بنات الكويت الأنيقات - ارشيف منتديات عالم حواء
ارشيف منتديات عالم حواءارشيف منتديات عالم حواء

العودة   ارشيف منتديات عالم حواء > القسم العام > ركن سـيـدات الأعمــال
المنتدى البحث المشاركات الجديدة التأشير على جميع الاقسام بالمشاهدة

إضافة رد
 
أدوات الموضوع البحث في هذا الموضوع طريقة عرض الموضوع
قديم 24-10-2004, 03:59   1
mimio
عضوة جديدة
التسجيل 13-12-2003
البلد : الرياض
المشاركات 29

مرحبا بنات لوسمحتوا ابيكم تدلوني اهم مراكز التسوق في الكويت وتكون شيك واسعارها حلوه وين مكانها لأني اب اجهز لزواجي من الكويت انا راح ازوركم فترة رمضان والعيد ابي ملابس مثل البدل الكشخة والبلايز الطويلة مع البناطيل والحجابات المشهورة بالكويت وابي اشهر العطور مثل الشايع والبخور عندكم ومحلات الذهب الراقي وابي محلات شنط واحذية ماتكو ن غالية مرة يعني وسط
بنات ابي اسألكم بضاعتكم صيفي وإلا نزل الشتوي وحددو لي اسماء المحلات وشكرا


mimio
mimio غير متواجد حالياً   اضافة رد مع اقتباس
قديم 24-10-2004, 16:46   2
كادي q8
عضوة
التسجيل 13-09-2004
البلد : الكويت
المشاركات 62

للملابس عندك مجمع زهره والرايه والصالحيه ملابسهم حلوه هالمجمعات تلاقين فيهم شنط وجواتي ماركات بعد
عندك فيلا مودا الشويخ
عندك محلات الطيب وايد لا تتقيدين باسم معين لانك ممكن تلاقين اطياب حلوه وسعرها مناسب


ومبروك مقدما


كادي q8 غير متواجد حالياً   اضافة رد مع اقتباس
قديم 26-10-2004, 13:41   3
هناء_الكويتيه
محررة برونزية في عالم حواء
 
الصورة الرمزية الخاصة بـ هناء_الكويتيه
التسجيل 15-10-2003
البلد : الكويت
المشاركات 2,098

السلام عليكم
حياج الله فى الكويت طلبج سهل الاسواق التجارية سوق شرق ومارينا مول وسوق السالمية الجديد الى فية سيتى سنتر والعطورات القرشى عامل تنزيلات والشايع فية اشياء روعة واهم شى اخذى المفارش الرول المعطرة روعة
وعلى فكرة مصممات الازياء عاملين عروض حلوة مثل السيدة كبرى القصيرواخريات


هناء_الكويتيه غير متواجد حالياً   اضافة رد مع اقتباس
قديم 27-10-2004, 10:03   4
om 3bady
عضوة جديدة
التسجيل 25-05-2004
المشاركات 18

بالنسبة لللفات الماركات في محل اسمة فولار في مجمع الفنار و مجمع مارينا مول

و عندك مجمع زهرة او مجمع الراية و الصالحية هذيل مجمعات راقية وعندهم ماركات عالمية

و بالنسبة لمارينا مول والفنار و سوق شرق عندهم الملابس اللي أسعارها عادية مثل نيكست وزارا و تلاقين عندهم الشايع للعطور والقرشي بعد ,, بس انا أنصحك ببخور أمل الكويت صراحة وايد حلو بس و نفس الشي دهن العود
و مكانة بحولي جنب النقرة الجنوبي ( أمل الكويت )

في محل أسمة نورامينا موجود في مجمع مريم بالسالمية عنده بدلات لتجهيز العروس وايد حلوة بس بصراحة أسعارة شوي غالية

و****لله أكون فدتج ,,,,


om 3bady غير متواجد حالياً   اضافة رد مع اقتباس
قديم 28-10-2004, 04:57   5
mimio
عضوة جديدة
التسجيل 13-12-2003
البلد : الرياض
المشاركات 29

مشكورات اخواتي الكويتيات على مشاركتكم


mimio
mimio غير متواجد حالياً   اضافة رد مع اقتباس
قديم 28-10-2004, 09:05   6
ஐღღ أوراد ღღஐ
محررة في عالم حواء
 
