[همســ شوق ــة]

السلام عليكم

كيف الحال يا نحيفات؟؟

عسى الوزن ما يقل

يا بنات اليوم بقول لكم عن تجربتي مع النحافه وزيادة الوزن


انا وزني إذا زاد ومتنت كان يوصل حده 45 كيلو,ماتركت فيتامينا او فاتح شهيه ما اخذته (حتى صرت خبيره بكل الأنواع) ومرت فتره كنت آخذ نوعين مع بعض حتى الكل كان متوقع انه وزني يزيد بدرجه مو طبيعيه بس ما فادني وماتم شي ما اكلته وجربت كل الوسائل والطرقز وكنت اروح العب رياضه(هههههه شكلي كان يموت ضحك كلهم متان وانا الهيكل العظمي بينهم وكانوا مقهورين مني اني بزيد وزني ) والمدربه اعطتني نظام غذائي وبعد ما فاد...

صابني احباط ارووح السوق مافي شي قياسي حتى ملابسي شكلها كريه علي صرت مبهدله عالآخر وصابني احباط

لاا وايام الأمتحانات تعالوا وشوفوني ما بتعرفون انا رايحه ولا جايه ومن كثر النحافه تحت عيوني اسود ووجهي كريه تعقدت من نفسي صرت لا اروح سوق ولاحتى اعراس وغيره

بعدين انا كنت ما اجوع وإذا جعت يدوب اكل شويه واشبع بسرعه


لحد ما اكتشفت نوع حبوب بالبدايه ما كنت راضيه آخذهم لآني متاكده انهم ما بسولي شي وتحت الحاح من اللي حولي توكلت على الله واخذتهم والله والله والله يا بنات صرت وحده ثانيه جربت شعور غير شعور جديد علي صرت آكل وآكل وآكل وتلذذ بالأكل مو نفس قبل آكل بدون نفس وزاد وزني اربعه كيلو بأسبوع شعووور خطييييييير حتى اهلي مبسوطين اني اطلب وعلى طوول نفسي مفتوحه ومسكين ابوي كسر خاطري صار مو ملحق وزاد مصروف البيت واخواني سموني جازورا هههههه

والله العظيم انه صاحباتي انقطعت عنهم اسبوعين وهي الفتره إلي ابتديت آخذ فيها الحبوب وبعد اسبوعين بس لما جاو عندي البيت طول القعده وهمه بس يطالعوا فيني مو مصدقين اني انا. حتى وجهي فتح ونور والسواد تحت عيوني كله راح وخشمي كنت افكره طوييل لما متنت بين صغيرون

يمكن تحسون انه كلامي مبالغ فيه وخيالي بس صدقوني لو جربتوه بتعرفون انه صح لاني انا بعد ما كنت متوقعه النتيجه

وانا الحين ثبت وزني مابين ال51 و 52 ووايد مرتاحه ومبسوطه واهم شي اني جددت ثيابي وصرت احب اروح السوق والاقي قياسي.

امس طلعت بنطلون من بنطلوناتي إللي كنت البسه وكان خصره وسيع شويه بعد والله امي لما شافته شهقت وما صدقت اني كنت البسه. البنطلون صغيييييييييييييير حده تلبسه وحده صف اول اعدادي حتى انا استغربت خاطري اصوره واوريكم اياه شي مو طبيعي. الله لا يعيد ذيك اليام

المهم هذيله الحبوب وصفه من دكتور ولحد الآن مافي وحده جربتهم وما استفادت.

انا مو قصدي اني ابي ردود كثيره لموضوعي وتفاعل واقعد اتعزز مثل ما يسوون البعض
لأ بالعكس انا مو هذا قصدي واصلاً ما احب هذا الأسلوب وما كتبت الموضوع إلا لأني ابي افيد ومابي لا ردود ولا شكر كل إللي ابيه هو الدعاء انكم تدعولي من قلب انه الله يفرج همي.

خايفه يكون ممنوع اني اكتب اسم الدوا وينحذف الموضوع

إذا مسموح ياريت رد واحد تقولولي وانا رح اكتب اسم الدوا على طووول

واذا مايصير ارسلولي عالخاص وانا حاضره من عيوني الثنتين

وبس هذي كل السالفه

[بريق النجمه]

عادي اكتبي اسم الدوا
وجزاج الهه الف خير
وعسى الله يفرج همج ويسعدج

[شمعة فرح]

