ارشيف منتديات عالم حواءارشيف منتديات عالم حواء

العودة   ارشيف منتديات عالم حواء > القسم العام > الحياة الأسرية
المنتدى البحث المشاركات الجديدة التأشير على جميع الاقسام بالمشاهدة

إضافة رد
 
أدوات الموضوع البحث في هذا الموضوع طريقة عرض الموضوع
قديم 21-07-2004, 03:29   1
حرف لام
عضوة نشيطة
التسجيل 21-11-2002
البلد : السعودية
المشاركات 143

السلام عليكم ورحمة الله وبركاته

مساءكم/ صباحكم ورد

اكتب لكم اليوم بعد ان أنضممت لعالم المتزوجات

فقد تم عقد قراني ( أقصد ملكة ) تقريبا منذ شهرين ...

وبما اني جديدة في هذا العالم ..

أطلب خبرتكم ورأيكم في امور عدة ...

وأتمنى انكم ماتبخلون علي بنصايحكم وتجاربكم اللي ان شاء الله تكون مفيدة لي ولغيري من الأخوات .....

بداية ولاأخفيكم فيه اشياء كثيرة مترردة فيها لكن سأذكر بعضها

مثل المكالمات

1- هل تؤيدون او تعارضون المكالمات
اذا كنتك من المؤيدين وش الأفصل
انها تكون بشكل يومي ؟!او اسبوعي ؟! أو شهري ؟!

انا احترت .... لان الأراء اختلفت في هالنقطة
بعضهم يقولون لاتكلمينه .... عشان يصير للزواج طعم
وبعضهم يقولو كلميه ... لانك راح تاخذي الدلع والشوق والحب على اصوله
لانه بعد الزواج بتكوني عنده وملكه وبين يدينه ....
وبعضهم يقول كلميه ولاتكثرين واثقلي عشان ماتسمج العلاقة

وانا احترررررت ...

فياليت تفيدوني وتفيدون غيري بأرائكم حول هالنقطة

هذا بشكل عام ..
***************************
وبشكل خاص انا عندي مشكلة في المكالمات

يعني انا خطيبي اخذ رقمي وكلمني من ليلة الملكة...

وعادي كلمته في البداية وأهلي وابوي واخواني عندهم علم بهاالشيء

المشكلة // اني ماألاقي كلام أقوله

مع اني احيانا اجهز كلام وسواليف واقول اذا كلمني بقول كذا وكذا ..

لكن اذا كلمني ساكته .....(يس كيفك وش اخيارك ، او اسئله عن اشياء<< صايره المحقق كونان )

طبعا مو قلة كلام او عدم جرئة
لكن انا
لاحظت من خلال مكالماتي له ان ((فيه نكهة بداوة))
سواء في الأفكار ...اوالعادات ..... حتى بعض الكلمات ..
مع انه متعلم ...لكن متمسك بالأصالة

فأحس المواضيع اللي أفتحها
مو مثيرة او متجددة او تهمه.....او حتى مايعرفها

أخواتي يقولون عادي كل الرجال كذا ....

بس انا ودي أجذبه وأسحره بكلامي ومواضيعي

بحيث تكون مناسبة لي وله ...

كيف أقدر أقارب بين أفكارنا وعادتنا ...

كيف اقدر اكسب من آرائه ...ويكتسب من آرائي

كيف واحنا مختلفين في التفكير ....

ابيكم تقولون لي

اش الاشياء اللي تهم الرجال... وكيف اتكلم فيها ...

اقترحو علي افكار ... مواضيع ......

ابي من تجاربكم بشوف وضعكم زي وضعي والا انا وضعي مختلف ...


***************************
من جهه ثانية وهذي مهمه

الولد شكله رومنسي وحنين (( ولاتفهمون كلامي غلط ... تراه جدا محترم في كلامه معي ..ومايدخل في العميق))

بس يبي كلام حلو ... مثل حبيبي عيوني ....

بس مشكلتي مقددددددددددددددر انطق هالكلمات

مقدر مرررره ...
حتى كلمه وحشتنا مااقدر اقولها !!
يعني يابنات أحس اني ((جلفه)) في تعاملي معاه
وطبعا هذا مو لصالحي
ههههه يعني مثلا لاقال يرضيكِ حياتك ينام وهو ماسمع كلمه حلوه
اقول ايه يرضيني
اذا قال ماراح اكلمك بكره مثلا
اقول عادي
اذا قال عادي تصبرين ماتسمعين صوتي
اقول عشنا من غيرك
اذا كلمني وجلس شوي
اقول خلاص قفل

مدري ليه اسلوبي كذا معاه
اسلوب صد على قوله

حتى احس اني بديت احط حاجز بيني وبينه

مدري ليه مع اني احيانا اقول لازم حرام كذا مره يقولي ويلمح ويصرح انه محتاج لاحد يهتم فيه ويسئل عنه ويشتاق له ....


