ارشيف منتديات عالم حواءارشيف منتديات عالم حواء

العودة   ارشيف منتديات عالم حواء > القسم العام > الديكور و تأثيث المنزل
المنتدى البحث المشاركات الجديدة التأشير على جميع الاقسام بالمشاهدة

إضافة رد
 
أدوات الموضوع البحث في هذا الموضوع طريقة عرض الموضوع
قديم 12-05-2004, 10:02   11
عبــيــق
عضوة جديدة
 
الصورة الرمزية الخاصة بـ عبــيــق
التسجيل 26-03-2004
المشاركات 30

السلام عليكم
ام سعود انا لي بعض الافكار وهذي والله عن خبره عدة بيوت
مهب انا بس حتى خواتي
خلينا نمشي خطوه خطوه بالبيت
اولا نبداء بالدخول من مدخل الرجال
ماشاء الله المدخل كبير او على حسب ما اشوف من المقاسات
المدخل 4x4 ممكن بدل الكونسول تحط وحدة البايوه اكبر وافخم
وعليه مرايا بس تحطه بالجدر الي على اليسار امام باب الصالون
وتحط كرسيين من جوانب الكونسول
وبدل ما تحط طاوله وكرسيين تلغي هالفكره وتحط طاوله دائريه بالمنتصف
هذي الفكره دائما تتبع في المداخل الواسعه وتحط على الطاوله فاز فيها باقه ورد كبيره
بس انتبهي الباقه تجيبها من محلات كويسه انا ما اعرف وين بالرياض
بس على مستوى حديقة القصر بجده
اما بالنسبه لصالون الرجال ليش ما تفتح باب من الصالون على غرفة الطعام
ويكون باب كبير جدا على شكل اوكورديون حتى ما ياخذ الباب مساحه من الغرفه
انا اشوف انها تفتح باب على غرفة السفره من صالون الرجال فكره انسيابيه وتعطي فخامه اكبر
خصوصا لما تفتح الباب قدام الناس ويظهر الاثاث السفره والشيفونير والفترينه
تعطي فخامه اكثر للشكل واتساع اكبر للصالون بس لازم يكون الباب كبير جدا على قد ما تسمح الصبات
تحاول تختار طاوله كبيره عشان تكفي اكبر عدد من الضيوف واذا العدد كبير جدا
ممكن تنقل الطاوله خارج الغرفه وتخلي السفره على الارض طبعا هالحكايه اكيد حتسير نادره
لان العزايم ماهي دائمه ونادره جدا او على الاقل العزايم الكبيره
اما ستائر غرفة السفره حاولي تكون طويله جدا خليها تسحب بالارض بمقدار 30 سانتي بالارض او اكثر شوي
وتغير ابواب مثل باب الصالون وباب غرفة السفره وباب غرفة النساء الى بيبان اوكورديون
اما فكرة تبديل صالون النساء بالمطبخ اشوفها فكره غلط بصراحه
لان المقاسات سايره غلط يعني المطبخ ساير اكبر من صالون النساء
انت عارفه لو انا منها فتحت جزء من صالون النساء في المطبخ وتخليه صالون كبير جدا
والباقي من صالون النساء تخليه مطبخ صغير للسيرفس
والمطبخ تنقله فوق عند المعيشه يمكن الان تستصعب فكرتي بس بعدين لما تجرب تعيش فيه بهالوضع
حتعرف انه الافضل ان المطبخ يكون عند صالة المعيشه وقريب من غرف عيالها وجلست العيله
بدل ما تنزل تحت كل مره تبي تطبخ فيها
يعني الفكره انها تخلي غرفة النوم الي بجمب غرفة النوم الرئيسيه وحمامها مطبخ
بس تكون الدواليب في الداخل على اليسار وتخلي المساحه الي بالاول
مساحه لطاوله عشان تاكل عليها الاسره
وممكن تخلي المطبخ مستويين المستوى الي فيه الطاوله اعلى من مستوى المطبخ
يعني تنزلين للمطبخ بدرجه وحده ومن هنا يبداء دولاب المطبخ والدخله حقت الحمام
ممكن تستغلينها كمخزن او تفتحينها بالمطبخ وتسير دخله شكلها مرررررره حلو
وفي صور كثيره عندي بالنسبه للمطابخ ودخلاتها بحاول ادورها لكي واوريك اياها
ولي عوده ان شاء الله بكمل معك افكاري ببيت صاحبتك
ومنزل مبارك