أهلين أنا أنا أنا أنا
أبغى الدواء بس خايفه شوي تعرفين حبوب ماهو شيء طبيعي؟؟؟؟؟
ياليت تكتبين وش هو الدواء ؟؟؟ ومن وين ؟؟؟ وش بعد ؟ إيه أعراضه يعني مثلا يجيب النوم أو أو..
وكم زدتي ؟؟؟ وش كنت مجربه قبل من خلطات ووصفات وحبوب ؟؟؟
وهو يفتح الشهيه صدق .. وإلا على المزاج... لأن جربت أشكال وألوان من حبوب ووخلطات على الفاااضي
تراني مالي بعد الله إلا أنتم....الله يوفقك أبدعيلك من قلب حتى لو مانفع معي؟؟
وأي دكتور اللي وصفها لك؟؟وكم حبه تاكلين؟؟
أبي التفصيل الممل......
لاتنسين أنا أول وحده تحمست.......

[/كنده/]

السلام عليكم ورحمة الله وبركاتة اختي هي تسمن الجسم كله او جزء معين من الجسم ردي علي الله يخليك او ارسلي لي على الخاص ولك خالص الشكر

[جوجوالحلوه]

اعتقد عادي تكتبين اسم الدوا

[المعصقله الجديدة]

الله يفرج همك وهم كل مسلمه

اكتبي اسم الدواء الله يخليج

احنا محتاجييييييييييييييييينه بسرعه

ولكي الشكر والتقدير

[شمعة فرح]

أهلين معليش رجعت معليش راااح أدعيلك
ممكن سؤال يس أخاف تقولين ملقوفه....أصبري أبجمع قواي.....
وش أكثر منطقه سمنتي فيها .. وهي تفيد لتكبير الصدر...

[همســ شوق ــة]

السلام يا بنات يا نحيفات خخخخخخ

انا مب نحيفه الحين ناناناااا

حبيباتي

اولاً: هذا اسم الدوا >>>>>>>>> Periactin(4mg)
العلبه الوحده فيها 20 حبه وهو دوا للأطفال اصلأ خافض حراره

وسعره رخيييييييييييييييييييييييييييص مررررررررررررررررررررررررررررر ره مابتصدقون بكم

ب 720 فلس يعني 7ريال بسس وموجود بكل الصيدليات

ثانياً: بصراحه الدوا يجيب النوم ويصيب الواحد خموووووووووووووول مو طبيعي يعني بس تاكلوا وتناموا يعني اهلكم بيفتقدونكم

ثالثا: هو مايمتن مناطق معينه هو يخليكي تاكلي وتاكلي وحسب جسمك بس تقدري تلعبي رياضه وترتبي جسمك

اما بالنسبه للأستعمال الله يسلمكم
تاخذين منه حبه عالريق كل يوم , انا أخذتهم كل يوم حبه لمدة 10 ايام بعدين صرت باكل اخواني واهلي فصرت اخذ حبه يوم بعد يوم بعدين صرت آخذهم بالأسبوع مره والحين كل ما احس انه شهيتي مسدوده آخذلي حبه.

وحطي في بالك انك لازم لازم لازم تكثري من الشوكولاته والحلويات والمعجنات والمعكرونه والله اني صرت ما اشبع من الرز واصحى بنص الليل اسويلي معكرونه ههههههههه وبكل الأوقات انا كنت لما ازعل او اكون متضايقه ما آكل معاه صرت غصب آكل في مزاج ولامافي

والله اني جربت اشكال الوان ومافادني إلا هالدوا

وبالنسبه لي انا حتى صدري الحمدالله كبر وكل جسمي وصارلي خدود يا بنات



وآخر شي انتوا كمان كل وحده تسأل دكتور قبل لاتاخذه او عالأقل تقرأ النشره الموجوده داخل

واي شي انا حاضره

مع السلامه

[Dreams4u]

همسة شووووق


روووووحي ياشيخة الله ينولك اللي ببالك ويفرج همك وهم جميع البنات

الله يسعدك

وجزاك الله خيرا

يختي مابقيت اختراع الا وجربته مليييييييييييييت


تحياتي

[شمعة فرح]

صابني إحباااااااط
أعرفها هذي وىخذه بعد بس ماداومت عليها لان أول ثلاث أيام جاني النووووووووووم وتركتها أحس إنها ماتسوي شيء لكن شجعتيني ياهمسة شوق الله يمتعك بالصحه والعافيه..
وش وصيتك لي أخذها مره ثانيه أولا؟؟؟؟
يعني أنت صرتي تاكلين كثير بعد عشر أيام من تناول الحبوب وإلا كيف ؟؟؟
وكم استمريتي عليها؟؟؟
يعني أنا وزني الحين 49
ومشكوووووره ياأختي همسة شوق والله يحققلك اللي في بالك .....ولك خالص دعائي.......