أزياء هندية بالشرقيه وين ألاقيها؟ لو سمحتوا بسرررعه - ارشيف منتديات عالم حواء
ارشيف منتديات عالم حواءارشيف منتديات عالم حواء

العودة   ارشيف منتديات عالم حواء > القسم العام > ســاعــدونـي
المنتدى البحث المشاركات الجديدة التأشير على جميع الاقسام بالمشاهدة

إضافة رد
 
أدوات الموضوع البحث في هذا الموضوع طريقة عرض الموضوع
قديم 22-05-2004, 13:54   1
جوهرة السعودية
عضوة نشيطة
التسجيل 23-04-2004
المشاركات 111

السلام عليكم
أخواتي زواج وحده من قريباتي بعد فتره وأبي أشتري زي هندي يعني مثل الساري او اللي فيه بنطلون ومثل القميص الطويل ويكون حلو ومميز بصراحه أشوف على ناس كثير وأستحي أسألهم
وانا ودي بزي هندي من زمااان ممكن تقولون لي وين اقدر ألاقي بالشرقيه؟ وطبعا ماتكون أسعارهم أكثر من 1000 او 1500

انا سمعت انه في أماكن بالدمام اللي تعرفها او اشترت من أي مكان تقولي

لاتطولون علي لوسمحتوا
ومشكورااات مقدما


جوهرة السعودية غير متواجد حالياً   اضافة رد مع اقتباس
قديم 22-05-2004, 22:38   2
الهوليّــــه
عضوة فعالة
 
الصورة الرمزية الخاصة بـ الهوليّــــه
التسجيل 09-02-2004
البلد : الدمام
المشاركات 366

شوفي عزيزتي ..

بصراحه انا ما أعرف محلات تبيع أزياء هنديه جاهزه بالشرقيه..

بس أعرف محل يبيع أقمشه هنديه حلوه ورخيصه..

اسم المحل ( الحرير الهندي ) بالدمام .. هو قريب للمركز الأخضر(سوبرماركت معروف) بس ما أدري ايش اسم الحي .. بس انتي اذا وصلتي لسوبرماركت الأخضر اسئلي عن المحل ..



مـرّه بثاني يوم من أيام العيد لبست ساري من هالمحل.. وطبعا الساري يجي عادة 6 أمتار تقريبا .. وكان حرير تركوازي وحاشيته بيج وذهبي..
وخيطت تنوره من قماش عادي تركوازي.. وشريت بلوزه ساده استرتش بنفس لون الحاشيه (بيج على ذهبي) والمهم ان البلوزه تكون من غير أبّـه .. واذا كان الكم طويل قصريه عند الخياط .. وبالنسبه لهالبلايز بتلاقينها مليانه عند محل (رادا ) .. والاساور والاكسسوارات الهنديه مليانه بسوق الحب وبالحياة بلازا .. ولا تنسين السلسلة اللي تنحط بفرقة الشعر والخرابيط الهنديه اللي تنحط على الوجه والخشم لا تنسينها بعد .. والنعالات الهندية مليانه بكل مكان ..

وقطعة قماش الساري لا تخيطينها ولا شي .. بس خلي أي خدامه هنديه موجوده عندكم بالعيله تعلمج طريقة لف الساري على الجسم .. أو خلي الخياط الهندي يعلمج وخليه يثبت الكسرات اللي تجي على جنب الخصر بخياطه خفيفه ..

وبالنسبة للاكسسوارات والنعالات اذا لقيتي فيها شي مو مناسب .. مثلا اذا لقيتي الفصوص او الشك اللي عليها مو مناسب لاتزعلين دامج تسمعين نصايح اختج الهوليه >>>>>>> تحب تمدح نفسها ..
بصراحه انا دايما اشتري مناكير رخيص مناسب لملابسي واصبغ فيها اي فص او اي شي مو مناسب باكسسواراتي او بنعالي ..

وبالنسبه للساري لا تقصين من قماشه .. يعني لا تقصرينه خير شر ..
وخلي الجزء اللي بينزل من ورا كتفج طويييييل .. يعني خلي الحاشيه تزحف للأرض شوي ..

وعلى فكره ترى هذا كله على بعضه ما كلفني غير 900 ريال تقريبا أو يمكن 800 بعد .. شفتي اشلون الهندي ما بيكلفج ولا شي ..

بس حبيت أوضح شي مهم .. ألا وهو :
7
7
7
7
بسم الله .. اشفيني انقلبت فصيحه ..

نرجع لمحور حديثنا :
اذا رحتي للمحل لا تنصدمين من الأقمشه المعروضه .. ولا تنصدمين من تعامل الهنود اللي يبيعون بالمحل ..

انتي ماعليج منهم.. خليهم يطلعون اللي تبينه من تحت الأنقاض .. وخليهم يورونج الحاشيه .. لأنهم كسولين شوي ..

يعني الزبده .. بيرتفع عندج الضغط .. بس معليه استحملي اشوي ..


