اسراري الخاصه في عنايتي اليوميه ........... - ارشيف منتديات عالم حواء
ارشيف منتديات عالم حواءارشيف منتديات عالم حواء

العودة   ارشيف منتديات عالم حواء > القسم العام > الجمال والأناقة > ركن العناية بالبشرة
المنتدى البحث المشاركات الجديدة التأشير على جميع الاقسام بالمشاهدة

إضافة رد
 
أدوات الموضوع البحث في هذا الموضوع طريقة عرض الموضوع
قديم 05-05-2005, 01:16   1
الموسوسه
محررة في عالم حواء
التسجيل 02-04-2003
البلد : الرياض
المشاركات 1,686

هلا خواتي .............................. .

بما انكم طلبتوني ماراح ابخل عليكم ................ وهذا الموضوع مهدى لك اختي أم هيا .......................


طبعا راح اذكرلكم كل شي اصلحه من طأطأ لسلامو عليكو .................. سواء كان عنايه داخليه او خارجيه بصحة الجلد .............................

بسم الله نبدأ ................


راح نتكلم عن العنايه الداخليه ( الاكل والشرب )...........

1 ـ شرب ليترين من الماء ضروري .
2ـ على الريق اشرب كوب قهوة الشعير مع سبع تمرات ( رطب )


فوائد قهوه الشعير :

تحسن حالة الجلد والشعر والامعاء وتساعد على التخلص من الدهون

فوائد التمر :

يحسن الكبد ويقي من التسمم والعين وشغلات واجد اعتقد الكل يعرفها <== ماعندها سالفه .................... طبعا لاننسى انها مذكوره بالطب النبوي .

3 ـ اكل الخضار والفاكهه مع كل وجبه او بين الوجبات .

4 ـ تناول الفيتامينات المكمله .......... وانا استخدم فيتامينات من GNC
من مجموعة:

WOMEN`S
وأسمها:


Hair,Skin&Nails Formula

وتحتوي على 32 فيتامين وتأخذ ثلاث حبات في اليوم مع كل وجبه .


وهذي صورتها



5 ـ شرب الاعشاب ( يانسون ، بابونج ، زهورات ، زعتر ) والابتعاد عن المشروبات اللي تحتوي على الكافيين والمشروبات الغازيه .

6ـ الحذر من الامساك وإذا كنتِ تعانين منه انصحك بالسنا مكي .


7ـ حاولي قدر المستطاع تدخلين الألياف في اكلك وخاصه الطحين الاسمر والرز الاسمر ( انا عن نفسي مستحيل اتبع هذا الشي لاني اموت بالمعجنات البيضاء بس هذي نصيحه اقولها لكم )

8 ـ ممارسة الرياضه هذي مافيها كلام على الاقل سبع ساعات بالاسبوع يعني كل يوم ساعه .



نجي الحين للعنايه الخارجيه .......................

راح اقولكم العنايه اليوميه من أول ماقوم من النوم لين ماأنام .

1ـ اول ماقوم من النوم اغسل وجهي بالماء بعده احط الميلك ( الحليب المنظف )
وانا افضل الميلك الطبيعي لانه ناسبني اكثر.


وهذي مقاديره :

كوب حليب سائل والافضل انك تخلطين كوب ماء فاتر مع اربع ملاعق طعام حليب بودره .
نص حبه ليمون
اربع ملاعق طعام مغلي ميراميه .
ملعقة طعام دقيق اسمر .
تخلطينهم بعد ماتغلين الحليب وتحطينهم بالثلاجه وتستخدمينه كل ماجيتي تغسلين وجهك .


بعد الميلك اغسل وجهي بالسيتافيل لان ريحة الميلك ماتعجبني ابدا . وهذي صورة السيتافيل بس اللي عندي للبشره الحساسه واللي بالصوره لجميع انواع البشره .




طبعا اغسل وجهي بماء بارد من الحنفيه وبعدين امسحه بماء الورد البارد ...........

