ارشيف منتديات عالم حواءارشيف منتديات عالم حواء

العودة   ارشيف منتديات عالم حواء > القسم العام > ركن سـيـدات الأعمــال
المنتدى البحث المشاركات الجديدة التأشير على جميع الاقسام بالمشاهدة

إضافة رد
 
أدوات الموضوع البحث في هذا الموضوع طريقة عرض الموضوع
قديم 07-04-2004, 16:29   1
أم يقين
موقوفة
 
الصورة الرمزية الخاصة بـ أم يقين
التسجيل 16-02-2004
البلد : البحرين
المشاركات 889

السلام عليكم
اهلين اخواتي انا حابة اعرف عن سوق الجملة اللي عندكم في دبي
وين يصير مكانها بالضبط؟
ويش الاشياء اللي تنباع فيها؟
ماهي اسعارهم هل رخيصة جدا مثل ماسمعت عنها ام لا؟
هل يوجد بها اماكن لبيع اغراض الهدايا والتغليف والدببة؟

ويا اهل الكويت ايضا انا سمعت انه عندكم بعد سوق الجملة اتمنى انكم تجاوبون على نفس اسألتي عن سوق دبي وبعد حابة اعرف وين ارخص دبي او الكويت؟

اتمنى من كل وحدة تقرأ الموضوع تتفاعل معانا وترد ولو بيسير الاجابة والله يوفقكم
ان شاء الله.

تحياتي
أم يقين


أم يقين غير متواجد حالياً   اضافة رد مع اقتباس
قديم 08-04-2004, 14:32   2
أم يقين
موقوفة
 
الصورة الرمزية الخاصة بـ أم يقين
التسجيل 16-02-2004
البلد : البحرين
المشاركات 889







أم يقين


أم يقين غير متواجد حالياً   اضافة رد مع اقتباس
قديم 08-04-2004, 15:59   3
sticky
موقوفة / موقوف
التسجيل 12-07-2003
البلد : دبي
المشاركات 1,524

ماعرف ليش البنات ماخذين مقلب في سوق الجمله..انا رحت و بصراحه ما عجبني شي ابدا..اولا ما تقدرين تشترين لانه كله يبيعون بالكرتون او بالدرزن..و اذا رضوا يبيعونك بالحبه تشتريه بسعر الريتيل..يعني السعر العادي اللي تلقينه برع..و اول ما يشوفونك داخله المحل يصرخون في وجهك: جمله..اوكي نعرف انه جمله..ليش تصارخون
كلها بضاعتهم مالها جوده..من اردأ الانواع..
اما الدباديب الله يغنيك عنها..غاليه بشكل مبالغ فيه..لو تروحين عجمان في اسواق الامارات تلقينها ارخص بمليون مره..و تلقين الورد المجفف رخيص مره و لف الهدايا و التحف الصغيره في محلات درهم درهمين في سبلاش بعجمان..
ما انصح في سوق الجمله في دبي كله هنود و باكستانيين مالهم شغل الا يبحلقون في الحريم المارات...من غير الحر و الرطوبه
و اسمحولي بغيت انصحكم


sticky غير متواجد حالياً   اضافة رد مع اقتباس
قديم 08-04-2004, 16:54   4
أم يقين
موقوفة
 
الصورة الرمزية الخاصة بـ أم يقين
التسجيل 16-02-2004
البلد : البحرين
المشاركات 889

مشكورة اختي sticky على مرورك الكريم والتكرم بالرد على اسألتي
والله غريبة وانا اللي كنت سامعة انه دبي وايد اشيائها رخيصة يعني
ارخص من عندنا في البحرين، على العموم تشكرين حبيبتي
ويلا وين البنات الحلوات علشان يعطونا تجاربهم مع هذي السوق
ويدلونا وين الاقي مثل البضاعة اللي ذكرتها بالجملة ورخيييييصة
وذات جودة ايضا.
عفية بنات لا تبخلون علينا بأي معلومة عندكم

