كيف اعرف اذا زوجي يخوني ولا لا؟!!! مانام الليل وانعدمت الراحه..الحل؟ - ارشيف منتديات عالم حواء
ارشيف منتديات عالم حواءارشيف منتديات عالم حواء

العودة   ارشيف منتديات عالم حواء > القسم العام > الحياة الأسرية
المنتدى البحث المشاركات الجديدة التأشير على جميع الاقسام بالمشاهدة

إضافة رد
 
أدوات الموضوع البحث في هذا الموضوع طريقة عرض الموضوع
قديم 28-06-2005, 00:28   1
النهر الصافي
عضوة
التسجيل 25-02-2003
البلد : احدى بقاع الارض
المشاركات 83

السلام عليكم خواتي ونعم الاخوات اللي احس معاهم بالراحه

راح اتكلم بالموضوع بدون مقدمات
انا زوجي طيب وياي مو مقصر وياي بأي شي من اللي تحتاجه الزوجه سواء الناحيه الماديه او المعنويه بالعكس يدور رضاي..لكن المشكله انا شاكه فيه يعرف احد غيري بس مو نفس البلد ..انا عمري ماشفته يكلم الا اذا طلع البيت شي ثاني انا ماادري عنه ..جهازه الموبايل مايحب اتعبث فيه الا بعلمه بس ساعات يقولي لاتتعبثين بالرسائل المرسله لأني مااحب تشوفي رسايلي اللي اكتبهم مجرد شي خاص حتى ربعي مااحب يتعبثون في اغراضي وانا فاهمه وجهه نظره لأن حتى انا مااحب احد يتعبث بالرسايل الا بعلمي.. مع العلم هو يعرف واحد ولد من البلد اللي شاكه يعرف فيها بنت ويراسله مسجات مرات قليله جدا وانا اعرف هالشي بس ولا مره قريت اي رساله يعني متعمده عشان اعرف.
مره من المرات و هو يكلم صديقه بالمسنجر قاله صديقه وين البنت من البلده الفلانيه (اللي شاكه فيها وهي نفس البلد اللي يعرف رفيجه ويدز له رسايل اهو اجنبي مو عربي) و زوجي عادي يخليني اقرا شنو اصحابه يكتبون له بالمسنجر..عاد لما صديقه سأله السؤال قلت له شنو هذا!!!؟ بسرعه سكر الجهاز وراح الصاله انا انهرت وقعدت ابجي وقالي صدقيني انا مااعرف البنت اللي يقول عنها صديقي ..ايش تبين اسوي لك عشان تصدقيني؟ وقعد يراضيني و يقنعني ان مايعرف البنت وان سالفه البنت اهي ان صديقه كان يكلمها وزوجي عنده فقال صديق زوجي لزوجي ضيف البنت عندك بالمسنجر وقال زوجي لا مابي ومارد عليه وقلت له ليش تقوم من عالجهاز بالسرعه هذي؟قال لأني ناوي اصلا اقوم من الكمبيوتر واقعد بالصاله المهم انا سكت واهو راح الحمام تكرمون ورد كمل الموضوع وقالي ايش تبين اسوي عشان تصدقين؟ قالي خلاص انا راح ادق على صديقي واحط سبيكر واسمعيه ..ودق عليه وقاله زوجي منو هذي البنت اللي تتكلم عنها وقاله صديقه هذي البنت اللي قلت لك عنها اعرفها وقلت لك ضيفها وقلت لي مابي ومارديت علي. المهم سكره منه وقالي صدقتي قلت له اوكي بس بعدين فكرت شنو اللي يضمن كلامه صح؟ مو يمكن لما راح الحمام خذا وياه التلفون ودق على صديقه وقاله ترا زوجتي كذا وكذا وانا راح ادق عليك وقول جذي