اخر خطوه احط الواقي الشمسي وانت حره بأي واقي شمسي تستخدمينه اهم شي لاتقل نسبة الحمايه عن 40% بالميه
انا استخدم الأفين لان وقايته 60% طبعا فيه منه درجات بس افضله لانه يغنيني عن كريم الأساس في أوقات الدوام .

هذي صورته .





2ـ بعد الدوام تكونين ميته حر ، ماينفع غير دوش يروق اعصابك ............
بالنسبه لوجهي اكرر الخطوات اللي قبل بس بعد السيتافيل احط ماسك النشاء وماء الورد .


ماسك النشاء وماء الورد :

كوب ماء بارد
من 2 الى 3 ملاعق طعام نشاء
3 ملاعق طعام ماء ورد
تطبخين المقادير على النار مثل المهلبيه واخف بشوي وتضيفين ماء الورد اخر شي وتحطينه بالثلاجه لحين الاستخدام .


صدقوني افضل ماسك يشيل الحراره من الوجه ويبيضه ويورده ويقبض المسام .
واخليه طول فتره استحمامي .


طبعا لوازم الدش :

الليفه المنفوشه ( مادري وش اسمها بس تلقونها في ذا بودي شوب وسااعات تلقينها عرض مجاني مع جل الاستحمام )

جل الاستحمام :عاد انتم براحتكم انا احب انوع حسب المزاج ساعات استخدم جل الاستحمام من ذا بودي شوب برائحة البرتقال وساعات من ايتام واكثر الاوقات من ديتول ( انتبهوا استخدموا الجل الازرق ) الانواع الثانيه مروحه مو حلوه خاصه اللي برائحة النعناع قال منعش قال ريحته إبط معفن .



للي مايعرف الديتول هذا شعاره <==== وحده تصرف مالقت صورة المنتج .

طبعا والخطوه المهمه بعد الاستحمام هي الترطيب ، بعد الحمام على طول وجسمك مبلول رطبيه بزيت بيبي جونسون للاطفال ومنه انواع :
فيه الخفيف ويجيك بخاخ بعدة انواع ( صبار ، لافندر ، بابونج ، زهور )




وفيه منه مش للاطفال بخلاصة زيت الصويا واللوز المر .

وطبعا الزيت التقليدي وبعدة انواع :






وفيه الجل هذا ترطيبه دبل ومثالي بعد الحمام المغربي والافضل اللي بالبابونج .



بعد ماتدلكون جسمكم وينشف رطبوه من جديد بلوشن جليسوليد الاحمر ريحته حلوه وينشف مايترك أثر دهني



3 ـ قبل النوم اغسل وجهي بالسيتافيل وبعدين استخدم المقشر اليومي الخفيف من استي إفز بخلاصة المشمش ..... وهذي صوره مقاربه له بس الصوره مخصصه لليد



بعد السكروب امسح وجهي بماء الورد وبعدين احط اللوشن من نيتروجينا ( هيلثي سكين ) الخاص بالبشره الحساسه وهو يحتوي على فيتامين ايه وسي وإي ويحتوي على احماض الفواكه اللي مع الوقت تبيض البشره وتزيل الجلد الميت وأثار الحبوب والبقع ....... ممكن بعد ماتدهنين البشره بعشر دقايق تحطين المرطب اللي يناسبك بس انا اكتفي به .

Neutrogena Healthy Skin® Face Lotion for Delicate Skin



هذا بالنسبه للوجه اما الجسم ادهني الركبتين والمرفقين واي منطقه جافه في جسمك بكريم جليسوليد البلسم .



وادهني الشفايف بالفازلين ثيربي



إذا ماتوفر عندك ادهنيهم بجل فازلين الاصلي .



اما اليدين والقدمين ادهنيهم بالفازلين الخاص بهم للعنايه الفائقه وعن جد خطير هالمنتج يحسن الايدين والأضافر بشكل رهيب .



بكذا نكون انتهينا من العنايه اليوميه .............................. .


