ابي اصبغ شعري صبغه غامقه لكن تكون بالحناء ؟؟؟ - ارشيف منتديات عالم حواء
ارشيف منتديات عالم حواءارشيف منتديات عالم حواء

العودة   ارشيف منتديات عالم حواء > القسم العام > الجمال والأناقة > ركن العناية بالشعر
المنتدى البحث المشاركات الجديدة التأشير على جميع الاقسام بالمشاهدة

إضافة رد
 
أدوات الموضوع البحث في هذا الموضوع طريقة عرض الموضوع
قديم 30-04-2005, 16:48   1
بائعة المسك
عضوة نشيطة
 
الصورة الرمزية الخاصة بـ بائعة المسك
التسجيل 25-09-2004
البلد : الـســعــ القصيم ــــودية
المشاركات 185

السلام عليكم ورحمة الله وبركاته ...

مساكم الله بخير ونور وسرور يارب ..

خواتي فيه احد يساعدني ابي اصبغ شعري صبغه غامقه يعني اسود لكن تكون بالحناء لان الصبغات الكيماويه ماابيها لان لها اثار جانبيه ولا عمري صبغت شعري بغير الحناء واتمنى وحده تقولي ايش احط مع الحناء عشان يصير شعري اسود ولا بني اسود اهم شيء يسود شعري
لاني مااحب الاحمر ولا احب الاشقر
شعري اشهب واللهب ودايم يقلون لي حنيه وانا مااداني الاحمر لازم احط مع الحناء شيء عشان مايطلع شعري احمر لكن مايتغير لونه يصير احمر غامق
وقالت لي وحده حطي قهوة احرقي القهوه وطحنيها وحطيها بالحناء يصير لون شعر اسود ؟؟؟؟؟ لكن قريت ان القهوة تخلي الشعر بني مايخليه اسود
يارب وحده تقولي لاني عندي زواج قريبتي وابي احنه قبل يمكن يضبط

فمان الله والله يوفقك كل وحده تدخل وتقراء موضوعي وتقول الله يخلف عليها

ادري مالي داعي بس وش حيلتي

الله يساعدكم كلكم ويوفقكم يارب كل من تدخل وتساعدني واللي تدخل وتشوف الموضوع وتطلع

اشوفكم على خير يااااااااااااااارب فمان الله ..........

أختكم
بائعة المسك


بائعة المسك غير متواجد حالياً   اضافة رد مع اقتباس
قديم 30-04-2005, 20:32   2
موج البحرين
محررة في عالم حواء
التسجيل 24-07-2004
البلد : بحرينية من قدي:)
المشاركات 1,176

هلا فيــج اختــي..

تبين شعرج يكون اسود ليش ما تحنينه الحنه السودة

مع العلم انها ما ناسبت شعري ... وطلعتلي شيييب الله لا يراويج ...

لكن شوفي انا كل مرة احني شعري وكل من يقولي انتي صابغة شعرج اسود

مع اني اصبغه صبغة تكون حمرة مادري ليش يقلب اللون

المهم شوفي هالخلطات انا ماخذتها من زماااان من منتدى ثاني

والله يجزاها خير اللي كتبتهم بصراحة ناسية اسمها..


لون الشوكولاته :
1- 10 ملاعق كبيرة حناء.
2- عصير ليمونة.
3- 3 ملاعق من خل التفاح ( او الخل العادي).
4- 5 ملاعق من بودرة الكاكاو.
5- مقدار مناسب من الماء الساخن.
امزجي جميع المكونات ما عدا عصير الليمون.. اتركيها تتخمر لمدة 3 ساعات ثم اضيفي عصير الليمون وضعيها على شعرك من ساعة الى 3 ساعات حسب درجة اللون المطلوبة.


