النورة ....... لأزالة الشعر - ارشيف منتديات عالم حواء
ارشيف منتديات عالم حواءارشيف منتديات عالم حواء

العودة   ارشيف منتديات عالم حواء > القسم العام > الجمال والأناقة > ركن العناية بالبشرة
المنتدى البحث المشاركات الجديدة التأشير على جميع الاقسام بالمشاهدة

إضافة رد
 
أدوات الموضوع البحث في هذا الموضوع طريقة عرض الموضوع
قديم 04-04-2005, 22:06   1
أسيل الأمل
عضوة فعالة
 
الصورة الرمزية الخاصة بـ أسيل الأمل
التسجيل 03-04-2005
المشاركات 405

السلام عليكم والرحمة..

قررت أوضح شنو يعني ( النورة ) بعد ما سألت الأختان حبة الماس و Marbella عنها
وذلك لتعم الفائده .....

النورة تستخدم لأزلة الشعر منذ قديم الزمان ..... وبالتحديد منذ زمن النبي سليمان عليه السلام ومن صنعها هم الجن .......... وراجعوا القصه في موضوع الأخت ( عاشقة السيارات)

بس حبيت أوضح أختي عاشقه السيارات ان الجن صنعو له النورة وليس الحلاوة الي نستخدمها الحين ( السكر)

وكان الناس في عهد رسولنا محمد صلى الله عليه وأله وسلم يستخدمون النورة وخاصة ( الرجال) لأزالة شعر العانه...... وكما سمعت الناس في أيران للحين تستخدمها وبكثره يمكن اكثر من الحلاوه....... وخاصة للمنطقه الحساسه

طيب نجي لوصف النورة ..... هي عبارة عن بودرة بيضاء مائلة للون الرمادي الفاتح
تتكون من حجر الكلس والزرنيخ ومواد أخرى......

تزيل الشعر .... بس ماتنزعه من جذورة ...... تعمل نفس عمل الكريمات ( أيماك وغيره)
والأختلاف أنها طبيعيه ... وماعليها أي خطر صحي مثل الكريمات الي يقولو تسبب السرطان

أدري أني هدارة ههههههههههه .... ( بس أعرف أن البنات راح يسألوني عشرات الأسئله فأكتب كل شيء عنها ألحين أفضل)

نكمل

طريقه عملها... تأخذي المقدار الي تحتاجينه من البودرة وتضيفي له قليل من الماء
حتى تصير مثل الطين..... لا تخليها جامده .... ولا سايله مثل الماي .... وسط يعني مثل الطين الي يحطوه على الوجه

المهم ..... تحطيه العجينه على بشرتك ..... وتنتظري لين تجف ( لاتحطي طبقه سميكه مره لأنها راح تطول لين تجف)

لما تجف تقومي تفركيعا بأصابعك ...... وبيقوم الشعر معاها .... لا ألم ولاهم يحزنون ههههههه

تنعم البشرة .... الشعر يطلع أنعم......... ويخف بعد كم أستعمال..... والشعر مايطلع على طول من ثاني يوم مثل الموس ....... لا يطول له شوي كم يوم ويختلف من بنت لبنت

زين أجي للتحذير ألحين

لأن كما شفنا جميعنا من موضوع الخلطات الفاشله .... موكل شيء يناسب الجميع
يعني النورة ناسبتني مو شرط تناسبك....... ومعروف عنها عند البعض انها تحرق وتسبب جروح

يعني صديقاتي جربوها ناسبتهم كلهم ماعدا وحده استخدمتها وتجرحت بشرتها ماتحملتها
هي رخيصه السعر جدآ
فأنصح الي تبي تجربها ....... تجرب على مساحه صغيرة جدآ .... وتشوف أذا ماسببت لها أي مشكله .... تستخدمها عادي

ما أبي بعدين أحد منكم يدعي علي ههههههههههههه حذرتكم من الحين انها ممكن تحرق

صح وحاذروا أنها تطال العين ..... لأنها تسبب العمى لاسمح الله
ومعروف عن الزرنيخ مادة سامه ........ بس مو على البشرة هههههه الي بتاكله بس