المهم .. اتمنى تعجبج الفكره .. واي استفسار انا حاضره بس قبل الاختبارات ..

واخيرا ........... لا تنسيني من خالص الدعاء اذا استفدتي من هذرتي .. حتى اذا ما استفدتي ادعيلي بعد ..




خداهافز


الهوليّــــه غير متواجد حالياً   اضافة رد مع اقتباس
قديم 23-05-2004, 09:59   3
جوهرة السعودية
عضوة نشيطة
التسجيل 23-04-2004
المشاركات 111

مشكوره أختي الهوليه ما قصرتي وشرحك حلو فهمت عليكي
بحاول أروح للمحل اللي قلتي عليه مع اني ما اعرف محلات الدمام زين

وبطلب من باقي الخوات اللي تعرف محلات ثانيه سواء جاهزه ولا أقمشه تقولي


جوهرة السعودية غير متواجد حالياً   اضافة رد مع اقتباس
قديم 23-05-2004, 11:41   4
ام نورهان
عضوة فعالة
التسجيل 13-05-2004
المشاركات 422

في محل في فؤاد سنتر وحده خبرتني عنه وباين من الفترينه الازياء الهنديه


ام نورهان غير متواجد حالياً   اضافة رد مع اقتباس
قديم 27-05-2004, 11:52   5
جوهرة السعودية
عضوة نشيطة
التسجيل 23-04-2004
المشاركات 111

مشكوره أختي أم نورهان .... بروح لفؤاد سنتر وبشوف المحل

بس وين باقي البنات ؟؟؟؟؟؟

يعني معقوله بس 2 من العضوات اللي يعرفون!!!؟؟
ولا وحده من الباقيات اشترت زي هندي او فصلت؟؟؟؟؟

ياليت اللي تعرف تدلني جزاها الله خير حتى لو من البحرين تقولي

أنتظركم


جوهرة السعودية غير متواجد حالياً   اضافة رد مع اقتباس
قديم 27-05-2004, 21:36   6
عبيرالشرق
عضوة فعالة
 
الصورة الرمزية الخاصة بـ عبيرالشرق
التسجيل 13-01-2002
البلد : السعودية
المشاركات 421

مرحبا اختي توني اقرأ موضوعك
انا اعرف محلين الاول في فؤادسنتر فوق اسمه دار ساره
والثاني في الجمعه سيتي سنتر اسمه اسرار الهند
وأتمنى اني افدتك .






عبيرالشرق غير متواجد حالياً   اضافة رد مع اقتباس
قديم 27-05-2004, 23:07   7
*وردة الزنبق*
عضوة نشيطة
التسجيل 26-07-2002
البلد : عالية نجد
المشاركات 190

زي ماقالوا البنات فؤاد سنتر فيه محل ازياء هنديه


*وردة الزنبق* غير متواجد حالياً   اضافة رد مع اقتباس
قديم 28-05-2004, 00:24   8
عقد ألماس
محررة في عالم حواء
 
الصورة الرمزية الخاصة بـ عقد ألماس
التسجيل 21-04-2004
البلد : في اعظم قلب... الله لايخليني منه
المشاركات 1,880

هلا عزيزتي
يوجد بعد مجموعه محلات في المجمع النسائي بالدمام .....لزي الهندي


عقد ألماس غير متواجد حالياً   اضافة رد مع اقتباس
قديم 28-05-2004, 13:42   9
جوهرة السعودية
عضوة نشيطة
التسجيل 23-04-2004
المشاركات 111

مشكورات كلكم
بسأل بالنسبه للمحل اللي بفؤاد سنتر شلون أسعاره؟
أنتظركم تردون علي للي راحت له او تعرف


جوهرة السعودية غير متواجد حالياً   اضافة رد مع اقتباس
قديم 28-05-2004, 18:06   10
ليل وقمر
عضوة
 
الصورة الرمزية الخاصة بـ ليل وقمر
التسجيل 12-01-2003
البلد : نجد
المشاركات 88

السلام عليكم تلقينها في محل ساااره في فؤاد سنتر بالخبر


ســــبـــــحــــان الـــــلـه وبــــحــــمـــده
ســــبــــحـــــان الـــــلــه الــــعــــظــــيــــم
ليل وقمر غير متواجد حالياً   اضافة رد مع اقتباس
إضافة رد

أدوات الموضوع البحث في هذا الموضوع
البحث في هذا الموضوع:

بحث متقدم
طريقة عرض الموضوع

الإنتقال السريع


الوقت المعتمد في المنتدى بتوقيت جرينتش .
الوقت الان » 15:28.

مواقع عالم حواء | اعلن معنا
جميع الحقـــوق محفــوظة لشبكـة مـــواقــــع عــالم حــواء

[الصفحة الرئيسية] [المنتديات] [الفتاوى الجامعة]


Powered by: vBulletin Version 3.7.1
Copyright ©2000 - 2014, Jelsoft Enterprises Ltd