عبــيــق غير متواجد حالياً   اضافة رد مع اقتباس
قديم 12-05-2004, 15:05   12
أم فرح
عضوة شرف عالم حواء
 
الصورة الرمزية الخاصة بـ أم فرح
التسجيل 12-05-2002
البلد : @..الكويـت..@
المشاركات 5,918

ما شاء الله ... البنات ما قصروا ...
أفكارهم حلوة ... بالنهاية تعتمد على رغبة كل واحدة منا وأهدافها ...

وهذا رأيي المتواضع ..

أولا : الدور الأرضي

1) صالة المدخل تفكر تحط فيها دولاب مدخل وفوقه مرايا بالوجه وعلى اليسار يعني بوجه الصالون كرسيين وطاولة وخلفهم لوحة أو تابستري كذا كويس تعتقدون ولا أحسن العكس ؟
عجبتني فكرة عبيق بوضع طاولة في وسط المدخل ... طالما أنه واسع..
وفكرة الكونسول على اليسار ممتازة مع وضع مرآة مناسبة في الحجم ...



وإذا حابة التابستري ... بإمكانها تعليقها بالجدار المقابل للمدخل وتحتها بوفيه
صغير يتناسب مع شكل ولون الكونسول لترتيب بعض التحف عليه ....

أو تضع تحته كنبة بدون ظهر مع طاولة جانبية




وإذا كانت حاسبة مكان مفتاح للكهرباء بإمكانها وضع نافورة صغيرة فوق البوفيه
أو على الكونسول تعطي المزيد من الحيوية للمكان ... مع وحدة إضاءة صناعية




2) الصالون مابعد اشترت الأثاث إيش اقتراحاتكم لها لتوزيع الكنب ؟
أي صالون تقصد ؟؟؟ مع تحديد المساحة وأماكن الأبواب والنوافذ إن أمكن ..


3) الباب اللي بالدور الأرضي اللي يفتح من المغاسل لغرفة الطعام يلغى تماما .
طيب وكيف يتم الدخول لممر المغاسل ؟؟ هل هناك باب في صالة الرجال يؤدي إليها ؟؟؟ أم ماذا


4) الشباك اللي من مغاسل الرجال يطل على المسبح يتسكر ويتسوى على شكل رفوف زجاجية داخلة لجوه ومسلط عليها من فوق سبوت لايت بس تبي أشكال لها .
فكرة حلوة وايد ... وتعطي عمق للجدار ...
شوفي فكرة الجدار هنا من موضوع الأخ MSDesigners


وممكن تضيفين وحدة إضاءة سقفية ...

5) في الحقيقة المطبخ وصالون النساء معكوسة أماكنهم يعني المطبخ هو اللي يفتح على الدرج وصالون النساء هو اللي بالزاوية عند المسبح برضه تحتاج توزيع لأثاث الصالون
الحمد لله أفضل ... لأنها بحاجة إلى المطبخ بصورة أكبر من صالون النساء
فالمطبخ يستخدم بصورة يومية ... وكلما كان أوسع كلما كانت الحركة أفضل وكذلك
لإستغلال الممر الذي يربط بين غرفة الطعام والمطبخ بصورة سليمة ..

بالنسبة لتوزيع الأثاث ... قمت بهذا التوزيع البسيط... وإن شاء الله يناسبها
( طبعا يعتمد على ماهي القطع التي تنوي شرائها )



طبعا تلك كانت قطع أساسية ..