أنا أستخدمها أكثر شيء للمنطقه الحساسه ..... لأن الحلاوة تعور
والموس يطلع الشعر بسرعه بالأضافه الى انه لما يطلع يسبب لي حكه وحبوب صغيره
أما النورة لا حكه ولا حبوب والبشره انعم ولا يطلع الشعر بسرعه

ولها بس هذا الأسم على ما اعتقد ( النورة) ولازم أي عطار بيعرفها

وان شاء الله أكون كفيت ووفيت في الموضوع

وأذا عندكم اي سؤال انا حاضرة ( مع اني بعد الي كتبته هههههه ماتوقع تكون فيه أسئله)

والسلام خير الختام

تحيــ أسيـــــــل ــــاتي



اخر تعديل كان بواسطة » أسيل الأمل في يوم » 04-04-2005 عند الساعة » 22:14.
أسيل الأمل غير متواجد حالياً   اضافة رد مع اقتباس
قديم 04-04-2005, 22:22   2
ANOTHER
محررة في عالم حواء
 
الصورة الرمزية الخاصة بـ ANOTHER
التسجيل 30-03-2004
البلد : الــريـــاض
المشاركات 1,581

تسلمين يااسيل

انتي من وين !!

تتوقعين نلقاها بالرياض

يعطيك العافيه على الموضوع والشرح المفصل


ANOTHER غير متواجد حالياً   اضافة رد مع اقتباس
قديم 04-04-2005, 22:32   3
نيو لوك
عضوة فعالة
 
الصورة الرمزية الخاصة بـ نيو لوك
التسجيل 20-03-2005
البلد : KSA
المشاركات 486

مشكووووووووووره اختي


نيو لوك غير متواجد حالياً   اضافة رد مع اقتباس
قديم 04-04-2005, 22:33   4
أسيل الأمل
عضوة فعالة
 
الصورة الرمزية الخاصة بـ أسيل الأمل
التسجيل 03-04-2005
المشاركات 405

يا أهلا فيكِ أختي ANOTHER الله يسلمك

أنا من الشرقيه ..... واتوقع تلقينها في اي مكان عند العطارين لأنها معروفه

ان شاء الله تلقينها بالرياض


أسيل الأمل غير متواجد حالياً   اضافة رد مع اقتباس
قديم 04-04-2005, 22:35   5
أسيل الأمل
عضوة فعالة
 
الصورة الرمزية الخاصة بـ أسيل الأمل
التسجيل 03-04-2005
المشاركات 405

العفو اختي نيو لوك ..... اسفه مانتبهت لردك


أسيل الأمل غير متواجد حالياً   اضافة رد مع اقتباس
قديم 04-04-2005, 22:43   6
here iam
عضوة نشيطة
 
الصورة الرمزية الخاصة بـ here iam
التسجيل 26-02-2005
البلد : حيااااااااتي.... جـــــــــــــــــــــــدة ....
المشاركات 148

تسلمي على هذي المعلومات الراااااااائعة ..
والله روووووعة ..لكن ليش ماهي مشهورة زي الحلاوة مادام انها كويسة كذا ؟؟؟؟ يعني أكيد مالها أضرار ..
***** الله في أقرب وقت أجيبها مع اني كنت مقررة أستخدم الحلاوة .. ما أدري انت تشوفين الحلاوة ولا النورة أفضل للمنطقة الحساسة ..؟؟؟؟؟

يسلموووووووووووووووووووووووووو وووووووووووووووووووووووو


here iam غير متواجد حالياً   اضافة رد مع اقتباس
قديم 04-04-2005, 22:53   7
قرقه
عضوة فعالة
 
الصورة الرمزية الخاصة بـ قرقه
التسجيل 30-09-2004
البلد : البلد الامين
المشاركات 314

يعني اكيد نلاقيها عند العطارين بهذا الاسم

والله يوفقك ويستر عليك ردي بسرعة


قرقه غير متواجد حالياً   اضافة رد مع اقتباس
قديم 04-04-2005, 22:53   8
Flower Power
مبدعة التصميم بعالم حواء
 
الصورة الرمزية الخاصة بـ Flower Power
التسجيل 31-03-2005
البلد : السعـg ديــة
المشاركات 839

بس اخاف يسير فيني مس ولا شي ===> خافت يوم سمعت طاري الجن


. . . . .



