المصروف (كيف اقنع زوجي)!!؟؟ - ارشيف منتديات عالم حواء
ارشيف منتديات عالم حواءارشيف منتديات عالم حواء

العودة   ارشيف منتديات عالم حواء > القسم العام > الحياة الأسرية
المنتدى البحث المشاركات الجديدة التأشير على جميع الاقسام بالمشاهدة

إضافة رد
 
أدوات الموضوع البحث في هذا الموضوع طريقة عرض الموضوع
قديم 28-01-2006, 19:05   1
نونو وبس
عضوة فعالة
 
الصورة الرمزية الخاصة بـ نونو وبس
التسجيل 22-05-2004
البلد : الدمام بس ترى اصلا من الرياض
المشاركات 419

هلا بنات وش اخباركم.....

بصراحه انا عندي موضوع مأزمني شوي.....

وهو المصروف....

اكيد كثير منكم بنات مضايقهم هالشي ان ما كان الاغلبيه..

الرجال طبعا ما يعرف احتياجات زوجته بالضبط..

انا طلبت من زوجي مصروف ورفض يعطيني يقول اذا احتجتي قولي لي....

صح هو مايقصر معي مرات كثيره...

بس انا بعض المرات احتاج اشياء تافهه بالنسبه له..

مثلا ابروح لاهلي ابجلس عندهم اسبوع ما يمد يده ولا بريال يقهرني في هالشي

وما يطيع يعطيني الا اذا قلت ابروح للسوق محتاجه شي..

مره قلت له عطني يمكن احتاج شي قال لا مو محتاجه ان شاء الله...في هالوقت ودي اذبحه...

مره صار بينا موقف((انا ما اطلب منه الا لشي محتاجته..واذا طلبت اعرف قد ايش اطلب اللي محتاجته فعلا..وقلت له عطني فلوس ابروح للسوق..راح عطاني 600 ريال ..طلعت عيوني...قلت ما تكفي قال الا تكفي قلت الحين ما فيه فستان سهره اقل من 1000 ريال وانت تقولي البسي شي حلو لزواج اختي...وغير كذا ابغى ملابس للعيد...
عصب وقال ما عمري مديت لك فلوس قلتي لي تكفي..
قلت لانك فعلا ما تعطيني اللي يكفي ولو ما معك ما طلبت..
قالي كلمه كرهت اطلب منه....قال: شوفي اخواتي كل ما مديت لهم فلوس قالوا لا والله يكفي اللي معنا..
قسما بالله رفع ضغطي...قلت اخواتك عندهم 7 رجال كلهم يعطونهم..
وبعدين انا ما اطلب الا للحاجه لا تقعد تقارن بيني وبين احد..))

المهم موضوعي ..
انا ابي مصروف للاسباب التاليه..
*ودي اقتطع مبلغ من المصروف واجمعه..
*بعض المرات اكون عند اهلي ونطلب عشاء او اي شي من برا مثلا شكولاطات ولا يكون معي فلوس حزتها والله ان وجهي يصير قد السمسمه..
*مرات نفسي اشتري هديه لاحد امي اختي ولدي او حتى هو ومو ضروري تكون الهديه غاليه او مخططه لها بس شفت شي وحبيت اشتريه مثلا صحون تقديم بلوزه قلم ان شاء الله..وفي نفس الوقت ما احب اقوله عطني ابشتري لفلانه ولاغيرها..او اقوله عطني ابشتري لك هديه!!!<<<احس انها سخيفه..
*مرات احتاج اشياء من الصيدليه وانا عند اهلي اضطر اتسلف من اخواني عشره ولا عشرين ولا خمسين وهذا الشي يخليني استحي..خاصة ان زوجي حالته الماديه ممتازه..
*مرات ابي اشتري لاحد هديه مثلا ولاده ولا زواج واستحي كل مره اقوله عطني صديقتي تزوجت اختي ولدت .....الخ.
*مرات احتاج فلوس فجأه ويقولي والله ما معي فكه الحين ومنيب رايح اصرف..
*مرات ودي اشتري اشياء للبيت وما اكون مخططه لها يعني شفت صحون اعجبتني او مناشف ودي يكون معي فلوس..علشان اخذها..
*في الاعياد ولا نجاح اخواني ودي اعيدهم او اعطيهم نجاحه...
*مرات اكون عند اهلي وابي اروح لموعدي بالمستشفى واضطر اكنسل الموعد علشان ما معي فلوس..