6) تفكر تبني ملحق في المساحة اللي في الخلف ( غرفة وحمام فيه شاور ) عشان مايتوسخ البيت لمن يجونها ضيوف بس ما هي عارفة كيف شكله يكون بالضبط ( يعني تحتاج تساعدونها بمخطط )
أين بالضبط .. ؟؟ في المساحة الجانبية لحوض السباحة تقصد ..؟؟
وياليت تحدد الهدف منه بصورة أوضح .. لأن ربما لن تكون بحاجة له فتضيق مساحة الحوش .


7) المساحة اللي تحت الدرج ماهي عارفة إيش تحط فيها .
ما شاء الله ... أعتقد أن المساحة تقريبا 4م .. فهي تمنحها الحرية في تخطيط
وترتيب ما تشاء من ديكور .. فقط عليك البحث في المنتدى ستجدين مواضيع كثيرة تتحدث
عن إستغلال المساحة التي تحت الدرج .


ولي عودة للطابق الأول إن شاء الله .


أم فرح غير متواجد حالياً   اضافة رد مع اقتباس
قديم 12-05-2004, 15:27   13
سعــ أم ــــود
عضوة مميزة
 
الصورة الرمزية الخاصة بـ سعــ أم ــــود
التسجيل 11-10-2003
البلد : روحي بالرياض وقلبي بجدة
المشاركات 675

مشرفتنا الغالية
أم فرح

مشكووووووووووورة على الرد و تراني والله ملتمسة العذر لكم وكنت متأكدة إنكم مارديتوا مو لأنكم ماتبون بس أكيد مشغولين خصوصاً إن المنتدى ماشاء الله عليه مليان الحين طلبات عشان الكل يبي يغير قبل الإجازة !!

بس بالنسبة للمخطط انا اضطريت أصغره عشان يقبل يتحمل الملف بس انا أقول لك المساحات :

الدور الأرضي :.

المدخل : 4.10 × 4
صالون الرجال : 5 × 7
غرفة الطعام : 5.50 × 5.30
الصالة اللي تحت الدرج : 4×5.30
المطبخ ( اللي بالمخطط مكتوب صالون نساء بس هو في الحقيقة مسلك له مطبخ ) : 4.50 × 6
صالون النساء ( اللي بالمخطط مكتوب مطبخ ) : 4.80 × 4.50

الدور الأول :.
غرفة نوم الولد ( بس هي تبي تحط فيها سريرن مو واحد ) : 3.80 × 6
غرفة نوم البنتين : 4 × 6
الصالة أو غرفة المعيشة : 5.30 × 5.50
غرفة النوم اللي بجنب غرفة النوم الرئيسية : 5 × 4.30 وترا الحمام اللي بالمخطط هو في الحقيقة داخل مع حمام الغرفة الرئيسية فصاير حمام الغرفة الرئيسية أكبر من كذا
غرفة النوم الرئيسية : 5 × 7 وحمامها بعد التكبير 2.60 × 3.30

ومرة ثانية مشكوووووووووووووورة

عبــيــق

شكرا على اقتراحاتك الرائعة تعبتك معاي وحنا بانتظار الصور اللي بترفقينها بس لاحظي إن الغرفة اللي بجنب غرفة النوم الرئيسية مافيها حمام لأن الرجال اللي باني البيت مغير بالمخطط فمسكر فتحة الحمام من هذه الغرفة ومدخل الحمام مع حمام الغرفة الرئسية عشان يكبره ونفس الشيء بالنسبة للمطبخ وصالون النساء هم شارينه وهو كذا مسلك للمطبخ بالغرفة اللي جنب الدرج وصالون النساء هو الغرفة الأصغر

وعلى فكرة ترا أنا وصاحبتي ثنتينا ساكنين بجدة فأي مكان حلو فيه فكرة تقترحينه علينا هنا بجدة إكتبيه


سعــ أم ــــود غير متواجد حالياً   اضافة رد مع اقتباس
قديم 12-05-2004, 15:29   14
سعــ أم ــــود
عضوة مميزة
 
