والعمليه بنج كامل ..وانا في غرفة العمليات هم يعطوني ابرة البنج وانا اطالع
الساعه قدامي وادعي كانت 12 وثلث وماحسيت الاوهم ينادوني باسمي( )
والساعه اشوفها 1 وعشر ...

بعد العمليه ينزل عليك دم شوي ولمدة يوم او يومين ويروح ...انا دخلت المستشفى
الساعه 9 الصباح والعمليه بنفس اليوم وطلعت من بكره العصر ..
والربط يفكونه في بداية الشهر التاسع بس بدون بنج اتمنى اختي اني افتدك
الله يثبت حملك ويقومنا بالسلامه وجميع الحوامل يارب





كـــــن جميــــــلا ....... ترى الوجـــــود جميلا



http://www.baby-gaga.com/
ألجوري غير متواجد حالياً   اضافة رد مع اقتباس
قديم 30-01-2006, 16:26   4
غنوة الحب
عضوة فعالة
 
الصورة الرمزية الخاصة بـ غنوة الحب
التسجيل 26-11-2005
البلد : الـــسعوديه
المشاركات 382

الدكتورة أمينة مختار الله يجزاك خير على الرد ويجعله في موازين حسناتك

عيوني ألجوري كلامك مطمن بعض الشي لكني الى الان متردده
بصراحه انا مستحيل اسوي حاجه عارفه انه راح يكون فيها الم
بعدين شلون اجازف بعمري يصير لي التهابات ويقررون ربط في كل حمل
ووشلون بتحمل الالم اذا جو يفكونها بالتاسع يوووووووه صعبه بالمره
عموما الله يجزاك خير وييسر امرك وينولك اللي ببالك دايما

غريبه وين البنات معقوله مافيه غير الجوري مجربه هالعمليه ؟؟؟؟


غنوة الحب غير متواجد حالياً   اضافة رد مع اقتباس
قديم 30-01-2006, 16:59   5
habhouba
محررة في عالم حواء
 
الصورة الرمزية الخاصة بـ habhouba
التسجيل 15-06-2005
المشاركات 1,945

أختي الجوري وبعد العملية إلى التاسع راحة تامة ولا عادي تروحين الدوام وتتسوقين أم تنسدحين لحين الولادة لاني بسويها ان شاء الله وأنا عايشة بغربة ومامعي أحد يخدمني


ماشاء الله تبارك الرحمن
[img]http://bd.*******.com/LBQHp2/.png[/img]
habhouba غير متواجد حالياً   اضافة رد مع اقتباس
قديم 30-01-2006, 17:12   6
العين بصيرة وسارة قصيرة
محررة برونزية في عالم حواء
 
الصورة الرمزية الخاصة بـ العين بصيرة وسارة قصيرة
التسجيل 25-05-2005
البلد : في قلب زوجي الحنون وطفلتي المنتظرة
المشاركات 2,206

شوفي حبيبتي انه حصل معي ولادة مبكرة بالاسبوع 23 من حملي ورجح الدكتور سبب الولادة الى ان هناك قصر بعنق الرحم
وقالي اخذي راحه 3 شهور وبعدين حملي
واخذت راحه شهر وحملت والحمد لله الي الان لم اواجه اي مشاكل
المهم الدكتور كتب لي مثبت دايفستون 3 مرات يوميا وحبه فوليك اسد
وقالي مارسي حياتج طبيعي
سوقي سياره وتابعي دراستج وحتي الجماع قالي عادي
وانه الحمدلله تاريخ حملي السابق لم تواجهني اي مشكله الا في الاسبوع 23 مع الولادة المبكره
المهم الان انه في بدايه الثالث -في الاسبوع 12بسوي عمليه الربط لعنق الرحم
بس خاايفه
التهابات وبلاوي ودم مافيني شده
بس انه محتاره في شغله وحده انه ليش هالدكتور ما قالي ارتاحي ولاتتحركين وهالامور
لان كل الي ايسوون لهم ربط جذي
بس انه قالي مارسي حياتج طبيعي
الي امصبرني عليه انه دكتور فووق الممتاز والعيادة 24 ساعه فل لدرجه ادخل العياده 6 ما اطلع منها قبل 9
الله ايثبت حملنا ويغر عيننا بذريتنا
لاني بصراحه مشتاقه اضم ضناي
و**** الله اكون افدتج اختي
وتمنى تجاوب الاخوات مع الموضوع لان وبصراحه جدا مطمأن لمثل الي في حالتنا