يسئلني وش تحسن تجاهي ... بس معرف ولا اقدر اقول شيء

وانا الحين ابي رأيكم
هل تؤيدون اني اجاريه في هالكلام .. والا اصير ثقيلة ..
وكيف اجارية وانا مقدددر انطق هالكلمات ..احس شيء يربط لساني ....
كيف اتعود عليها واقدر اقولها .... كيف اصير اقدر اعبر عن مشاعري
حتى مو شرط الحين .....مثلا مستقبلا

********************
فياليت ياأخواتي ماتبخلون علي بأرائكم واقتراحاتكم

خذوووو راحتكم في الردود .....

تفيديوني وتفيدون غيري

واختلاف الرد لايفسد للود قضية


حرف لام غير متواجد حالياً   اضافة رد مع اقتباس
قديم 21-07-2004, 03:35   2
عاشقه الباطنة
عضوة نادرة
 
الصورة الرمزية الخاصة بـ عاشقه الباطنة
التسجيل 22-11-2002
البلد : Australia
المشاركات 857

باختصاركلميه بس لا تكوني ثقيله عليه...وترا الدلع مهم


عاشقه الباطنة غير متواجد حالياً   اضافة رد مع اقتباس
قديم 21-07-2004, 05:59   3
ليان@@
محررة برونزية في عالم حواء
التسجيل 03-04-2004
البلد : بكل فخر سعــــــ قصيميه ـــــووديه
المشاركات 2,116

يااحياتي عليييييييييييك
اسلووبك معه ضحكني
يااقلبي والله صدقيني حتى انا كنت مثلك مااقوله ابد كلمه حلووه بس بالرسااااااااااااايل والمااسنجر لا والله ادلعه اخر شي وجلسنا تقريبا شهوور وفتح الموضوع وعصب بعد قال ابيك تحسسسيني بحبك بهتماامك مو بس بالرساايل او المسنجر لا ابي التلفوون بعد وانا خجوووووووووووووله مررره والله بالمووووت شووي شووي اول شي بدبت اهلين حبيبي وياللله يسمعهااه وبعد كاان ههو يقوولي قوولي احبك حبيبي تصبح على خير حبيبي اقووله خير تعلمني يقولي ايه معليش اهم شي اسمعهم منك
يعني شووي شووي على نفسك ابدي معه بكلمت حببيبي او عيوووني اول ماتكلمينه واخر شي لين مايصير كلامك كله حبيبي وحيااتي
وعن تكلمينه لا والله بلعكس كلميه عشاان تتعودين عليه وهو بعد يتعوود علييييييك وبعدين ترا اياام الملكه لها طعم ثااااااااااااااااني عن الزوااااااااااااااااااااااج والله احلى والله ودلعيه وحسسيه انه كل شي بحبااتك ولا تصيرين دفشه معه!!!ترا الرجاال والله يمووتمون بشي اسمع دللللللع لاتنسين المحطاات والبناانياات كيف يدلعوون والرجال بس فااتحين عيوونهم!!!!!!!!
واذا قالك يرضيك حياتك يناام وهو ماسمع كلمه حلووه قولي لا ماايرضيني مثلا قوولي له احبك واسمتي خليه هو يتكلم او قولي له اصبر علي خلني انا اتكلم برااحتي اما انك تقوولين ايه يرضيني لاااااااااااا ياقلبي!!!
واذا قالك ماارح اكلمك بكرا او او قوولي لااا مااقدر يمر يووم من غير مااسمع صوتك مارتااح ومن الكلام هذاا وربي انا كنت مثلك وحتى كتبت موضووع هنا بعاالم حواء وربي البنااااات كلهم سااعدوني وداايم ادعي لهم
وترا انك تسكتين وتجهزين كلام مثلي كنت بس تدرين وين الغلط؟؟
انك تجهزين الكلام!!
وهذاا مره غلط لان انا كنت اجهز الكلام واذا دق علي اقوول لالالا مو وقته اقول كذا لا مايصلح الحين
خلي حبيبتي الكلام يطلع لحااله وربي لو تشووفيني الحين يمكن صرت انا اتكلم اكثر منه!!!
ولا تصيرين مررررره معه ولا ثقيلللللللللله مرره خليك نص نص
ترا بعديييين والله يزهق ويصير هو بعد ماايقولك شي حلووو وقتها بتنقهرين حبيبتي
وبعد اوول ماتكلمينه بعد اهيلن حبيبي او عيوني وقوليها بدلع وبصووت هاادي مو بدفااشه وبعد يكفك ووو اذا سكتو قوولي وحشتني وخليه يتكلم والله انا احياانا اقوول كلمه وحده بس مثلا احببك ........ ويجلس هو يتكلم يقووولي كلام ماتوقعه منه!!!!!!يفتح قلبه بسرعه
وتذكري الرجااااااال مثل البيبي يبي اللدلع والحنااااااااان واهم شي الاهتماااااااااااااااام
اتمنى اني افدتك
اختتتتتك
ليووووووووووونه