تحياتي
أم يقين


أم يقين غير متواجد حالياً   اضافة رد مع اقتباس
قديم 08-04-2004, 17:19   5
ألــــيــــن1
محررة في عالم حواء
التسجيل 28-03-2003
البلد : السعوديه
المشاركات 1,710

حبيبتي ام يقين
ياليت لو تدلينا على الاماكن الحلوه للتسوق عندكم بالبحرين

واسعاها تكون معقوله او رخيصه


ألــــيــــن1 غير متواجد حالياً   اضافة رد مع اقتباس
قديم 08-04-2004, 17:49   6
أفراح أمه
عضوة مميزة
التسجيل 27-03-2004
البلد : الامارات << أبوظبي
المشاركات 559

السلام عليكم

أم يقين

نعم سوق دبي بالجمله فيه كل اللي تبينه .. و صدقيني ما بتندمين اذا وصلتي للمحلات اللي انتي تدورينهم .. ولا اذا ما وصلتي أو ضعتي في السوق .. بتندمين ليش رحتي و ما بتنسين هذا اليوم

يعني يكون في بالج أهم شي كيف توصلين عند محلات الهدايا في سوق الجمله


طبعا سوق الجمله كبير و أكبر من ما تتوقعين

فيه كل شي ينباع في أي سوق .. من مستلزمات المنزل الى مستلزمات النساء من اكسسوارات وحقائب وأحذيه وملابس نسابيه ( ماركات أو بدون ماركات ) وملابس الرجال وأدوات التجميل وأدوات المطبخ و أدوات البناء وأدوات مكتبيه و هدايا وكلللللللل شي يخطر في بالج

بس كل شي أو كل نوع من محلات يكون في صوب ... يعني مثلا أو ما تدخلين من صوب سوق نايف عند مركز المنال ... بتحصلين محلات من جميع الانواع و ما يبيعون بالجمله و أسعارهم غاليه

لكن روحي داخل ولفي يمين ... بتحصلين سوق عكاظ .. اللي متخصص في ملابس النساء وخاصة الجلابيات الخليجيه والهنديه وبتحصلين محلات على كيف كيفج .. كل شي مال حريم من ملابس الى عطورات .... الخ

اذا رحتي جدام بتحصلين سوق الذهب في ويهج ... الشارع بياخذج على اليسار أول ما توصلين سوق الذهب ... اذا دخلتي سوق الذهب وطلعتي من الجهه الثانيه (( طبعا مشي .. مافي طريق سيارات داخل السوق)) بتطلعين من الجهه الثانيه صوب محلات الادوات المكتبيه والهدايا وألعاب الاطفال

صح معظمهم يبيعون بالجمله و ما يرضون يبيعون بالحبه .. على حسب المحل .. اذا تبين كم حبه .. لا اتعبين نفسج .. روحي أسواق الامارات في عجمان مثل ما قالت الاخت ... أحسن لج

لكن هذا السوق ينفع حق بياعه أو حد يفكر في تجاره

أما من ناحية الجو في السوق .. على حسب الوقت ... وقت الصبح أحسن شي مافي وايد زحمه .. بس لو رحتي بعد العصر أو المغرب بتندمين لان الجو اشوي حر ورطوبه بالاضافه الى زحمة الهنوووووووود في كل شبر ومتر .. وخاصة يوم الخميس

ويوم الجمعه يسكرون الساعه 8 ومحلات الهدايا ما يفتحون يوم الجمعه


وذا بعد تبين شي .. حاضرين للطيبين

وبالتوفيق ان شاء الله


أفراح أمه غير متواجد حالياً   اضافة رد مع اقتباس
قديم 09-04-2004, 08:11   7
أم يقين
موقوفة
 
الصورة الرمزية الخاصة بـ أم يقين
التسجيل 16-02-2004
البلد : البحرين
المشاركات 889

مشكورة اختي افراح امه على ردك الوافي واللي عطاني فكرة مفصلة نوعا ما عن هذي السوق
كما سعدت بأن ردك على موضوعي هو اول مشاركة لك وهذا ما اسعدني فعلا وان شاء الله تكون فاتحة خير لك في منتدانا الاكثر من رائع. واذا عندك بعد معلومات عن مدينة دبي ووين الناس تتسوق وبعد وين احسن الاسواق وارخصها موجودة خبريني والله يجزيك الف خير.

