ريلج زعلان..تبين تكونين في باله..شويه غزل يفرفشه - ارشيف منتديات عالم حواء
ارشيف منتديات عالم حواءارشيف منتديات عالم حواء

العودة   ارشيف منتديات عالم حواء > القسم العام > الحياة الأسرية
المنتدى البحث المشاركات الجديدة التأشير على جميع الاقسام بالمشاهدة

إضافة رد
 
أدوات الموضوع البحث في هذا الموضوع طريقة عرض الموضوع
قديم 08-08-2005, 08:29   1
الماسة السوداء
كبيرة محررات عالم حواء
التسجيل 05-07-2004
البلد : البحرين
المشاركات 7,071

هلووووووووو
حيا الله البنوتات الحلوين
اشلونكم واشلون ريالكم عساكم حاطين بالكم عليهم
ترا ها في هالدنيا بلاوي اذا ماحطيتي بالج عليه اتجيلج وحده من العوانس اللهم ياكافي وتخطفه منج

الي ريلها زعلان عليها او ماد البوز من غير سالفه او يتدلع على مرته وتبيه تدلعه
تطرشله مسج تذكره بحبها له
في هالزمن المره تشتغل والريل يشتغل مايي اخر اليوم الا اهم تعبانين ومالهم بارض حتى حق يتغزلون في بعض
بس بين الوقت والثاني اذا تتراسلون بالمسجات هالشي يلطف من الجو بينكم وتحسسون بعض ان كل واحد يفكر في الثاني حتى واهو مشغول ووسط زحمه الشغل

يلا كل وحده تاخذ المسج الي يعجبها وتطرشه حق ريلها

نبتدي

بعت كل القديم وجيت بالعمر شاريك،اخسر جميع الخلق واكسب معاليك
ماللعمر في بعض الايام قيمه،لا غاب عنك اللي تحبه وتغليه
ماذا ارسل اليك، فكل ماعندي لديك، وليس عندي اغلى من الروح وروحي بين"يديك"
غرني بالامل وقتي وضاعت مني سنيني، حسبت دنياي مثل امي أزعلها وترضيني
صورتك في فكري على سبع شاشات..
وافضل برامج سهرتي - ذكرياتك"
لو شوشت على البث
كل المحطات يلقط رسيفر خاطري
ذبذباتك..
جرب على ريموت الاحساس ضغطات..
تلقاه مايختار الا

" قنــاتك "

يا شوق//عمري //
ويا"قطعه مني"
مايجرح القلب الا..
((غيبتك عني))

فقدناكم ولونقدر بوسط الحلم جيناكم فقدناكم
ولا ندري اذا كنا وحشناك

اسعد الله مساك ، من قلب مانساك ، غايته دايم رضاك ،في وصالك أو جفاك
ابي ابكي على صدرك ، وارمي الهم في قلبك ، ابي اكتب قصايد حب ، بدموعي على خدك
مانسيتك لوثواني وكل شوق
لك خذاني وان حصل يوم ونسيتك
اعرف اناالموت جاني

قرب وجهك من الموبايل
تفو
وتفو
وتفوت الليالي وماانساك - ياغالي..
لي قلب يحبك
وعين تناظرك
وحب يفوق كل عشقك
فكم اسوى انا عندك

نحت اسمك على صدري وتحته عاشق وولهان،عشان اذا مت تذكرني تقول اصيل هالانسان
انت تدري عن غلاك ، لو عيوني ماتراك ، شاغل عقلي وقلبي، وكل احساسي معاك

احبك حب مابعده حسافه
احبك والهوى يجمع ثلاثه
قلبك وقلبي والمسافه
من كثر ماني فقدتك
تمنيت اني ماعرفتك
اكتب لك والدمع يسابق حروفي

انت المميز بينهم
دايم تثير جنونهم
اطلب الله وارتجيه
يكفيك شر عيونهم

قربك حياتي
وبعدك مماتي
واذا نويت تناساني
وقع على
"شهادة وفاتي"

غياب
لو تباعدنا بتقدير الظروف
مستحيل انساك ياعذب الوصوف
لايصيبك شك في غلاك بس
لو تدري وش الدنيا بلاك
تعرف انك في حياتي ملاك

أبي حبك واحساسك
وقلبك وعطر انفاسك
ابيك بحضني تتحسس
قلبي كيف محتاجك ..