للون البني :-
1- 10 ملاعق كبيرة حناء.
2- عصير ليمونة.
3- 3 ملاعق من خل التفاح ( او الخل العادي).
4- 3 ملاعق قشور باذنجان.
5- مقدار مناسب من الماء الساخن.
امزجي جميع المكونات ما عدا عصير الليمون.. اتركيها تتخمر لمدة 3 ساعات ثم اضيفي عصير الليمون وضعيها على شعرك من ساعة الى 3 ساعات حسب درجة اللون المطلوبة.


معلومات تهمك :
- مقدار الماء الساخن حسب تقديرك.. يعني ما يجب ان يجعل الخليط متماسك و ليس سائلا.

- في حالة الشعر الجاف تقلل كمية الخل الى ملعقة واحدة كبيرة و تضاف 3 ملاعق من زيت الذرة.

- يفضل استخدام البخار للشعر لمدة 30 الى 60 دقيقة.. ثم تجفيف الشعر.

- تغسل الحناء بالماء و البلسم فقط.. و يمكنك غسله بالشامبو في اليوم التالي.

- لتثبيت لون الصبغة لفترة اطول.. اغلي قشور البرتقال و الليمون مع الماء الساخن المستخدم في العجن لمدة 10 دقائق قبل استخدامه للعجن.

- اذا شعرت ان اللون غير ملحوظ لان شعرك داكن اللون .. قومي بتفتيح شعرك باستخدام الليمون وعندما يفتح .. استخدمي صبغة الحناء وافرحي بالنتيجة .. سيبدو اللون ملحوظا




موج البحرين غير متواجد حالياً   اضافة رد مع اقتباس
قديم 01-05-2005, 10:16   3
[£] شذا الزيزفون [£]
Registered User
 
الصورة الرمزية الخاصة بـ [£] شذا الزيزفون [£]
التسجيل 26-01-2003
البلد : السعوديه وافتخـ نجد ــر
المشاركات 1,290

مرحبا...

انا عندي كتاب مكتوب فيه طرق تقدرين تغيرين لون شعرج كذا لون وفي اللون الاسود بس انا ماجربتها......اذا تبينها اكتبها لك بس تراني بريه اذا صار شي لان ماجربت لقيت الطريقه بالكتاب مثل ماقلت قبل...

سلاااااااااااااااااااااااااااا اااااااااام..


[£] شذا الزيزفون [£] غير متواجد حالياً   اضافة رد مع اقتباس
قديم 01-05-2005, 11:54   4
دلوعة زوجها
محررة ذهبية في عالم حواء
 
الصورة الرمزية الخاصة بـ دلوعة زوجها
التسجيل 01-08-2002
البلد : **حبيـــ القصـــــــــيم بتي**
المشاركات 4,727

حطي مع الحناء عفص** تلاقينه عند العطارين**








اللهم رحمتك ارجوا فلا تكلني الىنفسي ولا إلى احد طرفة عين واصلح لي شأني كله لاإله إلا أنت
دلوعة زوجها غير متواجد حالياً   اضافة رد مع اقتباس
قديم 01-05-2005, 12:29   5
نجمه ونهر
محررة في عالم حواء
 
الصورة الرمزية الخاصة بـ نجمه ونهر
التسجيل 23-03-2004
البلد : في قلب حبيب القلب
المشاركات 1,636

مغلي البابونج مع الحناء يعطي شعرك اللون الذهبي


نجمه ونهر غير متواجد حالياً   اضافة رد مع اقتباس
قديم 01-05-2005, 15:17   6
بائعة المسك
عضوة نشيطة
 
الصورة الرمزية الخاصة بـ بائعة المسك
التسجيل 25-09-2004
البلد : الـســعــ القصيم ــــودية
المشاركات 185