أختي الين 1 رديت عليك على الخاص اتمنى ان تكوني استفدت ومسامحة يمكن ماشرحت لك شرح مفصل لأني كنت البارح مشغولة وكنت مستعجلة وحياك الله في بلدك البحرين.

تحياتي
أم يقين


أم يقين غير متواجد حالياً   اضافة رد مع اقتباس
قديم 09-04-2004, 09:10   8
o أم تيلــهo
محررة فضية في عالم حواء
 
الصورة الرمزية الخاصة بـ o أم تيلــهo
التسجيل 26-06-2002
البلد : امارات العز والخير والأمان
المشاركات 3,837

ما شاء الله الاخت افراح امه كفت ووفت الله يعطيها العافيه
وانا بزيدج من الشعر بيت هههههههههههههه
الشيل والعباءات
الشنط
الاحذيه
الجلابيات
الهدايا
ملابس الاطفال
المكياج
الشباصات او الشكالات
قرطاسيات
الراشن
كله بتحصلينه بالجمله


ما يموت الود في قلب الكريم
***
ولا تموت العاطفه عند الكرام
o أم تيلــهo غير متواجد حالياً   اضافة رد مع اقتباس
قديم 11-04-2004, 13:34   9
أم يقين
موقوفة
 
الصورة الرمزية الخاصة بـ أم يقين
التسجيل 16-02-2004
البلد : البحرين
المشاركات 889

اشكر الاخت (السّّّـلم) على اعطائنا هذه المعلومات كما اشكر كل العضوات الاتي شاركن في الاجابة على اسألتي
ولكن وين بنات الكويت انا طرحت نفس الاسئلة عن الكويت هل يوجد عندهم فعلا سوق بأسم سوق الجملة أم لا واذا عندهم نروج التكرم بالتوضيح ولكم جزيل الشكر.

تحياتي
أم يقين


أم يقين غير متواجد حالياً   اضافة رد مع اقتباس
قديم 12-04-2004, 05:48   10
أفراح أمه
عضوة مميزة
التسجيل 27-03-2004
البلد : الامارات << أبوظبي
المشاركات 559

يعطيكم العافيه أخواتي ...

أم يقين ... السوق اللي خبرتج عنه هو الارخص في دبي و ينفع للجمله ... أما اذا تريدين تتمشين و نشنرين الاشياء الغاليه .. روحي المراكز التجاريه في دبي و ما أكثرها ... و منها: مركز برجمان - وافي سنتر - الغرير - سيتي سنتر - مركز حمر عين .... الخ



بالنسبه لأسواق الكويت .. رحت مره هناك .. و خبروني عن سوق المباركيه .. والصراحه سوق حلو ... شعبي و فيه كل شي .. بس أسعاره مب رخيصه وايد مثل دبي

و بيني وبينج شفت وايد أشياء هناك هم يشترونها من دبي بالجمله و يبيعونهم بالحبه


و بالتوفيق


أفراح أمه غير متواجد حالياً   اضافة رد مع اقتباس
إضافة رد

أدوات الموضوع البحث في هذا الموضوع
البحث في هذا الموضوع:

بحث متقدم
طريقة عرض الموضوع

الإنتقال السريع


الوقت المعتمد في المنتدى بتوقيت جرينتش .
الوقت الان » 06:45.

مواقع عالم حواء | للإعلانات
جميع الحقـــوق محفــوظة لشبكـة مـــواقــــع عــالم حــواء1998
تلفون 0096612410808 - فاكس: 012417400 - الصندوق البريدي: 85571 , الرياض 11612
[الصفحة الرئيسية] [المنتديات] [دليل الطبخ العربي] [البيت] [طفلي] [جمالك] [وقاء] [الفتاوى الجامعة] [رحالة] [اسماء المواليد] [المرشد النسائي]


ترقية وتطوير » تحميل دوت كوم
Powered by: vBulletin Version 3.7.1
Copyright ©2000 - 2014, Jelsoft Enterprises Ltd