يا رسالة خبريه اني
احبه واموت فيه ..
واذا عطاني قلبه اعيش فيه ..
بعيوني أنا والله
بفديـه ..

صبـاح أحلـى مـن الـورد
وبوسة الـذ مـن الـشهد
ارسمها بشفايفي
على اطهـر خـد ..
الحب بلوى
والمحبة جنوني
وترى الجنون
فنون راعيه مبلي

زلزال حبك دمر القلب تدمير مقياااس رختر أنكسر مااارصدهااا..
بشيل مـن عمـري ايـام ولـك اهـديهـا
بـس خوفي إنـك فـي وصـل غيـري تقضيهـا‍

أنت أستاذ عشق وأنا طالبة في صفك وأعتقد إني ناجحة لأني أموت في حبك
ذهب وياااقوت قيمة غلااااك عنب وتوت لذة شفاااك أحياااوأموت بحضنك ياااملاااك..

دريت اني بكيت لأنك في حقي خطيت افضحتني دموعي ولامنديل لقيت
اذا فيه يوم ضايق صدرك ونزل دمعك على خدك اتصل بي تراني ابيع الدنيا لا اجلك

حاولت انساك وانسى حتى طاريك نسيت نفسي والناس وانا بعدي افكر فيك
تدري منهو انا ..ماأطول عليك..انا اللي ما اندم عليك لو ضاع عمري في يديك

لو بعدنا لو جفينا لو يموت الوصل فينا الغلا يبقى غلاكم لو نسيتونا ما نسينا.
عذاب العين فرقاكم حياة الروح لقياكم وفكري دايم بذكراكم.

حست اني موبخير
فكرت قلت ياربي عسى
خير وتذكرت
اني ماقلت لك مساء الخير
اذا لم تجمعنا الايام جمعتنا الذكريات واذا العين لم تراك فالقلب لن ينساك

انا ماكنت ابي غير
إللي فيك لاقيته
كفايه بسمتك هذي
تنسيني اللي عانيته
إن غبت عني أدعي الرب
يحميك وإن جيتني من كل
قلبي هلا هلا هلا بيك

مستحي أهديك قلبي
وهموم غيبتك تملاه
أغسله بالوصل أنت
وأنا أرخص لك غلاه
سألت الحلم وطيوفه
عن اللي ما سأل عني
أنادي قلبه الغالي
عسى قلبه يناديني

سجلني بدفتر أيامك
أني أقرب أحبابك
وأني أشتاق بغيابك
وأني أموت وأحيا بك
تخيلتك بعيد عني......
بكيت بكل ما فيني
أحبك كلمة بقلبي
أمانة لا تخليني..

صباح الخير يا مصحصح
يا فل ياورد مفتح
أنا أبغى نهاري خير
قلت برقمك أتصبح
لو يفارقني خيالك .. ما يفارقني غلاك..
يكفي أني أعزك .. وأنت يالغالي بعيد..


سألت طبيب عيون عن عيوني شنو بيها؟
قالي: فرقة الأحباب مقدر أداويها
أجعليني موجه في بحرك
أجعليني جزء من قلبك
أجعليني دائم بحياتك
أحـــــــــــــــــــبك

إذا قلت أعشقك أكذب عليك
وإذا قلت أنت حبي ما وفيت
أنت شيء لو فقدته أنتهيت..
تركتني شخص مدمن
ونسيت أنك مزاجي
جرحتني جرح مزمن
وبخلت حتى بعلاجي

على هونك.. على هونك
تراني ضايع بدونك
تبي مني رسالة حب!!
أنا كلي فدى عيونك
رسالة حب لعيونك
كتبها قلب مجنونك
رسمها عقل مفتونك
أعشقك وأموت من دونك..

" غلاك " ما هي رسالة بجوال ........ " غلاك " ما هي كلمة تنقال ........ " غلاك قوة تزلزل جبال
أحطك بعيني يشوفونك ........ أحطك بروحي يحسدونك ........ أحطك بقلبي خايف اذا دق قلبي يعرفونك ........