العين بصيرة وسارة قصيرة غير متواجد حالياً   اضافة رد مع اقتباس
قديم 30-01-2006, 18:43   7
ألجوري
عضوة نشيطة
 
الصورة الرمزية الخاصة بـ ألجوري
التسجيل 26-07-2005
المشاركات 245

حبيبتي ...غنوة الحب... اشكرك على الدعوات الحلوه

حبيبتي هذا الالم تقدرين تتحملينه ..يعني زي الم الدوره تقريبا ...أجل ياغنوه ..
اذا جربتي الم الطلق و الولاده وشو بتقولين؟؟؟ يمكن هذا اول حمل لك صح ؟؟
والالتهابات مو كل وحده تسوي الربط تجيها التهابات ..انا سويت العمليه في الشهر

الثالث.. والحين الحمدلله باقي لي كم يوم وادخل السابع ..وانا الحمدلله محافظه على
نفسي يعني اتوضا بمويه دافيه ..وامسح بالمناديل ..لان اذا صار بقايا ماء الوضوء
على الصروال والمنطقه (.....) مكتومه تسبب تزايد الفطريات وينتج عنها الالتهابات

ولما يفكون الربط الحمدلله يعني قرب الفرج ..لازم تتحملين شوي عشان
الحبيب المنتضرينه انتي وابوه والله ياغنوه ياحلوه عن تجربه لما تشوفين
النونو وتحضنينه وترضعينه من صدرك راح تنسين كل اللي صار لك..
والمؤمن مبتلى ..ولابد من الصبر عشان نوصل للي نبيه ..الله يتمم عليك يارب .....




كـــــن جميــــــلا ....... ترى الوجـــــود جميلا



http://www.baby-gaga.com/
ألجوري غير متواجد حالياً   اضافة رد مع اقتباس
قديم 30-01-2006, 19:07   8
غنوة الحب
عضوة فعالة
 
الصورة الرمزية الخاصة بـ غنوة الحب
التسجيل 26-11-2005
البلد : الـــسعوديه
المشاركات 382

اختي علية حسام احمد اشكرك على الرد والله يجعله في موازين حسناتك
بس عندي كم سؤال يعني الحين عنق الرحم مايعرفون انه ضعيف الا بعد مايصير للوحده
اجهاضات ولا ولاده مبكره يعني الحامل اول مره على البركه مايعرفون هي بتتحمل
ولا محتاجه ربط ؟؟ ياربي بس مدري شسوي
يعني رايك اوافق .. بصراحه ماعندي جرأه خايفه مره واللي قاهرني اني اخاف مايتم الحمل
ياعمري ياعليه الله يتمم حملك على خير وتشوفين البيبي ويتربى بعزك ياكريم


عيوني ألجوري تسلمين ياقلبي على الرد ياحبيلك احس انها ترتفع معنوياتي مع كلامك
لكن علطول اهون بعد ماقفل الصفحه
هذا اول حمل لي وخايفه موووت انه مايتم وبعد خايفه من الربط
يعني هم وش عرفهم اني بولد ولاده مبكره ولا لا عشان يقررون الربط
صح اجهضت مرتين بس كانت بالشهور الاولى قبل ما احس بالحمل يعني مو دليل
على اتساع عنق الرحم ...
ياربي مدري شسوي ؟؟ ومن قالك اني بتحمل الم الولاده لا باخذ ابرة الظهر غصب
ماعندي استعداد والله اتألم يكفي تجارب الاجهاض اصعب ايام بعمري واروح اعيدهاا مستحيل
تخيلي من الحين وانا اذا تذكرت الولاده ولا اني مجرد اربط علطول ابكي الين اتعب وانام
صح كلامك اكيد لازم اضحي علشان اشوف النونو بس لا ماقدر كلامك عاطفي صح
بس مو مقنع .. بعدين الاصعب من هذا كله ان زوجي اخوف مني يقول لا مافيه ربط
بحطك بسرير واسكر عليك الين تولدين ماتحمل اشوفك تتالمين يعني مافيه احد يشجعني
ياحبيك يالغاليه الله يقومك بالسلامه وتشوفين البيبي عريس ولا عروسه قدامك يالله ياكريم