اشياء زي كذا يعني تخيلو كل ما صار شي من هالاشياء اروح اقوله ابي فلوس..شينه طبعا..

زوجي موب بخيل بس مدري وشلون افهمه اني ابي مصروف ..
مع العلم ان الله مغنيه وحالته ممتازه الحمد لله...
هو اي شي يبغاه يشتريه...بعض المرات اشياء خرابيط..
واي شي نفسه فيه يشتريه...

وانا ما يعطيني فلوس الين اقوله..واذا عطاني وما كفى تصير مشكله..
اتمنى مره يعطيني فلوس يقول خذي يمكن تحتاجين شي..

انا ودي اخذ منه مصروف 1000 ريال في الشهر..واعتقد انها مناسبه مع ان المفروض يعطيني اكثر نظرا لحالته..
لا تقولون بلا طمع....

بس الله يحب يشوف نعمته على عبده...


شاركوني برايكم.....وايش الطرق اللي تخليني اقنعه؟؟!!


وشكرا مقدما لكم...................


استغفر الله ,,استغفر الله ,,استغفر الله
**++&((ألا يا اهل الرياض اول غرامي))&++**
نونو وبس غير متواجد حالياً   اضافة رد مع اقتباس
قديم 28-01-2006, 19:20   2
timoon
محررة فضية في عالم حواء
 
الصورة الرمزية الخاصة بـ timoon
التسجيل 26-04-2004
البلد : في بلاد الهكونا ماتاتا
المشاركات 3,917

هلا اختي
انتي قولي له انك تنحرجين مع اهلك وانكم تطلعون للسوق وفلوسك ماتكفي
اشرحي له التزاماتك كلها وقولي الوحده اذا تزوجت لازم تكشخ علشان الناس دائما تحكم على السعاده بالمظاهر
بس لاتنسين جملة انت كريم وحنا نستاهل
وخلي كل شي بالهداوه وانتبهي تقارنين نفسك باحد كذا بيزعل منك

والله يوفقك ويهنيك
وعقبال ماتقولين لي صار مصروفي 2000




اللهم صل على محمد وأله وصحبه أجمعين
اللهم عليك بمن لعن اصحابه وقذف عرضه فإنهم لايعجزونك


استمعي الى هذه التلاوة الخاشعه
بصوت القارئ ناصر القطامي



إبراهيم عليه السلام يسلم عليكم ويوصيكم
timoon غير متواجد حالياً   اضافة رد مع اقتباس
قديم 28-01-2006, 19:25   3
طنجرة فاضية
عضوة نشيطة
التسجيل 04-01-2006
المشاركات 128

اختى العزيزة كان الله بعونك اول شى وبعدين انت لازم كل ما بدك تشترى شى تطلبى اكتر من سعره علشان تخشين الباقى لك وحتى اذا نزلت السوق وقلك اشو شريتو قليلو ما فى شى بالفلوس الى اعطيتنى اياها كله غالى وانا استحى اسالعن السعر بعدين ارده وبعدين لما تروحين عند اهلك لازم تقوليله انك محتاجة فلوس علشان الضروريات ولو عندك اطفال قوليله يصيحون بدهم عصائر وهالشغلات وانا اتفشال اطلب من اخوانى اعطينى اشتريلهم وكمان وكما ادلعى عليه وقوليله يرضيك كلهم تارسين جزادينهم فلوس واما مرتك حبيبتك ما معى شى وبعدين خلى يبين عزك عليه واذا اعطاكى فلوس ولو ريال اشكريه دايما وحسسيه انك معاكى كنز علشان ينبسط وبعدين بطريقة حلوة قوليله بس لو تزيدهم شوى بتعرف السوق غالى ونار هاليام بعدين كلى علشانك يا حبيبى بدى اشترى كم قميص لعيونك الحلوين واشترى واحد وخشى الباقى