بوسة الأمس للذكرى .......... وبوسة اليوم لبكرة .......... وبوسة بكرة للي هالحين يقرأ ..........
أبي ودك ... أبي قربك ... أبي إحساسك الدافي .......... أبي قربك ... أبي حبك ... أبي إخلاصك الوافي ..........

للأيام الجميلة علامات لا يمكن نسيانها .......... ولك نبضة داخل قلبي لا يمكن فقدانها ..........
الناس أجناس .......... ذهب وفضة وبرونز ونحاس .......... وأنت بعيني والله ألمااااااس ..........

جمال الليل في نظرة عيونك ....... ونور البدر مرسوم بجفونك ....... وكل الكون ما يسوى بدونك ....... أحبك !!
تولهنا على شوفك .. وما نرجى سوى لقياك .......... ولو طالت مسافاتك .. تأكد لحظة ما ننساك ..........

يا ريح المسك والعنبر ..... يا نور الكون يا سكر ..... وربي عنك ما نصبر ..... وعلى فرقاك ما نقدر .....
يسألوني ؟ ..... من هو أغلى عيوني ..... قلت هذا اللي يقرأ الرسالة ... صدقوني .....

يا بعيد الدار أوحشني كلامك .......... طالت الأسفار وما جاني سلامك ..........
الحب لغيرك حرام ... والبسمة لغيرك أجرام ... كتبت أبيات الغرام ... حبك في قلبي وسام

الإنسان يحب أكثر من مرة ..... يصادق أكثر من مرة ..... بس ما يلقى مثلك بالمرة ...... أحبك .
جيت على بالي ويا كثر جياتك .......... تطل وتغيب ويا محلا طلاتك ..........

أهجر الدنيا وأخليها ( عشانك ) .......... منهو يستاهل لأجل ياخذ مكانك ..........
أعزك يا عسل صافي ... لأنك بالوصل وافي ... ودايم حبك الدافي ... يبين شوقي الخافي ...

يا شهد العشق وميزانه ..... وكل الورد وألوانه ..... لو للغلا عنوان ..... انت يا عمري عنوانه .....
من عرفتك بدا عمري ..... زاد النبض في صدري ..... سرقت بضحكتك قلبي .....

أوعدك .. أكون .. دايم .. على .. ذكراك .. أنسى الكل .. ولا أنساك .. ولو .. بغيت .. الروح .. وربي .. تفداك ..
بسرعة دق علي أنا بمشكلة .................... عقلي وقلبي اختلفوا عليك , هذا يحبك وذا يموت فيك .....

أنا .. يعني .. لو .. بس .. لو .. لو .. أنا .. ودي .. أأ .. أنا .. أناا .. أناااا ..... يوووه بالعربي أنا أحبك .....
مشكلتك إنك لطيف ..... شفاف ودمك خفيف ..... وش أقول وش أضيف ..... مزيون ومالك وصيف .....


واذا تبون زود تراني حاضره




شكر خاص مرصع بالالماس لحبوبتي كلام العيون على هالتوقيع الرائع مثلها
الماسة السوداء غير متواجد حالياً   اضافة رد مع اقتباس
قديم 08-08-2005, 08:33   2
*حوراء*
موقوفه
 
الصورة الرمزية الخاصة بـ *حوراء*
التسجيل 25-07-2005
البلد : بأرض الله الواسعه
المشاركات 207

تسلمين حبيبتي مع اني مو متزوجه بس مسجااتك حلووة


*حوراء* غير متواجد حالياً   اضافة رد مع اقتباس
قديم 08-08-2005, 08:54   3
ونه ألم
كبيرة محررات عالم حواء
 
الصورة الرمزية الخاصة بـ ونه ألم
التسجيل 25-10-2004
البلد : في أرض الله الواسعة
المشاركات 8,840

وإذا الوحده كانت عاطله عن العمل وقاعده في البيت

يعني فااااااااااضيييييييييييييه حديييييييييييييييي


فبدل ما ادز له مسج اسندره بتلفوووناتي القرعه << وحده مافيها صبر تنطر ريلها يرد عليها بمسج وهذا إذا رد بعد


[img]http://b1.*******.com/M71Mp3/.png[/img]
ونه ألم غير متواجد حالياً   اضافة رد مع اقتباس
قديم 08-08-2005, 09:06   4
الماسة السوداء
كبيرة محررات عالم حواء
التسجيل 05-07-2004
البلد : البحرين
المشاركات 7,071