غنوة الحب غير متواجد حالياً   اضافة رد مع اقتباس
قديم 30-01-2006, 19:13   9
ألجوري
عضوة نشيطة
 
الصورة الرمزية الخاصة بـ ألجوري
التسجيل 26-07-2005
المشاركات 245

هبهوبه .....ياعمري الله يعينك على الغربه و****لله ترجعين لديرتك بالسلامه ...

اختي .... انا اتحرك بس كل شي بالراحه على كلام الدكتوره ... يعني اطلع بس

مو كل يوم ..لاني ساكنه الدور الثاني صعبه علي طلعة ونزلة الدرج ..

اروح السوق اتقضى لاطفالي ...بس امشي على شوي شوي واذا مشيت واجد

اجلس على الكراسي الموجوده في السوق أرتاح شوي بعدين اكمل ... وكذا....
لاني الحين من دخلت الشهر السادس ..وانا الم بظهري ..ويزيد علي الالم اكثر
لما اكثر وقوف ..او مشي ..احس كانه طلق احيانا من قوته ..

الله يهون عليك بالسلامه وتقر عينك بشوفة النونو سليم ..معافى ..آآمين...




كـــــن جميــــــلا ....... ترى الوجـــــود جميلا



http://www.baby-gaga.com/
ألجوري غير متواجد حالياً   اضافة رد مع اقتباس
قديم 30-01-2006, 21:58   10
العين بصيرة وسارة قصيرة
محررة برونزية في عالم حواء
 
الصورة الرمزية الخاصة بـ العين بصيرة وسارة قصيرة
التسجيل 25-05-2005
البلد : في قلب زوجي الحنون وطفلتي المنتظرة
المشاركات 2,206

اختي علية حسام احمد اشكرك على الرد والله يجعله في موازين حسناتك
بس عندي كم سؤال يعني الحين عنق الرحم مايعرفون انه ضعيف الا بعد مايصير للوحده
اجهاضات ولا ولاده مبكره يعني الحامل اول مره على البركه مايعرفون هي بتتحمل
ولا محتاجه ربط ؟؟ ياربي بس مدري شسوي
يعني رايك اوافق .. بصراحه ماعندي جرأه خايفه مره واللي قاهرني اني اخاف مايتم الحمل
ياعمري ياعليه الله يتمم حملك على خير وتشوفين البيبي ويتربى بعزك ياكريم


حبيبتي من رايي انك تتوكلين على الله وتسوينها كل شي ايهون لجل نظر لعيوون
وعن سؤالك ؟
قصر عنق الرحم ايتم اكتشافه بعد الاجهاض الاول او الولادة المبكره الاولى بعدين يقر لج الدكتور عمل ربط
والله ياجرنا على مصائبنا
والله ايقومنا بالسلامه ونشوف اعيالنا ونتسندر منهم


العين بصيرة وسارة قصيرة غير متواجد حالياً   اضافة رد مع اقتباس
إضافة رد

أدوات الموضوع البحث في هذا الموضوع
البحث في هذا الموضوع:

بحث متقدم
طريقة عرض الموضوع

الإنتقال السريع


الوقت المعتمد في المنتدى بتوقيت جرينتش .
الوقت الان » 15:49.

مواقع عالم حواء | للإعلانات
جميع الحقـــوق محفــوظة لشبكـة مـــواقــــع عــالم حــواء1998
تلفون 0096612410808 - فاكس: 012417400 - الصندوق البريدي: 85571 , الرياض 11612
[الصفحة الرئيسية] [المنتديات] [دليل الطبخ العربي] [البيت] [طفلي] [جمالك] [وقاء] [الفتاوى الجامعة] [رحالة] [اسماء المواليد] [المرشد النسائي]


ترقية وتطوير » تحميل دوت كوم
Powered by: vBulletin Version 3.7.1
Copyright ©2000 - 2014, Jelsoft Enterprises Ltd