تملكين كشه؟تهربين من الرطوبه؟ اليك الحل بالصور

لمحبات الشعر الكيرلي؟أو تجعيد نانسي عجرم(مدعم بالصور)

من جديد .....قصات .....صبغات ......أطلالات النجوم ....(بالصور)

للجريئات فقط ... بظرف اسبوعين .... راح تصيرين قمر 14.. والكل راح يسأل عن سبب بياضك!!!!!

العلاج الصيني للقضاء على الشقوق البيضاء (علامات التمدد)

للراغبات بوجه ممتلئ ومتورد ومشرق ، وشفاه غليظه وجذابه وكأنك حاقنه بالكولاجين


لون عينيك ، يتجدد، يتألق بالعدسات ...اسرار العدسات وكل مايتعلق بها ( بالصور)

السفيـــــــــــــداب متوفر لبنـــــــــــــات الرياض

أســــــــــراري الخاصه في عنايتي اليوميه(مدعم بالصور)

الموسوسه غير متواجد حالياً   اضافة رد مع اقتباس
قديم 05-05-2005, 01:25   2
توته الحلوه
كبيرة محررات عالم حواء
 
الصورة الرمزية الخاصة بـ توته الحلوه
التسجيل 14-04-2003
البلد : دبــــــــــي،الامارات
المشاركات 8,547


موضوع رائع

تسلمين عزيزتي


توته الحلوه غير متواجد حالياً   اضافة رد مع اقتباس
قديم 05-05-2005, 01:56   3
الدكتورة الحكيمة
عضوة نشيطة
 
الصورة الرمزية الخاصة بـ الدكتورة الحكيمة
التسجيل 01-01-2005
المشاركات 120

أعتقد هذه عناية أسبوعية وليس يومية ....




يعني نخلي أشغالنا وماعندنا غير ندهن بهالجسم من هالمستحضرات ....




تحياتي


الدكتورة الحكيمة غير متواجد حالياً   اضافة رد مع اقتباس
قديم 05-05-2005, 01:59   4
عمــة الحسـن كله
محررة برونزية في عالم حواء
 
الصورة الرمزية الخاصة بـ عمــة الحسـن كله
التسجيل 21-06-2003
البلد : في هالدنيــــــــا
المشاركات 2,305

ماشاء الله تبارك الله

كيف يجيلك وقت لكل هذاا؟؟

الله يعطيك طولت البال

ويسلمووووووووووووو


ادعولي بالتـــــــــــوفيق
عمــة الحسـن كله غير متواجد حالياً   اضافة رد مع اقتباس
قديم 05-05-2005, 01:59   5
Cute_JuMaNa
محررة ذهبية في عالم حواء
 
الصورة الرمزية الخاصة بـ Cute_JuMaNa
التسجيل 11-11-2004
البلد : ( لا تنسوني من دعائكم ) مانسـاك والله ليـن اصيـر داخــل القـبـر دفـيـن .... مانـسـاك والله لـيـن روحــي تـفـارق جسـدهـا
المشاركات 4,316

موضوع رائع


من ترك شي لله عوضة الله خير منه
ادعولي ان ربنا يصبرني
توكلت عليك يارب العباد
*إنا لله وإنا إليه راجعون
اللهم أجرني في مصيبتي واخلف لي خيرا منها*
*يارب اشفي امي ( ام اسامة ) شفاء عاجل*
*اللهم لك الحمد كما ينبغي لجلال وجهك و عظيم سلطانك*
*استغفر الله العظيم*
*يارب فك كربي و كرب كل مهموم*
*يارب يسرلي اموري*
*اللهم رده الي ردآ جميلا*
Cute_JuMaNa غير متواجد حالياً   اضافة رد مع اقتباس
قديم 05-05-2005, 02:10   6
رسهان
عضوة فعالة
التسجيل 18-01-2005
المشاركات 279

اهلين أختي

مشكورة على الموضوع الحلو
تسلم الايادي

سلاااام


رسهان غير متواجد حالياً   اضافة رد مع اقتباس
قديم 05-05-2005, 02:12   7
GalaXy Dior
عضوة نشيطة
التسجيل 27-04-2005
المشاركات 191