ليان@@ غير متواجد حالياً   اضافة رد مع اقتباس
قديم 21-07-2004, 06:01   4
ليان@@
محررة برونزية في عالم حواء
التسجيل 03-04-2004
البلد : بكل فخر سعــــــ قصيميه ـــــووديه
المشاركات 2,116

وبعدين تعااالي صح
انتي كم صااار لك ملكه عليييييييه؟؟؟


ليان@@ غير متواجد حالياً   اضافة رد مع اقتباس
قديم 21-07-2004, 06:14   5
*دوري*
محررة ذهبية في عالم حواء
 
الصورة الرمزية الخاصة بـ *دوري*
التسجيل 15-03-2003
البلد : عالم حواء
المشاركات 4,252


ما أقدر لأنصحك بشي ....
...............
لكن نصيحه مني غيري عنوان الموضوع خليه يدل على محتواه ..عشان تلقين تفاعل أكبر لانه موضوع حساس وقوي جدا ,,,
وان شاء الله راح أكون من اشد المتابعين له
.........
لكن نظرتي العامه....هي........هي.....
















ليتك ما كلمتيه من الاساس ....................

















بتقولون ....الاخت مغبره ...قديمه ...........













وش أسوي عاد اناس .......أراء ....وعقليات ..وتجارب....


بعضهم يقولون لاتكلمينه .... عشان يصير للزواج طعم

وكل واحد ورأيه .............................. ............................ز


غيــــــــــر متواجدة حاليـــــــــــــــــاً

اخر تعديل كان بواسطة » *دوري* في يوم » 21-07-2004 عند الساعة » 06:23.
*دوري* غير متواجد حالياً   اضافة رد مع اقتباس
قديم 21-07-2004, 11:49   6
ساندوتش تونه
محررة في عالم حواء
التسجيل 29-03-2004
البلد : Montréal
المشاركات 1,101

السلام عليكم
مبروك على الملكه وعقبال الفرحه الكبيره

والله اني داااااااااااااااايخه والسرير يناديني بس ماودي اطلع وانا مارديت عليك

شوفي اختي
انا مع انكي تكلمينه وثلاث ارباع بعد
ماهو علشان دلع ولا شوق
علشان تعرفينه ويعرفك تشوفين اذا هذا الشخص الي يناسبك ولالا
هذا الانسان الي بيقدر يسعدك وتقدرين تسعدينه ولالا
عطيه وقت يفهمك وتفهمينه بختصار هذا وقت دراسه تدرسين مشاعرك قبل مشاعره
كل انسان فينا فيه طبع صعب يغيره ناس تتقبله وناس لا
شوفي اطباعه اذا انتي تقدرين تجاوبين معاها وتتحملينها .." انا مااقول شوفي اطباعه اذا تقدرين تغيرينها ترا اكره مال الرجال انه يحس انك تبين تغيرينه "
بس شوفي زي ماقلت اذا تقدرين تتعايشين معاها
وشوفي ايش الي بطبعك مضايقه وحاولي تغيرينه واذا ماقدرتي شوفي اذا هو يقدر يتحمله ويتعايش معاه

هذي فتره ترسخون فيها اساسيات
والزواج له طعم مميز مهما حطيتو عليه بهارات قبل الزواج طعمه موجود وبكامل النكه

وعن الكلام والسوالف اممممممممممممممم
اذا مو مشكله خجل
اعتقد عادي سولفي وقولي الي عندك
شوفي ردت فعله هذي مرحلت تجارب وانتي تبين تعرفين طبعه ومن ردات فعله على كلماتك يبان صح ولا ؟
وعادي اذا شلتي هم انه ماراح يضحك او ماراح تعجبه سواليفك او انه مايعرف الي انتي تحكين عنه .. بتكتشفين بعدين انك شايله هم على الفاضي

