الفتة بالخل والثوم على الطريقة المصرية - ارشيف منتديات عالم حواء
ارشيف منتديات عالم حواءارشيف منتديات عالم حواء

العودة   ارشيف منتديات عالم حواء > دليل الطبخ العربي > اطباق عالم حواء > أطباق عـزيـزة الساخنة
المنتدى البحث المشاركات الجديدة التأشير على جميع الاقسام بالمشاهدة

إضافة رد
 
أدوات الموضوع البحث في هذا الموضوع طريقة عرض الموضوع
قديم 02-11-2005, 02:02   1
don
كبيرة محررات عالم حواء
 
الصورة الرمزية الخاصة بـ don
التسجيل 11-04-2005
البلد : مصر
المشاركات 6,522


الفتة

ارز ابيض مصرى مستوى _ عيش بلدى محمص _لحمة مسلوقة بالشوربة _صلصة طماطم بالخل و الثوم .
طريقة سلق اللحمة ( ضانى او بتلو او كندوز صغير او رقبة )
نضع الماء على النار و فية بصلة كبيرة مقطعة نصين و وورقتين لاورو و ملح وقلفل الى ان تغلى اضع اللحمة و اشيل طبعا الريم كل ما يطلع و ارمية الى ان تستوى 3/4 سوى اروح بالكبشة اشيلها من الشوربة و اصفى الشوربة بالمصفاة
اجيب حلة تانية نظيفة و اضع فيها ملعقة كبيرة سمن و لما تقدح ارمى فيها فصين مستكة و فصين حبهان حتلاقى ريحتهم طلعن تروحى حطة على طول اللحمة كلها ثقليبة فى السمنة و تلروحى منزلة عليها الشوربة حتعمل تششششش و حتشمى بقى ريحة الشوربة الجميلة
حتستوى اللحمة اطفى النار
طريقة عمل الصلصة بالخل و الثوم :
اضع على النار 2ملعقة سمن و عليهم راس ثوم مفرى لحد ما يصفر بس الثوم
اروح حطة علية 1/2 كوب خل حتى يغلى
ثم اضع صلصة طماطم وملح وفلفل و بهارات و قليل من الماء ؤ اتركها
حتى تتسبك حوالى 10 دقائق
طريقة تركيب طبق الفتة :
1_ اقطع العيش قطع متوسطة فى الطبق او الصينية و ارشرشة بالشوربة
لحد ما كلة يشرب شوربة
2_ اضع الارز على العيش و افردة كويس و اضع كبشة شوربة
3_ ثم اضع بالكبشة صلصة الطماطم علىوش الارز كلة بس مش قليلة
4_ ثم ارصص قطع اللحم الهوبر على و ش طبق الفتة و حيطلع منظرة
و ريحتة تفتح النفس
و بالهنا و الشفا


don غير متواجد حالياً   اضافة رد مع اقتباس
قديم 02-11-2005, 05:33   2
*همسات*
عضوة نادرة
التسجيل 27-08-2005
البلد :
المشاركات 795

تسلم ايدك ياعسسسسسسسل


الوداع جميعا ... !
*همسات* غير متواجد حالياً   اضافة رد مع اقتباس
قديم 02-11-2005, 08:03   3
om_s_ali
محررة ذهبية في عالم حواء
 
الصورة الرمزية الخاصة بـ om_s_ali
التسجيل 24-08-2001
المشاركات 4,594

مشكووووووووووووووووووورة
والله يعطيك الصحة والعافية


om_s_ali غير متواجد حالياً   اضافة رد مع اقتباس
قديم 02-11-2005, 10:10   4
don
كبيرة محررات عالم حواء
 
الصورة الرمزية الخاصة بـ don
التسجيل 11-04-2005
البلد : مصر
المشاركات 6,522


همسات و om_s_ali جربوها حتعجبكم قوى


don غير متواجد حالياً   اضافة رد مع اقتباس
قديم 02-11-2005, 13:00   5
om ahmad
عضوة نشيطة
التسجيل 08-01-2003
المشاركات 112

ازيك يا حبيبتي دون

تسلمي على الفتة دي ...

بس هل هذي هي فتة الكوارع ؟؟
ومش المفروض الفتة فوقها لبن ؟

وكم كمية صلصلة الطماطم ؟ الرز ؟ اللحم ؟


om ahmad غير متواجد حالياً   اضافة رد مع اقتباس
قديم 02-11-2005, 13:20   6
تينه المتينه
محررة الماسية في عالم حواء
 
الصورة الرمزية الخاصة بـ تينه المتينه
التسجيل 01-10-2004
البلد : الكويت
المشاركات 5,872



لن أتنازل عن وزن الرشاقه
تينه المتينه غير متواجد حالياً   اضافة رد مع اقتباس
قديم 02-11-2005, 16:06   7
don
كبيرة محررات عالم حواء
 
الصورة الرمزية الخاصة بـ don
التسجيل 11-04-2005
البلد : مصر
المشاركات 6,522


الرسالة الأصلية كتبت بواسطة om ahmad »
ازيك يا حبيبتي دون

تسلمي على الفتة دي ...