روووووعه والله موضوع متكامل برأيي بس لازم اوزع الموضوع على الاسبوع << وحده عجيزه خخخخخخ
بس بغيت أسألك ممكن تكون أغلبيه الاغراض من الصيدليه ؟؟
ولا يبيلها لف ودوران بالمحلات والاسواق والخ

مشكووره مره ثاانيه


ياحي ياقيوم برحمتك استغيث
سبحانك اللهم وبحمدك اشهد ان لااله الا انت استغفرك واتوب اليك
GalaXy Dior غير متواجد حالياً   اضافة رد مع اقتباس
قديم 05-05-2005, 02:12   8
moon321
محررة في عالم حواء
 
الصورة الرمزية الخاصة بـ moon321
التسجيل 26-07-2004
البلد : ياكويت ياشمس الحيا والحافظ الله ياكويت
المشاركات 1,473

بعد قلبي يسلموووووووووووووووو ماشالله عليج ياهوليوديه تبارك الله
بس سين سؤال اين تقع فلخارطه اوربا<<<<ظيعت خخخخخخخخخخ
لا صج سيتافيل اللي عندي غير عن اللي بصوره ليش؟؟؟؟
حتى كل البنات عندهم اللي عندي وانتي غير ليش..وياقميره هندي هندي ياللي عندج ماعندي هههههههههههههههههههههه<<فصلت
والاامسااااااااااااااااااااااا ااااااااك موتني انا وشنو السنا مكي ها؟؟ولوماعليج تمر ممكن تعلميني شلون طريقة قهوة الشعير؟؟
والفيتامينات ماتحسين انها تفتح الشهيه؟؟ترا موناقصه متن وكروش ها


يالله ترحم منهو طفى الضلايم
اللي شعل عمره وسط عمر الانسان

كل مواضيعي هني

moon321 غير متواجد حالياً   اضافة رد مع اقتباس
قديم 05-05-2005, 02:17   9
خوية ريم
عضوة نادرة
 
الصورة الرمزية الخاصة بـ خوية ريم
التسجيل 04-02-2005
البلد : سعوديه شرقاويه
المشاركات 836



ماشاء الله تبارك الله

عن جد .. رااااايقه

ليتني مثلك

انا بشرتي رايحه في عينها

بس بشري عن بشرتك ..ان شاء الله التعب جايب نتيجه مرضيه جدا معك؟

تحياتي لألك وشكرا لمجهودك




خوية ريم غير متواجد حالياً   اضافة رد مع اقتباس
قديم 05-05-2005, 02:30   10
moon321
محررة في عالم حواء
 
الصورة الرمزية الخاصة بـ moon321
التسجيل 26-07-2004
البلد : ياكويت ياشمس الحيا والحافظ الله ياكويت
المشاركات 1,473

اي صج نسيت هوليوديه انا اطااالب وبقوووووووووووووووه واعتقد الكل يايدني انج تظعين برنامج للعنايه الاسبوعيه اي نعممممممممممممم لوسمحتي يعني
وبلنسبه للحمام المغربي تسوينه بلبيت او بصالون واذا بلبيت ممكن الطريقه؟؟؟


يالله ترحم منهو طفى الضلايم
اللي شعل عمره وسط عمر الانسان

كل مواضيعي هني

moon321 غير متواجد حالياً   اضافة رد مع اقتباس
إضافة رد

أدوات الموضوع البحث في هذا الموضوع
البحث في هذا الموضوع:

بحث متقدم
طريقة عرض الموضوع

الإنتقال السريع


الوقت المعتمد في المنتدى بتوقيت جرينتش .
الوقت الان » 13:25.

مواقع عالم حواء | اعلن معنا
جميع الحقـــوق محفــوظة لشبكـة مـــواقــــع عــالم حــواء

[الصفحة الرئيسية] [المنتديات] [الفتاوى الجامعة]


Powered by: vBulletin Version 3.7.1
Copyright ©2000 - 2014, Jelsoft Enterprises Ltd