المهم هو ناوي من زمان يسافر للبلد هذااللي يعرف فيه الولد ويرسله مسجات مرات قليله والسبب ان له ربع مسافرين لللبد هذا وشوقوه يسافر فزوجي قرر يشوف البلد هذا ويسافر له مع اصحابه لكن عنده اصحاب ققروا يسافروون بلد ثاني فقال لي بسافر وياهم وقلت له و كيف بالنسبه للبلد اللي ناوي تروح له وتشوفه قال مايصير اسافر سفرتين انتي براحتج وين تبين اروح وانا حاضر قلت له خلك مع ربعك واهو بنفس الوقت داخل نفسي مابيه يسافر البلد اللي يبيه لأني خايفه من ان يعرف بنت هناك ,,فقال اوكي وبعيني شفته خذا فلوسه لأصحابه عشان يحجزون للسفر بس بعد شوي رد وياه الفلوس ومعصب عليهم لأنهم هونوا يسافرون لما حسبوها طلعت غاليه السفره..فقال مايصير جذي لازم اسافر وهو عنده ضغط من العمل كذلك فقرر يسافر للبلد اللي مااحبها بحكم اني شاكه في السالفه ..اول الموضوع كان وياه صديقه بعدين صديقه غير رايه ومايبي يروح وياه والحين سافر بروحه لمده اسبوع ويكلمني يوميا بس مايطول ويقول ان صديقه اللي من البلد اللي رايح له زاره كل اليوم ونفس الشي يوميا يجيه عشان يدليه ويوديه معالم البلد وانا خايفه تكون بنت امس كلمني يقول مليت ودي ارد بس ماكو حجز يعني مايبي يكمل الاسبوع قلت له ليش يقول الديره مو مثل ماكنت متوقع راح استانس وبعدين صديقي مايقعد وياي طول الوقت مجرد مايروح انا ابقى طول اليوم قاعد مااعرف بالديره شي.
الشي اللي خلاني اشك ان قبل لا يسافر بمده سألني مره منين شاريه هذا الفستان اهو مال بيت عادي بسيط وانا تضايقت بس قلت له من السوق!!

ولما جهز اغراض السفر خذا وياه ملابس داخله حلوه حتى عندي مالبسها الا مره وانا عصبت وقلت له ليش ماتلبس عندي قال انا شفته مع الملابس وخذيته واذا متضايقه منه رديه الخزانه قلت انت تعرف بنت هناك؟ وقال لي كلام خلاني انقد على تفسي وندمت ليش قلت له هالحجي ومن الكلام اللي قالي ان تفكيري متخلف وتفكير وحده صغيره وان لازم تفكيري يكون راقي وثقه ولو ان يبي هذي السوالف جان سافر مع اصدقاء له كثير رايحين لبلدان مشهوره في هذي السوالف اللي مو زينه بس ان هو وده يشوف هالبلد وان لازم يغير من ناحيه اللبس لأن مسافر وقلت له ليه تكلمني بعصبيه كلمني شوي شوي قال لأن تفكيرج غلط فيني !!!! وقبل لا اقوله ليه ابكي كان يتودد لي اعلمه شنو فيني كان يقول فضفضي قولي انا ابي اعرف شنو فيج طلعي الكلام اللي بقلبج ولما قلت له قالي هالكلام بعصبيه!! وقال اني عوفته السفره واني حنانه بعدين اقتنعت ان مافي شي بس!!!!! لما جا يسافر شي محرج مستحيه اكتبه بس مضطره عشان تحللون وياي(حلق جسمه ومن ضمنه .......انتوا عارفين) بس لما يكون معاي مايحرص كثير عادي عنده..هذا الشي بعد خلاني اشك لدرجه اصدق ان يعرف غيري. شرايكم ؟؟؟؟
انا تعبت ماادري وين الصح!؟ اهو مو متغير علي من جميع النواحي كل شي تمام حتى قبل لا يسافر دق علي ولما وصل دق علي بس ماني عارفه احس اني خايفه كأنه يعرف احد!

راي اختي تقول لا تكلمينه عن شكج فيه اذا فيه شي مصير الايام تبين لج... هل هذا صحيح؟ ولا في بعضهم شطارمايبين عليه شي؟ وهل اصارحه بعد مايرجع من السفر عن احساسي؟ هو بس اسبوع مسافر وراد ان شاءالله
اهو مداريني ومداري شعوري يبيني ويحتاجني كأني امه وانا سعيده باهالشي لكن هو مو ملتزم زين من ناحيه الدين فهذا سبب ثاني مخوفني , هل ياترا فوق هذا عادي يتعرف على بنت!!

ابي رايكم؟ وشلون الزوجه تعرف اذا زوجها يكلم بنت وفي حياته وحده ثانيه؟؟؟

همتكم معاي لو اني ماارتاح لكم ماكتبت وطلبت رايكم..
في انتظار ردودكم بأسرع وقت


النهر الصافي غير متواجد حالياً   اضافة رد مع اقتباس
قديم 28-06-2005, 00:48   2
هبات مدنية
عضوة نشيطة
التسجيل 17-03-2004
المشاركات 161

و عليكم السلام و رحمة الله و بركاته

شوفي حبيبتي لما يصير شعار الحياة الزوجية الشكوك و الاوهام تنهار الثقة و تدخل المشاكل من باب وااااااااااااسع...
يصير عدم الأمان موجود معاكم كل لحظة و تبدأ الحب الاحترام المحبه و العشق كل ها المشاعر الراقيه تختفي و تذوب....

انتي عندك خيارين..........

***الأول انك تتبعين خطواته و تراقبينه و تتجسسين عليه

***الثاني انك تسلمين امرك لله و تتناسين كل ها الشكوك و تعيشون حياتكم طبيعي و لصار شي واقعي حقيقه لا جدال فيها هناك ممكن تتصرفين.