الصورة الرمزية الخاصة بـ ஐღღ أوراد ღღஐ
التسجيل 14-11-2002
البلد : في الدنيااااا
المشاركات 1,952

تفضلي:

المجمعات :

مجمع الصالحيه فيه ماركات و غالي حبتين : لوي فيتون و شانيل و ايجنر و جيفنشي / محلات للأحذيه مثل ستيفاني و الحذاء الاحمر
( المجمع يكون تحت فندق الميرديان)

مجمع الراية فيه محلات راقيه و ماركات مثل سيلين


مجمع الاوقاف : متخصص بالدراريع

مجمع المثنى يكون مقابل فندق الميريديان و فيه محلات كثيييرة و محلات الاحذيه و محل للملافع

سوق الاقمشه : او البلوكات فيه محلات اقمشه بس و في محل : مركز التراث الهندي عنده شغلات روووعه و دراريع هنديه و محل ميسور نفس الشي
( المجمعات السابق ذكرها موجوده في منطقه واحده تسمى بالديره او المرقاب)

#######################

مجمع المهلب في حولي : فيه محلات ملابس حلوووه مثل : لحظه من فضلك تحت بالسرداب / و محل يكون بجانب محل لإكسسوارات الشعر ما يحضرني اسمه للأسف بس راقي جدا / محل لانجري في الدور الثاني و شوي اسعاره غاليه مقارنة مع الباقي / ومحلين بالسرداب ( انور / الطاهر و لهم افرع كثيرة بالكويت )

مجمع النقرة الشمالي و الجنوبي : في محلات لانجري ( الطاهر / انور ) و ملابس ناعمه و احذيه ومجوهرات

مجمع سنام : مجمع جديد و قريب من المجمع السابق يعني عبور شارع فقط فيه ملابس

مجمع بيروت : فيه محلات للملابس ناعمه و محل لانجري و محلين او 3 للسهره

مجمع الايوب : اشهر مجمع في الكويت يبيع لانجري و اسعارهم زيييينه و في كذا محل بالدور الثاني عنده دراريع و احذيه و ملابس ناعمه

مجمع بلازا حولي و يكون قريب من باب المجمع السابق : فيه محلات ناعمه للملابس و محل للأحذيه روووعه و جديد عباره عن فرع لمحل في دبي اسمه ( برتي فيت) احذيته بناتيه و عصريه و مريييييحه عن تجربه و اسعاره تقريبا 15 دينار و اقل

و مقابل هذا المجمع في مجمع ما يحضرني اسمه عنده محل يبيع ادوات مكياج لماركه شارمل و يمدحون كريم الاساس عندهم كثييير

مجمع العثمان : فيه لانجري و ملابس و احذيه مثل محل ستبس

( المجمعات السابق ذكرها في منطقه حولي )

###########################

ندخل السالميه الحين و راح اعطيج المعلومات بترتيب المجمعات

مجمع الثريا : فيه ماركات ملابس : موسكينو / ايجنر / جيفنشي / الاسطورة / ومحل مجوهرات : الجوهرة للمجوهرات

مجمع الوطنيه : فيه محلات ملابس و لانجري ( بس مو متأكده بالضبط )
مجمع قريب منه فيه محل الغوالي و ملابسه ثقيله و راقيه و في محل السرداب حلوو

مجمع زهرة : احلى الملابس فيه و راقي و اشهر محل الاسطورة و الفاتنه و فيه محلات احذيه فوق : الحذاء المريح وانصحج بهذا المحل لأنه ممتاز

مجمع الفنار : فيه غوتشي / داماس للمجوهرات / احذيه : الحذاء الاحمر / ميلانو / ستبس
لورا آشلي / و محلات كثيرة للملابس
و للمكياج انصحج بمحل ماك

مجمع البستان : فيه محل لاكروا للملابس راااااااااااقي و حلووووووووووو ( غاالي)
ماركه بيربري / للماكياج ( ميك اب فور افر) / فيه محلات احذيه واايد و عندج بالسرداب محل اسمه برنسيس و اسعاره تبدي من دينار ونص بس

مجمع ليلى جاليري : اغلبيه المجمع مجوهرات و ألماس و فيه محلات لملابس السهرة و ملابس ناعمه

مجمع تالا : ملابس و احذيه ( المجمع صغير و محلاته قليله )