واذا قلتيله عن شيء وهو مايعرفه حسيسيه عادي الانسان مانولد متعلم .. يعني مو مشكله اذا شيء ولا اثنين ولا حتى 100 مايعرفهم

والكلام الحلو
يبيله وقت وتدريب
الوقت مشالله لكم شهرين الحين متملكين يعني بديتو تاخذون على بعض
جاء وقت التدريب .. دربي نفسك على الكلام الحلو وعوديه عليه منها تدليع له ومنها انها تكون دايما على لسانه حتى بعد سنين زواج
واذا قالك شيء حلو اشكريه واثنى عليه .. الرجل علشان يعطي لازم يحس انه مُقدر ومرغوب

وفيه كمان نصيحه
اذا مره جاء يبي يصارحك وقال مثلا
زماان كنت اكلم بنات او اي شيء من هالكلام
مو تجين تزعلين على طول وتقفل معاك وتسوينها حكايه .. اذا سويتي كذا بيرجع يقول ياريتني ساكت احسن ولاعاد يصير يقولك شيء علشان يرتاح من وجع الراس

طبعا اكيد لازم تبين له انك تضايقتي وانك تغارين عليه
بس تقدرين له صراحته وتشكرينه كثير عليها وانك متاكده ان الي كان راح ومستحيل يرجع
وخذي منه وعد بهالشيء وكمان وعد ثاني انه يكون صريح معاك وقد ايش ترتاحين لما يصارحك مهما كان الشيء يضايق لانك متاكده انه ماراح يكررها

علشان يحس انه يقدر دايما يصارحك وانك قريبه منه وتفهمينه

وايه نسيت اشتري كتاب رجال من المريخ ونساء من الزهره تلقينه بجرير مره حلو ومفييييييييييييد

اعذريني الكلام ملخبط بس زي ماقلتلك مره دااااايخه وادري اذا مارديت عليك الحين ماراح ارد


ساندوتش تونه غير متواجد حالياً   اضافة رد مع اقتباس
قديم 21-07-2004, 14:13   7
درة النور
عضوة شرف عالم حواء

 
الصورة الرمزية الخاصة بـ درة النور
التسجيل 23-02-2003
البلد : الديار الحزينة
المشاركات 824

مبروووووووك.. والله يتمم لك بخير..

حبيبتي أسلوبك يدل على خجلك منه.. وهذا شيء محبوب وطلوب.. لكن في البداية فقط .. أما إذا زاد عن حده.. وطوووول.. يتفهم غلط طبعا على إنه صدد وجفا وعدم حب.. وتزرعين داخله أحاسيس سيئة..

وإذا كان الدلال والثقل .. مطلووووب جدا في فترة الملكة.. وجدا جدا كمان.. والبنت اللي بتفتحها على البحري بتندم وبتعيش أسوأ فترة في حياتها .. وبعد زواجها تعرف إنها استعجلت..

ولككككن.. هذا لا يعني إني أصدده ..لا

إليك هذه الخطة غاليتي:

^^^^ الصوت في التليفون.. خليه مشتاق لمكالمتك.. من حنان صوتك.. الرقيييييييق الهااااااااااامس

والضحكة الناعمة الخفيفة الساحرة..

&&&&& إسأليه عن أحواله.. استخدمي كل ذكائك إنك تخليه يتكلم هو كتير .. وإياك أن تنزلقي فتتحدثين كثيرررا .. لا الجاذبية إنه ينبسط هو بالكلام معاك .. مش يقعد يسمعك .. خليه يتمنى يعرف عنك شيء بتحبي ايه ومش بتحبي ايه
يعني متبقيش كتاب مفتوح أمامه..
لو فتح موضوع تجاوبي معه.. ولو بان تقولي : جميلة القصة هذه.. أو غريب الموضووووع.. ما تخيلت.. أو كمل كلامك الموضوع شيق..


****** كلاااااااام الحب

لو بتتكلموا مع بعض كثير .. يبقى زودي العيار كل 4 مكالمات مثلا.. أما لو بتتكلموا بشكل متباعد.. فعادي كل مكالمة .. خلي فيها رومانسيات..

مثل ماذا؟؟؟
تشعريه إنك قلقتي عليه: الرجل يحبببببب ذلك جدا (( تعطيه إحساس بالأمومة))
كلمات حب: مثل أحبك !!!!! خليها نادرة وولها وقع عنده
مثل : وحشتنا ..........
كثري من: خلي بالك من نفسك .. اهتم بحالك..
الدعاااااااااء كثري منه بأسلوب حلو: الله يسعدك.. الله يوفقك .. الله لا يحرمني منك..