الخيار الأول من عيوبه:
جلب الهم و الغم
ارتكاب ذنوب صريحه (التجسس لا يجوز-ظن السوء-غضب الزوج-ما يجرة غضب الزوج من لعن الملائكة و العياذ بالله..........الخ)
الحياة تصبح صعبه متوترة


ميزاته:
انك تكوني عارفه كل شي(لكن صدقيني مو شرط المعرفه يعني راحه بال)


و لاحظي هنا عظم وخز الضمير لو كان الرجل برييييييء




الخيار الثاني من عيوبه:
لو كان فعلا على ما تظنين ...و انتي يا غافلين لكم الله

مميزاته:
تمشي الحياة سهلة مريحه بعيده عن الهم
اقرب لرضا الله سبحانه
اقرب لرضا الزوج لما يشوف ثقتك فيه ...حتى لو كان في باله شي ثقتك راح تخليه يستحي يسويه ..بينما التحدي دافع قوي جدا لأن ينفذ اللي خايفه منه لوووو كان ها الشي في باله لا سمح الله


((لكن غافله مظلومة عند ربك خير من نبيهه ظالمه))

و انتي عليكي تكملي الموازنه بين عيوب و ميزات كل خيار ...و من ثم استخيري ربك في ها الأمر و توكلي عليه

و عسى الله يبعد عنكم الشيطان و ألعابه


هبات مدنية غير متواجد حالياً   اضافة رد مع اقتباس
قديم 28-06-2005, 00:56   3
النهر الصافي
عضوة
التسجيل 25-02-2003
البلد : احدى بقاع الارض
المشاركات 83

شكرا اختي هبات مدنية عالرد
الخيار الثاني عندي افضل بس راح يتعبني ومايخلي حبي له وعطاءه من قلب,,يعني اخاف اجامل واعيش تعيسه خايفه والخيار الاول فيه تعب اكبر واخاف اظلمه واخاف ربي من التجسس ..بس شنو اللي هو باين عليه,,تصرفاته شنو توحي لكم؟؟

اتمنى المزيد من ارائكم....


النهر الصافي غير متواجد حالياً   اضافة رد مع اقتباس
قديم 28-06-2005, 01:16   4
ريمــــــــاس
عضوة مميزة
التسجيل 16-02-2004
المشاركات 648

انتي منكده على نفسك وكل اتهامك له مجرد شك..

شوفي بقول لك كلمتين وافهميها..
الرجال اللي في راسه شي محد يقدر يغير اللي في راسه,,
واللي يلعب من ورا ظهرك ربي بيفضحه قدامك..

فلا تلعبين بأعصابك وتحرقينها..


ريمــــــــاس غير متواجد حالياً   اضافة رد مع اقتباس
قديم 28-06-2005, 01:49   5
sooooon
محررة في عالم حواء
التسجيل 18-11-2004
البلد : في اعماق قلبي
المشاركات 1,806

حبيبتي اعانك الله ، واقولك صعب انه الوحدة تتأكد من شكوكها من هذه الناحية ، خصوصا انه الرجال يقدروا يعملوا تمويه ، اعرف واحد متزوج على زوجته اربع سنين وزوجته مو حاسة ، يعني اما انها ساذجة واما انه ممثل كبير ، الزبدة ، اعملي بنصيحة اختك ، واذا فيه شيء مصيره يبين ، لكن اشتغلي على زوجك من ناحية الدين ، اشرطة ومطويات ، وانتي ايضا وثقي صلتك بربك اكثر والجئي اليه بالدعاء ، وسورة البقرة تريح قلبك من الشكوك صدقيني ، مفعولها لا يوصف ، وختاما اتمنى لك راحة البال .


sooooon غير متواجد حالياً   اضافة رد مع اقتباس
قديم 28-06-2005, 06:06   6
لمسات_الامل
عضوة
التسجيل 03-03-2005
البلد : الجوف
المشاركات 53

ليش مارحتي معاه واي بلد سافر

اسفه بس كل شي يعتمد عالبلد الي سافر له خصوصا ادا كان بعيد

والله يطمن قلبك بالخير


لمسات_الامل غير متواجد حالياً   اضافة رد مع اقتباس
قديم 28-06-2005, 06:50   7
" حبيبتي الكويت "
عضوة نادرة
التسجيل 10-06-2005
المشاركات 817

حبيبتي لا تشكين في زوجك لانه راح تصير مشاكل ما لها داعي أنا عن نفسي زوجي احياناً يقول ما احب أحد يتعبث في تلفوني يعني شيء طبيعي لا تخافين أما سفر يمكن فعلاً اصاحبه وبعدين لو أن في شيء مثل ما قلت كان ماقال لك كعدي معاي على كمبيوتر كان قال لك قومي أبي أكلم ربعي خلج واثقه من زوجج .