بس هل هذي هي فتة الكوارع ؟؟
ومش المفروض الفتة فوقها لبن ؟

وكم كمية صلصلة الطماطم ؟ الرز ؟ اللحم ؟
ازيك يا ام احمد وكل عام وانتى بخير لأ دى مش فتة الكوارع دى فتة لحمة وعموما انا حكتبلك فتة الكوارع من عنيا وما بيبقاش فوقها لبن دى غير يا ام احمد ياريت تعمليها دى مشهورة جدا واكله جميلة ودى الفتة اللى بنفطر بيها فى عيد الاضحى بعد ما بندبح بنعمل باللحمة على طول الفتة
وبالنسبة طبعا بالنسبة للارز حسب العدد اللى حياكل يعنى ممكن كوبايتين وممكن ثلاثة وممكن خمسة وبالنسبة للحم برضة حسب العدد اللى حياكل ممكن تعملى لكل فرد قطعتين او ثلاثة وبالنسبة للصلصة حطى مثلا معلقتين كلى كوب ماء


don غير متواجد حالياً   اضافة رد مع اقتباس
قديم 02-11-2005, 16:07   8
don
كبيرة محررات عالم حواء
 
الصورة الرمزية الخاصة بـ don
التسجيل 11-04-2005
البلد : مصر
المشاركات 6,522


تسلمى يا تينة ربنا يخليكى وتوقبعك جميل على فكرة


don غير متواجد حالياً   اضافة رد مع اقتباس
قديم 02-11-2005, 16:26   9
don
كبيرة محررات عالم حواء
 
الصورة الرمزية الخاصة بـ don
التسجيل 11-04-2005
البلد : مصر
المشاركات 6,522


فتة الكوارع

كورع ( نظيف ومقطع )
ملح - فلفل أسود - فصين مستكه - حبهان
2 بصله كبيره مقطعه
الفته
عيش ناشف محمص ( بلدي - سن - شامي )
3 كوب رزابيض مصرى مستوي بالزبده
ملعقه كبيره توم مفروم
ربع كوب خل
أول حاجه نغسل الكوارع كويس وندعكها بالملح وشوية دقيق وليمونه وشوية خل
ونتركها حوالي ساعه .. وبعدين نشطفها
نضعها في حله بها ماء علي النار وتاخد غلوتين .. وبعدها نغسلها تاني
نحط في حله ملعقة سمنه ولما تسخن نضع المستكه ولما تسيح نضيف قطع الكوارع ونقلب
وبعد كده البصل مقطع والحبهان والملح والفلفل .. وعلي طول نغطيها بماء مغلي
ونتركها لتستوي

عمل الفته لعمل الرز الأبيض .. يفضل نقعه نص ساعه ولتسويته في هذه الحاله ننقص الماء
3 كوب رز عليهم أقل من 3 كوب ماء + ملعقة زبده وملح
نحمص العيش في الفرن ونكسره في طبق غويط ونسقيه بالشوربه
في مقلايه نضع ملعقة سمن وملعقة ثوم مفروم
وأول ما يبقي لون الثوم مصفر نضيف الخل وياخد غلوه .. علي طول نوزعه علي الفته
نفرد الرز علي وش طبق الفته .. والكوارع في سلطانيه مع الشوربه
وبالهنا و الشفا


don غير متواجد حالياً   اضافة رد مع اقتباس
قديم 02-11-2005, 22:24   10
om ahmad
عضوة نشيطة
التسجيل 08-01-2003
المشاركات 112

متشكرة أوي يا حبيبتي
أنا بحب الفتة أوي وناوية اعملها

بس بالنسبة لي صعبة أوي أعمل الأكلة على البركة ..
يعني أنا أول مرة اعملها ومعمريش دقتها .. فصعبة احط المقادير من نفسي ...
ممكن تقولي لي المقادير بالزبط لو كنت حعمل كبايتين رز ؟

وتسلمي لي يا حبيبتي


om ahmad غير متواجد حالياً   اضافة رد مع اقتباس
إضافة رد

أدوات الموضوع البحث في هذا الموضوع
البحث في هذا الموضوع:

بحث متقدم
طريقة عرض الموضوع

الإنتقال السريع


الوقت المعتمد في المنتدى بتوقيت جرينتش .
الوقت الان » 11:49.

مواقع عالم حواء | اعلن معنا
جميع الحقـــوق محفــوظة لشبكـة مـــواقــــع عــالم حــواء

[الصفحة الرئيسية] [المنتديات] [الفتاوى الجامعة]


Powered by: vBulletin Version 3.7.1
Copyright ©2000 - 2014, Jelsoft Enterprises Ltd