. . . . .
Flower Power غير متواجد حالياً   اضافة رد مع اقتباس
قديم 04-04-2005, 23:08   9
أسيل الأمل
عضوة فعالة
 
الصورة الرمزية الخاصة بـ أسيل الأمل
التسجيل 03-04-2005
المشاركات 405

الله يسلمك حبيبتي here iam
عند الناس الكبار يعرفونها ....... وفي أيران يقولون مشهورة مره يستخدمونها بكثره ... أنا مو من زمان عرفتها ... ولما سألت عنها لقيت أمي تعرفها وقالتأنها سمعت عنها تحرق بس انا ماحرقتني...... أما الأضرار أنا ذكرت من قبل أنها ممكن ماتناسب اي بشره ممكن تحرق او تسبب جروح للبعض ....... أنصحك تجربيها على منطقه صغيرة في البدايه
أقول أن الحلاوة طبعآ أفضل لأنها تنزع الشعر من جذورة ........ بس الي ما تتحمل الألم مثلي هههههه تستخدم النورة أفضل من الموس وطبيعيه

-----------------------------------------------------

أختي قرقه أنا أتوقع أكيد تلاقيها عند العطارين ....... لأنها ماتنباع في مكان ثاني
صديقتي راحت على طول شرتها من البحرين لأنها ماتوقعت أنها تلاقها هنا بس بعدين انا رحت للعطار ولقيتها ........ والظاهر موجوده عند كل العطارين
وسعرها 3 ريال او 5 ريال نسيت ...... بس الكيس ما يزيد عن 5 ريال

----------------------------------------------------

أختي Flower Power ههههههههههههه لا تخافي جربي في منطقه صغيرة بالبدايه اذا كنتي ما تتحملي ألم الحلاوة

وعادي الجن كانوا مسخرين لخدمة النبي سليمان عليه السلام


أذكر لكم مره ثانيه ان الحلاوة طبعآ أفضل ..... بس الي ما تتحمل تستخدم النورة اذا ناسبت بشرتها

وأدعوا لي يرجع شعري كثيف مثل قبل


أسيل الأمل غير متواجد حالياً   اضافة رد مع اقتباس
قديم 04-04-2005, 23:11   10
تحفه فنيه
عضوة فعالة
التسجيل 28-02-2005
المشاركات 409

انا جربت هذي النوره بس لها ريحه كريهه وععععع ولونه رمادي فاتح

والصراحه طلع الشعر زي ما يكون شلتيه بالموس خشن وكثير بعد

هذي تجربتي عن النوره أو الزرنيخ

تسلمين اختي على طرحك الموضوع واعذريني بس حبيت اذكر تجربتي واكيد يختلف من بنت للثانيه

تحياتي




قولوا بسم الله ما شاء الله

هذي تحفه هديه من الغاليه أم عزيزان ربي يحفظها




تحفه فنيه غير متواجد حالياً   اضافة رد مع اقتباس
إضافة رد

أدوات الموضوع البحث في هذا الموضوع
البحث في هذا الموضوع:

بحث متقدم
طريقة عرض الموضوع

الإنتقال السريع


الوقت المعتمد في المنتدى بتوقيت جرينتش .
الوقت الان » 10:19.

مواقع عالم حواء | اعلن معنا
جميع الحقـــوق محفــوظة لشبكـة مـــواقــــع عــالم حــواء

[الصفحة الرئيسية] [المنتديات] [الفتاوى الجامعة]


Powered by: vBulletin Version 3.7.1
Copyright ©2000 - 2014, Jelsoft Enterprises Ltd