مجمع مريم : فيه محليين روووووعه (1) راف راف و له فرعين واحد للسهره و الثاني ملابس ناعمه ورااقيه جدا
(2) محل العثمان بالسرداب روووعه وانا ما اشتري إلا منه حق العيد و رمضان و على فكره امس اتصلت علي التونسيه و قالت لي ان عندهم ماركة راح يصفونها لأنهم بطلوا يجيبون منها و الاسعار بتكون من 19 دينار إلى 90 دينار و تصلح على حسب كلامها للبنوتات الحلوين ( مثلي و مثلج)
و في بعد محل GUSSE

مجمع جاليريا 2000 : فيه محلات ملابس و محل للمصممه عواطف الحاي ( دراريع و سهره)

مجمع بلازا السالميه : فيه ملابس و ساعات محلين روعه للساعات واحد على اليمين و الثاني يسار (روائع جنيف و الثاني ما يحضرني اسمه )

( المجمعات السابق ذكرها في شارع واحد فقط و يكونون يمين و يسار و انا كتبتهم لج بالترتيب

##################

فيلا مودا في منطقة الشويخ و قريب من جامعة الكويت و ميناء الشويخ : ماركات و كشخه و عوااااااار قلب و غاااالي فيه: غوتشي و برادا و ماركات كثيرة ...

######################

سوق شرق : فيه محلات كثييييرة سواء ملابس او احذيه و فيه محل دبنهامز و ماركه شارل جوردان للأحذيه و الجناط و عمليه هذي الماركه و تحصلينها قريبه من محل زارا ZARA

مقابل سوق شرق يوجد مستشفى الاميري و قريب منه : معارض
بيت ديفا
كاريزما
بيت سدرة و يعرضون دراريع ملابس و اواني و مجوهرات و غالبيه المعارض لبنات كويتيات
########################

مارينا مول : اشهر مجمع بالكويت و يكون على البحر وفيه ماركه ESCADA و محلات كثييييييييييرة احذيه و ملابس و لانجري

و قريب منه معرض بيت لوذان و يعرضون فيه دراريع و ملابس لبنات كويتيات



نرجع لمنطقة السالميه لكن بشكل ثاني :

خلف مجمع مارينا مول هناك مجمع ماركس سبنسر و مقابله مكان نسميه بالكويت ( الحوش ) فيه احذيه و جناط

امتداد هذا الشارع يعني خلي مارينا مول على يمينج و الحوش على يسارج فيه اشارة مرور وبعدها كملي سييده ( إلى الامام) شارع نسميه السالميه القديمه و طوييييييييييييل جدا
في محلات كثيييييييييرة : نكست / الجناح الاخضر و عنده ملابس ناعمه / ليز كليبرون / ميلانو ..... الخ
نهاية الشارع مجمع اسمه العنجري ( اعتقد هذا الي تقصدينه فيه محلات احذيه وجناط واايد) و يكون قريب من مركز مطافي السالميه
و فيه قريب منه محل ألمى للملابس و عنده شغلات ناعمه و نفس الشي محل الزان و ستيفاني

#####################

سوق السالميه مجمع كبير فيه مطاعم و محلات ملابس و احذيه و يكون قريب من دوار الجوازات
فيه داخل المجمع سوق المعلم و رخيييص كثير

####################

بالنسبة للدراريع و العبي و الملافع :

احسن مكان لهم منطقة الفروانيه و خاصه :
مجمع العربيد الخاص الدراريع و يكون قريب من جمعية الفروانيه و مطعم قيصر
هذا المجمع حبوبه خاص بالدراريع فقط و ما عندهم شي جاهز لازم تفصيل و ياخذ اسبوع و يصير تطلبين مستعجل و انصحج فيه لأن عندهم دراريع حلوه و بما انج من السعوديه يعني ما تحصلين احد لابس مثلج ( الممثله الهام الفضاله دراريعها من هناك )
ممكن تحصلي عندهم البنجابيات بس راقيه و عليها تطاريز حلوه

مجمع العربيد الخاص بالعبي و الملافع و هو قريب من المجمع السابق تقريبا شارع واحد وفيه محلات كثيرة مثل الحلوة و المشعل و بدون اسم ....... الخ