حوراء
تسلمين حبي على المرور والمشاركه و*****الله الله يرزقج بالزوج الصالح يارب



ونون
وفري ابيال التلفون في المسجات
وبعدين المسجات حجي رومنسي ومثل الشعر
اتحداج تقولين له هالحجي فيس تو فيس انا الصراحه استحي




شكر خاص مرصع بالالماس لحبوبتي كلام العيون على هالتوقيع الرائع مثلها
الماسة السوداء غير متواجد حالياً   اضافة رد مع اقتباس
قديم 08-08-2005, 09:11   5
ونه ألم
كبيرة محررات عالم حواء
 
الصورة الرمزية الخاصة بـ ونه ألم
التسجيل 25-10-2004
البلد : في أرض الله الواسعة
المشاركات 8,840

عاد انا إلي ماستحي

هذا ريلي يعني حقي مقي اتغززززززل فيه ليييييين ما اشبع << وحده ما عندها حيه


تعااالي أعلمج انا شلووون ما تستحين من ريلج وتتغزلين فيه ويه لويه


[img]http://b1.*******.com/M71Mp3/.png[/img]
ونه ألم غير متواجد حالياً   اضافة رد مع اقتباس
قديم 08-08-2005, 13:31   6
أم التوفي
محررة برونزية في عالم حواء
 
الصورة الرمزية الخاصة بـ أم التوفي
التسجيل 25-09-2004
البلد : في قلب من احب
المشاركات 2,069

يسلموا يا احلى الماسة




مــاشـــــــــــــــــــــــــ ـاء الله
أم التوفي غير متواجد حالياً   اضافة رد مع اقتباس
قديم 08-08-2005, 16:41   7
أجمل إحسـاس
محررة في عالم حواء
التسجيل 09-04-2005
البلد : قلب زوجي
المشاركات 1,145

جزاك الله خير حبيبتي فعلا رائعه


أجمل إحسـاس غير متواجد حالياً   اضافة رد مع اقتباس
قديم 08-08-2005, 18:35   8
الدلوووووعه
عضوة نادرة
التسجيل 08-01-2003
البلد : (العين دار الزين)لكن تبقى (عروس البحر الأحمر)في قلبي دائما..
المشاركات 974

تسلمي ياألماساة حواء الرائعه,,,,,,,


أمي ياأول حب عشته بدنيا ياأول إسم تنطق شفاي طاريه
رحمك الله ياجدي الغالي ورزقت برد العيش بعد الموت
الدلوووووعه غير متواجد حالياً   اضافة رد مع اقتباس
قديم 09-08-2005, 07:23   9
الماسة السوداء
كبيرة محررات عالم حواء
التسجيل 05-07-2004
البلد : البحرين
المشاركات 7,071

تسلمين فروحه حبي على المرور





اجمل احساس
مشكوره يالغلا على هالطله





الدلووووعه
نورتينا وشرفتينا حبي




شكر خاص مرصع بالالماس لحبوبتي كلام العيون على هالتوقيع الرائع مثلها
الماسة السوداء غير متواجد حالياً   اضافة رد مع اقتباس
قديم 09-08-2005, 08:36   10
" حبيبتي الكويت "
عضوة نادرة
التسجيل 10-06-2005
المشاركات 817

تسلمين ياعمري على مسجات صج حلوه بعد إذنك طبعتها عشان بسجلها في تلفوني


" حبيبتي الكويت " غير متواجد حالياً   اضافة رد مع اقتباس
إضافة رد

أدوات الموضوع البحث في هذا الموضوع
البحث في هذا الموضوع:

بحث متقدم
طريقة عرض الموضوع

الإنتقال السريع


الوقت المعتمد في المنتدى بتوقيت جرينتش .
الوقت الان » 01:09.

مواقع عالم حواء | اعلن معنا
جميع الحقـــوق محفــوظة لشبكـة مـــواقــــع عــالم حــواء

[الصفحة الرئيسية] [المنتديات] [الفتاوى الجامعة]


Powered by: vBulletin Version 3.7.1
Copyright ©2000 - 2014, Jelsoft Enterprises Ltd