طنجرة فاضية غير متواجد حالياً   اضافة رد مع اقتباس
قديم 28-01-2006, 19:43   4
مسك الورد
عضوة جديدة
التسجيل 09-04-2004
المشاركات 19

شكلج توج متزوجه اغلب الرياجيل كذي اول الامر بس بعد فتره يطخون شوفي اول شئ الامر يبي طولت بال وهدوء وبعدين لازم تختارين الوقت المناسب علشان تفاتحينه بالموضوع وانج تبين المصروف علشان ماتصير بينكم زعله اذا طلبت وهو وقتها ماعنده وبعدين لازم يعرف شنو متطاباتج وداعي المصروف وترى الكلام الحلو ينقع واجد ولا تحاولين تستفزينه وانت تكلمينه عن المصرف ودايما حسسيه انه مو مقصر معاج بس ودج انه يكون لج دخل ثابت وشهري......... عاد تحديده يرد لكم وميزانيتكم ......................وعقبال ما نبارك لج في صدور المرسوم الملكي في صرف المصروف لج


مسك الورد غير متواجد حالياً   اضافة رد مع اقتباس
قديم 29-01-2006, 00:29   5
ناردين_نردين
محررة برونزية في عالم حواء
 
الصورة الرمزية الخاصة بـ ناردين_نردين
التسجيل 27-04-2005
البلد : بغرفتي
المشاركات 2,767

حبيبتي فعلاً إللي ماهي متوظفه تتعب كثير
حاولي تقنعينه إنك تاخذين دوره كمبيوتر وإن شاء الله تحصلي وظيفه وقتها تكفين نفسك


عندك (أي شي)ودك تبيعيه خشي هالرابط
http://www.mazadmall.com/


ناردين_نردين غير متواجد حالياً   اضافة رد مع اقتباس
قديم 29-01-2006, 04:30   6
Um_Shahad
محررة في عالم حواء
 
الصورة الرمزية الخاصة بـ Um_Shahad
التسجيل 06-09-2004
البلد : الخبـــــــــــــــــر
المشاركات 1,930

الزوج في البداية يكون ماسك شوي بس بعد فترة راح يصرفلك المصروف من نفسه صدقيني


Um_Shahad غير متواجد حالياً   اضافة رد مع اقتباس
قديم 29-01-2006, 05:43   7
نور^عيونك
عضوة نشيطة
 
الصورة الرمزية الخاصة بـ نور^عيونك
التسجيل 30-10-2005
البلد : here i am
المشاركات 181

شوفي حبيبتي مدام زوجك ربي منعم عليه
بصراحه معليش لاتجلسي تحرمي نفسك اضغطي عليه
علمي اهلك اي شي
اهم شي لاتسكتي لان هذا من حققققققققققققققك ومن ابسط حقوقك انو يصرف عليك

انتبهي لاتقولي حرام هوا طيب ومايقصر ....المصروف شي مهم وضروري
وانتي فكري الفلوس الي يجيبها ويحطها على قلبه هذي وين تروح ؟؟
اعرف وحده زي كذا زوجها مااااااااشالله عليه عنده شي وشويه
ويطلع عيونهم عشان يعطيهم مصروف اليومي ويرضيهم بالاشياء الضروريه
ولايسافرو ولايجو صح طيب وحنون وماهو مقصر بس بصراحه حقهم يعيشوو مستواهم
ابوهم ليه يشتغل ويتعب نفسه عشان يخزن فلوس وبس
لا طبعا بعد 20 سنه زواج
راح سافر برا وتزوج على مرته والمصروف بدا يحرمها منها