الصورة الرمزية الخاصة بـ سعــ أم ــــود
التسجيل 11-10-2003
البلد : روحي بالرياض وقلبي بجدة
المشاركات 675

واو أم فرح أنا قطعت الاتصال ورديت ويوم شبكت لقيت رجعتيلي بأفكار وصور راااااااائعة الله يبيض وجيهكم ياشيخة


سعــ أم ــــود غير متواجد حالياً   اضافة رد مع اقتباس
قديم 12-05-2004, 15:59   15
سعــ أم ــــود
عضوة مميزة
 
الصورة الرمزية الخاصة بـ سعــ أم ــــود
التسجيل 11-10-2003
البلد : روحي بالرياض وقلبي بجدة
المشاركات 675

المشاركة الأصلية كتبت بواسطة أم فرح
أي صالون تقصد ؟؟؟ مع تحديد المساحة وأماكن الأبواب والنوافذ إن أمكن
كل الصالونين صالون الرجال وصالون النساء بس أنت جزاك الله خير سويتيلها اقتراح حلو لصالون النساء
وعموما صالون الرجال فيه شباك واحد فقط أول ماتدخلين الصالون على يدك اليمين بالنص تماما يعني على واجهة البيت ومافيه باب بس فتحة عرضها متر ونص من المدخل للصالون وماأعجبتها فكرة إنها تفتح الصالون على غرفة السفرة تقول عشان مايضيق الصالون .

المشاركة الأصلية كتبت بواسطة أم فرح
طيب وكيف يتم الدخول لممر المغاسل ؟؟ هل هناك باب في صالة الرجال يؤدي إليها ؟؟؟ أم ماذا
معليش هذي غلطتي ماوضحت بالشرح قصدي تشيل الباب وتهد الجدار وتخلي فتحة على شكل قوس بين المغاسل وغرفة الطعام .

المشاركة الأصلية كتبت بواسطة أم فرح
أين بالضبط .. ؟؟ في المساحة الجانبية لحوض السباحة تقصد ..؟؟
وياليت تحدد الهدف منه بصورة أوضح .. لأن ربما لن تكون بحاجة له فتضيق مساحة الحوش .
لا الملحق خلف المنزل يعني بظهر المطبخ وصالون النساء والهدف منه حمام فيه شاور وغرفة عشان اللي يحتاج تكرمون حمام وهوبالمسبح أو خلص سباحة ويبي يغير يستخدم حمام الملحق بدل مايدخل البيت يعدمه وعموما المساحة هناك عرضها مترين وطولها 9.3 بس طبعا هي ماراح تحتاج للطول كله لأن كل اللي تبيه غرفة صغييييييييرة بحمامها .

ومعليش ياعيوني تعباك معانا بانتظار أفكارك الرائعة للدور الأول وللباقي من الدور الأرضي


سعــ أم ــــود غير متواجد حالياً   اضافة رد مع اقتباس
قديم 15-05-2004, 11:44   16
سعــ أم ــــود
عضوة مميزة
 
الصورة الرمزية الخاصة بـ سعــ أم ــــود
التسجيل 11-10-2003
البلد : روحي بالرياض وقلبي بجدة
المشاركات 675



سعــ أم ــــود غير متواجد حالياً   اضافة رد مع اقتباس
قديم 15-05-2004, 12:51   17
ملكة الحسن
عضوة مميزة
التسجيل 08-06-2003
البلد : الرياض
المشاركات 617