هلا وغلا بأختي الغالية ..
موج البحرين ..
الله يجزاك ِ كل خير يارب والله ماقصرتي وفيتي وجبرتي بخاطر هالمسكينه
والله صادقه انتي ليش ماجاء على باللي الحناء اسوداء اللي تباع عند العطاريين مو على باللي والله
تطلع شيب بعد لا حول ولا قوة الا بالله ياربيه اهج عن الصبغات الكيماوية تصير بالحناء اللي تباع
الحين ابروح اخلط لي وحده من هالخلطتين وبشوف اي وحده تغمق شعري
<<< ماصدقت خبر
وإذا ماغمق شعري امري لله ابشتري الحناء اللي قلتيلي عليها لانها اقل ضرر من الصبغات الكماوية
اشكرتس مره ثانيه على كرمتس وتعبك معي الله يساعدك في كل أمر يستعصي عليك
اختك .. بائعة المسك ..



اخر تعديل كان بواسطة » بائعة المسك في يوم » 01-05-2005 عند الساعة » 15:52.
بائعة المسك غير متواجد حالياً   اضافة رد مع اقتباس
قديم 01-05-2005, 15:29   7
بائعة المسك
عضوة نشيطة
 
الصورة الرمزية الخاصة بـ بائعة المسك
التسجيل 25-09-2004
البلد : الـســعــ القصيم ــــودية
المشاركات 185

هلا وغلا بالغالية ..
.. [£] شذا الزيزفون [£] ..
مشكورة ياقلبي على ردك علي الله يجبر بخاطرتس مثل ماجبرتي بخاطر هالخبله انا على قولة اهلي
عادي يوخيتي اكتبيها ابشوف اذا قدرت عليها ولا لا تعرفين الكسل شين
ابد مادعيت على غيرك من البنات اروح ادعي عليك
كم وكم استفد من هنا بالمنتدى والبعض مافادتني وخسرت قريشاتي ولا دعيت عليهم ادعي على نفسي ولا على البنات هم يكتبون اللي فادة معهم مو شرط يفيد الكل وهم ماضربوا على ايدي استخدمه فأنا مخيره بأن اخذ الطريقه ولا لا فجزاء الله كل بنت بهالمنتدى تفيد خواتها اللي بحاجه لاي أمر ...
لـــــــــــــــــــــكـــــــ ــــن بري ذمتس لغيرتس عشان هم مايدعون عليتس اما انا عن اقولتس جزاتس الله كـــــل خير يارب حتى لو ماجربتيه اجربه انا عنتس
اختك ... بائعة المسك ...


بائعة المسك غير متواجد حالياً   اضافة رد مع اقتباس
قديم 01-05-2005, 15:36   8
بائعة المسك
عضوة نشيطة
 
الصورة الرمزية الخاصة بـ بائعة المسك
التسجيل 25-09-2004
البلد : الـســعــ القصيم ــــودية
المشاركات 185

هلا وغلا باختي الغالية ...

... دلوعة زوجها ...
اختي أنا شعري مره نـاعـم وقريت مره في المنتدى ان العفص يفرد الشعره يفرد ولا لا ؟؟؟ الله اعلم وكانت وحده راده على الموضوع على الوحده تنتبه لان العفص يحرق الشعره الظاهر كذا انا اخذت الخلطه ابفرد شعر وحده فيه يوم قالتلها خافت وهونت لكن ابسأل عنه العطار

مشكووووووووووووووووووووره الف شكر اختي وجزاك ِ الله كل خير يارب على جبران خاطري
أختك ... بائعة المسك ...


بائعة المسك غير متواجد حالياً   اضافة رد مع اقتباس
قديم 01-05-2005, 15:46   9
بائعة المسك
عضوة نشيطة
 
الصورة الرمزية الخاصة بـ بائعة المسك
التسجيل 25-09-2004
البلد : الـســعــ القصيم ــــودية
المشاركات 185