مجمع الحمرا مول : ما احط بذمتي و اتكلم عنه لكن البنات ان شاء الله يفيدونج لأن ما دخلته بس يقولون عندهم شغلات

مجمع مبارك الصيفي

( المجمعات السابق ذكرها في منطقة الفروانيه )

#####################

منطقة الفحيحيل : بعيده عن الديرة نص ساعه تقريبا فيها :
مجمع كويت ماجيك : فيه محلات لانجري مثل نعومي و كذا محل للملابس ناعمين / محل بيضون للمكياج انصحج فيه

مجمع أجيال : احدث مجمع هناك بس ما شفته

####################

الاسواق الشعبيه
منطقه حولي : سوق المعلم / الشاويش
تحصلين عندهم ملابس و لانجري خصوصا ( سوق المعلم )/ بيجامات ابتداء من دينار و نص

####################

بالنسبه للمجوهرات :
في مجمع الاوقاف السابق ذكره محل الاربش للمجوهرات و لهم فرع بمجمع الفنار
له فرعين (1) محل ألماس بلجيكي
(2) محل ألماس سويسري و اسعاره ارخص من السابق و نفس الموديلات بس النقاوة اقل لكن و الله ما يبين
يعني الطقم ( حلق و خاتم و سلسله معاها تعليقه يطلع 140 دينار) و على فكرة نفس موديلات البلجيكي

محل الفراوله للمجوهرات التقليد وموجود بالاوقاف و مجمع زهرة السابق ذكره ...

مجمع ليلى جاليري السابق ذكره في محلات مجوهرات و ألماس بالتحديد : محل لاماركيز / الرومي / المشعان ... الخ


مجمع النقرة الشمالي السابق ذكره : محل المبرقعه ( ألماس و ذهب ) / محل المشعان

سوق الذهب بالديره ( يعني قريب من مجمع الراية تقريبا و بنفس مكان سوق المباركيه ): عندهم ذهب و ألماس و مجوهرات تقليد و اصلي مستعمل و كل الي بخاطرج

مجمع الفنار فيه اكثر من محل للمجوهرات

####################
بالنسبة للعطورات :
الشايع للعطورات و هذا تلاقينه في كل مكان تقريبا : مجمع الفنار / سوق شرق / الجمعيات ( الروضة / الشاميه / القادسية)

النعمه للعطورات و البخور : جمعية الضاحيه التعاونيه ( منطقة الضاحيه )

المرشود للبخور والعود : بسوق المباركيه

مجمع المثنى : فيه اكثر من محل للعود و البخور و العطورات

######################

الفنادق
شقق فندقية :
رويال سويت في منطقة بنيد القار و يطل على البحر

فندق البحرين
مها هاوس

فنادق عالميه :
الشيراتون / الميريديان (فوق مجمع الصالحيه) / كراون بلازا ( فوق مجمع المثنى ) / كويت ريجنسي ( في منطقة البدع و يطل على البحر مباشرة و فيه شاليهات ) / راديسون ساس ( قريب من الفندق السابق و نفس النظام )
كويت كونتيننتال في منطقة بنيد القار
فندق الهوليدي ان في منطقة الفروانيه
فندق كويت بلازا

( ارقامهم اعطيج اياهم على الخاص )

#######################

حبوبه هذا الي يحضرني و الكويت و بناتها تحت امرج
و ياليت تبلغيني على الخاص متى موعد وصولكم عشان اشوف لج شنو عندنا معارض بالكويت
و اي خدمه انا حاضرة و حياكم الله


اللستة منقولة من الاغت عود مبخر **** يجزاها خير


ஐღღ أوراد ღღஐ غير متواجد حالياً   اضافة رد مع اقتباس
إضافة رد

أدوات الموضوع البحث في هذا الموضوع
البحث في هذا الموضوع:

بحث متقدم
طريقة عرض الموضوع

الإنتقال السريع


الوقت المعتمد في المنتدى بتوقيت جرينتش .
الوقت الان » 13:46.

مواقع عالم حواء | اعلن معنا
جميع الحقـــوق محفــوظة لشبكـة مـــواقــــع عــالم حــواء

[الصفحة الرئيسية] [المنتديات] [الفتاوى الجامعة]


Powered by: vBulletin Version 3.7.1
Copyright ©2000 - 2014, Jelsoft Enterprises Ltd