هلا بك عزيزتي أم سعود

أنا سويت المخطط بس بعيده مره ثانيه

لأن حفظته و راح

بس بقولك التعديلات

الي بتطلع حلوه

حسب ما فهمت البيت هذا دوبليكس

كما هو واضح من الرسم

بالنسبة للتعليق

1- مدخل الرجال أول ما تدخلين حسب ما فهمت من الرسم فيه شباك على يسارك و باب كبير على يمينك
و بدون باب يؤدي للمغاسل و الحمام بالوجه على الجهة اليمنى .
==== أول شي الباب الذي يؤدي لمجلس الرجال ماله داعي تستبدل الباب بعمودين جبص و إطار جبصي
علشان ما يكون المكان ضيق . زود عليها ما يحتاج للباب لأن مافي منفذ للنساء يعني حلو يكون المكان مفتوح
يعطي وسع و براح .
الفتحة التي تؤدي إلى المغاسل نفس الشي إطار جبصي نفس الي على الباب الكبير الي لغيناه
الشباك الي على اليمين ستارة حلوة من أعلى السقف إلى الأرض عن اليمين و اليسار لوح و شازلون
الجدار الي بالوجه مرآه كبيره من الأرض للسقف علشان تعطي وسع بإطار فخم
بالمنتصف لا أنصح بطاولة لأنها ستضيق المكان الطاولة للمداخل الكبيرة و المفتوحة مدخل 4x4 متوسط الحجم
سجادة حريرة أو حركات بالرخام للمنتصف ستكون جميلة
نجي للمغاسل

أول شي المغاسل تنتقل من اليسار إلى الوجه تحت الشباك يعني أول ما تدخلين من الباب المغاسل تكون بالوجه
الشباك ينسد تماما و مكانه يكون مرآه ذات إطار فخم و عن اليمين مكان الباب دولاب ذو أبواب جميلة للمناشف
أو بالبلوك الزجاجي ينسد مكان الباب و تحت المغاسل طبعا دولاب خشبي جميل و عن اليسار امتداد للمغاسل بدولاب تحتها أيضا و فوقه لوحتين بجانب بعضهم دعي صديقتك تبحث عن اللوح الخشبية المرسومة بلا إطار
و على الطاولة مناشف و شموع و سلة للمناشف المستعملة و علبة مناديل و حلاو و أعواد أسنان و سلة للقمامة بجانب الطاولة الممتدة التي ستكون نهايتها قبل باب الحمام و طبعا سطح المغاسل من الرخام
طبعا الجدران خليها تعتقهم بالذات المدخل و المغاسل
و تراعي بالمدخل ثريا جميلة تتدلى بالمنتصف
المجلس حسب التوزيع للأثاث الذي تراه مناسبا بس تفتح فتحة بالجدار علىالسفرة تقريبا مترين فالمنتصف
بعدين تركب باب الي يتطبق مو الأوكورديون غيره
نجي للسفرة مافي شي يتعدل كنت أبي أكبر الشباك الي على المسبح بس مافي مجال لأن فيه عمود و صعب
نلعب بالمنطقة هذي
نجي لمدخل النساء أول شي عن اليمين
في جدار مافي عمدان ولا أي شي يننشال كله و ينهد يعني عن اليمين إذا دخلتو من المجلس يطلع الدرج على يدك اليمين علطول .. منطقة الدرج أنتم أحرار بها ممكن مدخل و زرع و أهم شي الشباك يتكبر ز يصير من فوق إلى تحت
و ممكن صالة صغيرة لأنها المنطقة الوحيدة الي تطل على المسبح
أنا مرتفع ضغطي من المهندس ولا شي يطل على المسبح
طبعا الباب حق المجلس حق النساء ينشال و نفس الحركة حقت مجلس الرجال عمودين و إطار جبصي
علشان أول ما يدخلون الحريم على المجلس علطول و هو الي تطيح عينهم عليه علشان نغطي على الخطأ المعماري
عن اليمين مغسلة و عن اليسار حمام مو منظر أبد المغسلة لازم تكون حلوه تحتها دولاب و سطحها رخام
ترتيب الأثاث ما راح أهتم فيه كثير الحين أهم شي التعديلات المعمارية بعدين إنتم بعد ما تسوون التعديلات
إطرحوا موضوع عن التأثيث .
المطبخ أوكي و ممتاز و ما عليه كلام