" حبيبتي الكويت " غير متواجد حالياً   اضافة رد مع اقتباس
قديم 28-06-2005, 07:11   8
بــنت ابـــوها
عضوة فعالة
التسجيل 12-02-2005
البلد : دار زايــــــــــــــــــــــــد
المشاركات 317

الله يعينك اختى

ابعدي عن الشك لآن الشك ايدمر البيت ويخليك انتى بصوب وريلك بصوب حاولي اتخلينه يفكر فيكي يعنى لا تبينين شعورك وخليكي مثل اللغز بالنسبه له يعنى يوم بيرد مثلاً:

بيكون متوقع انك اتحاسبينه بالعكس اصدميه انك كوني بكامل اناقتك ولا تعطينه فيس وضحكي عادي وتغشمري ولا كأنه فى شي صدقينى انه بيموت يبايعرف انتى شو فيك ؟؟؟؟

ولا تسألينه ابداً عن السفر خلى الموضوع وكأنه مافى شي انا ادري انه صعب عليك بس والله ما تتخيلين كيف هذه الطريقه تنفع معاهم

يعنى مثل ما اهو محيرنك انتى حيريه خلي يسال نفسه هذه الحرمه شو فيها متغيره واذا سألك:

قولي له ما فى شي وعيشي حياتك عادي واذا غلط بيغلط حق عمره
ولا تعبين نفسك مافى شي فى هذه الدنيا يستاهل ان الواحد يزعل عليه

والله يخليكم حق بعض


بــنت ابـــوها غير متواجد حالياً   اضافة رد مع اقتباس
قديم 28-06-2005, 10:07   9
هبات مدنية
عضوة نشيطة
التسجيل 17-03-2004
المشاركات 161

تصرفاته توحي بأنه يتصرف بتلقائيه و في نفس الوقت يريد يكون له بعض الخصوصيه ....مش عشان يغلط لكن عشان يتنفس الحريه(((و هذا عند الجميع حريم و رجاجيل)))


للعلم...حتى شرعا يفضل ان الرجل يستأذن قبل الدخول على أهله(((حتى لو كان شاك ان معها رجل))) احتراما و حفظ للخصوصية

و تذكري حبيبتي من تتبع عورة مسلم تتبع الله عورته

يعني اتركيه و ربه اذا يبغى يعصيه ربي كفيل فيه ان حب يستره و يتوب عليه و الا ربي يعمل ما يشاااااء

و انتي عليكي بالدعاء و اخلاص النية و الرجوع لله ...رجعي لنفسك شوفي أعمالك و اكثري من الاستغفار تلقين روحك رديتي طبيعيه مع زوجك مو مجاملة لكن فعلا من قلب طبيعيه


هبات مدنية غير متواجد حالياً   اضافة رد مع اقتباس
قديم 28-06-2005, 11:03   10
أم ميثا
محررة في عالم حواء
التسجيل 12-06-2004
المشاركات 1,313

من خلال تجربتي صدقيني مسير الأيام تكشفه بدون ما تركضين انتي ورا دليل الخيانه بيطيح في ايدج لأنه زوجه يعني شريكه في كل شي يخصه وانتي أقرب له من كل اللي حوله
فلا تصارحينه بأي شي من شكوكج بس اسأليه عادي عن كل صغيرة وكبيرة في حياته بدون ما تبينين انج شاكة لأن ممكن يطلع كل شي وهم وشكوكج مب في محلها عقب ما بيغفرلج انج شوهتي صورته الشريفة عاد الرياييل بغضهم هالشي !!
وبالنسبه للإلتزام بالدين إلى أي مدى تقصدين؟؟
يعني يصوم ويصلي ويزكي وحج؟ هذا أدى فروضه لكن ما يمنع انه ممكن يرتكب بعض الحماقات لا والمصيبه انه ممكن يعتبرها حلال .....


أم ميثا غير متواجد حالياً   اضافة رد مع اقتباس
إضافة رد

أدوات الموضوع البحث في هذا الموضوع
البحث في هذا الموضوع:

بحث متقدم
طريقة عرض الموضوع

الإنتقال السريع


الوقت المعتمد في المنتدى بتوقيت جرينتش .
الوقت الان » 18:16.

مواقع عالم حواء | اعلن معنا
جميع الحقـــوق محفــوظة لشبكـة مـــواقــــع عــالم حــواء

[الصفحة الرئيسية] [المنتديات] [الفتاوى الجامعة]


Powered by: vBulletin Version 3.7.1
Copyright ©2000 - 2014, Jelsoft Enterprises Ltd