أسأل الله أن يسعدك
ويوفقك


"هافانا سابقا"
سيروا مع الهمم العالية





بداية جديدة أكثر حكمة وسعادة .. مع نفسك ومع زوجك ومع الحياة بأسرها

قصة معبرة تهز القلب.. أب عاقل قال لابنته الغضبى من زوجها.........

شيء غريب وعجيب أن نلوم الشاب على طلب عروس (( ملكة جمال)).. حقه حقه حقه!!!!!

إيجابيتك الزائدة يحبها أصدقاؤك.. أما زوجك ...؟؟؟؟؟

إيااااااك والمشي وراء الظنون والشكوك

إحذري هذا السلاح .... لأنه سيدمرك ويدمر زوجك ويدمر حياتكما

هل تعرفن كيف استطاعت تلك المرأة أن تنسي زوجها أصحابه وتخليه قاعد جنبها ليل ونهار؟؟

*^*^*^*^مثلث الرومانسية الزوجية*^*^*^*^

هل تتحدثين عن سعادتك الزوجية مع الأخريات؟؟؟؟؟؟
درة النور غير متواجد حالياً   اضافة رد مع اقتباس
قديم 21-07-2004, 14:35   8
533w
عضوة نشيطة
 
الصورة الرمزية الخاصة بـ 533w
التسجيل 07-10-2003
البلد : امريكا
المشاركات 107

السلام عليكم اختى والف مبروك عليك والله يسعدك يارب

انا من تملكت ماكلمته لانى مااحب راح يعطيك من الكلام وتعيشين فى احلام ولما يجيى الزواج يكون الدلع فتره قصيره ويمكن يعطيك شى فوق الزياده عشان كذا مارضيت اكلمه لما يكون الزواج يكون افضل ويكون على ارض الواقع مو فى التليفون احس راح يعطينى احلام ورديه وبعدين بعد الزواج تمصل والله هذا راى انا بس انت الحين كلمتيه والله يوفقك وياه


533w غير متواجد حالياً   اضافة رد مع اقتباس
قديم 21-07-2004, 16:22   9
الإسلام ديني
عضوة نشيطة
 
الصورة الرمزية الخاصة بـ الإسلام ديني
التسجيل 22-06-2004
البلد : عالم الحب ..
المشاركات 132

أنا أؤيد و بشدة أنك تكلمينه ، أجل شو فايدة الملكة و العقد ؟؟!!

هذي الفترة مشان تتعارفون و يفهم كل واحد منكم الثاني .. و مشان إذا جات ليلة العرس ما تكونين مع واحد ما تعرفين إلا شكله و اسمه !!

حتى لو بيخليش تعيشين في أحلام و ما ادري شنو .. عيشي و استانسي حتى لو بالخيال .. و الزواج مثل ما قالوا شي آخر جداً عن الملكة .. بالعكس راح يكون أحلى لو أنك كلمتيه قبل .. لأنك بتشوفي روحك ليلة العرس خجلانه منه حتى لو كنتي تكلميه 24 ساعة .. >> ((أنا كنت هيك ))
أنا ما أنصحك تكلمينه وايد .. لكن .. بشكل معتدل .. و طريقتك ماه هذي جداً قاسية ..
اعطيه حنان مسكين .. ترى حطي ببالج أنه مهما يكون هو عنده قلب و إحساس ..

و تحياتي لج ..


الإسلام ديني غير متواجد حالياً   اضافة رد مع اقتباس
قديم 21-07-2004, 22:45   10
! طـواري !
محررة الماسية في عالم حواء
 
الصورة الرمزية الخاصة بـ ! طـواري !
التسجيل 02-12-2003
البلد : غريفتي
المشاركات 5,450

وبعضهم يقولو كلميه ... لانك راح تاخذي الدلع والشوق والحب على اصوله


! طـواري ! غير متواجد حالياً   اضافة رد مع اقتباس
إضافة رد

أدوات الموضوع البحث في هذا الموضوع
البحث في هذا الموضوع:

بحث متقدم
طريقة عرض الموضوع

الإنتقال السريع


الوقت المعتمد في المنتدى بتوقيت جرينتش .
الوقت الان » 19:13.

مواقع عالم حواء | اعلن معنا
جميع الحقـــوق محفــوظة لشبكـة مـــواقــــع عــالم حــواء

[الصفحة الرئيسية] [المنتديات] [الفتاوى الجامعة]


Powered by: vBulletin Version 3.7.1
Copyright ©2000 - 2014, Jelsoft Enterprises Ltd