أهم شي إني أكون أفدتك

و تحياتي لك


ملكة الحسن غير متواجد حالياً   اضافة رد مع اقتباس
قديم 15-05-2004, 13:10   18
ملكة الحسن
عضوة مميزة
التسجيل 08-06-2003
البلد : الرياض
المشاركات 617

مم

بالنسبة للدور الثاني

لا أنصح باللعب به

علشان الغرفة الي تبي تسويها سفرة تسويها

بس الغرفة الكبيرة تخليها رئيسة و ما تغيرها و الثانية الصغيرة ما تغيرها

تخلي بابها مفتوح و فيه سفرة الطعام

وإذا احتاجتها مكتب تسويها مكتب

و إذا احتاجتها غرفة بعدين ترجع عادي

و تخلي الحمام

الشي الوحيد إلي أنصح فيه

ان غرفة النوم الي حمامها بره ينبني جدار ويتقفل يعني

أول ما تناظرين تلقين جدار بالوجه و باليمين باب و باليسار باب

كذا كل غرفة لها خصوصيتها و تحط على الجدار كونسول و لوحة

و بس

ما عندي أي شي ثاني

و تحياتي مره ثانيه



ملكة الحسن غير متواجد حالياً   اضافة رد مع اقتباس
قديم 15-05-2004, 18:11   19
سعــ أم ــــود
عضوة مميزة
 
الصورة الرمزية الخاصة بـ سعــ أم ــــود
التسجيل 11-10-2003
البلد : روحي بالرياض وقلبي بجدة
المشاركات 675

مشكوووووورة يا أحلى ملكة

إقتراحاتك كالعادة ماشاء الله عليك راااائعة

موتتيييييييني ضحك يوم قلت مرتفع ضغطك من المهندس

وبالنسبة لفكرة تدخيلة الحمام مع غرفة الولد حنا فكرنا فيها بس المشكلة ما يصير فيه حمام يخدم الصالة يعني لو جوها أهلها أو ضيوف مقربين ( مثلي طبعا ) يضطرون يدخلون حمامات العيال مررررررررة مو حلوة

وبالنسبة للتأثيث هي لازم تعرف وش تبي تأثث من الحين عشان طبعا لازم بعد ما تكسر وتعدل تضرب بويات وبعدين تبلط فلازم يكون عندها خبر وش الفرش بالضبط اللي بتشتريه عشان تحدد ألوان البويات
وهي مستععععجلة لأنهم لازم بإذن الله ينقلون على بداية الأجازة قبل لايضطرون يدفعون ستة شهور كمان إيجار


سعــ أم ــــود غير متواجد حالياً   اضافة رد مع اقتباس
قديم 15-05-2004, 20:52   20
ملكة الحسن
عضوة مميزة
التسجيل 08-06-2003
البلد : الرياض
المشاركات 617

هلا بك حبيبتي

بالنسبة للأثاث لازم تلف و تدور

بعدين تقرر

هذا آخر شي

الهد مثل ما قلت لك بيطلع أوكي

بالنسبة لغرفة الأولاد أفضل تكون منفصلة

و الحمام موجود بغرفة الطعام الي فوق

يعني مافي مشاكل

أتوقع

و تحياتي

و نصيحة خليها تسكن بعد ما تخلص الهد واللياسة و بعدين على رواق غرفة غرفة

و تحياتي لك يا حلوة


ملكة الحسن غير متواجد حالياً   اضافة رد مع اقتباس
إضافة رد

أدوات الموضوع البحث في هذا الموضوع
البحث في هذا الموضوع:

بحث متقدم
طريقة عرض الموضوع

الإنتقال السريع


الوقت المعتمد في المنتدى بتوقيت جرينتش .
الوقت الان » 14:46.

مواقع عالم حواء | اعلن معنا
جميع الحقـــوق محفــوظة لشبكـة مـــواقــــع عــالم حــواء

[الصفحة الرئيسية] [المنتديات] [الفتاوى الجامعة]


Powered by: vBulletin Version 3.7.1
Copyright ©2000 - 2014, Jelsoft Enterprises Ltd