[ام عزيزان]

من اشوي كنت اطالع برنامج افنان الزياني

وكانت تسوي كذا حلو

ومنهم السوهان

وعجبتني طريقته وعلى طول رحت سويته



اول شي تاخذين صينية تيفال او بايركس ... وتدهنينها بالزبده

وتفرشين عليه اي نوع من المكسرات ( فستق ... لوز ..ويكون مجروش او على ماهو عليه بكيفك )

وبعدين تعملين كوبين سكر وتحمرينهم لما تختفي كل قطع السكر فيه وطبعا على نار هاديه حتى ما يحترق

وبسرعه تصبينه على صينية المكسرات

وتبدين تقطعينه اشوي اشوي قبل لا يجمد بالسكين





واذا كنتي تبينه مقطع وجاهز .... حطي في الصينيه كميه متباعده من المكسرات

واخذي ملعقه من محلول السكر وصبي علي كل مجموعه من المكسرات وخليها لما تجمد... وبعدين حطيها في القوالب الورقيه ولا تنسين اهم شي تدهنين الصينيه ... وتسوين عملية الصب بسرعه قبل لا يجمد السكر

انا رسمت لكم شنو اقصد



وان شاء الله يعجبكم وتجربونه

[منتظرة ضمة غلاك]

والله حلوه

وتسلم ايدج

ودي اجرب اخاف يجمد السكر وشيكسره بعدين ويفتت

مضمون انه ما يخرب

[ام عزيزان]

شوفي عزيزتي

من خطوة صب السكر الى التقطيع لازم يكون العمل سريع قبل لا يجمد السكر

يعني صبي السكر على المكسرات وعلى طول قطعيه وما يخرب ان شاء الله

هذا انا مقطعته على طول من صبيت السكر وشكله طلع حلو

واذا خايقه من هالطريقه اتبعي الطريقه الثانيه

وشاكره لك المتابعه

[ورد المدينة]

روعه الله يعطيكي العافية ان شاء الله اسويه اليوم

[قطر الدين]

يعطيـــــــــــــــــ الف عافيه ــــــــــــــــــــك

رووعة

[ام عزيزان]

وردة المدينه

قطر الدين

متابعتكم هي الاروع

وانتظر رايكم فيه لما تجربونه

ويا هلا فيكم

[الشموع الاربعه]

يعطيج العافية

[ام عزيزان]

الله يعافيك

يا

الشموع الاربعه

[مزاج]

تسلمي ياأم عزيزان الله يعطيكي العافية ويبارك فيكي علميني باي قناة تجي افنان الزياني واي وقت

[## ام فيصل ##]

والله حلو وسهل بس يبغي ليه شوية سرعه

الله يعطيش العافية