ماابغاكي تتشائمي بس انتبهي حبيبتي حقك لاتسكتي عليه
سوي كل الي تقدري عليه عيالك لاتحرميهم لاتحسبي انو زوجك راح يضل كذا طيب ويعطيكم الشي الضروري خلاص احسن من غيري
حرام ... كل يوم يشتغل ويتعب وماتاخذو الا ربع الي تستحقوه

والله يحنن قلبه عليكم ويسخره لك


حاول وحاول يصير فراقنا هادي
الله عطانا العقل حتى يعينا
خل المقادير تمشي مشيها العادي
في عمرنا يفعل الله مانوى فينا
مافادتك دمعتك ماينفع عنادي
لاصار ربي حرمنا من بيعطينا
نور^عيونك غير متواجد حالياً   اضافة رد مع اقتباس
قديم 30-01-2006, 19:20   8
نونو وبس
عضوة فعالة
 
الصورة الرمزية الخاصة بـ نونو وبس
التسجيل 22-05-2004
البلد : الدمام بس ترى اصلا من الرياض
المشاركات 419

اشكر كل اللي ردو علي...
timook
طنجره فاضيه
مسك الورد
ناردين_نردين
UmShahad
نورعيونك

والله صادقين المصروف شي ضروري واخاف اسكت يتعود....او يحسب الدنيا كذا كلش ماله داعي وكلش رخيص....


استغفر الله ,,استغفر الله ,,استغفر الله
**++&((ألا يا اهل الرياض اول غرامي))&++**
نونو وبس غير متواجد حالياً   اضافة رد مع اقتباس
قديم 31-01-2006, 05:06   9
بنت رزه
عضوة نشيطة
التسجيل 12-10-2005
المشاركات 141

لا تشتكي ابكي ترازوجي موبعيد منه وبعكس كلامكم اول ما خذيته مايبخل علي ماروح لسوق
كذا مع خواتي مابغا شي الا يعطيني الف ازود لارحت لهلي ميتين للبقاله بس اي شي من الصيدليه شيلي علا كيفي صارلي اربع سنوات واسنه هاذي ماسك مدري وش فيه معاد يعطيني الا بطلعه اروح لسوق ميتين اريال مدري ليه بموت ونا انسانه ماصبر من الفلوس وش اسوي
يارب ومصروف يكره اقول له عطني مصروف اي شي تبينه انا بشتري لك بنات تكفون فيدونا



بنت رزه غير متواجد حالياً   اضافة رد مع اقتباس
قديم 31-01-2006, 07:38   10
مرسى الأشواق
عضوة مميزة
التسجيل 15-07-2004
البلد : في قلب حبيبي
المشاركات 560

والله يابنات تى انا مرات يعطيني ومرات لا ؟؟؟
واذا كنت ابغى بلوزة معينه يقولي بيعي ماعنك من الاسهم واشتري..
وانا ماابغاه يتدخل في الاسهم لانه الحمد لله باب رزق وانفتح...


" سبحانك اللهم وبحمدك أشهد أن لا إله الا الله أستغفرك وأتوب اليك "


سلمت يديكي اختي كمانونه على التوقيع
مرسى الأشواق غير متواجد حالياً   اضافة رد مع اقتباس
إضافة رد

أدوات الموضوع البحث في هذا الموضوع
البحث في هذا الموضوع:

بحث متقدم
طريقة عرض الموضوع

الإنتقال السريع


الوقت المعتمد في المنتدى بتوقيت جرينتش .
الوقت الان » 04:22.

مواقع عالم حواء | اعلن معنا
جميع الحقـــوق محفــوظة لشبكـة مـــواقــــع عــالم حــواء

[الصفحة الرئيسية] [المنتديات] [الفتاوى الجامعة]


Powered by: vBulletin Version 3.7.1
Copyright ©2000 - 2014, Jelsoft Enterprises Ltd