هلا وغلا بأختي الغالية ...
... نجمه ونهر ...
جزاك الله كل خير يارب ماتقصرين يوخيتي
لكن قلتي البابونج يخلي الشعر لون ذهبي وانا ابيه اسود كذا
ادري تقولين امحق ذوق ههههههههههههههههههه
لكن تعرفين الاسود يفتح لك البشره ويعطي الشعر لمعه قويه ولا يبين شعرك انه قليل خاااااااااااااصه من قدام تعرفين مشكلة اللي شعورهم ناعمه
انتي ماشفتي ميساء في مسلسل الدنيا لحظه لون شعرها اسود على لمعه عنابي حلو مره لكن مايجي إلا صبغات وكيماويات وهذولي يضرن بشعر يخلي الشعر خشن ويسبب الشيب وتساقط الشعر ويضر بفروة الراس وعلى الامد البعيد يسببن السرطان الله يكفينا ويكفيكم ويكفي جميع المسلمين شره يارب ..
مشكوره وطريقتك ابعطيها اختي لانها تحب الالوان الفاتحه معطيها الله لون شعر اسود وانا عكسها وكل وحده تبي لون شعر الثانيه والله بلشه
مشكوره مره ثانيه وجزاك ِ الله كلللللللللللللللل خير يارب على ردك علي وجبر خاطري ومساعدتك لأختي
أختك ... بائعة المسك ...


بائعة المسك غير متواجد حالياً   اضافة رد مع اقتباس
قديم 01-05-2005, 16:43   10
[£] شذا الزيزفون [£]
Registered User
 
الصورة الرمزية الخاصة بـ [£] شذا الزيزفون [£]
التسجيل 26-01-2003
البلد : السعوديه وافتخـ نجد ــر
المشاركات 1,290

مرحبا بائعه...ياحبني لتسسسسسسس...لا موقصدي تدعين علي لالا بس حبيت اخبرك من الاول اني ما استعملتها......لاني اخاف يصير لتس شي بعيد الشر...

انتي تامرين امر اكتبها لك واذا تبين الكتاب اكتبه لك كله بعد...


بسم الله..

العنوان:ههههههههههههه الحناء..لصباغة الشعر باللون الاسود..

المكونات..
-8 ملاعق كبيرة من بودرة الحناء
-22 ملعقة كبيرة من اوراق نبات النيل المسحوق (يحتوي هذا النبات على صبغة زرقاء)
- ماء مغلي
-بياض بيضه واحده
-زيت ذرة

التحضير والاستعمال...اكتب بالتفصيل كل شي حتى النقاط هههههههههههههههه

تخلط الحناء مع النيل مع اضافة قدر مناسب من الماء المغلي لصنع عجينه
وعندما تبرد العجينه يضاف اليها بياض البيض ويخلط معها جيدا

تدلك فروة الراس بكمية وفيرة من زيت الذره للوقايه من حدوث جفاف الشعر
ثم تفرد العجينه علي الراس وتترك لمدة ساعه الى ساعتين بناء على درجة اللون الاسود المطلوبه ثم يغسل الشعر بالشامبو..

يمكن زيادة درجة غمقان الشعر باستعمال هذا المستحضر عن طريق زيادة كمية النيل بالنسبة للحناء........................ .............................. .....


هاه وش رايك فيني طالبه نجيبه هههههههههههههههههههههههههههه

سلام ياقمرررررررررررررررر....


[£] شذا الزيزفون [£] غير متواجد حالياً   اضافة رد مع اقتباس
إضافة رد

أدوات الموضوع البحث في هذا الموضوع
البحث في هذا الموضوع:

بحث متقدم
طريقة عرض الموضوع

الإنتقال السريع


الوقت المعتمد في المنتدى بتوقيت جرينتش .
الوقت الان » 08:11.

مواقع عالم حواء | اعلن معنا
جميع الحقـــوق محفــوظة لشبكـة مـــواقــــع عــالم حــواء

[الصفحة الرئيسية] [المنتديات] [الفتاوى الجامعة]


Powered by: vBulletin Version 3.7.1
Copyright ©2000 - 2014, Jelsoft Enterprises Ltd